مندهش عبد السلام مندهش .... (( مش متجدد ))

[شريف]

بعيد عنكو
واحد طول عمره مندهش
راح لدكتور و قاله
انا علي طول مندهش ... مندهش جدا
قاله مافيش مشكلة يا بني
خد الحباية دي هتبقا زي الفل يا حبيبي
راح بيته خد الحباية و نام
تاني يوم الصبح قام لقي نفسه مندهش !
راح تاني للدكتور و قاله انا لسه مندهش
قاله انت خدت المرهم يابني ؟
الراجل اندهش و قاله ... لا
قاله خد الحباية و بعدها المرهم
راح بيته خد الحباية و خد المرهم و نام قام لقي نفسه مندهش
راح للدكتور و هوا في قمة اندهاشه و قاله يا دكتور حرام عليك
انا لسه مندهش
قاله ... معقولة ؟ انا مندهش جدا
انت خدت الحقنة ؟
قال له حقنة؟ انت هتستهبل ؟
قال له يابني خد الحقنة يا حبيبي
راح الراجل بيته خد الحباية و خد المرهم و خد الحقنة
و نام ...و لما قام ...لقي نفسه لسه عايش مندهش
اتجنن ... نزل ع السلم يجري
جاره قابله و قاله
مالك يا استاذ مندهش .... انت مندهش كده ليه ؟
قاله تصور ... انا علي طول مندهش و عايش مندهش
و الدكتور مش عارف يعالجني
قاله بسيطة .... اشرب بق ميه قبل ما تنام
و سيبك من كل الاستفزازات اللي حواليك
و انسي كل الحاجات الغريبة اللي بتحصل في البلد
و انت هتقوم مش مندهش
اخونا مندهش عمل كده بالظبط
و قام م النوم و لاول مرة مش مندهش
دخل الحمام ... بص في المراية بيشوف وشه
اتفاجئ انه مش مندهش !!!

من صدمته و من غباءه و لما شاف كده

اندهش

ـــــــــــــــــــــــــــــــــ
و هكذا حال المصريين
تلاقيهم علي طول فاتحين بقهم و متنحين و مندهشين
مليون حاجة بتحصل حواليك يا اخي
تخليك تسنتح و تتنح و تسبهل و تندهش
ــــــــــــــــــــــ
و بما انك كمصري مندهش اربعة و عشرين ساعة
هنخلي الموضوع ده مكان لكي نفرغ فيه شحنة اندهاشتنا اليومية
خش كل يوم
قول
مندهش من ايه
مش هقولك مندهش ولا لا
عشان انا واثق انك مندهش
لكن هقول
قول
مندهش من ايه
مستني مشاركتك كل يوم

[شريف]

مندهش من الناس المتناقضين اللي ليهم الف لون و لون
مندهش من المتخلفين اللي بيوصلوا لالاف في (( من سيربح المليون ))

[نعمه محمود]

ههههههههههههههههههههههههههههه
والله انا بندهش جدا لما ألاقي الناس بتقسو على بعضها متعمدة ياشريف
يعنى اكون خايفة على صاحبتى ومصلحتها بس اكون زى الدبة اللي قتلت صاحبها من حبها ليه
شكرا على الدهشة

[نوره فوزي]

بصراحة انا أول مرة أحس اني مندهشة كده!!!!!!!!!!!!!

مش عارفة إيه قوة تأثير مواضيعك على الواحد...اللي تنيم واللي تدهش وحجات غريبة كده!!!

انا عن نفسي كل حاجة هنا في مصر بتدهشني!!!

بس اللي بيدهشني أكتر ان الشعب المصري مش بيندهش من الحجات دي

حالياً...انا تحت تأثير الدهشة!!!

لما أفوق إن شاء الله هبقى أحكي لكم على دهشاتي........!!!

