اعضاء الثانوية العامة يتحدون مع اعضاء موقع بوابة المعلم للإعتصام المنتظر..
نحن نتناقش عن موضوع الاعتصام
وفى نفس الوقت اخواننا فى موقع الثانوية العامة يتحدثون عن الاعتصام هم الاخرون
وكما نرى .. الموضوع لم يبقى له حل سوا تحركنا واعتصامنا
لن ننتظر القضاء ليعيد لنا حقوقنا ... لأنه لن يفعل للأسف
مطالبنا لازم تتحقق بالضغط على الحكومة
وقد تم تخصيص صفحة على موقع الفيس بوك خاصة بهذا الموضوع
باسم
" معلمون معتصمون "
فى البعض بيقول ريحوا نفسكم كام واحد هيروح اعادا بسيطة وفى الاخر هيتغيبوا وخلاص
أحب أنوه حضراتكم لشيئ
يا ترى فاكرين يوم اختبار الكادر ؟؟؟
طبعا أه .. كان هناك الالاف من المعلمين المساعدين
من الاخر يا جماعة
احنا مش شوية لو اتحدنا كلنا وبقينا ايد واحدة
ساعتها مش هيقدروا يعمولوا حاجة مع الالاف
يا جماعة الخير اذا كنا ناويين نتحرك فلازم نتحرك كلنا
اما اذا كنا هنتكلم وفى الاخر عشرة عشرين واحد يروحو
يبقا احب اقولكم نريح نفسنا بقا وكفايا حرقة دم
ونبقا نستاهل كل اللى بيجرالنا
وبلاش نشتكى لأنفسنا بعد كدا
لأن احنا السبب فى اللى احنا فيه بسبب سكوتنا
لذا
المطلوب هو الترتيب الجيد للإعتصام
وفى كام نقطة عايز اقولكم عليها
1. يا جماعة احنا تعبانين بقالنا كتير عشان كدا لازم نيجى على نفسنا ونتعب يوم واحد مع بعض وكلنا نروح للاعتصام أمام الوزارة وبلاش تقولى المشوار بعيد . دا ممكن المشوار اللى هيغير مسار حياتك
لو عايزين نتفق يبقا لازم نتفق كلنا فى مكان واحد عشان صوتنا يبقا مسموع بأكمبر عدد ممكن مش كل واحد فى بلده .
2. هنبدأ بالاعتصام فى يوم من ابام الاجازة " نصف العام " ونشوف ايه اللى هيتم
والاعتصام القام نهدد بالاعتصام فى يوم هام للوزارة يؤدى الى عرقلة العملية التعليمية وكدا يبقا عدانا العيب وقزح
3. كل واحد مشترك معانا مسئول انه يبلغ زملائه فى الادارة التعليمية بميعاد الاعتصام ولازم بعرفهم ان الموضوع جاد واذا كان فعلا عايز حقه لازم يتواجد معانا .
مفيش كلام اقوله تانى دلوقتى .. كفايه كدا
ونرجو التواصل والترتيب بميعاد محدد نتفق عليه جميعا وما سيتم
وتوضيح دور كل كل واحد فينا فى تبليغ الصحافة والاعلام
ننتظركم فى صفحتنا على الفيس بوك
" معلمون معتصمون "
وكل واحد عنده اقتراح يفيدنا فى الموضوع يتفضل بطرحه .. وان شاء الله نوصل للى احنا عايزينه
رد مع اقتباس
شكراً لهذا
أعجبني هذا
المفضلات