السلام عليكم
اريد أن أحصل على دبلومة تربوى فى أسرع وقت؟ وللعلم انا حصلت على دورة تدريب تربوى من معهد الدراسات التربوية القاهرة ومعى شهادة بذلك فهل تغنى هذه الشهادة عن الدبلومة؟ وجزاكم الله خيرا
السلام عليكم
اريد أن أحصل على دبلومة تربوى فى أسرع وقت؟ وللعلم انا حصلت على دورة تدريب تربوى من معهد الدراسات التربوية القاهرة ومعى شهادة بذلك فهل تغنى هذه الشهادة عن الدبلومة؟ وجزاكم الله خيرا
اسرع وقت
اركب القطر الاحمر او طيارة
لا تغني هذه الشهادة عن الدبلومة
شكرا mo1112
ويا بندورة عيب كده انا ممكن ارد بس انا راجل محترم
بص حضرتك الشهادة الا بتقول عليها لاتغنى ام اسرع طريقة فلا يوجد الا حل واحد وهو ان انت تقدم فى الدبلومة للأسف لا يوجد
حل اخر وانصحك ان انت تدخلها فى طنطا لأنها بتناسب كتير الناس الابتشتغل + انها تيرم واحد وربنا يوفقق
يا أستاذ محمد اولا الف شكر على النصيحة ولكن انا اسكن فى الجيزة ونحن الان نتبع اكتوبر بعد التغيرات الاخيرة واذا سمحت كيف يمكننى التقدم فى طنطا وكم عدد المواد التى يتم دراستها ارجو من سيادتك مزيد من المعلومات وكل عام وانت بخير ورمضان كريم
ما هو يا أخ سيد
الأخت بندور برده معذورة
فيه حاجات بديهية لا يسأل عليها
وعموما لابد من أخذ الدبلومة من أحد كليات التربية التي تناسبك أنت
اولا التقدم فىكلية التربية فى طنطا هتركب طنطا وبعدين سرفيس داخلى تنزل عند المحافظة وتسأل فى الكلية وغالبا التقديم بيبقى فى شهر تسعة لما يسألوك انت بتشتغل ولا لا قلهم لا لأن لو قلتلهم بشتغل هتخدها على سنتين علشان تخدها على سنة لازم تقلهم انا متفرغ
كده وكده يعنى المهم ان عدد المواد كبير جدا بصراحة وده نظام موجود فى كل الكليات مش طنطا بس هما حوالى 13 مادة + التربية العملى
بالنسبة للمصريف فهى حوالى 870 جنيه غير مصريف الكتب بالنسبة للتربية العملى فالحضور بيبقى حوالى فى شهر واحد شهر اتنين
وممكن تظبط مع المشرف بتاعك تقريبا انا مرحتش اكتر من 5 مرات اوست مرات بالنسبة للحضور فى المحاضرات فهو مابينتظمش الا بعد امتحانات الترم التانى وممكن تتعرف على ناس تاخد منهم المحاضرات كل اسبوع مثلا بس لازم تتابع مع حد لو مش هتقدر تروح علشان مواعيد الامتحانات العملى بصراحة هى سنة صعبة بس طنطا افضل كتيير من نحية الحضور والتيرم الواحد من كليات كتيير
وبالتوفيق ان شاء الله
بالنسبه للدبلومه فهى لابد ان تكون سنه كامله معلش هى طويله بس هنعمل ايه والله انا فى نفس المشكله وكل الناس قالت ليا اعمليها السنه دى واخلصى بس انا لسه بفكر بس الى اقدر افيدك بيه انى انت ممكن تعملها تبع جامعه القاهره واون لاين بمعنى انى حضرتك توفر على نفسك مجهود المواصلات والحضور وتذاكر وتاخد محاضراتك عن طريق النت ودا واحده صحبتى عملته وربنا معانا جميعا
مع خالص امنياتى بالتوفيق وشكرى للمعلومه المفيده من الاستاذ محمد بخصوص جامعه طنطا
شكرا أستاذ محمد جيرال على كل هذه المعلومات الدقيقة وربنا يوفق الجميع لما يحبه ويرضاه
شكرا aa-mm
ولو ممكن نتعاون مع بعض اذا مكنش فيه مشاكل علشان نصراحه عايزين نشوف اخرتها مع الناس اللى بتلعب بينا وشكرا
لا شكر على واجب زميلنا العزيز الاستاذ سيد وان شاء الله اى جديد هعرفه وهعمله بخصوص الدبلومه هبلغك بيه عشان تستفيد
مع خالص امنياتى بالتوفيق للجميع يارب
شكرا جزيلا mm-aa
ورمضان كريم
الزميل العزيز احب اعرفك انى التقديم فى الدبلومه التربوى ابتدى انهارده وانا كنت قلت لحضرتك عن الدبلومه الالكترونى بالنسبه لاهم شروطها انى يكون معاك اصل شهاده الا اى سى دى ال وان تكون تقديرك على الاقل جيد اما بالنسبه للاوراق المطلوب فهى
1-اصل شهاده البكالوريوس
2-اصل شهاده الميلاد كمبيوتر
3-2 صوره بطاقه الرقم القومى
4-6 صور شخصيه ولو مش عندك ممكن تتصور فورى تاخدها فى نص ساعه من عند اى استوديو عشان انا عارفه مشكله الصور الى الكل بيعانى منها
