امتحانات السودان 2014 واجابتها النموذجية --- تابع اخبار التعليم في الفيس بوك

آخـــر الـــمـــشـــاركــــات

النتائج 1 إلى 17 من 17

الموضوع: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

  1. #1
    موجه اللغة العربية للمرحلة الثانوية الصورة الرمزية محمد عبد العظيم وسية
    تاريخ التسجيل
    Mar 2009
    الدولة
    يهتز قلبي عندما يقال مصر
    المشاركات
    1,395
    شكراً و أعجبني للمشاركة
    معدل تقييم المستوى
    1945

    Lightbulb أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    السلام عليكم جميعا ورحمة الله وبركاته
    أولا وحشتوني جدا ... أعضاء وزوار ... مقيمين وراحلين وإن شاء الله من تاني راجعين ... صغيرين وكبيرين ... طلاب ومعلمين ... وانزل في الدواسه علشان الكمين .

    ثانيا : هنقلكم الوصف التفصيلي لرحلة اسكندرية 2010 وهسيبكم تحكموا على المواقف العجيبة اللي حصلت ..
    وقبل ما أبدأ الوصف التفصيلي ..
    حبيت أعمل نوع من الإثارة والتشويق للأحداث فأنقلكم بعض الإعلانات علشان كل واحد يسيب اللي في ايديه واللي في رجليه وينتبه معانا :



    مع الإعلانات :

    وسية : اتأخرت ساعة وعشر دقايق ... طيب لما أشوفك يا أشرف أنت وعباس.

    أسامة : الموبايل .. قدر الله وما شاء فعل .

    أحمد صيام : عايزين نتصور نفس الصور في نفس مكان السنه اللي فاتت .

    هشام : بصوا كده العربية ام مقطورة دي يمكن هيه اللي جايبهالنا أشرف للرحلة .

    ــــ الأرنبيات .
    ــــ السرخسيات ... ابوك السقا مات .
    ــــ يارب الزمالك يكسب مره واحده في اي حاجه .
    ــــ يا محمد هات الأسئلة من فوق .

    ــــ للأسف الزمالك متقدم .
    ــــ حرب أكتوبر 1973 كانت سنة كام ؟ اللي مصر كسبت فيها اسرائيل ، كانت بين مين ومين ؟ ومين اللي وصل للنهائي ؟
    ــــ أول مره نشوف تكييف في باص بيدخل هوا وناموس وتراب وقطط وكلاب .
    ــــ السبنسة
    ــــ أزمة شرف
    ــــ عجمستا شريف

    ــــ بديعه مصابني .... مين اللي صابني بقا ؟.
    ــــ طقطق وريكا ووسية بيه .
    ــــ كلاشيكوف
    ـــ ظاظا
    ـــ وسية كسب في بدون كلام يا رجالة ... أول نصر لوسية في حياته ، وتققريبا آخر نصر .

    ـــ انت بتغمز يا عباس والا دي حالة عصبية ؟
    ـــ مين اللي نزلك يا نيله ؟ انت بتنزل بمزاجك ؟
    ـــ عمال أغمزلك من الصبح .. أحدفك بقالب طوب عشان تفهم ؟
    ـــ أشرف لزق ومش راضي يطلع من الغمزة .
    ـــ وسية خرج من الغمزة يا رجاله يا شماتة مدام ظاظا فيك يا وسية .

    ـــ يا ترى مين الاتنين الغير متوقعين انهم يكسبوا في الغمزة ؟

    ـــ أشرف بيحاول يرش ميه على شريف ووسية .
    ـــ وسية : أشرف لازم يندم على رش الميه يا شريف ... لأن رش الميه عداوة فما بالك لما تكون ميه مالحه كمان .
    ـــ أشرف يغرق يغرق يغرق ... وبيبقلللللل .
    ـــ وسية وشريف منتصران وسعيدان
    .
    ـــ وسية وشريف زعلانان وحزينان ومدايقان من الضفادع والسحالي البشرية اللي انقذت أشرف.
    ـــ عمو السكعروتي بيسمح لأي حد ينزل الميه ماعدا الرحلة .. تفتكروا ليه ؟

    ـــ وسية يجازف فوق الصخور .
    ـ
    ــ وسية يواجه أعتى الأمواج .
    ـــ شريف خايف لحسن يتبل .

