الدرس الثاني: أكتب أسمك بالريشة.....

[المهندس هشام كمال الدين]

بسم الله الرحمن الر حيم
الدرس الثاني من دروس الأميج ريدي
كتابه الأسم او التوقيع أو......................
مثال الموضوع



لو عايز تتعلم تعالي...............................

الدر س الثاني بدأ مع أختفاء الراغبين................................
التعلم هذه المره بتسجيل أسماء الراغبين وسيتم أرسال رساله خاصه للراغب
بادر بتسجيل أسمك اولا وسيتم اخبارك بموعد البدأ أذا أكتمل عدد مناسب
أشهدي يا إداره .... والله ما قصرت!!!
بأنتظاركم

[جمال سراج]

أنا أول واحد بسجل يا باشمهندس هشام
ربنا يبارك لك
ما قصرت سيدى
إن شاء الله يكتمل العدد ونتعلم كلنا مع روائعك
خالص التقدير والاحترام

[mr.osama]

معاك إن شاء الله .. أيها المبدع م/ هشام كمال الدين ..

[المهندس هشام كمال الدين]

أنا أول واحد بسجل يا باشمهندس هشام
ربنا يبارك لك
ما قصرت سيدى
إن شاء الله يكتمل العدد ونتعلم كلنا مع روائعك
خالص التقدير والاحترام

أستاذي الفاضل / جمال سراج
نشكر تواضعكم الجم
وبصراحه أبذل مجهود في التحضير وأبحث عن مواضيع شيقه وتكون بالفعل جاذبه
للراغبين وممتعه في نفس الوقت وتقابل بفتور
مش عارف فين السبب يظهر ان النقل أسهل وكتابه شكرا..... بارك الله فيك
هي اللي ماشيه في المنتديات وبتجمع عدد معقول من المشاركات تفيد عن التواجد المستمر
دون أدني فائده للغير... أعزرني
فأنا تعودت أن أصنع العمل ولا أنقله بل وأعلمه لغيري....
ولكن أظاهر أننا نعمل بالمثل القائل: شراء العبد ولا تربيته
دمت بود.

[المهندس هشام كمال الدين]

معاك إن شاء الله .. أيها المبدع م/ هشام كمال الدين ..

معايا في الدرس الأول ولا الثاثي!!
تأكد أن أشتراكك يذيد الموضوع تشريفا بس لازم تتواجد
سأرسل لك رساله تفيد بالبدأ
نورت الموضوع.

[جمال سراج]

وبصراحه أبذل مجهود في التحضير وأبحث عن مواضيع شيقه وتكون بالفعل جاذبه
للراغبين وممتعه في نفس الوقت وتقابل بفتور
مش عارف فين السبب يظهر ان النقل أسهل وكتابه شكرا..... بارك الله فيك
هي اللي ماشيه في المنتديات وبتجمع عدد معقول من المشاركات تفيد عن التواجد المستمر
دون أدني فائده للغير... أعزرني
فأنا تعودت أن أصنع العمل ولا أنقله بل وأعلمه لغيري....
ولكن أظاهر أننا نعمل بالمثل القائل: شراء العبد ولا تربيته
دمت بود.

دا حالنا يا باشمهندس هشام
معلش يا باشمهندس المفروض اننا لا نمل بأى حال
وعلى أى الأحوال أكيد فيه ناس تحب تتعلم والله وانا منهم باذن الله
انا أؤيدك تماما أنا مهتم جدا اننى اتعلم الجديد دون أخذه على الجاهز
ربما ناخد على الجاهز لو كان معندناش وقت نتعلم او اذا مكناش نقدر
ربنا يبارك فى حضرتك ويجزيك الخير ويزيدك محبة فى قلوبنا
خالص شكرنا لحضرتك

[نعمه محمود]

انا مع حضرتك باشمهندس والله نفسي اتعلم الحاجات الجميلة دى
وياريت لو حاجة فاتتنى اعوضها

شكرا لكل مجهوداتك

[ياسر الدقاق]

