ربنا يستر

[محمودالعمدة]

شاهدت حوار السيد الوزير فى برنامج "مصر النهارة" والذى يقدمه أ/ محمود سعد وقال الوزير ان العقود المميزة ستكون لمن كان على رأس العمل اثناء صدور القانون فى 8/2008 !!!!!!!!!!!!!!!!!!!!!!!! فهل الذين استلموا العمل بنظام الحصة فى العام الحالى (2009/2010 ) ليس لهم الحق فى العقود المقرر تحريرها فى شهر 7 القادم ؟؟؟؟؟؟
أرجو من عندة اخبار فى هذا الموضوع يسعفنا بها
وعلى فكرة انا شاهدت البرنامج على موقع اليوتيب وهو بتاريخ 15/5/2010
ولكم التحية

[محمودالعمدة]

لماذا لم يوجد رد على الموضوع،،،،،،،،،،،، ياجماعة دا الواحد فى غاية القلق ،،،،،،،،،،،، رجاء من عنده معلومة يقولها،،،،،،،، ولكم منى وافر التحية

[M.Ahmed Elsaid]

كلام من مسؤل العقود بالادارة قال بالنص
كل اللى شغالين دلوقتى بالاجر ليهم عقود مميزة فى شهر 7 بعد امتحانات الثانوية

معنى كدا لو انت شغال من سنة او اتنين او تلاتة بالاجر هتاخد عقد مميز بامر الله .. المهم تكون فى العمل حاليا وعلى راس العمل

واحب اطمنك اكتر .. موضوع العقود فى ايد المحافظة وليس الوزارة
وربنا يوفقنا كلنا ان شاء الله

[دينا احمد]

يااستاذ محمود هو الوزير مقلش حاجة عن التثبيت ولا عن المتعاقدين اللى امتحنوا ونجحوا واخدوا icdl

[محمودالعمدة]

الوزير فى هذا الحوار وبالتحديد عندما سألته إحدى المشاهدات عن تعاقدات المدرسين بالحصة قال :
التعاقدات سوف تكون للعاملين بالحصة وقت ظهور القانون فى 8/2008 ، اذن فما مصير من عمل بالحصة فى العام الدراسى الحالى أى 2009/2010
هذا ما أردت الإستفسار عنه ، مع العلم أن التعاقدات ستكون فى شهر 7 اللى جاى ، ومع العلم المدرية اخذت بياناتى ولما سالت التعيينات بالمدرية قالوا لى : اخذنا بيانات جميع اللى بيشتغل بالحصة وارسلناها الوزارة كما طلبت منا ، ولكن الوزير فى هذا الحوار لم يشر لموضوع التثبيت بالنسبة للناجحين فى الكادر

[M.Ahmed Elsaid]

اشكرك جدا يا ا/ محمود على تجاهلك لكلامى .. انا شفت الحلقة بالكامل ونزلتها من اليوتيوب خاصة الجزئية بتاعت العقود المميزة واللى كان شغال بالحصة اثناء صدور القرار فى 2008 لدرجة انى اخدت المقطع دا على تلفونى علشان موظف العقود يشوفه وفعلا شافه .. وقالى اللى شغالين دلوقتى هما ليهم الاولوية . انا مليش دعوة بكلام الوزير . الوزير يقول اللى هو عايزه .. احنا جتلنا التعليمات اننا نجمع كل اللى شغالين بالحصة دلوقتى .. يعنى لازم تكون شغال دلوقتى
لعلمك انا اعرف ناس شغالين بالحصة من 4 سنين وانقطعوا عن العمل بسبب ظروف الجيش .. سألته عنهم قال لازم تكون شغال دلوقتى وملناش دعوة بجيش او غيره
يارب تكون فهمت كلامى

[محمودالعمدة]

الاستاذ احمد/ تحية طيبة وبعد
أما عن زعمكم تجاهلى لردكم فهذا غير صحيح لأنى قرأت رسالتكم وفهمت فحواها جيدا ، ولكن كان ردى الثانى للأستاذة دينا التى سألت عن موضوع تثبيت المتعاقدين وعما إذا كان الوزير قد أشار فى حوار "مصر النهاردة" عن عملية التثبيت وكان ردى لها بخصوص هذا الموضوع ، أما عن قولكم ان موظف الادارة التابع لها حضرتك فغير منطقى ان يقول هذا الموظف ان الاولوية لمن كان على راس العمل وأن الوزير يقول ما يشاء، فأولا هذا الموظف ينفذ القرارات التى تأتى إليه من المدرية أو حتى الوزارة بمعنى أنه لا يملك حق صنع القرار ولكن تنفيذه، وثانيا كلام الوزير كان واضحا فيما يخص العاملين بالحصة حتى صدور القانون فى 2008 ولم يشر الوزير بشيىء عن العاملين بالحصة بعد صدور القانون وبالاحرى العاملين العام الحالى 2009/2010
وعلى كل حال : نعتذر عن عدم ردنا على حضراتكم ونرجو منكم قبول عذرنا ففى الأثر" التمس لأخيك عذرا بعد عذر إلى سبعين عذر" ولكم منا جزيل الشكر على رحابة صدركم

[محمودالعمدة]

إلى الاستاذ :

M.Ahmed Elsaid



أما الاحبة فالبيداء دونهم فليت دونك بيدا دونها بيد

[mr.hisham]

ربنا يوفق الجميع

[M.Ahmed Elsaid]

شكرا يا استاذ محمود على كلامك الطيب .. وصدقنى عتابى ليك كان زعل عليك وعليا وعلى كل زمايلنا اللى شغالين بالعقد او بالحصة

انا كل غرضى اطمنك .. صدقنى انا قلقان زيك على مصيرنا كلنا .. وبدعى من ربنا نوصل لكل اللى بنتمناه
وكلام سيادة الوزير فى الحلقة مكانش باهتمام .. علشان كدا انا روحت الادارة بعدها وسالت علشان اتاكد واللى قالوا الموظف انا قلته علشان اطمنك ..

ربنا يوفقك وينولك كل اللى فى بالك يارب

واشكرك مرة تانية على كلامك الطيب ومفيش داعى للاعتذار احنا زمايل واخوات وكلنا فى مركب واحد

[الاستاذ محب]

ياسادة دعونا من الاعتذارات فكلنا اخوة كما ذكر الزميل الكريم ولا داعى لها فالقلوب لا بد وان تكون متسعة والصدور لابد وان تكون رحبة لاننا كما ذكر الزميل كلنا فى مركب واحدة، وليس هناك تجاهل لاراء الاخرين .... المهم من معه معلومة عن موضوع العاملين بالاجر او العقود المؤقتة فاليدلو بدلوة ،،،، هذا هو المهم وجزا الله القائمين على هذا المنتدى الرائع خير الجزاء ولكم منى اطيب الامنيات

[سنا مصر]

طولة العمر تبلغ الأمل ليكن أملك فى الله كبير .