    ـــ عباس بيقول : واد يا عبد الرحمن .. واد يا عمر .. ماحدش يقرب من الموجه هتتبلوا ...
    وهوه أول واحد بيروح مع وسية وشريف يتبل ، فإذا كان عباس البيت في الموجه مبتلا فشيمة عبد الرحمن وعمر الغرق .
    وسية : يا شريف الميه انهارده فيها ملح زياده صح ؟
    ـــ عصر الهدوم بطريقة حديثة .
    ـــ مباراة قوية طاحنة رهيبة خطيرة
    .
    ـــ هشام لأشرف : ما بين حبي وخوفي عليك من فضلك اقفل رجليك .
    ـــ الحاج شعبان : العيال دول بيأننوا .
    ـــ أسامة : ارفع قدام ومالكش دعوة .
    ـــ وسية جاب جون رغم تدمير البنطلون .
    ـــ عز : لازم الزمالك برضه يكسب .
    ـــ أشرف لعباس : أنا فرحان أوي يا عباس لأن وسية اتهزم
    عباس : يا ابني وسية معاك في الفريق
    أشرف : مش مشكله المهم ان وسية اتهزم وخلاص .


    .............
    سنعود بعد قليل إن شاء الله .
    التعديل الأخير تم بواسطة محمد عبد العظيم وسية ; 06-08-2010 الساعة 07:16 PM

  2. #2
    مراقب عام المنتدى
    عضو مجلس الإدارة
    الصورة الرمزية mr.osama
    تاريخ التسجيل
    Mar 2009
    الدولة
    الزقازيق
    العمر
    55
    المشاركات
    6,666
    شكراً و أعجبني للمشاركة
    معدل تقييم المستوى
    7217

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    يا سلام عليك يا وسيه ..
    فعلاً عناوين في الجوووول ..
    تعتبر ملخص لكل ما تم في الرحلة ..
    وأعتقد أنه يجب أن تسميها
    عناوين الأخبار
    وليس إعلانات ..
    ونحن في انتظار التفاصيل
    من وجهه نظرك
    وطريقة عرضك الممتعة
    للمشاركة والتعليق ..
    "ادخلوا مصر إن شاء الله آمنين" صدق الله العظيم

  3. #3
    مشرف عام المرحلة الابتدائية بالمنتدى الصورة الرمزية السيد سليم
    تاريخ التسجيل
    Mar 2009
    الدولة
    قرموط صهبرة
    المشاركات
    872
    شكراً و أعجبني للمشاركة
    معدل تقييم المستوى
    1422

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    وسية وشريف زعلانان وحزينان ومدايقان من الضفادع والسحالي البشرية اللي انقذت أشرف.

  4. #4
    موجه اللغة العربية للمرحلة الثانوية الصورة الرمزية محمد عبد العظيم وسية
    تاريخ التسجيل
    Mar 2009
    الدولة
    يهتز قلبي عندما يقال مصر
    المشاركات
    1,395
    شكراً و أعجبني للمشاركة
    معدل تقييم المستوى
    1945

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    عدنا بفضل الله .

    حبيبي ابن بلدي مستر أسامة اللي حاول وتعب وعمل اللي عليه في المباراة الطاحنة وجاب اكتر من ست جوان .. لكن سعد زغلول قال مفيش فايده وخسرنا برضه
    هنخليها عناوين الأخبار عشان خاطرك .

    نبدأ يا جماعة الوصف التفصيلي للرحلة ، وياريت اللي حضروا وشرفونا يفكرونا بأي أحداث هامة أنا نسيتها ... انتو عارفين بقا الواحد خلاص حسن الختام والسن له حكمه وبدأ الزهايمر يستهبل معايا .

    ـــ
    بدأت الرحلة من الفيوم واتجهت إلى القاهرة ثم إلى بنها .. وقبل بنها اسيب اللي حصل في الباص لأشرف وعباس وشريف وعز وطارق لأنهم حضروا وانا ماكنتش موجود ..