[شريف]

شكرا يا نعمة جدا
و اتمني تخشي كل يوم

[نعمه محمود]

و اتمني تخشي كل يوم

حاضر اوعدك اندهش كل يوم

[أبوبكر أحمد العملة]

موضوع جميل يا مستر شريف

مندهش النهاردة ان الطابعة تتوقف عن العمل فجاة

وبعدها بساعتين الpowersupply يتحرق ...!!!!!

ربنا يستر بقية الاسبوع........هههههههههههه

بارك الله لك.... في كل لحظة وثانية ودقيقة وساعة ويوم وشهر وسنة

ببوابة التعليم المصرى

وجزاكم الله خيراً

الخدمة الجيدة ....تحتاج الى التسويق الأجود


مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

[شريف]

بصراحة انا أول مرة أحس اني مندهشة كده!!!!!!!!!!!!!


مش عارفة إيه قوة تأثير مواضيعك على الواحد...اللي تنيم واللي تدهش وحجات غريبة كده!!!

انا عن نفسي كل حاجة هنا في مصر بتدهشني!!!

بس اللي بيدهشني أكتر ان الشعب المصري مش بيندهش من الحجات دي

حالياً...انا تحت تأثير الدهشة!!!


لما أفوق إن شاء الله هبقى أحكي لكم على دهشاتي........!!!

طب والله عندك حق فعلا
الشعب المصري وصل لمرحلة انه خلاص
مابقاش يندهش من حاجات بتندهش منها الشعوب الاخري جدا
و يمكن بتعمل ثورات بسببها
ياللا خير
منتظر مشاركاتك الجميلة كل يوم

[شريف]

موضوع جميل يا مستر شريف


مندهش النهاردة ان الطابعة تتوقف عن العمل فجاة

وبعدها بساعتين الpowersupply يتحرق ...!!!!!

ربنا يستر بقية الاسبوع........هههههههههههه

بارك الله لك.... في كل لحظة وثانية ودقيقة وساعة ويوم وشهر وسنة

ببوابة التعليم المصرى

وجزاكم الله خيراً

الخدمة الجيدة ....تحتاج الى التسويق الأجود


مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

دي عين يا مستر
ماينفعش معاها الاندهاش
اعمل الرقية الشرعية
و ما تاكلش سمك ولا بيض
هههههههههههه
نورتني

[محمد عبد المنعم زهران]

موضوع ولا أجمل يا أخى العزيز شريف ..
فى اليومين دول أنا مندهش من الناس اللى كل ما تكبر عقلها ينقص ..
ومندهش إن ماعدش فيه كبير فى بيوتنا وعائلاتنا .. كبير يحكم ويفصل
يمكن فلوسنا بتزيد .. بس مبادئنا بتنتهى

[شريف]

موضوع ولا أجمل يا أخى العزيز شريف ..
فى اليومين دول أنا مندهش من الناس اللى كل ما تكبر عقلها ينقص ..
ومندهش إن ماعدش فيه كبير فى بيوتنا وعائلاتنا .. كبير يحكم ويفصل
يمكن فلوسنا بتزيد .. بس مبادئنا بتنتهى

روعة مشاركتك حبيبي
روعة بجد
و لك كامل الحق في الاندهاش
اتمني تشرفني بمشاركاتك كل يوم

[أبوبكر أحمد العملة]

شريف


دي عين يا مستر
ماينفعش معاها الاندهاش
اعمل الرقية الشرعية

ان شاء الله هعملها يا مستر شريف


و ما تاكلش سمك ولا بيض
هههههههههههه
نورتني

ما ينفعش تدينى عنوان الدكتور بتاع استاذ مندهش ...ههههههههههه

احتمال السمك والبيض ما يحصلش بعدها نتيجة ايجابية ...هههههههه

[صفيه سعداوى]

