يوميات أم من البلد دى .............!!!!!!!

[نعمه محمود]

قبل ما أبدأ أحب أحيي دعاء وشريف على الفكرة دى لأنه ثبت علميا إن الفضفضة بتخفف الضغوط والتوتر وانا كنت مداومة على كتابة مذكراتى اليومية باستمرار لكن مع الانشغال دلوقتى بقي صعب وبما اننا بنقعد وقت طويل هنا على النت فالفضفضة أونلاين هتكون مفيدة خاصة لو أستفدنا من تجارب بعض
الاطار اللى اخترته لمذاكراتى هو دورى كأم وموظفة بالاضافة إلى انى مهمومة بحال البلدى هحكي لكم هنا عن مواقف يومية بتقابلنى مع ولادى , مع مدرسينهم ,وطبعا هنحكى شوية مع بعض عن المضايقات اللى بتقابلنا في شغلنا فى الشارع
أتمنى أنكم مش تزهقوا ولا تتخنقوا

[دعاء شديد]

هههههههههههههههههه
نسيتى "ايناس"
كده برده دى حاجة تتنسى

لك الله يا نعمه

[نعمه محمود]

اقتباس المشاركة الأصلية كتبت بواسطة دعاء شديد

هههههههههههههههههه

نسيتى "ايناس"
كده برده دى حاجة تتنسى

لك الله يا نعمه

ههههههههههههههههههه نيستها ماتفكرينيش يادعاء

[نهاد فؤاد]

الله يكون فى العون.

بس صدقينى صحيح تعبتى وهتتعبى بس تعب له مذاقه الخااااااااااااااااااااص.


بالتوفيق الدائم ان شاء الله.

[نعمه محمود]

اقتباس المشاركة الأصلية كتبت بواسطة نهاد فؤادالله يكون فى العون.

بس صدقينى صحيح تعبتى وهتتعبى بس تعب له مذاقه الخااااااااااااااااااااص.


بالتوفيق الدائم ان شاء الله.

ميرسي ياقمر ربنا يجعل تعب جميع الأمهات بفايدة
نورتينى

[نعمه محمود]

الحمد لله رب العالمين رجعت قواعدى سالمة اخيراااااااااااااااا

[نعمه محمود]

النهاردة صحيت من النوم الساعه 9 آه ماهو يوم الأجازة بقي أنا فاكرة زمان والولاد صغيرين كنت بصحى يوم الأجازة الساعه 1 الظهر أيييييييييييييه دنياااااااااااا المهم عملت الفطار وبدأت رحلة العذاب والضنا مع المذاكرة لحد الساعه 2 موعد درس الانجلش بتاع عمر آه حكم عمر ابنى فى مدرسة لغات من اللى بيقولوا عليهم فرست كلاس بس للأسف مدرسة الانجلش بتاعته على قدها خالص ( وعجبي) المهم نزلت مع عمر أفندى الدرس وصلته ورحت السوبر ماركت أنا وحبيبة هانم عبد الحميد وطبعا عينكم ماتشوف إلا النور حبيبة بنتى عاوزة تاخد السوبر ماركت وتروح بس على مين جابت نصه بس هههههههههه (أفتكرت البقال اللى كان قصاد بيتنا زمان لو جبنا بربع جنيه حاجات حلوة يقول لبابا وهو راجع من الشغل آه يشتكى له من مصاريفنا ههههههههه بقال عنده ضمير مش زى بقالين زمن العولمة)
المهم خلصنا ورجعت البيت وبدأت فى اعداد الغداء وطبعا هربا من المذاكرة الولاد قعدوا ساعه ع الغدا المهم الآن بدأت استئناف الجولة الليلة من المذاكرة وربنا يستر

[دعاء شديد]

ههههههههههههههههههههه
حلو اوى بقالين زمن العولمه

استمرى واجرك عند الله يا بنتى

[نعمه محمود]