    ـــ
    بدأت بالمهندس هشام ومستر أسامة وأحمد صيام ووسية ركبنا من الزقازيق واتجهنا إلى بنها
    وبعد كوبري بنها انتظرنا كالعادة زي السنه اللي فاتت .
    ووو
    ووو
    ووطااااااااااااال الانتظار
    قولنا يمكن خير
    كل تأخيره وفيها خيارايه .
    لكن التأخير طول أوي
    ووصل لساعة وأكتر
    ومن التأخير جلس مستر أسامة فوقع موبايله وبفضل الله لمحه مهندس هشام ونبهنا للموبايل واكتشفنا ان وش الموبايل الأصلي اتكسر لكن الشاشه الحمد لله سليمة ونسينا ناخد تمن الوش الأصلي من أشرف المتأخر وعباس وآل عباس وشريف وطارق والحاج شعبان وأولاده وفريق الفيوم الجميل .
    ــ
    ما أطولش عليكم .... قولوا طول ..
    اتصلت بعباس وقالي خلاص باقي اربعين دقيقه وأشرف قال نص ساعة
    وبعدين اتصل أشرف بعد ساعة بمستر أسامة وقالوا خلاص كمان عشر دقايق
    المهم ورمنا يا حضرات من الوقفه والقعده والقعده كانت متعبة جدا والوقفه كانت منيله بنيله ..
    الطقس : كان مغيم وشنبوره شديده تنذر بحر شديد .
    أم هند ....
    أم هند يعني المهم .. عشان تركزوا معايا .
    أم هند .. وصل الباص الرهيب الخطير المكيح ... قصدي المكيف
    نزل شريف وأشرف وعباس وطارق وسلموا علينا وأحضان مطارات وكانت أحضان حارة لوسية لأنه كان مسافر يا عيني وغايب عن الوطن الحبيب بقاله سنة .
    ركبنا الباص ... واكتشفنا أن التكييف جاي في الباص اللي وراه .
    وأن التكييف اللي في الباص بتاعنا عباره عن فتحة سقف بدخل هو وتراب وقطط وكلاب ولو سهينا شويه ممكن تدخل قطيع من البقر الوحشي

    أم هند .. ما اطولش عليكم ... قولو طول .

    ركبنا وسلمنا على الوجوه الجديدة
    فريق الفيوم الجميل وكان منهم أ. أحمد والحاج شعبان واسرته وشروق اللي للاسف دخلت فريق الزمالك ومحمد وأحمد شعبانان .
    والغالي طارق ممدوح زكي واسرته الكريمة ..
    واللي جالس في مدرجات الدرجة التالته مش هيشوف حاجه واللي جالس في مدرجات الدرجه التانيه برضه مش هيشوف حاجه أما اللي جالس في المقصورة فأكيد مش هيشوف حاجه لأن النور قاطع في الملعب أساسا .

    على اليمين أ. شعبان وعائلته وخلفه مباشرة شروق ورامي وخلفهم أ. طارق وأسرته وخلفهم مستر شريف وعز وحيد الزملكاوي الأصيل المنتصر وخلفهم أو آدم أشرف ومهندس هشام وخلفهم مش فاكر بقا .. هو انا مخي دفتر .
    أما على اليسار فتجد عباس وابنه عمر وأحيانا عبد الرحمن حسب التساهيل .
    وخلفهم مستر أسامة وبجواره المفروض وسية لكن وسية كانت جالس على كرسي بلاستيك أحمر لا مؤاخذة ... جمب الباب واللي طالع واللي نازل بيخبط في جمب وسية الشمال ــ اتهريت والله .. لكن علشان خاطر نبدأ المسابقات الثقافية على طول .
    وخلف وسية ومستر أسامة أحمد صيام وأحمد شعبان وخلفهم عبد الرحمن عباس بن فرناس وخلفهم بقا فريق الفيوم الجميل .

    أم هند .. ما أطولش عليكم .. قولوا طول .

    سنعود بعد قليل إن شاء الله ..
    واوعوا تقلبوا المحطة أو تقلبوا الكمبيوتر على الأرض .

