مانيش عايزة خلاص حاجة ولا انا محتاجة حاجة

[Madame/Basmalh]

مانيش عايزة خلاص حاجة
ولا انا محتاجة حاجةولو عايزة صحيح حاجة
مخليتوليش ولا حاجة

عموماً بصوا فيه حاجة
هقولها بس محتاجة
لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة
وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة
و بعد الشر بعد الشر
لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة
فنتوكل على الستار لوجه الله نقول حاجة
فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

كلامى يا خلق فيه حاجة؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة
لأنى لو هقول حاجة
هييجى ناس بتوع حاجة
وياخدونى ورا الحاجة
وهو لو سمع حاجة
هيعملوهالى ميت حاجة

عموما بصو لو واحد من القاعدين
عاوزنى أبلغه بحاجة
يقول مايخفش من حاجة

نعم فيه إيه؟
لالالالالأ مافيش سرقه
ولا تهليب ولا تهريب ولا حاجة

وبتقول إيه
مصمصوا إيه؟ وخصخصوا إيه؟
ده كله كلام مفيش حاجه

قضية إيه؟
ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة

وبتقول إيه؟لالالآلأ عـــيب
لافيه تدليسو ولاترقيص
ولا تدبيس ولا حاجه

سمع مع هووووس
انا حاسة انه فيه حاجة

دقيقة سكات لَتبقى حداد
انا حاسه انه فيه حاجة

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
يلا يا اخونا مفيش حاجه

هههههههههههههههههههه
والضحكة دى اكبر دليلى على
انى ما فيش حاجة

[نعمه محمود]

هو في حاجة؟؟؟؟؟؟؟؟؟؟؟؟؟؟؟

[دينا احمد]

اولا حلوة اوى الحاجة دى وثانيا النهاردة اول جمعة فى ابريل يعنى يوم اليتيم يعنى ساعد اليتيم فى اى مكان باللى تقدر عليه قال رسول الله صلى الله عليه وسلم (انا وكافل اليتيم كهاتين فى الجنة واشار باصبعيه السبابة والوسطى) صدق رسول الله صلى الله عليه وسلم

[Madame/Basmalh]

هو في حاجة؟؟؟؟؟؟؟؟؟؟؟؟؟؟؟

كفاية انى انتى تكونى اجمل حاجه يا نعمة

[ميس صافيا]

دا انتى قلتى كل حاجه
موضوع جميل طبعا
وما فيهوش اى حاجه
قصدى انه فيه كل حاجه

[نعمه محمود]

كفاية انى انتى تكونى اجمل حاجه يا نعمة

دايما تأسرينى بذوقك يا قمر

[Madame/Basmalh]

اولا حلوة اوى الحاجة دى وثانيا النهاردة اول جمعة فى ابريل يعنى يوم اليتيم يعنى ساعد اليتيم فى اى مكان باللى تقدر عليه قال رسول الله صلى الله عليه وسلم (انا وكافل اليتيم كهاتين فى الجنة واشار باصبعيه السبابة والوسطى) صدق رسول الله صلى الله عليه وسلم

مرسيى يا دينا على مشاركتك واحنا كنا عاملين حاجة لليتيم المبارح والنهارده والصور موجوده يا ريت تشوفيها وتشوف
اد ايه كانت الفرحة والسعادة على وجه اليتيم

[Madame/Basmalh]

دا انتى قلتى كل حاجه
موضوع جميل طبعا
وما فيهوش اى حاجه
قصدى انه فيه كل حاجه

يا نهار ابيض بجد النهارده عيد مس صافيا بتشارك فى موضوع ليه والله بجد ليه شرف الف شكر
ومرسيى جدا لحضرتك

[ياسر الدقاق]

كلام جميل جداً وذا مغزي كبير
يحتوي علي كل حاجه وفي معناه مفيش حاجه
شكراً مدام بسملة علي نقلك لأبيات شعر رائعة
من أجمل ما نظمت الشاعرة الكبيرة إيمان بكري
شكراً لكي وجزيت خيراً

[sodfasalah]

شكرا علي الزجل اللطيف هذا الذي فيه كل حاجة

[ahmed fouad]

لا لأ مفيش حاجة كنت حاسس ان فى حاجة
طلع خلاص مفيش حاجة
لا فى تعيين ولا تثبيت ولا حاجة
هو احنا نقدر نقول حاجة

[امل لاشين]

هو فعلا مفيش حاجه ....

