عروس الصعيد ... المنيــــــــــــــــا

**طارق ممدوح ذكي محمد** · 26-04-2009, 01:54 AM

المنيا روعة الماضي وجمال الحاضر
نبدأ مع اطول واجمل كورنيش على النيل

**طارق ممدوح ذكي محمد** · 26-04-2009, 01:57 AM

المنيا عروس الصعيد

- عاصمتها المنيا

- اصل تسميتها :

يرجع الى الاسم الفرعونى ( منعت خوفو ) ويعنى مرضعة خوفو - وفى العصر الاسلامى اطلق عليها ( منية بن خصيب ) – ثم اطلق عليها ( منيا الفولى ) تيمنا بالعارف بالله الاستاذ على بن محمد على المصرى الشهير ب ( أبو احمد الفولى ) .

·شعارها :-

رأس الملكة نفرتيتى زوجة فرعون مصر اخناتون

- تعتبر محافظة المنيا متحفا مفتوحا وسجلا خالدا لجميع العصور التاريخية التى مرت على مصر ( الفرعونية – اليونانية – الرومانية – القبطية – الاسلامية – ثم العصر الحديث ) .

·العيد القومى للمحافظة :-

- يوافق العيد القومى للمحافظة 18 مارس وهو ذكرى انتصار أبناء المنيا فى ثورة 1919 على الانجليز وقتلهم الضابط الانجليزى ( بوب ) بمدينة ديرمواس .

- تعتبر المنيا عروس الصعيد وتبلغ مساحتها ( 32279 كم2 ) يقطن 79% من السكان القطاع الريفى .

- تتكون المحافظة من (9) مراكز ادارية تضم (9) مدن بالاضافة الى مدينة المنيا الجديدة واجمالى الوحدات المحليــــة (61) وحدة يتبعها (358) قرية تابعة تضم (1715) عزبة ونجع .

- تضم المحافظة جامعة المنيا بها (16) كلية بالاضافة الى المعهد العالى للتمريض ومعهد تكنولوجيا المعلومات بمدينة المنيا الجديدة .

- تعتبر المنيا من المحافظات الزراعية ويبلغ اجمالى المساحة المنزرعة ( 480629 ) فدان وتشتهر بانتاج القطن والقمح وقصب السكر والذرة الشامية والعنب والخضروات واهمها الطماطم – وتمثل أولى المحافظات فى انتاج القمح كما تقوم بالمحافظة كثير من الصناعات على هذه الزراعة مثل صناعة السكر والعسل الاسود وتجفيف البصل والثوم .

**dream** · 26-04-2009, 02:01 AM

ايوة كده ورينا جمال المنيا

تسلم ايدك

**مسيو وليد عسكر** · 26-04-2009, 02:02 AM

يا سيدي يا سيدي علي الجمال
ايه الحلاوه دي
لا كده هتخلي عروستنا تغير من عروستكم
والخطاب هما الحكم بيناا
الف شكر ياجميل علي موضوعك الرائع ومنتظرين بقيه الصور

**طارق ممدوح ذكي محمد** · 26-04-2009, 02:04 AM

صوره مجمعه لاهم آثار المنيا

**طارق ممدوح ذكي محمد** · 26-04-2009, 02:08 AM

شكرا استاذه احلام واستاذ وليد

وهعمل ايه غيرت من موضوعكم الرائع

عن المنصوره الجميله وناسها الاجمل في كل شيء

وبالنسبة للخطاب يا مسيو اعتقد ان المنصوره

دايماً بتاخد المركز الاول في جذب الخطاب

**MohammeD el_SadaT** · 26-04-2009, 05:08 AM

هههههــــههههه
أيوه ياعم مين هيشهد للعروسه

بجد يا أستاذ طارق المنيا مدينه ساحره وجميله
تسلم إيدك
على إتاحه لنا الفرصه لمعرفتها أكثر
وأكثر

**طارق ممدوح ذكي محمد** · 26-04-2009, 06:20 PM

المشاركة الأصلية كتبت بواسطة mohammed el_sadat

هههههــــههههه
أيوه ياعم مين هيشهد للعروسه

بجد يا أستاذ طارق المنيا مدينه ساحره وجميله
تسلم إيدك
على إتاحه لنا الفرصه لمعرفتها أكثر
وأكثر

ربنا يبارك فيك يا محمد و يسلمك من كل سوء

شكرا على مرورك الكريم

**أفنان أحمد** · 26-04-2009, 06:49 PM

جميلة فعلا

لم أكن أعلم أن المنيا بهذا الجمال

شكرا على الصور و المعلومات

**طارق ممدوح ذكي محمد** · 26-04-2009, 08:43 PM

شكرا استاذه افنان واليكِ والى كل الزملاء

اقدم مجموعه من الصور عن اكبر و اجمل جامعات مصر

جــــــامعة المنيـــــــــــا

**مسيو وليد عسكر** · 26-04-2009, 09:15 PM

جميل جداا استاذ طارق هذه الصور
ومش هوصيك علي صور استاد المنيا الرياضي
دايما كان وشه نحس علي الزمالك وبيخرجوا منه شايلين عارهم
فرجنا ومتعنا يا ريس

