عندك رسـ 1ــاله خاصه يافندى

[MohammeD el_SadaT]

بسم الله الرحمن الرحيم

السلام عليكم ورحمه الله وبركاته

عارف
الموضوع عنوان غريب شويه
بس إذا عرف السبب بطل العجب ولا إيه
؟!

الموضوع ده أنا بكتبه مخصوص عشان الأفنديه الفضولين المتصفحين
الناس اللى بتدخل كده زى الحرميه بالضبط الموضوع ده عشان أريحك وأشبعك وأديك أكلك اللى إنت بتحبه
مش عشان
الناس المحترمه اللى بتشارك معانا بوقتها ومجهودها .
بص يا سى الأستاذ
إنت سجلت فى المنتدى بمزاجك محدش جه ضربك على إيدك وقالك سجل صح يا معلم .
ليه بقه مبتردش ومبتشاركش ومبتكتبش
؟!
ليه مش بتدى زى ما بتاخد
؟!
أنا شايفك عمال طالع داخل من موضوع لموضوع ومن قسم لقسم وهارى المنتدى دخول وخروج
تدخل الموضوع ده وأقول هترد أهوه ألاقيك خرجت ودخلت واحد تانى أقول يمكن معجبكش هترد فى ده لكن للأسف بتخيب ظنى وتخرج منه هو كمان وهكذا لما خنقتنى .
إنت إيه ياجدع مبتشمش
؟!
و
متحاولش تشتغلى ولا تثبتنى وتقولى أنا بقرأ لمجرد القراءه ولا الكلام ده كله متشتغلنيش أصلك من الآخر كداب خايب
يعنى إنت عاوز تقنعنى إنك مفيش مره من دول قرأت حاجه عجبتك ولا أثرت فيك قولت أسيب كلمتين للغلبان اللى كتبهم
حاجه لقتها غلط قولت تصلحها فكره خطرت فى بالك قولت تكتبها مفيش أى حاجه خالص كده
فرحنى مره يا أخى .

فمعلش بقى إسمحلى أقولك وأحرجك إنت إنسان رخم وفضولى رزل
ياترى إنت فعلاً إنسان رخم وفضولى رزل بتقرأ كل اللى بيتكتب وتسمع كل اللى يتقال ومبتحاولش تشارك
؟!
لو إنت كده فعلاً يبقى عاوزك تعرف وتتأكد إن الموضوع ده أنا كاتبه ليك مخصوص ومش متوقع منك رد
يلا كل وإشبع ولما يبقى عندك الشجاعه الكافيه إنك ترد وتشارك وتقدر تعبر عن نفسك إبقى تعالى رد
وإدخل المنتدى ووفى الدين اللى عليك وإعرف أد إيه المنتدى محتاجلك .

بس ياريت متتأخرش قراءتك بس مش كافيه شارك معانا ولو بكلمه فيد وإستفيد

أعضاؤنا الكرام مفيش أى مجال للشك

فى إن تسجيلك معانا أسعدنا كتير
وإن تسجيلك ده أكبر دليل على إن منتدى " التعليم المصرى " عجبك ونال إعجابك على الأقل
لكن سعادتنا بيك دى مش دايمه وممكن تتبدل بحزن لو مشرفتش صفاحتنا
بما تجود به من نفسك
وما تمتعنا بع من قلمك

ياترى إنت بخيل لدرجه إنك تحرمنا من السعاده دى
؟!
أنا شخصياً معتقدش إنك بخيل أوى كده

ياريت متبخلوش علينا بتفاعلكم معانا إيد لوحدها متثقفش
و
أتمنى إن الإجابه تكون

تفاعل مع المنتدى
أنا عندى ثقه كبيره جداااً إن كل عضو مننا عنده رد أو رأى عن موضوع معين ...
؟!!
صح الكلام ده ولا أنا بيتهيألى
؟!!

