الـ dns وانفراد جديد لبوابة التعليم المصرى (( للي داخل بعضوية تانية من المنسحبين ))

[دعاء شديد]

طبعا بوباه التعليم المصرى منذ بدايتها
وعودتنا على الانفراد باشياء جديده وكثيره
واليوم ... تتوج هذا الانفراد بـــ
DNS
ده عباره عن احدث الطرق فى اوروبا والدول المتقدمه
للكشف عن "نوع العضويه بالمنتديات"
يعنى هل هى عضويه لاحد الاعضاء القدامى ؟؟؟
ام عضويه جديده ؟؟؟؟؟؟؟؟؟

وطبعا استطعنا بفضل الله ان نحصل على هذا البرنامج
ونعد بذلك المنتدى الوحيد الذى يملك هذا البرنامج
وسط المنتديات الشهيره والمنتديات المجاوره

وحينما استخدمنا هذا البرنامج
لقينا بلاوووووووووووى :bosyht9: اه والله بلاوى

* لانه كشف لنا اننا حققنا اعلى معدلات لاشتراك الاعضاء
بعضويات جديده مع الاحتفاظ بالعضويات القديمه طبعا
* كما كشف هذا البرنامج عن الاعضاء الذين قرروا عدم الظهور بالعضويات القديمة وقرروا الظهور بالعضويات الجديده

بس البرنامج مقدرش يقولنا لييييييييييييييييه بيعملوا كده ؟؟؟

ونأمل ايها الساده ان يجيب احد علينا
ليه تدخل بعضويه جديده ... وانت ممكن تدخل عادى يعنى باسمك ؟؟؟؟؟
ليه تدخل بعضويه جديده ... وانت رافض تستخدم العضويه القديمة اصلا ؟؟؟؟؟

فى انتظار الاراء والحوارات حول
الموضوع

[دعاء شديد]

سبحان الله
اكتشفت من خلال البرنامج الرهيب ده
ان هناك وشوش كتيرة لنفس الشخص
يعني حد معين يعمل فيها مش عارف ايه
و يقول انا مش هخش تاني
و ماليش دعوة بيكو و منتداكو
وواخد موقف بلا سبب وجيه و بدون مناقشة
و تلاقيه عامل عضوية تانية داخل يتلصص بيها علي كل الموضوعات
و يراقب الجو ... اكيد طبعا عشان يتصيد الاخطاء و بس
هوا ده همه
لكن يدخل يعمل لوجه الله
لا ازاي؟
كان داخل لاسباب شخصية و خرج عشان اسباب شخصية
و عشان عمله مكانش لوجه الله
دلوقتي يدخل زي الجاسوس
استخدمت لفظ جاسوس
لانه لو مش كده كان دخل بشخصيته و شارك بكل قوة
و لو في حد هنا هوا مختلف معاه
يناقشه
لكن لا
بتبقا شخصية أضعف من انها تواجه
بس برنامج رائع
كشف كثير من الاقنعة

شريف

ردك ده تحليل لنتائج البرنامج
وكان محتاج موضوع لوحده

[دعاء شديد]

الله عليك يا استاذ شريف
ردك استوفى ركن مهم جدا او نقول سبب مهم جدا لعمل اكتر من عضوية
وحقيقى برنامج مهم جدا و اسمه يدل على حاله
لانه فعلا dns

لانه بكدا بيدنسن على نفسه

كان نفسى يبقى اسمه
nfsn
لان حسب ردك
كان هيبقى بينفسن على نفسه
ولا ايه؟؟؟؟؟

[دعاء شديد]

السادة الأفاضل

لكي تكون معروفاً ولك منهجية لابد وأن تكون شخصاً إعتبارياً خيرُ لك من أن تكون شخصاً إفتراضياً،

إن منهجية الوضوح والشفافية في التعامل مع الآخرين هي خير وسيلة لكي يقتنع بك الآخرون

تخيل حضرتك شخص افتراصى فى بيئة افتراضية
يبقى العالم الخاص بيه "وهمي"
انما الشخصيه الاعتباريه فى البيئة الافتراضية
يبقى عالم اكثر اتساعا وتفاعلا

[دعاء شديد]

طبعا انا ضد الدخول باسم اخر غير اسمك الاصلى

كل واحد له اسم واحد خاص به دون غيره
يبقى ليه يغير فى شكله

تخيل حضرتك ان انا قررت اخوض تجربه الدخول
باسم آخر ... علشان اتكلم من الواقع مش مجرد كلام وبس
حسيت انى مش انا - حد مسجون داخل اسم مالوش اى ملامح
احساس صعب جدا

كمان للايضاح معظم المنتديات تستطيع قراءة اى بى المستخدم يعنى لو دخل
من نفس ال اى بى نقدر نعرفه

