تحويجه الزعتر والمذاكره
طبعا فى ابحاث علميه كتير اثبتت ان نبات الزعتر مطهر رهيب ومنبه للقشره المخيه وبيساعد على التركيز لما بنزل امتحان بياكلونى وانا ضغيره زعتر وسمك اموت واعرف ليه اه وموز لكن مش كنت فاهمه طبعا لما كبرت عرف ان الزعتر بيخلى الواحد تركيزه عالى جدا وكمان بيجدد شباب المخ كان لى قريب مسافر الاردن وجابلى تحويجه الزعتر اللى ادمنتها وهى بتتباع فى مصر وممكن نعملها فى البيت زى الدقه كده بتتحط على الجبنه وزيت الزيتون فى رمضان
المكونات
ربع كيلو زعتر جاف
سماق 25 جرام
سمسم محمص 50 جرام
بعد ما نحمص السمسم بحط عليه السماق بنجيب السماق من العطار وهو تابل مزز زى اللمون بتتبل بيه المشاوى ونحط عليه الزعتر كله على البارد ونقلبهم وبتبقى خلطه حلوه اوى بنحطها على الجبنه البيضه وزيت الزيتون
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة صفيه سعداوى
المفضلات