هل احد عنده فكره ان وزاره التربيه والتعليم هتطلبها ام لا من المدرس المساعد

[مس ريهام]

انا مدرسه بالتعاقد تبع محافظه الشرقيه
كنت فى تدريب تربوى تبع مديريه التعليم لمده 10ايام
وسمعت من مسؤله فى التدريب بالمديريه اعطتنا محاضره من ضمن كلامها ان الوزاره هتطلب منكم التويفل انتم دوركم منتهاش icdl
وانى على ماسمعت التويفل بتحددى المكان الى طالبها لكى تحصلى عليها والشاهده صالحها لمده 100يوم ياريت لو حد عنده فكره يرد عليا
:bosyht9:

[elsalafy]

انا فعلا سمعت الكلام ده

[مريم مدكور]

لا اعلم نفي رسمي
بل رأيي الشخصي انه مستحيل / لأن مكون مهارات اللغة الانجليزية على جميع المدرسين في اختبارات الكادر , سبب الكثير من النقد وردود الافعال الغاضبة , فما بالكم لو تم تعميم امتحان التوفل , ده اصلاً معظم المتخصصين في اللغة الانجليزية في مدارس مصر ممكن يجيبوا سكور منخفض جداً فيه ( low Score )

[مصطفى أحمد1]

ههههههههههههه
هى ناقصه؟!!!!
يا ميس ريهام حرام عليكى إنتى كده بتفتحى عينين إللى ما يتسموا علينا
مش كفايه إننا رضينا الشغل التعبان ده !!! لأ وكمان بيحاولوا يتفننوا فى إنهم يطفشونا منه بالدورات والطلبات إللى ملهاش آخر !!!!!!!!!!!
طيب هى إيه فايدة ICDL ?
أغلب إللى بياخدها مايعرفش أصلاً يقعد إزاى قدام الكمبيوتر بس كل إللى عمله علشان ينجح إنه حفظ الأسئله إللى هتيجى فى الإمتحان وكتبهم زى ما حفظهم بالظبط
وهل إنتى فاكره إن المسئولين عن قرار إجبار المعلم المساعد بدورة ICDL مش عارفين إنها دوره فاشله ومفيش ليها أى لزمه غير إنها بيزنيس بس ؟!!!!
فى النهايه أنا مش بقصد أى إهانه ليكى بس أنا تعبان من البهدله إللى بنشوفها كل يوم وعلشان إيه!!! وفى النهايه مفيش حد بيقدر ولا بيراعى
حسبنا الله ونعم الوكيل

[أبرار]

والله أنا متفقة معاك ياأستاذ مصطفى

حسبي الله ونعم الوكيل