انا فى مشكلة كبيرة عاوز الحل

**ديناميت55** · 26-03-2010, 11:04 AM

رحت امبارح اختم ورق كارنيه النقابه من الادارة الى انا تبعها قالولى انت متعاقد روح للى عنده ملفات المتعاقدين
ولما رحتله قالى ان اسمى مش عنده والا الملف بتاعى والا اى بيانات ليه فى الاداره خالص مع انه قبل كده هو الى عملى ورقى كله واخدنى ورحت لرئيس شئون العاملين علشان يدور على الملف بتاعى ملقاش اى حاجه والا اسمى فى المتعاقدين اصلا والا متسجل عندهم مع انى عقد مميز ونجحت فى اختبارات الكادر ومعايا نسخة من العقد بتاعى وممضى من رئيس شئون العاملين الى هو نفسه بيقول انا معرفش عنك حاجه وهو الى واخد ملفى بايده
مع العلم انى شغال من 2008 وبقبض مرتبى والمكافاة عادى

عاوز حل ضرورى ..................ساعدونى ..........اعمل ايه ؟؟؟؟؟؟؟

**نعمه محمود** · 26-03-2010, 11:06 AM

حضرتك تحتفظ بصورة العقد المميز وبيان النجاح في اختبارات الكادر ثم ترسل لوكيل الوزارة وان لم يستجب فلترسل فاكس للوزير ولا تسكت عن حقك

**ديناميت55** · 26-03-2010, 11:15 AM

المشكله كمان ان انا مخلص ورق كتير من عندهم وانا بنفسى شايف اسمى فى الكشوفات بتاعتهم
وامبارح مش لاقى الاسم زى ما يكون اختفى

**emila** · 26-03-2010, 11:27 AM

هو المعلم المساعد ممكن يروح يعمل كارنيه النقابة وبالنسبة لمشكلتك حاول تروح الاول تتاكد من المديرية فى محافظتك وتشوف عقدك هناك ولا لا لو موجود اطلب منهم نسخة طبق الاصل مختومة من المديرية ووديها الادارة بتاعتك ولو لا قدر الله مش موجود ابقى ارفع الامر للجهات الاعلى وربنا معاك بجد ويوفقك

**أحمد البرجينى** · 26-03-2010, 11:41 AM

لا تسكت على حق حضرتك
1- لو حضرتك رحت المديرية الخاصه بالمحافظة هتلاقى فيها حضرتك كل معلومات عن حضرتك .
2- يوجد لدى الأخصائى الخاص بصرف المرتبات فى الإدارة كشوف ماليات وما يثبت أنك موجود .
3- ملف حضرتك موجود أكيد فى الإدارة بتاع حضرتك بس كسل منهم .
4- حضرتك ممكن إنك تصور بيان النجاح الخاص بالكادر وكذلك العقد الخاص بحضرتك وتبعته فاكس لوكيل الوزارة أو باليد .
5- لو محتاج إن حضرتك تاخد حقك بالإعلام ممكن إنك تبعت المشكلة بتاع حضرتك لأى جريده ( معارضة ) وهيهتموا بالموضوع لانها هتبقى بالنسبالهم فرقعه إعلامية .

والله الموفق ،،،

**محمد وهب الله سندل** · 26-03-2010, 01:12 PM

الاخ والعضو / احمد

اولا :- هناك فرق بين العقد المميز والعقد الذى يجدد كل ثلاث سنوات
ثانيا :- خذ صوه من العقد الاول واختمه من المدرسة التى توجهت اليها اول صورة طبق الاصل
ثالثا :- تقوم المدرسه او المعهد بعمل خطاب لك لمن يهمة الامر ام السيد /0000000 وباقى بياناتك الشخصية
يعمل لدينا بالعقد المميز منذ تاريخ استلام عمله وهو 000000 باشر عمله يوم 00000 ويقوم بتدريس مادة كذا ويقوم بالتوقيع بدفتر الحضور والانصراف منذ كذا حتى كذا وما زال حتى تاريخة على قوة العمل ثم يرفق صوره معه لاو مباشره عمل معتمدة من المدرسة التابع لها

وائل ودرو على اوراقك واحتفظ بكل ورقة لديك واسال الادراريين وشوف حالك لضيع زى ما ضاع ورقك ؟

العضو / محمد وهب الله

**ديناميت55** · 26-03-2010, 01:12 PM

متشكر على تثبيت الموضوع

وبجد عاوز حل من حد فاهم علشان دى مصيبه انا كده شغال فى المدرسة وبقبض مرتب ازاى وانا مليش عندهم اى اثبات انى فى الاداره
عاوز حد يقولى اعمل ايه بالضبط انا لسه مكتشف الموضوع ده امبارح الخميس بس

**طارق الشعواطى** · 26-03-2010, 02:09 PM

عايزك تقولى انت فى محافظة ايه ومركز ايه بس

وان شاء الله مشكلتك محلولة

**ديناميت55** · 26-03-2010, 02:28 PM

من محافظة كفر السيخ

**nourhan200005** · 26-03-2010, 09:25 PM

طيب ياستاذ اى اوراق خاصة بالمتعاقدين كانت بتجيلك على المدرسة من الادارة ام لا مثل التدريب اللى رحناه بتاع المعلم المساعد او مثلا انتداب او تصحيح وفيه عندنا فى الادارة دفتر بيه كل اسماء المتعاقدين ومكتوب علية من برة كشف اسماء المتعاقدين ممكن حضرتك تطلبوه وتدور فية وتسال كمان فى التوجية بتاعك اللى مسئول عن سد العجز فى المدارس وحضرتك واحد من اللى سدين العجز دى من اول ماعملت العقد
وفى قسم التعليم الابتدائى او الاعدادى حسب قسم حضرتك بيكون عندهم كشف باسماء المدرسين اللى فى المدارس بكافة التخصصات
يعنى حضرتك متسيبش قسم فى الادارة الا مادور فية
وكمان فى حاجة لو حضرتك دخلت على البوابة الالكترونية استمارة معلم او موظف ودخلت ببياناتك هتجد صفحة بها كل بياناتك ممكن تطبعها من النت وتاخذها معاك او تخلى قسم الاحصاء يطلعهالك

**نهاد فؤاد** · 26-03-2010, 09:52 PM

احيانا يكون هناك تكاسل من الاداريين فحاول مرة اخرى ووضح لهم مدى المشكلة وانك تملك عقدك ووضح لهم باسلوب لائق دون اهانة ان هذا عملهم وهذا تقصير منهم وبعد ذلك استعين باى شخص مسئول وكرر المحاولة وربنا يوفقك
لاتقلق مادام لديك عقد وكمان امتحنت فلا تخاف ابدا والحمد لله ان لديك عقد اخر فمكانك محفوظ ولا تقلق واستعين بالله

**ديناميت55** · 26-03-2010, 11:05 PM

متشكر لكل الناس الى ردت عليا
وانا ان شاء الله هروح الادارة تانى يوم الاحد واشوف هما هيعملوا ايه

**ا/ خالد عبد الله** · 27-03-2010, 11:28 AM

احيانا يكون هناك تكاسل من الاداريين فحاول مرة اخرى ووضح لهم مدى المشكلة وانك تملك عقدك ووضح لهم باسلوب لائق دون اهانة ان هذا عملهم وهذا تقصير منهم وبعد ذلك استعين باى شخص مسئول وكرر المحاولة وربنا يوفقك
لاتقلق مادام لديك عقد وكمان امتحنت فلا تخاف ابدا والحمد لله ان لديك عقد اخر فمكانك محفوظ ولا تقلق واستعين بالله