5- احضار ما يثبت انك تعمل بالتدريس وانا سالت عن النقطه دى قالو تجيبى صوره العقد الجديد + تقرير كقاءه نموذج (4) مده سنتين معتمده من المدرسه والاداره التعليميه
6- اصل شهاده الا ى سى دى ال ودلى اهم شئ لازم يكون معاك لانها شرط اساسى للقبول
بالنسبه لتقرير الكفاءه انا لسه عماله اسئل عنه بس قالو بيتجاب من الاداره التعليميه
وعلى فكره الدبلومه دى بتبقى من جامعه القاهره من معهد الدراسات التربويه بالجامعه والتقديم لمده 15 يوم بيبتدى من 1/8 حتى 15/8 من االساعه التاسعه صباحا وحتى الواحده ظهرا والرسوم 845 جنيه + 40 جنيه كشف طبى
مع خالص امنياتى بالتوفيق ان شاء الله
اسرع دبلومة تربوية خد نصيحتى وعلى بنى سويف جرى
وعليك بكلية التربية جامعة بنى سويف معلش هغرموك فلوس كتيير فى الدبلومة لكن هيريحوك دكاتره محترمين ومقدرين لحالتنا واحتياجنا للدبلومة وعميد محترم جداً هتروح تدفع الفلوس والكارنية وبعدين تتابع اواخر شهر مارس سكشن ولا اتنيين وتسلم الشتات
وأن شاء الله جيد جداً على الاقل
وأسال مجرب
الف شكرaa-mmانا فعلا قدمت اول يوم فى القاهرة بس لسه معملتش الكشف الطبى هو بيتعمل منين بالظبط ؟وبالنسبة لنظام الدراسة هيكون ازاى علشان انا نسيت اسأل الموظفة لأنها كانت مستعجلة والمواد ايه وكام وشكرا
انا للاسف لسه مش عارفه اخلص ورقى ادعولى كل شويه تطلع ليا مشكله ومش عارفه اقدم للنهارده وياريت الزميل العزيز تقولى بالنسبه لنموذج اربعه الخاص بتقدير الكفاءه الى طالبينه
فى المدرسه الناظر مارضيش يمضى عليه وكتب صيغه تانيه بتثبت انى بعمل بالمدرسه من الفتره كذا لكذا ومختومه بختم النسر وختم المدرسه
اما بالنسبه للكشف الطبى كنت سمعت من صحابى انك هتتصل بنمره موجوده فى المعهد خاصه بمكان الكشف الطبى وتتصل بيهم عشان يحددو ليك ميعاد الكشف الطبى وهتدفع دمغات بحوالى 40 جنيه
بالنسبة لتقرير الكفاءة المفروض ان المرسة بتعمله كل سنه لجميع العاملين بما فيهم المتعاقدين وبيروح الادارة التابع ليها المدرسة واحنا بستلم نسخة منه على فكرة لازم تكون مختومة بختم الادارة وبختم النسر والتقرير ده عبارة عن درجات تمثل اداء العمل والانتظام فى المواعيد وخلافه وهى من 100 درجة وعلى فكرة لازم لايقل التقير عن 90 مش أقل .
وكمان لو انتى متعاقده من 1/1/2008 يبقى لازم تيجيبى تقريرين لاخر سنتين مرة تانية التقارير دى بتنجاب من الادارة التابعه ليها مدرستك وأى استفسار أخر أنا فى الخدمة بس حولى بسرعة علشان الاعداد اللى بتقدم كتير ولو انتى معاكى الicdlيبقى قدمى اليكترونى افضل ومش لازم تقدمى اصل شهادة ال icdl بتقدمى الافادة اللى بتخديها من المركز اللى امتحنتى فيه وبتمشى انا عملت كده وربنا يوفقنا جميعا
الف شكر الزميل العزيز على الافاده بس انا الحمد لله قدمت والكترونى برده بس اخدت وقت كبير جدا فى الخزنه تقريبا لجد الساعه 4 ومالحقتش اسلم الورق ولا اختم استماره الكشف الطبى ولا احدد ميعاد الكشف
مع خالص تحياتى وتقديرى وامنياتى بالتوفيق
يا استاذ سيد إذا كات حضرتك قدمت فى معهد الدراسات و البحوث التربوية فا قدمت فى أى دبلومة انا اخذت الدبلومة العامة و لكن كانت كمبيوتر تعليمى عموما بالنسبة للكشف الطبى فهو فى شارع السودان عند محطة ناهيا و بانسبة للدراسة فا دبلومة الكمبيوتر التعليمى و الإلكترونى فانظام الدراسة تيرمان و على فكرة كدة افضل اما الدبلومة العادية تيرم واحد اى الامتحان اخر العام و على فكرة الالكترونى مناسب لك عشان توفق ما بين الدراسة و الشغل لانها لا تعتمد على الحضور و لكت تعتمد على تقديم الابحاث و على فكرة زمايلى فى الشغل عملوها السنة دية و الحمد لله نجحه بتقدير و لم يذاكروا و لكن اعتمدوا على الملخصات من المكاتب حتى الابحاث عملوها برة من الاحر ما تعبوش توكل على الله و ان شاء الله بالنجاح
الذين يشاهدون الموضوع الآن: 1 (0 من الأعضاء و 1 زائر)
RSS RSS 2.0 XML MAP HTML |
المفضلات