مغامره مع سيده من وكاله البلح

[dalila7777]

الاسم : الحاجه ام كريم
المهنه : بائعه ملابس

رمز بسيط للمراءه البسيطه المصريه التى قامت بتربيه اولادها من كدها وعملها ولم تعتمد على الزوج وحده ووسط البائعين ووسط سوق الباله اى الملابس المستعمله الوارده لوكاله البلح وجدت لها مكان بل وفتحت فى احد المناطق الاخرى التى تعتبر راقيه نوعا ما وزبائنها من المهندسين والاطباء ومن الصعب ان تجد بعد الساعه التاسعه مكان لتدخل محلها لان معظم زبائنها ياتون فى ذلك الموعد من كل مكان فهى تبيع ملابس فاخره جدا جدا ولا تصدق ابدا انها وارد الباله والباله فى الاسواق العربيه والخليج اسواق متعارف عليها جدا لكن فى مصر مكانها الاشهر وكاله البلح دخلت انا بقى المحل وكنت بقلب لان الحاجات صراحه كتير اوى عجبتنى

[img3]..[/img3]
قلتلها ام كريم بكام ده قالتلى 320 جنيه قلتلها ليه دى باله يعنى قالتلى لو جبتى ده من برخ حتجيبيه بكام قلتلها اغلى صراحه قالتلى يبقى انا مش غالى انا ببيع بربع التمن
[/COLOR][/SIZE][/B]

[img3]..[/img3]

بصراحه فاصلت كتير اوى ومش اشترييت ولما روحت البيت ندمت جدا وكنت اخدت رقم ام كريم وقلتلها ام كريم اوعى تبيعى الجاكت ده حتجنن فيها لانه اولا ماركه ثانيا شفت اخوه معروض على الانترنت وبخامه اقل فعلا ب 370 يورو بكل هدوء اتحايلت عليها وعيطتلها على الموبايل اصلى اتصاحبت عليها واخدت رقم موبايلها تحجزهولى ورحت تانى يوم ونا جايه من الكليه واخدته بجد كنت حتنقط لو مش جبته سالتها ام كريم ازاى الباله غاليه كده وهى هدوم مستعمله قالتلى لان فى فانتسيتك وارد اوربا وفى نمره تلاته ونمره اتنين ودول معيوبين وفيهم غلطان او مستعمل اما مره واحد فهمى بواقى مواسم مش بتتباع فى بلادها او موضتها راحت او حتى اللون مش مطلوب وبتيجيلنا فى الباله وسبب رخص تمنها انها ما عليهاش جمارك والله الغريب ان كل اللى كانوبيشتروا حواليه جايين بعربيات بجد فارهه استغربت اوى لكن عرفت ان محل ام كريم البسيط ده فى حاجات تنفع لارقى الحفلات اللى فارسنى اوى انه كان حيتباع فعلا وانا داخله البالطو لكن الحمد لله كنت حتنقط فيها وام كريم صدقت فى وعدها وخبتهولى من زباينها اللى بينكشوا دكانتها ومش بيسيبوا حته راقيه فى حالها

[نعمه محمود]

هههههههههههههههه بموت انا في مغامراتك دى وطريقة سردك للأحداث تجنن وطبعا بعد ما اتعرفت على شخصيتك فى الواقع وشفتك على الطبيعه عرفت سر جمال موضوعاتك ياصاحبة القلب الابيض

[dalila7777]

انتى اللى رائعه بجد وان كان على القلب الابيض والمواضيع الروعه فانتى بجد اسلوبك مشوق وطريقتك سلسه جدا ورائعه وبنت اصول بجد ومثال للبنت المصريه الرقيقه المهذبه كما يجب ان تكون ودون اى مجامله يا قمرايه يا بنت الاصول

[صفيه سعداوى]

بجد يا هيباء اجمل حاجة فى الموضوعات انك لكى طريقة مميزه
فى سردك لها بتخلى الواحد عايز يقراها مرة واثنين وثلاثة
تسلمى ياهيباء
شوقتينى أكثر انى اشوفك
موضوع رائع كعادتك

[dalila7777]

ربنا يخلى حضرتك استاذه صفيه لكن بجد احنا ارتبطنا هنا ببعض وكل بنات المنتدى بجد شبه بعض اوى فى السلوك والطباع والتربيه وحتى الالام البنات هنا كلها متشابهه لاننا من صفوه بنات مصر وبكل فخر اقولها لاننا مدرسات ده اولا ثانيا مؤمنين اوى ان العلم هو الجسر المباشر للتقدم والصفوه مكانهم مش برج منفصل عن الناس الصفوه مكانهم الارض يتحاوروا مع الكل ويسعدوا ويخدموا كل الناس ولو بابسط الكلمات انا مغروره بمعارفى اللى على خلق هنا كلهم من افاضل الناس ومعتزه بكل فرد هنا لانهم خلقيا من اجمل وارق الناس وده اللى بيجعل اى كلام طالع من القلب وبصدق وببساطه وتعارفنا كان باسمينا الكامله الحقيقيه واماكن بيوتنا لان هنا بجد ناس من خيره الناس اللى بيتم التعارف بينهم لان كل التجمع هنا لوجه الله ولاجل هدف نبيل نتمنى تعميمه وشرفت بمعرفه الاستاذه نعمه وندمت بجد انى ما تعرفتش عليها قبل كده واتمنى رويه حضرتك فى اقرب وقت ان شاء المولى

[dalila7777]

[IMG][/IMG]

هى دى الحاجه ام كريم اللى بتبيع ملابس حلوه بجد وغاليه وعلى القد وبتحب اوى اوى اوى تبيع للبنات اللى بيلبسوا حجاب ومش بيعجبها الحال المايل ولا تحب البنت اللى مش حشمه انسانه بسيطه اوى لكن جميله اوى مصريه وبتعبر ببساطه عن المراءه المصريه فى كل مكان ان كانت بياعه او فى اى مهنه جدعه وبتحب ترضى ربها فى كل وقت





ودى بقى حاجات من اللى بتتباع عندها وسعرها جميل جدا اوى وعلى قد ايد الشباب ودايما نقول مش مهم اوى موضوع اسم المحل لكن المهم نلبس اللى يليق علينا ويكون حشمه وجميل ورقيق ومحافظ على التقاليد