لكن للأسف الخوف والتردد هما
المانعنا من المشاركه
وده اللى بيشوه منظر أقسامنا ومواضعنا المشاهدات بالـ1000ـمئات والمشاركات تتعد على الصوابع

بشكركم الأفنديه المتصفحين
على قرأتكم موضوعي دلوقتى وبجد عندى ثقه تامة
بانكم مش هتقدرو تردو عليا ومش هيرد الا الاعضاء اللى
عندهما إنتماء لهذا الصرح الرائع بأعضاؤه ومشرفية وإدارته
يلا تتمسو بالعافيه


ملحوظه
" أنا غير آسف على أى لفظ قولته وأنا حقاً بعنيه "

[عز وحيد]

موضوع فى محل ووقته
داما تعودنا على ذلك منك يا سادات
وبالفعل دائما تناقش السلبيات بكل جرأة
وفى هذا الموضوع بالذات احييك بشدة
لانك بصراحة او كما يقول
حطيت ايدك على الجرح
بالفعل هناك من المشاهدين هنا كثير
ومن المقترض ان تزيد مع تلك النسبة نسبة المشاركات
ولكن بلعكس فالمشاركين اقل بكثير من المشاهدات
اتمنى ان تصل نسبة المشاركات للمشاهدات على الاقل 60 %
وهى على فكرة الأن لم تتعدى فى أكبر الموضوعات مشاركة ومشاهدة نسبة ال20 %
اتمنى ان تزيد النسبة واتمنى ان تشارك يا مشاهد

[مسيو وليد عسكر]

يا سلام عليك يا محمد لما بتكتب وانت كمان بنصف قوتك
امال لما تخلص دراسه وتفضي اكتر هتعمل ايه ؟
دايما بتتحفنا بافكارك وموضوعاتك المميزه
بجد والله وبدون ادني مبالغه انت مكسب كبير جداا هنا
والناس اللي ماعرفتش تقدرك كويس عندها هتندم علي ده وبكره افكرك
استمر علي نفس نهجك
وربنا يوفقك امتحانات هذا العام

[امة الرحمن]

الله عليك يامحمد

حتي المشاركه بالراي بتنمي الوعي وتخليك تكتب رايك في موضوع ما

واكيد طبعا انت مميز كالعاده مش محتاج اثبات علي كده

شكرا ليك يامحمد

[أفنان أحمد]

شكرا على الموضوع المميز

لكن أحيانا فى بعض الموضوعات

لا تجد أمامك إلا الخروج ..بدون تعليق

وبعض الموضوعات لازم تبدى رأيك فيها

والناس لا يزالون مختلفين

[س ا يوسف]

مش ممكن
انت ملكش حل
بارك الله لك
تعرف ان الرد على الموضوع وابداء الرأي دا مهم جدا علشان كاتب الموضوع واهم علشان قارئ الموضوع
انا معاك ان في بعض الاقسام لا تهم الا اصحابها بس طالما فيه مشاهدات كان لازم يكون هناك رد
وانا شخصيا مقصر في مواضيع كثيرة

[مستر أحمد حمدى]

والله يا بنى كلام فى الجون

دا انا اتعقدت من ان محدش معبرنى ولا بيرد على مواضبيعى غيرك و أ وليد

حتى انى كتبت موضوع سميته محدش بيرد على مواضيعى لية ؟

جزاك الله خيرا يا ملك القلم

انت فعلا انسان متميز

وبنتعلم منك بالرغم من انك اصغر منا سنا

لكن انت كبير مقاما

[نعمه محمود]

زى ما قلت لك قبل كده يامحمد شباب الامة بخير طول ما فيهم شباب واعى زيك, اللي بتتكلم عنهم في موضوعك موجودين حوالينا في كل مكان في الشغل في الجامعه في النادى في العمارة ناس بتاخد ومش بتدى ومش بس كده دول ممكن ما يشكروش اللي أخدوا منه عشان ميبقاش صاحب فضل عليهم ، ومنهم ناس متلصصين بيحبوا يقربوا منك ومش مهم ياخدوا حاجه بس على الاقل يعرفوا انت بتفكر ازاى او يدوروا عندك على سلبيه ينتقدوك بيها ومش هيتغيروا ابدا هيفضلوا كده
واحنا هنفضل ندى بلا انتظار مقابل( المنتدى بأعضائه) شكرا يامحمد على اثارة الموضوع ده