استاذ /شريف
حاجه غريبه فى حد فى مصر كلها
ميعرفش ليه حاله الاندهاش دى!!!
تعرف انا مندهشه من ايه!!!
مندهشه على نفسنا
متصورين ان حاله الاندهاش دى حاله مرضيه
بالعكس دى حاله صحيه جداااا
تطور طبيعى للآنسان المصرى المطحون
عاش طول حياته راضى وقانع
ولما قالوا انا عايشين عصر الديمقراطيه
قرر يشجب و يتظاهر و يعتصم
باسم الديمقراطيه طبعا
ولما ملقيش فى فايده
قرر يندهش
يعنى باختصار الاندهاش بقى سمه
من سمات العصر
هو احنا قادرين نعمل حاجه ومندهشناش
بس على فكره اكيد اسمه
مندهش راضى مندهش
شكرا اخى الفاضل على هذه الاندهاشات

[همس الحنين]

ههههههههههههههههههه

حاليا انا في قمه الاندهاش

من روعه موضوعاتك

بجد والله العظيم

بضحك من قلبي حتي لو الموضوع بيناقش الواقع ومشكلاته

اسعد الله قلبك وايامك

اكتر حاجه اندهشتلها انهارده

لقيت واحده صاحبتي ههههههههههه

بتعمل حاجه غلط في المطبخ

وبعد ما علمتها وفضلت ساعه اساعدها

واعلمها










جت عملتها تاني غلط
ولما سالتها

قالت مزاجي كده ههههههههههههههه

فكنت في قمه دهشتي
بعد صوابعي ما وجعتني
حرمت توووووبه

هههههههههههه

[عبدالله حسن رياش]

أ / شريف
مشكور يا أخي على الموضوع الرائع ده
أنا بقى مندهش من اللي عمره ما يندهش
وكل ساعة ب100 حال وكل ساعة بـ 100 وش

[شريف]

قرر يشجب و يتظاهر و يعتصم
باسم الديمقراطيه طبعا
ولما ملقيش فى فايده
قرر يندهش

اصدق جملة اتقالت
هم يبكي و هم يضحك فعلا
ربنا ما يحرمنا من مشاركاتك القيمة يا استاذة صفية

[شريف]

بجد والله العظيم

بضحك من قلبي حتي لو الموضوع بيناقش الواقع ومشكلاته

اسعد الله قلبك وايامك

و الله ردك ده يكفيني من الموضوع كله
و حسسني ان حاجة جميلة اوي ان البسمة اترسمت علي شفايف
أحد الاعضاء
ربنا يسعدك و يفرح قلبك و تضحكي دايما يارب

[شريف]

أ / شريف
مشكور يا أخي على الموضوع الرائع ده
أنا بقى مندهش من اللي عمره ما يندهش
وكل ساعة ب100 حال وكل ساعة بـ 100 وش

نورتني يا استاذ عبد الله و شرفتني
ماتحرمناش من مشاركاتك الجميلة في كل الموضوعات

[امل لاشين]

ههههههههههههه..يا موضوعاتك ياشريف

انا بقي اكتر حاجه اندهشت ليه لسه حالا ..لما شفت موقع قناه الحياه علي النت

وشفت برنامج فيها دهشني جداااا وبجد حرق دمي ..هو في كده ..

حسبي الله ونعم الوكيل ...ربنا قادر علي الحفاظ علي دينه من الاعداء..ويولع فيهم ..

بلاش اقول الموضوع ايه ؟؟؟علشان كفايه حرقه الدم اللي شفتها..

مش اعملهم دعايه كمان ....هههههههه

بس بجد بجد بجد

مفتقده المنتدي جداااا ..والمواضيع الجميله ..هاااااااانت ..

دعوااااااااااتكم ..

[Madame/Basmalh]

انا فعلا مندهشة مندهشة من الحال اللى وصلنا له واللى لسه حنوصله
العيب مش فى المصرين العيب فى اللى بيقول على نفسهم انهم مصرين
وهما نفسهم مندهشين انهم مصرين
واللى مندهشة له اكتر
فى ناس محيرانى وعامل ليه دهشة
اليومين دول عاملة تتقلب كتير يمكن الدهشة تروح لما تتكسر رقبتها
من كتر ما هى بتتقلب