تقدر تكون مرايا ؟؟؟؟؟؟؟؟

[دعاء شديد]

اى تطور ونجاح لابد لهما من نظرة موضوعية من اصحابها

بمعنى ننقد انفسنا بموضوعيه قبل ان يوجه لنا نقد

لا نعرف مصدره ولا هوية صاحبه ولا نواياه

يعنى من الآخر مرايات للمنتدى

مستغربين ليه؟؟؟؟؟؟؟؟؟؟؟؟

يعنى مثلا احنا عندنا اذاعة ليه مندخلش ونقول رأينا

للمذيع عن موضوع الحلقة وعن كيفية ادارة الحلقه

نقاط الضعف والقوة فى الحلقة ... مش نفرح بان عندنا اذاعة وخلاص

وطبعا لا اعنى ان كل موضوع يتم نقده انما الموضوعات التى لا يمكن المشاركه بها

او الرد عليها ........ نحاول ونشوف ويكفينا شرف المحاولة المهم

هنا مفيش اعتراض على رأى حد
هنا كل شخص له وجهة نظر
هنا هنشوف نفسنا
فى المراياااااا

[دعاء شديد]

انا رأيي ان اسم برنامج الاذاعة الاول كان افضل

وهو "شريف الحريف" مش لانه باسم شخص

انما لانه كان بيدل على شخصية مذيع انما

الاسم الجديد يعتمد على الضيف يعنى اذا

الضيف مكنش صريح طلع اسم البرنامج هوا

انما "شريف الحريف" مشوق لان اكيد شخصيه

المذيع وحرفنه هتفرق مع كل ضيف مع الاحتفاظ

بثوابت شخصيه المذيع، يعنى هستنى كل حلقة
اشوف مين الضيف وهيحاوره ازاى
مش كده ولا إيه!!!!!!!!!!!

[طارق ممدوح ذكي محمد]

معاكي حق اخت دعاء

رحم الله امريء اهدى الي عيوبي

محتاجين فعلا انتقادات مش بس للأزاعه

ولكن لكل فكره او موضوع يطرح

الفائده من النقد اكثر بكثير من كلمات الاطراء والتشجيع

ما فيش مانع من التشجيع والاطراء بس لازم يكون معاه نقد او اكثر

حتى تكون الصوره حقيقيه ... ويكون كلا منا مرآة لاخيه

فالمؤمن مرآة اخيه ... اللهم ارزقنا الايمان يا رب العالمين

[طارق ممدوح ذكي محمد]

انا رأيي ان اسم برنامج الاذاعة الاول كان افضل

وهو "شريف الحريف"

اختلف معكي

اسم البرنامج لا بد ان يدل على الغرض من البرنامج

حتى يكون لدى الجميع علم مسبق بالهدف منه

لان كل انسان تستهويه نوعيه معينه من البرامج

وكمان كل ضيف قبل ما يسجل في البرنامج عارف

الهدف من الحوار وطريقة ادارته .. واما يقبل او يرفض

[MohammeD el_SadaT]

حقاً إحنا محتاجين للنقد البناء
محتاجين نفوق ونصارح نفسنا بعيوبنا وبإذن الله ليا رد تانى أكثر قوه وفاعليه فى هذا الموضوع الأكثر من رائع
سوف أضع بين أيديكم فيه بعض النقاط التى ألاحظها كنقاط ضعف داخل المنتدى
لنحاول أن نرى لها حلول سوياً

موضوع وفكره أكثر من رائعه ميس دعاء بارك اللهم لنا فيكى

[شريف]

أولا : سعيد جدا اني وجدت موضوع لكي علي العام ... و اتمني تستمري في الكتابة برغم مشاغلك
ثانيا: موضوعك في الصميم لو كنا فعلا بنبحث عن النجاح
و لو ماعملناش كده فعلا .....فلا نتوقع اي تقدم
او اختلاف عن المنتديات التعليمية الاخري
نقطة خطيرة و مهمة جدا ((( المراية )))
اننا نكون مراية لانفسنا و لغيرنا
أهم بكتير من كلمات عفا عليها الزمن
من نوعية
((( مشكوووووووووووور)))
((( لا فض فوك )))
((( موضوع جميل )))
((( ميرسي أوي ع الموضوع )))
فعلا محتاجين نرجع للدور الرئيسي لكل عضو في المنتدي في الموضوعات المطروحة
و هو انه يدلي برأيه بوضوح
يتناقش
يقنعني و اقنعه
ينتقدني وانتقده نقد يؤدي في النهاية لأن نظهر في أفضل صورة
و تعالوا نسمي ده ((( نقد ذاتي )))
((( تقييم ذاتي )))
و أحب اقول ان أي مؤسسة أو أي مكان مش هيستخدم اسلوب النقد الذاتي
فمصيره المحتوم هو الفشل
و هيسوده حاجات كتيرة بنعاني منها في حياتنا

المصلحة....الكوسة....النفاق....الملل
و الروتينية......موت أفكار كان ينبغي أن تعيش طويلا....هروب الاعضاء المميزين .....الاستمرار في الخطأ دون توجيه من أحد......و بعدين نقول في الاخر
قال يا فرعون ايه فرعنك؟؟؟؟؟؟؟.........