[dream]

ده باصبحت ظاهرة فى جميع المنتديات


ان المشاهدات تبقى بالميات


والردود تتعد على الصوابع

ياريت رسالتك توصل يا محمد


والناس تبدى تناقش المواضيع


ولا تكتفى بكلمة شكرا

الا بالمواضيع التى تحتاج ذلك فقط


زى مثلا البرامج

حتى البرامج ممكن يبقى فيه ردود ايجابيه

شكرا على الموضوع محمد

[moaz1993]

طبعا انا مش اذهل ولا اتعجب لان ده الطبيعي بتاع السادات
المهم بص بقى حتة المشاركات ده بتكون جمايل يا استاذ محمد
يعني اية؟
يعني الكل بيجري حول الراجل اللي مشهور في المنتدى ويرده عليه اقصد المتصيت يعني او صاحبه
كده يعني وده اللي انا بشوفه من ناس كثيرة
مش عارف بقى اللي انا بقوله صحولا لا؟
يعني اللي بعتمد ع المشاركات مدي نفوذ او علاقة صاحب الموضوع مش اهمية لان اهمية كل عضو موجودة لانه عنده فكر جديد ونشاط
معا نحو افضل منتدى عربي
وده المفروض شعارنا
ان شاء الله هعمل موضوع باسم حملة بس تيجي بقى الاجازة او اي حد يعمله المهم الرسالة توصل ونساهم في بناء صرح يسع ملايين الطلبة والاعضاء
افضل منتدى عربي
يلا في امان الله

[غفران]

المهم فى الردود أن تكون حسب أهمية الموضوع وليس
بسبب كاتبه فقط . فكم من موضوعات جميلة أُهملت لأن
كاتبيها ليسوا من المشرفين أو المشهورين فى المنتدى
كما ألاحظ
1) أن بعض الردود تعكس مجاملات شديدة بين
كاتب الموضوع وبعض - وليس كل - من يشارك بالرد
فى موضوعه لسابق معرفة أو صداقة وفى المقابل يتم
اهمال باقى الردود ممن يمرون على الموضوع
أرجو أن تتقبل رأيى بصدر رحب ولا تقل أنى أبالغ
لأن هذا عن تجربة شخصية حدثت معى وأكثر من مرة

[Blanche Neige]

فعلا كل موضوعاتك مميزه وليها هدف واضح
وكمان مستفزه جدااا لاى حد يقرأها لازم
تثير فيه الحماس للرد على الموضوع
واذا حد قرأ الموضوع ولم يرد
يبقى اكيد تنطبق عليه كل كلمه انت قولتها .
تقبل تحباتى.

[شمس بياض]

انت استفزتنى يامحمد

بجد جدا كمان انا من كتر ما زمايلى كاتبين مواضيع تشدنى
انسى اصلا انا دخلت المنتدى ليه
وعلشان كده مقصرة جدا تجاه المنتدى التعليمي والله غصب عنى

الوقت بيجرى بطريقه رهيبه
هاعمل ايه
المهم جزاكم الله خيرا
وزادكم حماسا

[رودينا]

بجد موضوع رائع يامحمد
اللغة بتاعتك تحفه حلوة جدا
بص بقى فى ناس بتحب تدخل تتفرج
وتمشى ودة على حسب الموضوع نفسه
فيه موضوع يشدك كدة من عنوانه وكلامه
زى الموضوع ده فعلا جامد بحييك عليه

[شريف]

لا أسكت الله لك حسا
موضوع في الجووووون

[روبي أحمد]