  5. #5
    إدارة الموقع
    عضو مجلس الإدارة
    الصورة الرمزية أشرف السيد
    تاريخ التسجيل
    Mar 2009
    العمر
    41
    المشاركات
    3,710
    شكراً و أعجبني للمشاركة
    معدل تقييم المستوى
    10

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    يا خبر ابيض

    من الواضح اني طلعت في البطيخ اللي بيطلع من موسم الخريف

    منتظرين بقية رواية ليلة بنت الاسكندرية

    وقاهرة المعز

    وبنها

    بجد موضوع شيف وفي الانتحار

    قصدي شيق وفي الانتظار

    وسلم لي على ام هند
    خطوات نحو العلم
    ---------------

    الله المستعان

  6. #6
    عضو ممتاز
    تاريخ التسجيل
    Mar 2009
    الدولة
    Cairo
    المشاركات
    7,033
    شكراً و أعجبني للمشاركة
    معدل تقييم المستوى
    7663

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    سيبك انت يا وسية
    جاوبنى الاول
    ايه حكاية الارنبيات الى كنت
    مصمم تسأل كل الاسئلة عنها
    لفريق الاخوة الاعدقاء ؟
    هوا كان فى حد فينا شبه الارنب ولا حاجة ؟

    اجمل لحظة عيشتها فى الرحلة
    اللحظة الشفافة اللى
    وقعنا فيها اشرف السيد فى البحر

    بجد كانت لحظة تجلى

    حسيت بعدها بشعور غريب
    من الانبعاج اللا خنفسى
    شعور لا يقاوم

    لدرجة كنت نفسى اكررها كتير
    فحلمت امبارح انى و بمساعدة
    مشرفين المنتدى كلهم
    غرقنا اشرف السيد تانى

    بس مكانش فى البحر


  7. #7
    شمس المنتدى المشرقة الصورة الرمزية شمس بياض
    تاريخ التسجيل
    Mar 2009
    الدولة
    اينما توجد قلوب بيضاء دائما اتواجد
    المشاركات
    3,090
    شكراً و أعجبني للمشاركة
    معدل تقييم المستوى
    3640

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    حمدا لله على سلامتكم

    فين باقى التفاصيل
    ولا انت تشوقنا للاحداث وخلاص
    طوووووويب

    لا حظ دى تالت رحلة تقول ان الوصف التفصيلى جاى

    واظاهر انه لسه ما تفصلش اصلا:bosyht9:

    بجد وحشتنا مواضيعك ياوسيه
    لاحرمنا الله منك اخى الفاضل
    ونتمنى ان ينضم اليكم فى الرحلة القادمة

    اخانا العزيز على الجميع
    رمانه ميزان منتدانا


    اكيد


    عرفته

    كانت الرحله هاتبقى اجمل واجمل

    بوجود الليدر


    مسيو وليد

    وكمان كانت هاتبقى احلى واحلى
    بعناصرنسائية فعاله
    واخيرا

    التعديل الأخير تم بواسطة شمس بياض ; 06-08-2010 الساعة 10:21 PM

  8. #8
    مراقب عام المنتدى (ثالث) الصورة الرمزية ياسر الدقاق
    تاريخ التسجيل
    Apr 2009
    الدولة
    إيتاي البارود - البحيرة
    المشاركات
    2,475
    شكراً و أعجبني للمشاركة
    معدل تقييم المستوى
    3046

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    ياسلااااااااام عليك يا مبدع
    والله مبدع من يومك
    منتظرين باقي الحكاية
    بس متطولش علينا
    منتظررررررررررررررررررررررين

  9. #9
    مشرف سوبر الركن الاسلامي ( تعالى للجنة) الصورة الرمزية زهره المدائن
    تاريخ التسجيل
    Jan 2010
    الدولة
    دنيـــــــــ الله ــــــــــــــــــــا
    المشاركات
    1,359
    شكراً و أعجبني للمشاركة
    معدل تقييم المستوى
    1962

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    السلام عليكم ورحمة الله وبركاته
    اولا
    وقبل كل شئ وأي شئ
    حمدالله بسلامه "محمد بيك وسية "
    سمعنا عن حضرتك كتير من أول كليك لينا علي الموقع
    ما شااااااااااااااء الله حضرتك مسمع جامد
    نورت مصر يا ملك الضاد
    ثانيــــــا
    عناوين حضرتك عن الرحلة ما شاء الله
    لوحدها حكايه لا فض فوك
    بس ياريت توافينا بالتفاصيل كامله
    بدون اي حذف من الرقابة المصنفات الحاسوبية
    وكل عنوان بتفاصيله مدعم بصور
    الرائع المتألق دائما
    المهندس هشام
    كل رحلة وحضرتكم بخير