**طارق ممدوح ذكي محمد** · 26-04-2009, 09:49 PM

المشاركة الأصلية كتبت بواسطة وليد عسكر

جميل جداا استاذ طارق هذه الصور
ومش هوصيك علي صور استاد المنيا الرياضي
دايما كان وشه نحس علي الزمالك وبيخرجوا منه شايلين عارهم
فرجنا ومتعنا يا ريس

بس كده يا غالي من عيني

قريب قوي هجيبلك صور للاستاد

ان شاء الله ...

وعقبال ما ترجع الايام الحلوه

ويرجع فريق المنيا للاضواء تاني

**مسيو وليد عسكر** · 26-04-2009, 09:53 PM

الف شكر يا اخي الغالي
ويارب تكون المنيا دايما فارس الصعيد في الدوري الممتاز

**طارق ممدوح ذكي محمد** · 27-04-2009, 12:31 AM

بعض من آثار المنيا

جبانة بنى حسن Beni Hasan

تقع جبانة "بنى حسن" على الضفة الشرقية للنيل حوالى 20 كم جنوبى المنيا. ويوجد بهذه الجبانة أكثر من 30 مقبرة متميزة ترجع إلى عصر الدولة الوسطى وهى ذات أحجام مختلفة وتم نحتها فى جرف من الحجر الجيرى.

مدخل "بنى حسن".

أعمدة البازيليكا التى توجد بقاياها فى "هيرموبوليس" بالقرب من "ملوى".

وكانت هذه المدينة فى الماضى مركزاً لعبادة الإله "توت" أو "تحوت" Thothإله الحكمة لدى قدماء المصريين. وكان "تحوت" أيضاً إلهاً للقمر والإله الذى يقيس الزمن، إلى جانب كونه رب السحر والحكمة. وكانوا يصورونه على هيئة رجل برأس "إيبيس" (طائر أبو منجل) ibis، أو على شكل "إيبيس"، أو على هيئة قرد "بابون" برأس كلب dog-headed baboon. أما زوجته فهى الإلهة "معات" Maatإلهة الحقيقة والعدالة وإبنة "رع"، وكانوا يصورونها على هيئة امرأة وعلى رأسها ريش نعام.

**امة الرحمن** · 27-04-2009, 01:20 AM

الله ديه المنيا جميله اوي

صور بجد تحفه يااستاذ طارق

واحنا كمان عندنا عروسه

عروسه البحر المتوسط كله

بجد المنيا جميله خالص

شكرا لحضرتك

**طارق ممدوح ذكي محمد** · 27-04-2009, 01:32 AM

المشاركة الأصلية كتبت بواسطة طمعانه في رضاك يارحمن

الله ديه المنيا جميله اوي

صور بجد تحفه يااستاذ طارق

واحنا كمان عندنا عروسه

عروسه البحر المتوسط كله

بجد المنيا جميله خالص

شكرا لحضرتك

شكرا ليكي على مرورك الكريم

ويا بختكم باسكنريه وبحر اسكندريه

**شمس بياض** · 27-04-2009, 09:40 PM

والله وشوقتنى ازور المنيا

ولو ان الوقت مش مناسب

اعزمنا فى فرحك قريب ويمكن ناجى

المنيا فعلا عروس الصعيد وفيها ناس طيبين كتير

لكن في بعض قراها عادات ما انزل الله بها من سلطان
على العموم هناك صحوة دينيه فى المنيا

جزاكم الله خيرا على الصور الجميلة

**امل لاشين** · 28-04-2009, 12:47 AM

فعلا جميله المنيا

وبجد صور جميله ومعلومات قيمه جدااااا

الف شكر يا استاذ طارق عليها....

**طارق ممدوح ذكي محمد** · 28-04-2009, 02:06 AM

المشاركة الأصلية كتبت بواسطة شمس بياض

والله وشوقتنى ازور المنيا

ولو ان الوقت مش مناسب

اعزمنا فى فرحك قريب ويمكن ناجى

المنيا فعلا عروس الصعيد وفيها ناس طيبين كتير

لكن في بعض قراها عادات ما انزل الله بها من سلطان
على العموم هناك صحوة دينيه فى المنيا

جزاكم الله خيرا على الصور الجميلة

بارك الله فيكي ومعزومه ان شاء الله طبعا

بس دعواتك معانا وان شاء الله المنيا تنور بيكي