اول خطوة يا جماعة في الطريق الصحيح
اننا نتكلم بحرية شديدة و ننتقد بعض حتي و لو كان نقدا قاسيا
فهو في النهاية لمصلحتنا

و أبدا مانزعلش من بعض
((( لو اعتبرنا نفسنا اخوة فعلا )))
و دايما نحسن الظن بأنفسنا

ـــــــــ

أما بالنسبة لعنوان البرنامج

فعايز اقولك اني من اشد الناس كرها لتسمية برنامج
أو منتدي أو حلقات أو موضوع أو قسم في المنتدي باسم شخص معين

لان مش المهم الشخص اللي بيقدم الحلقة بقدر ما هو مهم
فكرة البرنامج
انواع الاسئلة
قيمة البرنامج
و هل هنستفيد منه فعلا أم ان قلته احسن؟؟؟؟؟

انا شوفت ان اسم البرنامج ((( شريف الحريف )))
مركز أوي علي شخصية فرد واحد
و كلمة حريف
((( حكم مسبق علي شخص احنا لسه ماسمعناهوش ))) !!!!
بنصفه بصفة معينة قبل بدء اول حلقة قد تكون موجودة فيه و قد لا تكون !!!!
اذن هيبقا اسم للبرنامج غير منطقي و فيه نوع من المجاملة
مشكور عليها طبعا صاحب الاسم
و لكن لنكن واقعيين
اسم البرنامج
((( شريف الحريف )))
مانقدرش نعرف منه فكرة البرنامج
مانقدرش نعرف بيتكلم عن ايه
ما نقدرش نعرف منه هدفه
مانقدرش نعرف منه حتي ايه وجه الحرفنة دي !!

كلمة الصراحة أحلي اعتقد انها احلي

علي الاقل
واضح انه برنامج مطلوب فيه الصراحة و مش محتاجين نسمع فيه ردود ديبلوماسية تقليدية
اسم تحس معاه انه برنامج واقعي يدخل المخ بعيدا عن المجاملات و كلمات المديح

عموما انا تحت أمركم
و اتفقوا جميعا علي اسم
و نتكلم معا في ذلك
لو الاسم ده مش مناسب

موضوعك طبعا بجد فكرته كويسة جدا
و كنا محتاجين نتكلم في حاجة زي كده جدا جدا

بس ياريت
تستمري في الكتابة
و لا تنقطعي عنها
لانك افكارك واقعية و خالية من المجاملات الزائفة التي تضللنا عن الطريق الصحيح
تسلم ايدك

[س ا يوسف]

المفروض النقد
لسبب انه لا يوجد كمال
بس للاسف فيه ناس بتزعل منك لما تعرض رأيك
ما ان مفيش حاجة تستاهل ان انسان يزعل
فما بالك يزعل من انسان تاني
اما عن البرنامج
شريف الحريف احسن
علشان الناس لا تنظر لشئ معين الا علشان اصحابها
اما علشان العمل فقط فدا بيأخذ وقت طويل بس بيكون اكثر عمقا

[مسيو وليد عسكر]

اولا احييكي استاذه دعاء علي طرحك للموضوع
واسعد جداا حينما اتصفح موضوعاتك القليله عددا الغزيره فكراا وااهدافا تسعي لتحقيقها....
اولا موضوع الاذاعه لست ادري لما يحاط بتعتيم ولا نشعر لا بالمحاور ولا بالضيف اللهم الا تنويه بسيط علي شريط الاعلانات واعتقد ان هذا وحده لا يكفي ..
اي عمل لابد وان يكون له عده مقومات لكي ينال نجاحا ...
اولها :الاعداد الجيد
وثانيها توافرالمساحه الاعلانيه المناسبه للتنويه عن الحدث
طالما نتعرض لعمل اعلاني ونريد ان يكون لنا فيه رياده وخاصه اننا سنجد كثيرون يلحقوننا في نفس الفكر وهذا امر يدعونا الي العمل الجاد وليس الي الخمول والراحه حتي يمكننا ان نصل الي الرياده المنشوده ولذا اقترح الاتي....
*عمل تنويه عن البرنامج بشكل مستمر من خلال اذاعه فقرات منه كنوع من التشويق ولذا يلزم التسجيل قبل الاذاعه باكثر من يوم حتي يمكن الاعلان عن البرنامج بشكل جيد

*طرح جزء من اسئله المحاور في موضوع مكتوب من الاستاذ شريف في قسم يتم تخصيصه في المنتدي ويكون قسم للاذاعه بحيث يمكن للساده الضيوف معرفه من هو الضيوف وماهي الاسئله التي سوف يتعرض لها طبعا لن يعرض كل اسئلته ولكن جزء منها وهذا كفيل في احداث النجاح المامول للحلقه والبرنامج(علي غرار برنامج الحقيقه لوائل الابراشي )

*عمل قسم للراديو والتعليق من كل الساده الاعضاء للتعليق عن الحلقه وابرز مابها من سلبيات وايجابيات وممكن ايضا للساده الاعضاء استكمال الحلقه مع الضيف عبر صفحات الموقع وطرح اسئله اضافيه للضيف وهذا كفيل باثراء الحلقه جدااا ووالتواصل مع كل ضيوف البرنامج بشكل فوري

*النقد البناء امر نحتاجه بشده فهو كفيل بان يوجهنا نحو الطريق الصحيح...