تؤتؤتؤتؤتؤ
ده مش بينطبق على سيادتي
ليه
قولتلي ليه صح
قلت
أيون نقول ليه
ملحوظة أنا برخم
احمدو ربنا اني مش عندي أدخل كتير
لأني رغاااية ف الردود
خصوصاً مواضيع العام
حتى لسة جاية من موضوع رودينا
كتبتلها شوية رغي رغي رغي
مالوش لازمة صوحيح
بس رخامة بقى
بيقولو عليا لمضة ف الردود
يمكن
عموماً موضوع جميل
جميل
جميل
مغسيه بكو ع الموضوع الرائع
و كفاية كلام ده حتى مش كاتبة كتير لأن عندي بكرة exam
و مش فاضية
ف الاجازة نبقى نرغي ف المواضيع بقى
هو أنا رغاية ؟؟؟؟
يللا سلام

[MohammeD el_SadaT]

موضوع فى محل ووقته
داما تعودنا على ذلك منك يا سادات
وبالفعل دائما تناقش السلبيات بكل جرأة
وفى هذا الموضوع بالذات احييك بشدة
لانك بصراحة او كما يقول
حطيت ايدك على الجرح
بالفعل هناك من المشاهدين هنا كثير
ومن المقترض ان تزيد مع تلك النسبة نسبة المشاركات
ولكن بلعكس فالمشاركين اقل بكثير من المشاهدات
اتمنى ان تصل نسبة المشاركات للمشاهدات على الاقل 60 %
وهى على فكرة الأن لم تتعدى فى أكبر الموضوعات مشاركة ومشاهدة نسبة ال20 %
اتمنى ان تزيد النسبة واتمنى ان تشارك يا مشاهد

بجد يا عز دائماً بحس فى ردودك بحماس ودفعه ربنا ما يحرمنى من مرورك الجميل ياعز
وبجد فعلاً كلنا بنحلم إن نسبه الردود تكون إجابيه بالنسبه للمشاهدات

[MohammeD el_SadaT]

يا سلام عليك يا محمد لما بتكتب وانت كمان بنصف قوتك
امال لما تخلص دراسه وتفضي اكتر هتعمل ايه ؟
دايما بتتحفنا بافكارك وموضوعاتك المميزه
بجد والله وبدون ادني مبالغه انت مكسب كبير جداا هنا
والناس اللي ماعرفتش تقدرك كويس عندها هتندم علي ده وبكره افكرك
استمر علي نفس نهجك
وربنا يوفقك امتحانات هذا العام

بجد أخجلتم تواضعنا يا مستر وليد
ربنا ما يحرمنى من ذوقك وجمالك يا أستاذنا
وحضرتك اللى بجد مكسب وفخر لأى مكان منتسب ليه

[MohammeD el_SadaT]

الله عليك يامحمد

حتي المشاركه بالراي بتنمي الوعي وتخليك تكتب رايك في موضوع ما

واكيد طبعا انت مميز كالعاده مش محتاج اثبات علي كده

شكرا ليك يامحمد

الشكر لله يا أسماء
وإنتى بجد فى ردك البسيط ده قولتى نقطه مهمه جداااً
المشاركه قبل ما تكون عائد للأعضاء فهى عائد لينا
لأنهى بتنمى الفكر والوعى
بجد المشاركه بتخلى الإنسان قادر يقول رأيه فى أى مكان بكل صراحه ووضح

[MohammeD el_SadaT]

شكرا على الموضوع المميز

لكن أحيانا فى بعض الموضوعات

لا تجد أمامك إلا الخروج ..بدون تعليق

وبعض الموضوعات لازم تبدى رأيك فيها

والناس لا يزالون مختلفين

الشكر لله
حضرتك فعلاً عنك حق إن فيه بعض المواضيع بتجبر القارىء على عدم الرد فيها
لكن أنا أقصد هنه نوعيه المواضيع اللى محتاجه فعلاً كل كلمه وكل حرف لكن إحنا بنبخل عليها

المواضيع اللى المفروض نقول فيها كلمه حق
لكن بنفضل نسكت
" الساكت عن الحق شيطان أخرس "
إحنا المفروض نقول رأينا بكل صراحه ووضوح
" ولا نخشى فى الحق لومه لائم "