تجديد عقود المكافاه الشامله فى الغربيه

[MASTERPIECE]

وصل فاكس للادارات فى الغربيه انهارده الاربعاء بتجديد عقود المكافاه الشامله من اول يوم السبت القادم وذلك لكل من كان يعمل بالعقد الشامل لسد العجز .............
الخبر ده اكيد لانى كنت فى الاداره انهارده
بس ربنا يستر وميكونش فيه شروط معينه لتجديد التعاقد

[masrea5050]

يعنى هيتجدد العقد تانى مكافاة شاملة مش مميز اية الاستهبال اللى بيعملوة فينا دة

[masrea5050]

نقعد تلات شهور من غير شغل خالص وبعد كدة نرجع بميت جنية دة كيلو الطماطم بقى بعشرة جنية
خلاص ناخد المرتب نعمل بية طبق سلطة

[هشام الحامولى]

طبعا انتوا عارفين الرد
مش عجبك فى الف غيرك يتمنوا
يعنى من الآخر هو كده و إن كان عاجبك

[winwaw]

هههههههههههههههههههههههههههههههههههههههههههههههههه هههههههههههههههههههه

[hdaa]

ربنا معاكم كل مدرسين المكافأة الشاملة حيث أعلم مدى الجهد الذى تقومون به ويارب يرزقكم بالعقد المميز عن قريب ان شاء الله

[masrea5050]

انا بشتغل اخصائية نفسية بالعقد اللى بميت جنية دة
الفراش فى المدرسة بيقولى تعالى اقوفى معايا فى كانتين المدرسة ابيع معاه ونقسم بالنص
الفراش بيتريق علينا
علية العوض ومنة العوض

[hdaa]

فى الحقيقة العيب مش على الفراش العيب على البلد اللى بتهين معلميها ما هموا اللى حطونه فى الوضع ده

[mero rose]

على فكره مرتب عقد المكافأه الشامله الجديد235جنيه
لان اخصائي اجتماعي استلم عندنا النهارده بالمكافأه الشامله

[MASTERPIECE]

انا اللى اعرفه ان العقد الشامل ابو 100 جنيه

[هشام الحامولى]

على فكرة فى فاكس جه امبارح بيقةل أن اللى كانوا بالمكافأة الشاملة السنة اللى فاتت هيتعملهم عقد مميز
مبرووووووووووووووووووووك

[mramrooo]

عندكم فى الغربيه ولا كل المحافظات

[داليا عبد الرحمن]

اقتباس:
المشاركة الأصلية كتبت بواسطة هشام الحامولى
على فكرة فى فاكس جه امبارح بيقةل أن اللى كانوا بالمكافأة الشاملة السنة اللى فاتت هيتعملهم عقد مميز
مبرووووووووووووووووووووك





يارب
لكن عندنا في ناس في اداره ابشواي في الفيوم بعد ما استلموا العقود وراحوا المدارس امبارح مشوهم من المدارس وقالهم جه فاكس بالغاء العقد العادي

[masrea5050]

ياريت نبقى مميز بس انا استلمت العمل فى المدرسة بعقد المكاقاة الشاملة ومكتوب فية 100 جنية زى السنة اللى فاتت

[mo_shoeb1]

انا استلمت العمل فى المدرسة بعقد المكاقاة الشاملة ومكتوب فية 100 جنية زى السنة اللى فاتت

[داليا عبد الرحمن]

اقتباس:
المشاركة الأصلية كتبت بواسطة داليا عبد الرحمن
اقتباس:
المشاركة الأصلية كتبت بواسطة هشام الحامولى
على فكرة فى فاكس جه امبارح بيقةل أن اللى كانوا بالمكافأة الشاملة السنة اللى فاتت هيتعملهم عقد مميز
مبرووووووووووووووووووووك





يارب
لكن عندنا في ناس في اداره ابشواي في الفيوم بعد ما استلموا العقود وراحوا المدارس امبارح مشوهم من المدارس وقالهم جه فاكس بالغاء العقد العادي



الحمد لله رجعوا تاني انهارده المدارس لكن برضو عقد عادي ب 100 جنيه

[masrea5050]

حاجة تسد النفس الواحد مالهوش نفس يشتغل خالص ,, حتى المميز ب300جنية ميعملوش حاجة بس ارحم من 100 جنية اللى تكسف دى
والاسم شغالين فى الحكومة يا فرحتى

[MASTERPIECE]

احنا مش عارفين هو المميز هينزل فعلا والمرتب بقى 250 جنيه؟اللى يعرف حاجه اكيده يقولنا

[ابو ضحي]

بسم الله الرحمن الرحيم
السلام عليكم ورحمة الله وبركاته
الكلام عندنا كان علي مميز ورست علي مكافأه شامله ب100جنيه

[أبرار]

أنا بشتغل بالمكافأة الشاملة أخصائية تطوير من السنة اللي فاتت وقالوا هيتعاقدوا معانا لكن وقفوا التعاقدات بشكل مؤقت دي معلوماتي
أنا مش متابعة قوي ولابشوف تي في ولاحاجة
لأني زهقت أصلا من الكلام ده كله وبقالي فترة مريحة دماغي من التوك شو والقرف ده من قبل رمضان ومش ناوية أشوف الشلل ده تاني كفاية اللي إحنا فيه

أما عن المكافأة اللي ب250 أة 300 دي فده على حد علمي برضه بند تاني في المكافأة الشاملة غير البند اللي ب100 جنيه اللي إحنا شغالين بيه وربنا يعينا


ومتفقة مع الرأي ده جدا

فى الحقيقة العيب مش على الفراش العيب على البلد اللى بتهين معلميها ما هموا اللى حطونه فى الوضع ده

حسبي الله ونعم الوكيل

ياريت لو فيه أي حاجة أو أي تطورات بخصوصنا تبلغونا