همس هتطبخ ايه انهارده ؟؟؟

[همس الحنين]

ازيكوا يا حلوين

اخباركم ايه حبيباتي

انهارده فكرتلكم في موضوع جميل

نشغل مخنا فيه شويه

ونتعلم طبخات جديده

نحضر بقا لرمضان

ونكتشف اللي مش عارفينه

الموضوع هو

( همس هتطبخ ايه انهارده )

انا هجيب الاكله

مقاديرها ومكوناتها

وانت عليكوا تقولوا الاكله دي اسمها ايه

وخدوا بالكوا

هجيبلكوا وجبات سريه

بعملها بنفسي

ويلا بقا نعلم بعض شويه

ها ايه رايكم في الموضوع ده

مش هبدا تقديم الوجبات الا لما اعرف رايكم ايه

في انتظار تفاعلكم العطر

..

...

[صفيه سعداوى]

موضوع رائع يا همس
واحنا فى انتظار اول وصفه

[عبدالله حسن رياش]

في الانتظار


يا ترى واو الجماعة ممكن يشاركوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سنا مصر]

بس ياريت وجبات للأكل مش للفُرجة وللميزانية الخفيفة مش االتقيلة ، واذا كان ممكن اذا كان فيه عضو أو عضوة عندها أكلة ممكن تقولها تبقى تشارك برضو وحسب ما تشوفى .
وطبعاً معاكِ

[ريان عمر]

منتظرين اكلاتك يا همس

[همس الحنين]

طبعا يا حبيباتي

وجبات جميله وسهله

للاكل مش للفرجه هههههههههههه

وممكن تضيفوا اكله من عندكوا

يلا عشان متزعلوش

وبكل تاكيد استاذ عبدالله

الواااااااااااااااااااو ممكن يشارك

يعني هي ستات البيوت بتتعلم كل ده ليه هههههههه

[همس الحنين]

الوجبه الاولي سهله ولذيذه

انا هكتب المقادير

وانتوا تكتبوا اسم الاكله
4أكواب رز
>1 دجاجة مقطعة قطعاً صغيرة ( يعني تكون 10 قطع تقريباً )
>1 كوب طماطم مطحون
>1 كوب زبادي ( وممكن التقليل من الكمية )
>1 كاس ماء
>1 ملعقة ثوم مفروم
>بصلة مقطعة شرائح
>1 ملعقة عصير ليمون
>زعفران – كركم – بهار مشكلة – كزبرة
>للزينة :
>شرائح بصل محمرة – صنوبر

ها تحبوا اكتب الطريقه ولا كفايه كده

[dalila7777]

تسلم ايدك همس رغم انى فيجتاريان بس بجد بحب الطبخ جدا انا مش باكل اى لحوم ما عدا الاسماك وغصبن عنى الالبان لكن عمرى ما مسيت لحوم او طيور لكن بعشق الطبخ وبحب افنن فيه جدا وانتى كمان فنانه جدا

[همس الحنين]

اشكرك ع مرورك قمرتي

طب بس برضه فين اسم الاكله

[جمال سراج]

حلوة الفكرة الجديدة دى همس
بس بالتأكيد لم أفلح فى معرفة اسم الأكلة
ممكن أستعين بصديق!!!!!!!!!!!!
هههههههههههههه
ولا بلاش لا ما تعرفش قصدى ما يعرفش هو كمان وتبقى خيبة
هههههههههههه
شكرا وفى انتظار الغدا ... قصدى اسم الأكلة
بالهنا والشفا لحبايبنا كلهم

[نعمه محمود]

الوجبه الاولي سهله ولذيذه

انا هكتب المقادير

وانتوا تكتبوا اسم الاكله
4أكواب رز
>1 دجاجة مقطعة قطعاً صغيرة ( يعني تكون 10 قطع تقريباً )
>1 كوب طماطم مطحون
>1 كوب زبادي ( وممكن التقليل من الكمية )
>1 كاس ماء
>1 ملعقة ثوم مفروم
>بصلة مقطعة شرائح
>1 ملعقة عصير ليمون
>زعفران – كركم – بهار مشكلة – كزبرة
>للزينة :
>شرائح بصل محمرة – صنوبر

ها تحبوا اكتب الطريقه ولا كفايه كده

انتى واثقة ان دى تتاكل

[صفيه سعداوى]

شكرا همس
على وصفاتك الحلوة

بصى ياستى ممكن المكونات دى تنفع لوصفتين
الاولى كبسة فراخ والثانية أرز بريانى
اختارى بقى انتى ايه اللى يعجبك