  10. #10
    ادارة الموقع الصورة الرمزية محمد بن عباس
    تاريخ التسجيل
    Mar 2009
    المشاركات
    12,211
    شكراً و أعجبني للمشاركة
    معدل تقييم المستوى
    10

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    ايه يا وسية فين الفرح وصلى صلى على كوبرى ستانلى وبعد كدة كلنا جرينا والسبب عند محمد وسية

  11. #11
    موقوف
    تاريخ التسجيل
    Aug 2010
    المشاركات
    6
    شكراً و أعجبني للمشاركة
    معدل تقييم المستوى
    0

    Thumbs down رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    اقتباس المشاركة الأصلية كتبت بواسطة محمد بن عباس مشاهدة المشاركة
    ايه يا وسية فين الفرح وصلى صلى على كوبرى ستانلى وبعد كدة كلنا جرينا والسبب عند محمد وسية
    وصلى صلى على النبى صلى
    عليه أفضل الصلاة وأتم التسليم
    التعديل الأخير تم بواسطة جمعه عاشور ; 08-08-2010 الساعة 04:25 PM

  12. #12
    مراقب عام المنتدى
    عضو مجلس الإدارة
    الصورة الرمزية mr.osama
    تاريخ التسجيل
    Mar 2009
    الدولة
    الزقازيق
    العمر
    55
    المشاركات
    6,666
    شكراً و أعجبني للمشاركة
    معدل تقييم المستوى
    7217

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    اقتباس المشاركة الأصلية كتبت بواسطة محمد عبد العظيم وسية مشاهدة المشاركة

    وخلف وسية ومستر أسامة أحمد صيام والمهندس/ هشام كمال الدين

    سنعود بعد قليل إن شاء الله ..

    واوعوا تقلبوا المحطة أو تقلبوا الكمبيوتر على الأرض .

    مش ملاحظ أن القليل ده طول ..

    واضح أن الفقرة المرة دي إعلانية لأنها طولت قوي ..

    ياترى متى سينتهي الفاصل الاعلاني ..؟

    في انتظار باقي التفاصيل

    من وجهه نظرك

    وطريقة عرضك الممتعة

    للمشاركة والتعليق .. من جديد
    التعديل الأخير تم بواسطة mr.osama ; 08-08-2010 الساعة 08:51 PM
    "ادخلوا مصر إن شاء الله آمنين" صدق الله العظيم

  13. #13
    موجه اللغة العربية للمرحلة الثانوية الصورة الرمزية محمد عبد العظيم وسية
    تاريخ التسجيل
    Mar 2009
    الدولة
    يهتز قلبي عندما يقال مصر
    المشاركات
    1,395
    شكراً و أعجبني للمشاركة
    معدل تقييم المستوى
    1945

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    عدنا بفضل الله

    والله أنا بقالي كام يوم مش عارف أرد ... بسبب مشكلة .. المهم اتحلت تقريبا الحمد لله

    هنكمل الأحداث المثيرة للرحلة الخطيرة وبعدين هرد عليكم واحد واحد وواحدة واحدة ونافر نافر ونفراية نفراية

  14. #14
    موجه اللغة العربية للمرحلة الثانوية الصورة الرمزية محمد عبد العظيم وسية
    تاريخ التسجيل
    Mar 2009
    الدولة
    يهتز قلبي عندما يقال مصر
    المشاركات
    1,395
    شكراً و أعجبني للمشاركة
    معدل تقييم المستوى
    1945

