لقد نفذ حشيشــــــكم ... !
سمعت من واحد زميل كده ابن حلال
(( الله يقطعه )) هوا دايما اللى بسمع منه الاخبار الحكومية المنيلة
ان قال ايه ... خير اللهم اجعله خير
هيعمموا على كل شعب مصر
نظام كروت الشحن فى الكهربا بقا و الميه و النور و الغاز و الخ الخ الخ
يعنى يا حلو رصيدك الكهربى يخلص
هتلاقى نفسك قاعد فى الظلام بقا بالليل
و جو رومانسى تحفة اوعى وشك
و لو انت مش بتاع رومانسية
يبقا تعمل حسابك كويس و تخلى عندك
فى البيت كارت شحن استبن بتاع كهربا
محدش ضامن
و قس على هذا فى كل امور الحياة
يعنى تبقا فى التواليت فى امان الله
و تلاقى الميه قطعت فجأة
و دور على كارت شحن بقا يا ريس
عيش حياتك
و احتمال على فكرة يخلوا الهوا بكارت شحن
يعني لو معاييش كارت شحن استبن ممكن تطلع روحى و انا قاعد
و اموت مخنوق
المبرر بقا عندهم ... ان التجربة نجحت نجاح ساحق
(( على حد قولهم ))
فى الزمالك (( حى الزمالك يعني مش النادي ))
الاجمل من ده كله
ان بعض عاشقى النبات المخدر المشهور (( الحشيش ))
ممكن الشيشة تبعتلهم مسج فجأة
فى وسط ما هما مركزين
على شاشة صغيرة كده بيفكر تجار الصنف
انهم يركبوها في الشيشة
و يقولولهم
((الصنف المطلوب مرفوع مؤقتا من الخدمة ))
أو يقطعوا حبل أفكارهم فجأة
و يقولولهم
(( لقد نفذ حشيشكم ))
تحياتى للافكار الحكومية الجهنمية ... !
 |
رد مع اقتباس
شكراً لهذا
أعجبني هذا
رد: لقد نفذ حشيشــــــكم ... !
المفضلات