الفصل السادس الإنترنت Internet
الفصل السادس
الإنترنت Internet
أظنى ما فيش حد ما سمعش بكلمة الإنترنت ، دى بقت أشهر من النار على علم ، اليوم هنشوفها من بعيد ونتعرف على بعض المصطلحات والمفاهيم المستخدمة فيها ويعنى معرفة بسيطة عنها وبإذن الله ربنا يعطينا طول العمر ونتعرف عليها من قريب السنة الجاية فى سنة ثانية .
لما يكون عندى جهاز كمبيوتر ومالوش دعوة بجهاز تانى ولا متصل به يبقى اسمه كمبيوتر وبس ، لكن لما يكون متصاحب عل جهاز كمبيوتر تانى ومتوصلين ببعض واللى فى الجهاز الأول ممكن يروح للجهاز التانى دى يبقى اسمها شبكة
ممكن تعرف الشبكة بقى؟؟؟
آه ممكن وممكن قوى
الشبكة Network
تتكون من جهازين كمبيوتر على الأقل متصلين ببعض
برافو عليك
*ممكن تكون هذه الأجهزة فى نفس الغرفة ( وتسمى شبكة LAN )
*وممكن تكون فى منطقتين متباعدتين ( وتسمى شبكة WAN )
ياترى ما هى أهمية أو مزايا هذه الشبكة ؟؟؟
1-المشاركة فى استخدام الموارد
مثلاُ جهاز فيه طابعة والتانى مافيهوش ينفع إنى وأنا قاعدة على الجهاز التانى وهو بعيد عن الجهاز الأول استخدم الطابعة بتاعته ؟؟؟ أيوة ينفع
2- مشاركة البيانات
بدل ما أكتب مثلاً ملف عندى وبعدين أعمل له نسخة وأحفظها على الكمبيوتر التانى ، يكفى نسخة واحدة على أى جهاز والجهاز التانى هيشوفها وكأنها محفوظة فيه
3- تقليل التكلفة
بدل ما أشترى طابعة لكل جهاز ، واحدة تكفى ، وكمانلما يكون فيه معلومات سرية ومطلوب إرسالها للمدير مثلاُ وخايفة حد يشوفها لما أبعتها للمدير فى دوسيه ممكن عن طريق الشبكة يقراها و أبعتها على جهازه
4- سرعة وكفاءة الإتصال
لكى أبعت رسالة مع واحدو وأنا فى الدور مثلاً السادس واستنى الرد عليها وتاخد وقت لأ ممكن عن طريق الشبكة أرسلها بسرعة
قولنا الشبكة جهازين على الأقل طيب الانترنت إيه هو؟؟
الانترنت
ملايين الأجهزة حول الأرض متصلة ببعضها البعض
وأول ما نجيب سيرة الانترنت ونعرفه لازم على طول تلزق فيه كلمة كمان مأخوذة منه وهى .........
الشبكة العالمية للمعلومات
أو الشبكة العنكبوتيةWorld Wide Web
ويُرمز لها بالرمز ( WWW
وهى عبارة عن ملايين الوثائق " المستندات الإلكترونية " مخزنةعلى مئات الآلاف من مزودات الخدمة المتصلة دائماً بالانترنت .
طيب أنا عشان أتصل بالانترنت ماذا أحتاج ؟؟؟
سؤال جميل
نحتاج للإتصال بالانترنت إلى
1- جهاز كمبيوتر
2- مزود خدمة مثل ADSL - ISP
3- برنامج متصفح الانترنت
- ممكن أسال سؤال ؟؟
- اتفضل
-كيف تعمل الشبكة ؟؟
- بس كدة ، حاضر
المستخدم ... هيدخل أو يكتب عنوان الموقع URL ....فى المتصفح ... والمتصفح هيرسل فى طلب الصفحة أو العنوان من... مزود الخدمة .... ثم يرسلها مزود الخدمة ....إلى الكمبيوتر .......ويقوم برنامج ......المتصفح ......بعرضها على الشاشة .
نيجى بقى للمصطلحات والمفاهيم الضرورى معرفتها للتعامل مع الانترنت
أولاً صفحة المعلومات
*هى مستندات إلكترونية تُكتب بلغة HTML
* كل صفحة لها عنوان URL مميز على مزود الخدمة .
*تحتوى على وصلات نص فائقة .
استنى ما تستعجلش هأقولك يعنى إيه وصلات فائقة فى التعريف التالى
ثانياًالنص أو الصورة الفائقة Hyper Link
شفت لما تكون فى شارع عمومى وتدخل منه على شارع جانبى ويوديك على حارة وبعدين زقاق وإلى ما شاء الله بس كلهم مرتبطين بنفس الشارع العمومى ، هو دا تعريف النص الفائق
*هو نص أو صورة فائقة عند الضغط عليها تنقلنا إلى مكان آخر فى نفس الصفحة
ثالثاًالموقع Web Site
* هو المكان الذى يتم زيارته ويضم صفحة أو أكثر
* الصفحة الأولي به تسمى الصفحة الرئيسية (Home Page )
رابعاً عنوان الصفحة URL
المكان الذى يتم تخزين المواقع فيه.
خامساً مستعرض الويب Browser
برنامج يسمح لك بإستعراض ورؤية صفحات المعلومات مثل
Internet Explorer - Mozilla Firefox
سادساً التبحر فى شبكة الانترنت
بمعنى التحرك بين صفحات المعلومات
ويوجد ثلاث طرق لذلك
1- كتابة عنوان الموقع URL ثم الضغط على ENTER
2- الضغط على وصلات نص فائقة
3- الضغط على أزرار أو صور لوصلات نص فائقة
بعد دا كله
ماهى خدمات الانترنت ؟؟؟
1- البريد الاإلكترونى E-Mail
إرسال واستقبال الرسائل الإلكترونية
2- البحث Search
البحث عن المعلومات
3- استعراض ( (WWW
تتيح لنا التنقل بين المواقع والصفحات
4- الوسائط المتعددة Multi media
تشغيل ملفات الفيديو والصوت من خلال مواقع الانترنت وتخزينها على جهازك .
انتهى الفصل السادس
وانتهى الباب الأول
 |
رد مع اقتباس
شكراً لهذا
أعجبني هذا
المفضلات