لان مفيش اي حاجه لانسان لا يوجد لديه حاجه ..

والدنيا ولا حاجه ولا بتعطي من يريد حاجه ..

ههههههههه...ولا في اي حاجه تستاهل..

[Madame/Basmalh]

هو فعلا مفيش حاجه ....

لان مفيش اي حاجه لانسان لا يوجد لديه حاجه ..

والدنيا ولا حاجه ولا بتعطي من يريد حاجه ..

ههههههههه...ولا في اي حاجه تستاهل..

نورتى يا احلى امل فى المنتدى هو فعلا ما فيش اى حاجه

[وسام غانم]

مين اللى قال ان فى حاجه
ده فى حاجات مش حاجه
حضرتك اتكلمتى عن كل حاجه
و مسبتيش و لا حاجه
يارب ييجى اليوم اللى الناس
مش هتكون فيها محتاجه
و كده مش هيبقى فى و لا حاجه
و هيبقى كده كل حاجه
تــــــــــمــــــــــام

جزاكى الله كل الخير

[Madame/Basmalh]

مين اللى قال ان فى حاجه
ده فى حاجات مش حاجه
حضرتك اتكلمتى عن كل حاجه
و مسبتيش و لا حاجه
يارب ييجى اليوم اللى الناس
مش هتكون فيها محتاجه
و كده مش هيبقى فى و لا حاجه
و هيبقى كده كل حاجه
تــــــــــمــــــــــام

جزاكى الله كل الخير

[زهره المدائن]

انا مش عايزة حاجه من اللي مقدرش أي حاجه
بس هقوله حاجه انت اللي خسرت كل حاجه
بس هدي كل حاجة للي يقدر اهم وأغلي حاجه
وهقوله يا بختك اخدت كل حاجه
بس ياريت تصون الحاجه
اللي استحاله تتقدر باي حاجه
ليكي انت بقي اسمي حاجه
كلامك قال كل حاجه
بالرغم انه مخبي كل حاجه

تسلمي وتسلم كلماتك

[همس الحنين]

بهمسه منك فهمنا كل حاجه


وعرفنا بقدر الدنيا مبتديش حد حاجه


لكن جمال كلماتك


بيعوض كل حاجه

[Madame/Basmalh]

انا مش عايزة حاجه من اللي مقدرش أي حاجه
بس هقوله حاجه انت اللي خسرت كل حاجه
بس هدي كل حاجة للي يقدر اهم وأغلي حاجه
وهقوله يا بختك اخدت كل حاجه
بس ياريت تصون الحاجه
اللي استحاله تتقدر باي حاجه
ليكي انت بقي اسمي حاجه
كلامك قال كل حاجه
بالرغم انه مخبي كل حاجه

تسلمي وتسلم كلماتك

تسلمى يازهرة

[mr.osama]

هو في حاجة ..
طبعاً ولا حاجة
أحب أقول حاجة
شكراً مدام/ بسمله
لنقلك لذلك الزجل
للشاعرة/ إيمان بكري
وعلى فكرة كنت سمعتها أكثر من مرة
على شاشات التليفزيون
ولها العديد من القصائد والزجل الجميل
http://www.youtube.com/watch?v=NlwlM...layer_embedded

[Madame/Basmalh]

بهمسه منك فهمنا كل حاجه


وعرفنا بقدر الدنيا مبتديش حد حاجه


لكن جمال كلماتك


بيعوض كل حاجه