الرخـامة ليها ناسها ــــــ أى ولله
أرخم حاجة ... ان الرخامة أنواع
و مشتقات الكلمة كتير للأسف
... يعنى تباتة ماشى
تناحة مافيش مانع ...
رزالة أوك
غلاسة برضو شغال
غتاتة
و رخامتها فى كدا !!
يعني تلاقي الواد نازل من بطن امه رخم
اه والله
العيال كلها تنزل على طول ... تلاقي ده رخم
لازم يرخم ع الدكتور قبل ما ينزل ..
يعني مثلا اول ما الدكتور يمسكه
يقوله اوعي ... ايدك لأقطعهالك
الواد يكبر شوية ...
مايعملهاش الا علي ايد واحد ضيف جاي
عندهم في البيت هههههههه
و سبحان الله تلاقي الرخامة دي وراثة
يعني تلاقي ابوه رخم و امه من ارخم خلق الله
الواد يكبر شوية
عمه يجي يزورهم ... تلاقي ابوه الرخم يقوله
تف علي عمه يا وله
اشتمه يا حبيبي
يا أم الرخامة !!!
و يكبر كمان شوية
تلاقيه يجيلنا احنا بقا في المدرسة
و يبخ رخامته في وش المدرسين
تلاقي دم أهله يلطش
و تعليقاته في الفصل ماسخة
و يفضل يكبر يكبر يكبر ... عمال ينشر سمومه
في انحاء مصر كلها
لما يكبر بقا تلاقيه انتشر في كل انحاء البلد
و في كل المجالات و الوظايف
تلاقيه مثلا موظف في مكتب ...
و ماسك المصحف و بيصلي الساعة عشرة الصبح
بيصلي ايه ما تفهمش !!
و معطل مصالح الدنيا و الاخرة بتاعة الناس
تلاقيه واحد رخم منفوخ عليك و علي الناس
و هوا ما يساويش بصلة و لا بيطمر فيه
و فاكر نفسه محصلش في تاريخ البشرية
و عامل نفسه القائد الاعلي للقوات المسترخمة
و بيفهم في كل حاجة
او تلاقيها واحدة عندها تمانين سنة و عاملة فيها
قطة زغنططة
و بتشحت اهتمام الناس حواليها
و عايزة فرقة حواليها
و اللي ما يرحبش بيها يبقا ليلة اهله بني
و المكان اللي محدش يهتم بيها فيه تخلع منه علي طول
تلاقيه واحد موجه مجنون رسمي
جنون العظمة و هوا صفر ع الشمال
و تلاقيه عمال يحكي عن نفسه
و انجازاته و صوته عالي و مفرج عليه المدرسة كلها
المهم الرخمين كتروا اوي في البلد
و الرخامة بقت مرض متفشي
عايز اسمع منكم قصص ارخم الشخصيات
اللي قابلتوها
و اللي يسمع بلاوي الناس تهون عليه بلوته
اصل ربنا ابتلاني بشوية ناس في مجال العمل
من أرخم ما يكون
كنت هحط صورة في اخر الموضوع
لكن
 |
رد مع اقتباس
شكراً لهذا
أعجبني هذا
رد: الرخـامة ليها ناسها ــــــ أى ولله
المشاركة الأصلية كتبت بواسطة محمد بن عباس
المفضلات