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    ام هند ....
    قسمنا الفرق المتنافسة في المسابقة الثقافية أربع فرق :
    فريق الرسالة أ. شعبان وعائلته وأحمد وأحمد صيام والمهندس أحمد .
    وفريق الزمالك : عز وحيد ، وشروق ، وبعض فريق بيت الطاعة .. قصدي بيت الخبرة .
    وفريق الإخوة الأعداء : شريف وأ. هشام وأشرف وحد تاني من بيت العز يا بيتنا .. قصدي بيت الخبرة .
    وفريق الفاروق : محمد عباس وأسامة وبعض الخوالف من بيت الرعب .. قصدي بيت الخبرة .
    ــــــ
    وبدأت المنافسة الرهيبة وكان التقدم مع الألم مع الأسف والأسى والحزن والمرارة والحسرات والآهات والدموع .. لفريق الزمالك ... وفريق الرسالة كان خصم عنيد .
    والأسئلة كانت جميلة والمنافسة قوية وشريفة لحد ما بعض أعضاء فريق الأخوة الأعداء شكك بدبوس في ضمير لجنة التحكيم ،
    وخاصة إن أشرف أخد أ. هشام معاه في الفريق لأنه اعتقد خطأ أن الأستاذ هشام عمال يقول لوسية هات من فوق هات الأسئلة من فوق .. مش هيه دي الأسئلة اللي اتفقنا عليها امبارح ..
    لكن هيهاااااااااااااااااااات ....
    والسؤال الخطير كان هوه وحاولوا تختبروا نفسكم فيه :
    الأرنب من فصيلة : ( القوارض ــ الفيوميات ــ الأرنبيات ) .
    وكل الفريق قال : ( القوارض ) وكانوا واثقين من نفسهم أوي .
    لكن الإجابة المفاجأة كانت ( الأرنبيات )
    فاعترض فريق وحياة الأخووة ( الأخوة الأعداء ) وقالوا ازاي ... الأرنب من القوارض يعني هوه والفار ولاد خالة .
    لكن الإجابة كانت عندي ( الأرنبيات ) .
    وشهد شاهد من أهلها وقال : أن الأرنب رخم .. عمل فصيلة لوحده اسمها الأرنبيات واللي مش عاجبه الإجابة قدامه أكتر من حل .. يا إما يشرب من بحر اسكندرية ويستحمل الملوحة ، أو يخبط دماغه في شبابيك الأتوبيس بس ياريت يحاسب على التكييف ، أو الحل الأخير أنه يقعد مع الخوالف ، وإياك تسألني يعني ايه الخوالف دي هههههههههههههههههههههههههههه

    لكن المفاجأة الحقيقة فعلا ... لما ..
    يووووووووووه معلشي يا جماعة النور قطع ..
    هنكمل بعدين إن شاء الله .

  15. #15
    مراقب عام المنتدى (ثالث) الصورة الرمزية ياسر الدقاق
    تاريخ التسجيل
    Apr 2009
    الدولة
    إيتاي البارود - البحيرة
    المشاركات
    2,475
    شكراً و أعجبني للمشاركة
    معدل تقييم المستوى
    3046

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    بلاش التشويق دا يا أستاذ محمد
    بصراحة بالرغم إني حضرت الأحداث دي
    يعني شاهد عيان علي الواقعة
    إلا إني مستمتع جداً بروايتك لها
    بس متغيبشي علينا
    وميقطعشي النور تاني
    بالرغم إني نفسي أعرف النور قطع وسابك تكمل الكلمتين دول إزاي
    لازم كنت مخزن كهربا

  16. #16
    موجه اللغة العربية للمرحلة الثانوية الصورة الرمزية محمد عبد العظيم وسية
    تاريخ التسجيل
    Mar 2009
    الدولة
    يهتز قلبي عندما يقال مصر
    المشاركات
    1,395
    شكراً و أعجبني للمشاركة
    معدل تقييم المستوى
    1945