معك بإذن الله يا بشمهندس
نفسي أتعلم عمل الروائع إل بنشوفها في شغل حضرتك

[سمير الجابرى]

معاك يا باشمهندس
بارك الله فى وقتك

[المهندس هشام كمال الدين]

انا مع حضرتك باشمهندس والله نفسي اتعلم الحاجات الجميلة دى
وياريت لو حاجة فاتتنى اعوضها

شكرا لكل مجهوداتك

هصدق هذه المره
أنتظري رساله البدأ
شكرا أستاذه نعمه
لمرورك الغالي

[المهندس هشام كمال الدين]

معك بإذن الله يا بشمهندس


نفسي أتعلم عمل الروائع إل بنشوفها في شغل حضرتك

أكيد الموضوع سيذداد شرف
بسيادتكم
انتظر رساله البدأ استاذ/ ياسر
شكرا لمرورك الغالي

[المهندس هشام كمال الدين]

معاك يا باشمهندس


بارك الله فى وقتك

في انتظارك أ/ سمير
انتظر رساله البدا

[دعاء شديد]

انا معكم ان شاء الله
وعلى فكره يا بشمهندس
حضرتك صح جدا جدا
وتقدم موضوعات مفيده وهامه
واعلن تقصيرى غير المقصود لظروف عملى
والتى تصل بى اننى لا ارغب حتى فى كتابه اسمى
لذلك
اعتذر عن تقصيرى فى التفاعل
لكنى اتباع

حضرتك لك مكانه عاليه اوى عندنا
ونقدر عملك المميز جدا

[عبدالله حسن رياش]

وانا وانا معاكم يا باش مهندس
واسمح لي برأي ممكن يكون فيه حل
وخاصة إن الادارة مشاركة معانا
ليه حضرتك ما تعملش التدريبات دي زي مشروع في البوابة
له ايام للتدريب
كلنا نجلس معاك
ويبقى الجميع مع بعض
بحيث اللي عند سؤال أو استفسار حتى التطبيقات مع بعض
انا عارف ان ده اللي حضرتك بتعمله
لكن الادارة ممكن تعمل اعلان للمشروع ده وتنزل اعلان عنه قبل بدايته بكام يوم في الشريط الرئيسي للبوابة
ويبقى في اختبار وجوائز وأوسمة وشهادات تقدير من الادارة
وربنا معاك

[عزه حسن]

جزاك الله خيرا

معك بإذن الله تعالى

الدرس الأول لم أحضره

هل يوجد ملخص عنه

تقبل تحياتى

[سنا مصر]

آسفة ما تابعتش من الاول ، بس اللى خمنته إنه تعليم فوتو شوب لو صح أنا معاكم، ولو مش صح برضو معاكم ،بأحب أتعلم ،ولأكبر مشاركة واستفادة للأعضاء ممكن حضرتك تواظب على ارسال رسايل مشاركة لهم وأنا منهم ، حضرتك عارف حجم البوابة كبيييييير وممكن ما نكونش بنتابع كل حاجة باستمرار ، وفعلاً بارك الله فى حضرتك ووقتك

[صفيه سعداوى]

ما شاءالله
ايه الروعه والعبقريه دى يابشمهندس
تسمحلى انضم معاكم
ولو أنى الدرس الاول فاتنى كان نفسى اتعلمه
بارك الله في جهدك ووقتك
تقبل منى كل الاحترام والتقدير

[استاذ على]

إن شاء الله معاكم ..

[محمد كامل محمود]

اسمح لى يا باشمهندس ان انضم اليكم وارجو ان تعيد الدرس الأول حيث ان موضوعكم هام جدا وأعذرنى للتأخير لبعض المشاغل وضيق الوقت خاصة ايام الاستعداد لامتحانات الدور الثانى للشهادات والنقل .
حقا الموضوع مميز وهام .
مع وافر شكرى واحترامى وتقديرى لجهد سيادتكم

[نعمه محمود]

هصدق هذه المره

أنتظري رساله البدأ
شكرا أستاذه نعمه

لمرورك الغالي

صدق يا باشمهندس ومنتظرة اشارة البدء