بيتزا الجلاش
المقادير
نص كيلو جلاش
3 معالق سمنه حوالى 75 جرام
بيضتين
معلقتين كبار لبن
فلفل رومى شرائح
طماطم شرائح رفيعه
ربع كيلو عصاج لحمه مفرومه عليه معلقه صلصه واحده متوسطه
زيتون
جبنه مبشوره رومى او موتزاريلا
الطريقه
حندهن الصينيه سمن معلقه سمن
بعدين حنحط طبقات الجلاش كل طبقه تلات ورقات اول طبقه حندهنها بسيط من البيض واللبن
ونحط تانى طبقه وحنحط تلات ارباع العصاج بس نصف منه الصلصه
بعدين نحط الطبقه التالته ودى اللى حتكون اساسيه نحط اللحمه المفرومه والطماطم والزيتون وبعدين نحط شويه بيض من اللى عليه معلقتين لبن
ونرش الجبنه فوق الوش ونحط اخر طبقه ودى حوالى اربع او خمس ورقات
ومش بنحط عليها اى حاجه وندهن الوش شويه سمن سايحه بعدين نرش جبنه فوق الوش
ونكون مسخنين الفرن كويس
وقبل ما تدخل الفرن نقطعها قطع صغيره مربعات وبتاخد فى الفرن ما بين 15 دقيقه ل 25 دقيقه حيب ما يحمر الوجه ونقدم جنبها سلطه خضرا او سلطه بطاطس ومخلل عادى حسب الرغبه
وهى بتتقدم سخنه
والف هانا وشفا
 |
رد مع اقتباس
شكراً لهذا
أعجبني هذا
المفضلات