ازاى تعرف انك فى عام 2009 ؟؟؟؟
بسم الله الرحمن الرحيم
والصلاة والسلام على أشرف المرسلين سيدنا محمد علية افضل الصلاة وأتم التسليم
الموضوع الأصلى موضوع أختنا يمامة الغار
ودا ردى على موضوعها
وحطيته فى موضوع مستقل عشان هو رد كبير
مينفعش الا فى موضوع مستقل
عايزين تعرفوا انك فى عام 2009 م ؟؟؟؟؟؟؟؟
1- لما تسأل ابنك يحب يطلع اية فيرد عليك ويقول لاعب كرة مع انك كنت متوقع انه يقول دكتور او
مهندس " لكن الولد ذكى عارف ان لاعبى الكرة والممثلين هما اللى عايشين اليومين دول "
2- لما تلاقى ان الأغانى الوطنية بقت بتشحت مش ذى زمان بلادى بلادى ومصر هى امى لكن تلاقى
شرين بتقول متقولش حناخد اية من مصر قول حندى اية لمصر " يعنى عارفين ان الناس زهقت من مصر "
3- لما تلاقى الفاتورة بتاعت الكهرباء نزل عليها نظافة وفاتورة المياة نزل عليها صرف صحى وان شاء الله
سنة 2010 حينزل عداد عشان يشفوك بتتنفس بكام ويبقى الموضوع دة تبع وزارة البيئة ويقولك مش
انت بتطلع ثانى اكسيد الكربون وبتاخد اكسجين يبقى ادفع "
4- لما تيجى تسأل ابنك اية اللى يعدى البحر ولا يتبلش فيرد عليك ويقول الطائرة مع انك كنت متوقع انه
يبقى 000 زيك ويقول العجل فى بطن امة
5- لما تلاقى الباشا الكبير يبشر بعلاوة 50 % للعمال اللى هما اصلا مش كتيير بعد الخصخصة ويقول
للحكومة تدبر مصادر للعلاوة " ياعينى معندهاش مصادر " فترفع سعر تراخيص السيارات والسولار والبنزين
والمازوت يزيد الضعف فترتفع اسعار كل شئ مرتبط بية من اسمنت وطوب ومخابز وغيرة
6- لما تلاقى الناس ماشية بتكلم نفسها فى الشارع والسيارات تضرب كلاكسات وهو ولا هنا " يعنى
يقول للسواق دوسنى يا عم وخلصنى "
7- لما ابن الباشا الكبير يبشرنا بأننا حنستخدم الطاقة النووية لإنتاج الكهرباء مع اننا معرفناش نشيل
الزبالة من الشوارع فإستعنا بالخبرة الفرنسية " شركة أونكس " بس هو اكيد يقصد الطاقة النووية
المستخرجة من نوى البلح
8- لما تلاقى شعار وزارة الداخلية " الشرطة فى بهدلة الشعب " طبعا دا مرادف لشعارها الحالى
" الشرطة والشعب فى خدمة القانون " بعد ما كان شعارها " الشرطة فى خدمة الشعب "
9- لما تلاقى ان الغريب فى بلدك بيتاعمل احسن منك انت فتتمنى انك تكون امريكى عشان تتعامل
كويس فى مصر
10- لما تلاقى الانترنت بينشر فضايح التعذيب فى مصر وكل يومين تلاقى تسريب فيديو من قسم
شرطة ذى بتاع عماد الكبير
11 - لما تلاقى الحكومة بتفكر فى خصخصة النيل والأهرامات وأبو الهول ذى ما خصخصوا جبال مصر اللى
على البحر الأحمر أكيد شوفت اعلان عيون بورتو السخنة
12- " لما تلاقى القنوات الفضائية عايزة تسرق كل اللى فى جيبك فتعملك ألغاز ذى بتاعت المفتش
كرومبو وسرحان ونفيسة او تعملك خط تفسير الاحلام او خط الرشاقة او خط للفرفشة ما عليك الا انك
" اتصل من اى محمول على 000 "
13 - لما تلاقى ان القنوات الفضائية كتيرة ومتنوعة وكلها هدفها سرقت الوقت والفلوس فتلاقى 20 قناة
مسلسلات و20 قناة افلام و10 قنوات كوميديا و 30 قناة منوعات ذى ما يكونوا عارفين ان الشعب يا
عينى مطحون وعايز شعارتهم " روتانا سينما مش حتقدر تصلى الفجر " وبانورما دراما حتسيب فى
وشك علامة "
14 - لما تلاقى رجال الدين سايبين قضايا الأمة المهمة مثل قضية فلسطين وقاعدين يفتوا فى رضاع
الكبير وبول الأبل والتبرك ببول الرسول وإجازة زواج المسيار بشرط موافقة الريس
15- لما تلاقى الإنسان الملتزم إما مربى لحيته فيكون من القاعدة ولو حالق لحيتة يبقى من جماعة
الاخوان المسلمين المحظورة
16- لما تلاقى المناهج التعليمية للصف الرابع الابتدائى بياخد فيزياء اولى ثانوى واحياء ثانوى عام وقوانين
حركة وتوازن بيئى وكلام كبير على الثانوى وعايز استاذ جامعة يقوم بتدريسة
أكملكم بعدين
ان شاء الله
أصل ضغطى اترفع
الموضوع متجدد ومفتوح للنقاش
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة محمد صبحى
المفضلات