اقتباس المشاركة الأصلية كتبت بواسطة دعاء شديدههههههههههههههههههههه
حلو اوى بقالين زمن العولمه

استمرى واجرك عند الله يا بنتى
ههههههههههههههههههههههه
اه مش احنا برضه فى زمن العولمة

[نعمه محمود]

النهاردة يوم صعب فى كل تفاصيله
طول النهار بسف تراب فى الشارع
ياساتر أيه الجو البشع ده
هروح اخمد ثورة الجياع وارتاح شوية وارجع لكم احكى

[نعمه محمود]

النهاردة بقي السبت أجازة عندى لكن الولاد بيروحوا المدرسة أجازتهم يوم الحد صحيت الساعه 6ونصف والولاد نزلو المدرسة وانا قعدت ساعتين كده على الكمبيوتر وبعدين نزلت لأبدأ رحلة شقاء جديد فى شوارع القاهرة العامرة لإنهاء مشاوير صعب تتعمل في يوم عمل
بدأت بمدرسة حبيبة رحت عشان أدفع فلوس حاجات فى مدرسة حبيبة الطريف بقي اننا بنحايل عليهم ياخدوا الفلوس لاننا مش فاضين نيجى أيام تانية وعجبي المهم لم أتمكن من دفع كل الطلبات لانى لازم أروح بسرعه مدرسة عمر اتفقت مع السكرتيرة انى هرجع لها الساعه 2 عشان ادفع باقي الفلوس
جريت على مدرسة عمر أفندى عشان أقابل مدرسة الانجلش عشان
لاء لازم أحكى لكم حكاية مدرسة الانجلش الأول
يوم الخميس وانا باخد عمر قالى مامم أنا جبت فى امتحان الانجلش 23 من25 قلت كويس وجميل لانه بيدرس حوالى 5 مناهج انجلش المهم قابلت المدرسة قالت لى لاء عمر جايب 18 بس المهم أنبت عمر وعاقبته والولد منهار والله انا جايب 23 المهم قلت لازم أشوف ورقة الامتحان لانى عارفه ان المدرسة دى مضايقة من الولد عشان مبياخدش درس
معلش طولت عليكم يلا قولوا طولى
المهم جبت ورقة الامتحان واذ بي أفاجأ ان كلام عمر هو اللى صحيح والولد فعلا جايب 23 وعينكم بقي ماتشوف الا النور على اللى عملته فى المدرسة والمديرة وأنا أصلا بروح للمدرسة دى اشراف فانتقمت منهم شريرة أصلي ههههههههههههه
استنوا كل ده لسه ماخلصتش يووووووووومى الطووووووووووويل
نزلت من مدرسة عمر رحت اشتريت لهم هدوم شتوى للشتا اللى هجم فجأة ده اشتريت لهم حاجاتهم ورجعت تانى على مدرسة حبيبة عشان أدفع باقى الفلوس اللى حكيت لكم عليها فوق
المهم نجحت أخيرا ودفعت الفلوس وخلاص بقي هروح أهو المفروض إنى خلصت
لالالالالاء إزاى ودى تيجى مايصحش تليفون من أخويا عاوزنى اشترى له بوكيه ورد وشيكولا كويسين عشان رايح يزور واحد صاحبه
طيب وأنا مالى هو صاحبي ولا صاحبك
عيلة غريبة بجد
المهم رحت اشوف الورد احترت قلت له تعالى اختار قالى نص ساعه واكون معاكى طبعا النص ساعه بقت ساعه وانا مزروعة فى العربية باكل تراب من الجو واخيرا الاستاذ وصل وماعجبوش الورد
يلا أحسن
الله يكون فى عونكم
أنا تعبت
بصراحه أنا لو منكم مش هقرا اليوميات الكئيبة دى

[دعاء شديد]

الست دى امى
هههههههههههههههههههههه

بصى هو اليوم اساسا اصلا مش ولابد من اوله
خدى توك توك ليومياتى هتعرفى
يوم كحلى منقط ببنى والايطار رمادى