ارفع لك قبعتي سيدتي الفاضله علي موضوعك الهام واتمني ان يكون فيه استجابه لما طرحته واسمحي لي اشكر المحاور العبقري شريف علي اسئلته الرائعه المجهده لاي شخص فهو بالفعل مذيع بالفطره ولديه حضور غير عادي وكاريزما اعلاميه غير مسبوقه...وفقنا الله الي مافيه الخير والسلام عليكم ورحمه الله وبركاته

[مسيو وليد عسكر]

الف شكر يابو ادم علي الاستجابه الفوريه وعمل قسم للراديو ونتمني التواصل من خلاله مع كل الساده االضيوف ومقدمي البرامج

[monsieur_sadek]

لو طبقنا جميعا قول الرسول فى أن المسلم مرآة أخيه لما طرحنا هذا الموضوع للنقاش فالكل سيتقبل النقد لأنه أحس أنه من أخيه بغرض أن يكون أفضل مما هو عليه الأن وسيأتى اليومخ ليوجه أخيه للصواب إن أخطأ لا أن يتصيد له الخطأ ونبدأ فى التجريح
وعلى العموم الموضوع ممتاز ونتمنى من الجميع الالتزام فى النقد

[مستر أشرف فوده]

Fantastic and Wonderful

[wala]

موضوع حلو قوى يا دودو
المرايا يعنى ازاى تشوف نفسك
وطبعا اما تشوف نفسك هتنقد نفسك
طيب ايه فايدة النقد

للنقد فوايد كتيرة جدا ومنها على سبيل المثال:-

1- معرفة عيوب الموجودة فى الموضوع اى وضع ايدينا على الاخطاء
2- بمجرد وضع ايدينا على الاخطاء يعنى ممكن نصلح الخطا
3- عدمتكرار الاخطاء مرة اخرى
4-اساسا اما نحس ان فيه نقد بناء ده يعنى مفيش مجاملات ومعنى كده كل واحد هيبقى حريص يكتب احسن ما لديه
5- نجد منافسة فيما بين الجميع بتقديم كل ما هو جديد و مختلف

ديه بعض الفوايد فى اكيد فوايد اكتر

بالنسبة لاسم البرنامج " شريف الحريف " :-
انا شايفه ان اسم البرنامج مختلف وبيه غموض وعجبنى جدا

بس ليه راى يختلف مع البعض :-
فى ناس بتقول لازم نقول البرنامج عن ايه عشان الناس تعرف ده اهتمامها اولا
وفى ناس بتقول مش مهم نزكر اسم اشخاص خالص

فكرتى انا بقى :

اى اسم البرنامج مش هو المشكلة لان البضاعة الجيدة بتفرض نفسها
واكيد انتوا معاى فى كده مهما كان الاسم
البرنامج الحلو هيجذب " الحلو حلو"

وبعدين انا شايفة ان الغموض فى الاسم هيخلى البرنامج افضل

لانه هيجذب ناس اكتر وبعد كده اللى هيدخل البرنامج وميعجبوش فى حاجة هو حر

[أبوبكر أحمد العملة]

الاستاذة الفضلى/ دعاء شديد

أولاً: اسمحى لى بتقييم الموضوع ممتاز

ثانياً : نقد الذات من خلال الاخوات والاخوة من افضل طرق التنمية البشرية المستدامة

والتى اتيحت لها برامج كاملة مثل البرمجة اللغوية العصبية (nlp)

ثالثاً :أتفق مع الراى الذى يقول أن شعارنا

" الخدمة الجيدة ...تحتاج الى تسويق أجود ...!!!"

رابعاً:بداية وجود رؤية مستقبلية لنجاح أى مؤسسة هو تخطيطها الاستراتيجى من خلال

مثلاً التحليل الرباعى لنقاط( قوة-ضعف-فرص-تهديدات)

وبالتالى امكانية عمل رسالة ناجحة تصل للجميع أو المجتمع المحيط

مع خالص تقديرى لشخصكم الكريم
أبوبكرأحمد العملة
عضو مبادرة مجتمع المعرفة بمنتدى بوابة التعليم المصرى

[منى عبد الحافظ]

الغالية/ دعاء شديد
ماأجمل تقييم أنفسنا
ومراجعتها لكى نصلح من أنفسنا ؟؟؟

[محمد عبدالمنعم الملط]

الراديو التعليمى وسيلة عف عليها الزمان

مع وشائل التقنية الحديثة

والوسائط المتعددة

تحياتى وتقديرى