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    عدنا بفضل الله ــ
    أم هند ..
    واصل فريق الزمالك تقدمه على باقي الفرق ولكن تقدم عليه فريق الرسالة لأن الأستاذ شعبان كان عامل شغل جامد جدا في الأسئلة ،
    أما فريق الإخوة الأعداء وحياة الأخوة فطبعا كان متأخر جدا ، لأنهم كانوا لسه مركزين مع أ. هشام اللي كان عمال يقول لوسية كفاية بقا ابدأ الأسئلة من فوق ... على أمل انهم يكسبوا بالزور والبهتان والتزوير والكوسه والملوخية والتلاعب والغش والخديعة والمكر والدهاء والأبواب الخلفية اللي ناحية الخوالف كده .. وإياكم حد يسألني يعني ايه الخوالف ... انتوا فاهمين ؟؟؟؟؟ ..
    ما يعرفوش ان لجنة التحكيم نزيهة وشريفة وعظيمة وكفايه كده لانكم نسيتم اللي كنا بنتكلم فيه ،
    أم هند .. ما اطولش عليكم قولو طول ..
    شكك فريق الزمالك في لجنة التحكيم واستحقوا خصم نصف درجة على عدم ثقتهم في اللجنة ، ولكنهم اعتذروا بعد كده والصلع خير .
    أم هند ،
    المنافسة كانت رهيبة بين فريق الرسالة وفريق الزمالك على المقدمة
    والمنافسة كانت برضه رهيبة بين فريق الأخوة الأعداء ( أشرف وشريف وهشام ) وبين فريق ( الفاروق ) عباس وأسامة على المؤخرة ,, خوفا من أن الفريق الأخير هيكون مع الخواف ، وطبعا مشكلة عويصة أن الفريق الأخير يبقى جنب الخوالف ...وزي ما اتفقنا ماحدش يسأل يعني ايه خوالف .
    ــ
    أم هند .. ما اطولش عليكم قولو طول.
    نزلنا استراحة واستقبنا المحترم جدا جدا جدا جدا ... لا مؤاخذة نسيت كمان واحده .. ( جدا )
    ياسر الدقاق .
    ـــ
    واستكملنا المنافسة الرهيبة ودخلنا على أسئلة السرعة .. وكانت النتيجة قبل السرعة تقدم نص درجة لفريق الرسالة على فريق الزمالك ،
    ولما سألنا أسئلة السرعة .. للأسف الأسيف كل الفرق خسرت في أكتر 3 أسئلة ، ولا فريق جاوب صح ،
    وفي السؤال الرابع .. فاجأ فريق الزمالك الجميع وحصل على درجتين مرة واحدة ،
    وبعدين فاز فريق الرسالة وأكتر من سؤال سرعة للجميع ،
    وأعلنت النتيجة اللي كانت على غير المتوقع .
    المركز الأول : فريق الزمالك للأسف الأسيف وللألم الأليم .
    المركز الثاني : فريق الرسالة
    المركز الثالث : الأخوة الأعداء ... الأرنبيات .
    المركز الرابع والأخير : فريق الفاروق .. واللي هيكون مع الخوالف .. وماحدش يسألني يعني ايه خوالف طبعا .
    ــــــــــــ
    وخلاص مع انتهاء المسابقة الثقافية كان باقي على المنتزة عشر دقائق ،
    وصلنا بفضل الله إلى المنتزة
    ولما نزلنا من الأتوبيس المكيف الجميل لقينا ايه بقا ...............

    معلشي يا جماعة المخرج بيشاورلي ..
    هنكمل بعدين إن شاء الله

    انتظرونا .

  17. #17
    إدارة الموقع
    عضو مجلس الإدارة
    الصورة الرمزية أشرف السيد
    تاريخ التسجيل
    Mar 2009
    العمر
    41
    المشاركات
    3,710
    شكراً و أعجبني للمشاركة
    معدل تقييم المستوى
    10

    افتراضي رد: أكششششن وإثارة وكوميديا وتحدي وتفاصيل رحلة اسكندرية خطوة خطوة مع وسية

    على فكرة لو شفت المخرج بتاعك ده

    هولع فيه وفي اللي يعارض الخوالف وما لكش دعوة بالخوالف

    وما حدش يسألني يعني ايه خوالف طبعا
    خطوات نحو العلم
    ---------------

    الله المستعان

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 34
    آخر مشاركة: 26-07-2010, 08:54 PM
  2. رحلة اسكندرية
    بواسطة عبد الرحمن نافع في المنتدى رحلة الاسكندرية
    مشاركات: 15
    آخر مشاركة: 08-03-2010, 12:58 PM
  3. مسابقات رحلة الفيوم وهزيمة محمد بن وسية وبن عباس ( تغطية 2 )
    بواسطة أشرف السيد في المنتدى رحلة الفيوم
    مشاركات: 6
    آخر مشاركة: 12-08-2009, 03:47 AM
  4. رحلة الفيوم وتفاصيل عنها
    بواسطة أشرف السيد في المنتدى رحلة الفيوم
    مشاركات: 24
    آخر مشاركة: 31-07-2009, 04:48 AM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML