لو ربنا كرمك وجبت ميكروباص!!!

**نوره فوزي** · 08-06-2010, 06:17 PM

السلام عليكم ورحمة الله وبركاته...

مساء النور والسرور

تكملةً وتعاطفاً مع موضوع الميكروباصات والربع جنية اللي سره باتع

!!!

قولت نكمل ونشوف الميكروباصات دي أخرتها إيه؟؟!

المهم...

طبعاً كلنا بنشوف العبارات العجيبة اللي بتتكتب على الميكروباصات !!!

حجات غريبة وعجيبة بجد!!!

تلاقي مثلاً اللي كاتب:

روتانا توك توك مش هتقدر تمشي على رجليك!!!

واللي كاتب:

تروح شمال تيجي يمين دا احنا برده سواقين

ولا بقى الناصح اللي كاتب:

اللي عايزه يتحير شغل له النور الصغير!!<<جدع أوي:stickjo4:

وتلاقي ناس تانية مثلاً بيقولوا حِكم!!!

زي اللي كاتب:

اللى ربنا يحبه ويختاره يجيبله رزقه لحد داره!!!

ولا اللي كاتب مثلاً:

خلي بالك من الطاره دى العجله دواره!!!

وناس تانيين بكتبوا حجات بتخلي الواحد يعيط..!

زي اللي كاتب:

لوكنت دارى بحالى كنت بكيت بدالي<<<لأ صعبت عليا!!!

دلوقتي جه دورك:

أنا قولت أساعدكوا وأديكوا جملتين ينفعوكوا يمكن حد ربنا يكرمه ولا حاجة ويجيب ميكروباص!!!:049gc0:

عشان ما تقولوش نوره حرمانا من حاجة

لكم مني أجمل وأرق تحية...
بانتظار ميكروباصاتكوا<<<قصدي مشاركاتكم

أختكم في الله / نورة فوزي
عضوة بفريق مجتمع المعرفة

**صفيه سعداوى** · 08-06-2010, 06:25 PM

ماتبصليش بعين رديه شوف اللى الدفع فيه

شكرا يا نوره على الموضوع

**همس الحنين** · 08-06-2010, 06:37 PM

هي ايه حكايه الميكروباص معاكي يا نوره

ههههههههههههههههههه

مينفعش نص نقل

هههههههههههههههههههه

ع العموم هكتب
تعمل حسابى اقدرك , تهزر معايا اعورك
ماتبصش كدة يا عبيط , الحلوة دى بالتقسيط
تركب اسليك , تنزل اولع فيك

هههههههههههههههههه

سلمت اناملك علي الموضوع الرائع

**أبوبكر أحمد العملة** · 08-06-2010, 06:47 PM

مجتمع المعرفة بيهنيك...اركب معانا وانا اوريك

بارك الله لك.... في كل لحظة وثانية ودقيقة وساعة ويوم وشهر وسنة

ببوابة التعليم المصرى

وجزاكم الله خيراً

الخدمة الجيدة ....تحتاج الى التسويق الأجود

مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

**عزه حسن** · 08-06-2010, 10:00 PM

ايه رأيكم فى العبارات دى

فى التأنى السلامة وفى العجلة الندامة

طريق السلامة يا أبو ****

عطر فمك بالصلاة على النبى

طبعــــــــــــــا
كلام قديم ومن زمان
ياريت يرجع

**نوره فوزي** · 08-06-2010, 10:50 PM

المشاركة الأصلية كتبت بواسطة صفيه سعداوى

ماتبصليش بعين رديه شوف اللى الدفع فيه

شكرا يا نوره على الموضوع

هههههههه حلوة تمشي بردو!!!

شكراً على مرورك الجميل,,,

**نوره فوزي** · 08-06-2010, 11:11 PM

المشاركة الأصلية كتبت بواسطة همس الحنين

هي ايه حكايه الميكروباص معاكي يا نوره

ههههههههههههههههههه

مينفعش نص نقل

هههههههههههههههههههه

ع العموم هكتب
تعمل حسابى اقدرك , تهزر معايا اعورك
ماتبصش كدة يا عبيط , الحلوة دى بالتقسيط
تركب اسليك , تنزل اولع فيك

هههههههههههههههههه

سلمت اناملك علي الموضوع الرائع

هههههههههههه حلوة العبارات دي...