[نعمه محمود]

اقتباس المشاركة الأصلية كتبت بواسطة دعاء شديدالست دى امى
هههههههههههههههههههههه

بصى هو اليوم اساسا اصلا مش ولابد من اوله
خدى توك توك ليومياتى هتعرفى
يوم كحلى منقط ببنى والايطار رمادى
ههههههههههههههههههههههههههه
ماشي ماشي

[نعمه محمود]

بما إنى ماشفتش الراحه لا جمعه ولا سبت فقررت مروحش الشغل النهاردة لان الولاد كمان اجازة فهى فرصه انى مزلش من البيت فى الجو المريع ده وفرصة اذاكر شوية للولاد

[زهره المدائن]

السلام عليكم ورحمة الله وبركاته

معلش يا جماعه ازمة توك توك

وصلت متأخرة اوي

لكن مااااااااااااااعلينا

اولا : صقفة الشطار للام المصرية

اللي علي حق



أم ولا كلمة الله يكون في عونها

ام واخت وزوجه وست عاملة

خمسة نظام يا جماعه

هنلاقي زيها فين

لا تقولي يابان ولا صين

دي صناعة مصريه عليها العين

يحرسك رب العرش من كل عين

:friendsxs3:

" متابعين يوميات ست الكل "

متتأخريش علينا

[زهره المدائن]

اقتباس المشاركة الأصلية كتبت بواسطة دعاء شديدالست دى امى
هههههههههههههههههههههه

بصى هو اليوم اساسا اصلا مش ولابد من اوله
خدى توك توك ليومياتى هتعرفى
يوم كحلى منقط ببنى والايطار رمادى

ليه كده بس يالي في بالي
سامحها يااااااااااااارب
:bosyht9:

[نعمه محمود]

اقتباس المشاركة الأصلية كتبت بواسطة زهره المدائن

السلام عليكم ورحمة الله وبركاته

معلش يا جماعه ازمة توك توك

وصلت متأخرة اوي

لكن مااااااااااااااعلينا

اولا : صقفة الشطار للام المصرية

اللي علي حق

أم ولا كلمة الله يكون في عونها

ام واخت وزوجه وست عاملة

خمسة نظام يا جماعه

هنلاقي زيها فين

لا تقولي يابان ولا صين

دي صناعة مصريه عليها العين

يحرسك رب العرش من كل عين

:friendsxs3:

" متابعين يوميات ست الكل "

متتأخريش علينا

نورتينى يا أجمل وأرق زهرة فى الدنيا

[نعمه محمود]

بجد تحفه ههههههههههههههههههههههههه
مش ممكن البراءة دى

[نعمه محمود]

يوم عادى شبه أيام كتير مرت بحياتنا
مفيش أحداث جديدة النهاردة

[زهره المدائن]

اقتباس المشاركة الأصلية كتبت بواسطة نعمه محمود

بجد تحفه ههههههههههههههههههههههههه
مش ممكن البراءة دى



هههههههههههههه
اظن يا ام حبيبية دي براءة
زي براءة كل الاطفال لما يقلبوا الدنيا راسا علي عقب
ولا كأنهم عملوا اي حاجه
حتي اسالي عمر أفندي والليدي حبيبة
وممكن الاستعانة بالبرنسيسة " جني "
ربنا يبارك فيهم جميعا

[نعمه محمود]

هههههههههههههه
اظن يا ام حبيبية دي براءة
زي براءة كل الاطفال لما يقلبوا الدنيا راسا علي عقب
ولا كأنهم عملوا اي حاجه
حتي اسالي عمر أفندي والليدي حبيبة
وممكن الاستعانة بالبرنسيسة " جني "
ربنا يبارك فيهم جميعا

آه يازهرة اسكتى أنا بشد في شعرى وشعر الجيران من عمايل الابرياء دول