[محمد فؤاد محمود]

حلوة الفكرة الجديدة دى همس
بس بالتأكيد لم أفلح فى معرفة اسم الأكلة
ممكن أستعين بصديق!!!!!!!!!!!!
هههههههههههههه
ولا بلاش لا ما تعرفش قصدى ما يعرفش هو كمان وتبقى خيبة
هههههههههههه
شكرا وفى انتظار الغدا ... قصدى اسم الأكلة
بالهنا والشفا لحبايبنا كلهم

استاذتنا
همسنا
لقد منحك الله عاطفة صادقة شجية
فأبدعت شاعرة ومعبرة عن أحاسيسنا
والآن أبدعت سيدة منزل ذكية
تجيد التصرف فى مطبخها
وتحسن التعامل مع وجباتها

حياك الله

[سنا مصر]

لأبقى ياهمس ومعاكى الفنانة أستاذة صفية ما تسيبوناش كدة !!!!!!!!!!! اكتبى الوصفة عشان إخواتك الغلابة اللى نص نص فى الطبيخ ...........بس دا كلام فى سرك
.ومن غير ما نعيد نفس الكلام كل مرة ..... يبقى بعد حل اسم الأكلة تكتبى طريقتها.

[همس الحنين]

حلوة الفكرة الجديدة دى همس

بس بالتأكيد لم أفلح فى معرفة اسم الأكلة
ممكن أستعين بصديق!!!!!!!!!!!!
هههههههههههههه
ولا بلاش لا ما تعرفش قصدى ما يعرفش هو كمان وتبقى خيبة
هههههههههههه
شكرا وفى انتظار الغدا ... قصدى اسم الأكلة
بالهنا والشفا لحبايبنا كلهم

استاذ جمال


اسعدني مرورك العطر


لا حرمني الله تواجدك


وبالفعل ممكن تستعين باصدقاء المهم اسم الاكله

ههههههههه

[همس الحنين]

انتى واثقة ان دى تتاكل

ههههههههههههههه


طبعا تتاكل وسهله ولذيذه


نورتيني استاذه نعمه

[همس الحنين]

حبيبه قلبي صفيه


الوجبه جمعت الاتنين يا قمر


بالفعل


هيا برياني الدجاج


وبكده الاجابه الصحيحه


من نصيب


صفيه سعداوي

[/QUOTE]

[همس الحنين]

لأبقى ياهمس ومعاكى الفنانة أستاذة صفية ما تسيبوناش كدة !!!!!!!!!!! اكتبى الوصفة عشان إخواتك الغلابة اللى نص نص فى الطبيخ ...........بس دا كلام فى سرك
.ومن غير ما نعيد نفس الكلام كل مرة ..... يبقى بعد حل اسم الأكلة تكتبى طريقتها.

نورتيني يا سنا مصر


ومن عنيا يا قمر

هكتبلك الوصفات


بس ابقي ادعيلي

[همس الحنين]

استاذ محمد فؤاد

وخالص شكري لكلماتك

وفي الحقيقه

مهما ابدعت المراه ومهما وصلت لاعلي مكانه

لابد لها اولا من الاهتمام بواجبتها الاساسيه

ومطبخها

سواء اكانت ( ابنه- ام - زوجه )

والمطبخ عشقي الحقيقي

ورغم اني بنت وكثيره الانشغال بالدراسه والعمل

الا اني اعشق واجباتي المنزليه واتممها

[/QUOTE]

[همس الحنين]

عشان خطرك يا سنا


ادي طريقه عمل برياني الدجاج

>الطريقة :
>يغسل الرز وينقع لمدة نصف ساعة .. وينقع الزعفران في ماء دافئ
>يحمر البصل والثوم ثم يضاف الدجاج ويتبل بالملح والبهارات
>ثم يضاف إلى الدجاج الزبادي وعصير الليمون والطماطم ويقلب على النار
>ويضاف عليه الماء ويترك على نار هادئة ،
>يسلق الرز في ماء مغلي به ملعقة ملح لمدة 5 دقائق ثم يصفى
>يوضع نصف مقدار الرز اسفل القدر
>ثم يوضع فوقه خليط الدجاج ، ثم الرز كطبقه ثانية ويصب فوق السطح السمنة وباقي
>البهارات والزعفران
>ويغطى القدر بالقصدير ثم غطاء القدر ويوضع في الفرن .. لمدة 45 دقيقة تقريباً
>.. ثم يخرج من الفرن ويحرك الرز بكل حذر ثم يسكب في صحن التقديم … وبالهناء
>والعافية



ها جربي بقا وقوليلي رايك