تسلمي حبيبتي ع المرور,,,

**نوره فوزي** · 09-06-2010, 10:37 PM

المشاركة الأصلية كتبت بواسطة أبوبكر أحمد العملة

مجتمع المعرفة بيهنيك...اركب معانا وانا اوريك

هههههههههههههه هتلاقي الشعب المصري كله واقف قدام الميكروباص ده!!!

جملة جميلة...

شكراً ع المرور...

**محمد حسن ضبعون** · 09-06-2010, 11:04 PM

يا تعدى يا تهدى

بابا لاتسرع نحن فى انتظارك

التعري في الشارع خلاعة !!
وعلى المسرح فن !!
وعلى الشاطئ رياضة !!
وفى السيارة سياحة !!

**وسام غانم** · 10-06-2010, 09:34 PM

فعلا الواحد بيقرى عبارات على الميكروباصات تضحك جدا
شوفى يانوره عندك .....
مكتوب على المرايا مخصص للصبايا

حموية و ريحتها فل حارقة قلوب الكل
لا تجحش محسوبك متوحش

لا تعاند الصقر يا طير الحمام
ميلي على ميالك أبو أحمد خيالك

مشكوره يانوره على الموضوع

**Madame/Basmalh** · 10-06-2010, 09:54 PM

شوفى يا نور حبة عبارات جامده جدااااااااااااا
" متقولش دى بكام دى جايه بدهب المدام
الحلوه لما تتدلع، تخلى الاسفلت يولع
لا تقولى بطاطس و لا بتنجان الحلوة جاية من اليابان
الصورة دى من الاخر يعنى لو اى ضابط شافها انسى تتسحب الرخص نهائى
لانه بيشجع الحزب الوطنى ههههههههههههههه

**نوره فوزي** · 12-06-2010, 11:37 PM

المشاركة الأصلية كتبت بواسطة عزه حسن

ايه رأيكم فى العبارات دى

فى التأنى السلامة وفى العجلة الندامة

طريق السلامة يا أبو ****

عطر فمك بالصلاة على النبى

طبعــــــــــــــا
كلام قديم ومن زمان

ياريت يرجع

اه فعلاً ياريت

متشكرة على مرورك الجميل...

**نعمه محمود** · 12-06-2010, 11:48 PM

موضوع تحفة يانورة انا شخصيا بتعامل مع سائقي الميكروباص من وجهة أخرى
انا وهما بنكره بعض جدا جدا وما تسأليش ليه .بما انى امرأة تقود سيارة فمن وجهة نظرهم التى لابد وان نقبلها (بلطجة م الآخر يعنى) فأنا سيدة مرفهة بابى اشسترى لى العربية عشان اروح بيها العزبة ههههههههههههههههههههههه مش عشان اوصل الولاد المدارس واجرى على شغلى المهم هم واثقين انى مبعرفش اسوق ولا أى امرأة بل ولا أى رجل يقود سيارة ملاكى فلذلك تجدينى احمل بين طيات نفسي كراهية بشعة لهم
احكى لك موقف بشع لمجرد انى استعجلت سواق ميكروباص معطل الطريق نزل الصبي م العربية وقعد على كبوت عربيتى ومش عاوز ينزل وانا وصاحبتى هنموت م الرعب انه يخبطنا بحاجة المهم خدت حبوب الشجاعة وقلت له انزل والا همشي
رفض ينزل وعليها ياستى دوست بنزين واللي يحصل يحصل
جرى زى الفار المذعور

**دعاء شديد** · 13-06-2010, 12:02 AM

ههههههههههههههه
موضوع جميل ... بس عارفه
مش سواقين الميكروباصات بس

بس هقولك عباره او اتنين كده

9 فى الخير تكسب
"بدل ميكتب تسعى كتبها رقم"
سواق روش

التانى بقى
اوعى تاكل بقسماط ... الحلوه عليها اقساط

اعملى بقى جزء تانى عن العبارات الي على
عربيات الفول والكبده