مرحبا بكم في نادي العلوم والتكنولوجيا

[مسيو وليد عسكر]

طبعا غريبه اني اعمل ترحيب بيكم في نادي العلوم رغم انه مش تخصصي
وفكره القسم دي ليا الشرف اني اكون صاحبها واتمني ان زملائي مدرسي العلوم يساعدوني فيها.....
الموضوع باختصار هو اني عاوز الاقي زويل جديد معانا...
مصر اللي جابت مصطفي مشرفه وزويل ومجدي يعقوب مش هتعجز انها تجيب جيل جديد من المبتكرين ...
محتاجين فقط اننا ننور ليهم الطريق ونمد ايدنا ليهم ببصيص من النور والامل....
محتاجين نقولهم احنا جنبكم ومعاكم....
هنمدكم بكل مالدينا متاح...
هنساعدكم ونقف جنبكم...
محتاجين منكم ان كل عاشق للبحث العلمي والعلوم يشرفنا..
ويكلمنا عن فكره...
عن تجربه...
عن اختراع...
نناقشه سوا ومعانا ومعاكم افضل مدرسي العلوم بالموقع
ومتظر كتير اوي من اخي مستر احمد حمدي....
انا غير متخصص في المجال ده ....
دوري فقط هو التنسيق وامدادكم بما لدي متاح من ماده علميه احصل عليها من النت او من زملائي بالمدرسه...
وبالمناسبه..
معي طلاب في المدرسه عباقره واخدت منهم فلاشات رائعه ...
ان شاء الله هنلاقي هنا كنوز وتحف من ابداع طلابنا ومن ابداع معلمينا...
يارب يكون القسم ده هو بدايه حلمي الكبير ...
في مشروع زويل الجديد..