اما لو دخل من اى بى اخر استحاله معرفته

اتفق معك تماما
لكن ميزه البرنامج انه ... انه هدف اعداده
مش كشف الاي بي ولا تعدد العضويه
لا انما اتاحه معلومات تسهل تفسير سلوك هؤلاء الافراد
لان القائمين على اعداد وتطوير البرنامج
كان افكارهم حول "محاوله تفسير السلوك الانسانى الغريب فى ظل عالم افتراضى"
بمعنى اخر انت فى مكان محدش له سلطه عليك ولا هيحاسبك انت موجود فيه ليه
يبقى ليه تلجأ لسلوك غريب وتتنكر

[دعاء شديد]

هههههههههههههههههه
جميل الاكتشاف يا دودو
وممكن يكون فى ناس بتدخل بعضويات جديدة ترد على موضوعاتها وتناقش نفسها
تصيت روحها يعنى هههههههههههه

او لا سمح الله تسخن بعض المناقشات ويطوعوا بالوقيعة بين الاعضاء ربنا يهدى

الموضوع منور يا جميله
تخيلى انها فعلا حصل والبرنامج طلعها بكل سهوله
بس سيبك طول ما البرنامج ده شغال
الناس دى هتبان هتبان

[دعاء شديد]

حقيقة ام خيال

بالعكس انها حقيقة تكشفها وترويها صاحبة الاكتشاف العبقري دعاء

انما قامت من خلال البرنامج بمعرفة الكثير

واكتشفت اقنعة كثيرة جداااااا

فشكرا لكي على احصائيات البرنامج

هو احنا كان ممكن نشغل البرنامج ده
الا بعد ان قررت ان تحتفظ به ؟؟؟؟
بس كمان تعرف فى ميزه فى البرنامج ده
اكتشف ان فى اقنعه لا تختلف عن الوجه الاصلى
يعنى الاسم فقط هو الي اتغير

وكل اكتشاف واحنا متميزين

[دعاء شديد]

دا الواحد ما بيصدق يسجل مره

مش عارفه اللى بيسجلوا بكذا اسم دول ايه
لان عملية التسجيل اساسا ممله
كتابة اسم وايميل وباثورد وشغلانه
الا بالحق يا دعاء
انتى لقيتيلى كام عضويه

ههههههههههههههههههههه

ههههههههههههههههه
طول ما انتى كويسه وفى حالك
هسيبلك كل العضويات الاخرى

[دعاء شديد]

آسف لأني سأتكلم بصراحه

يبدو أن البر نامج مسالي للغايه
لان نتائجه لا تصل الي 100 % 100 من الدقه والصحه
أزاي
يعني لو غيرت الشبكه اللي واخد منها النت سيتغير الآي بي
ولو حدث وأحترقت البورده الخاصه بجهاز الكمبيوتر الخاص بي سيتغير كل شئ
كما أنه توجد يرامج لتغيير كل شئ مثل الآي بي والماك نيم
وشكرا لمجهودكم

والله الموفق

لا ابدا البرنامج مش مثال
مدام الي ابكره بشر يبقى فى نقص ودى طبيعه البشر
انما البرنامج معد من تركيبه مختلفه
من مفكريين نفسين واشخاص بيرصدوا حركة المنتديات وغيرها من المواقع
ومجموعه من المثقفين لرصد الاتجاهات الثقافيه من خلال
عينه للدراسه تم اختيارها بعنايه ومراقبتها دون علمهم طبعا
بالاضافه للمبرمجين الي صمموا البرنامج
هو مش برنامج كشف الي بي
انما هو له عدة مكونات لتحليل البيانات
ملحوظة بسيطه
لا يوجد برنامج لتغير الفكر والسلوك
مهما اتغير الي بي

[دعاء شديد]

الف مبروك على الاكتشاف الجديد وعندى اجابة لكل اسئلتك وعقبال يارب اكتشاف برامج لكشف حاجات تانية أهم من ذلك

بجد حضرتك نورت الموضوع
ويا رب دايما منورنا

[دعاء شديد]

برنامج خطير يا دعاء بنشكرك عليه ويا ريت يكون فى شفافية وتنزل قايمة بالاعضاء اللى لهم اكتر من عضويه ليكون عبره لغيرهم

شوفى يا بسمله
مش هدف اقتناء البرنامج كشف هويه هؤلاء
اطلاقا ... هو احرار طبعا
انما رساله لهم مضمونها
كن نفسك ... مادامت اهدافك سلميه
وان كنت ذا نيه سيئه ... فقد سقط القناع

[ميس صافيا]

ههههههههههههههههه
طول ما انتى كويسه وفى حالك
هسيبلك كل العضويات الاخرى

حونينه
ماشى ماشى

[دعاء شديد]

المهم الاحصائيات ام سيكون الاحنفاظ بها لفئة خاصة فقط
لا اعتقد والا مكنش يكون الموضوع في العام

يا استاذ سيف
واثبات للجميع انكم فى مكان متميز
يسعى دائما للوصول للتميز والاهتمام بالاعضاء
حتى المتنكرين

[نعمه محمود]

ده فظيع مريع شنيع



بس ايه رأيك مسلى والله جدااااااااااا

المهم يادعاء مكنتش متخيلة فوايد البرنامج الفظيعه الا لما بعت لى الملف الاخير مش ممكن!!!!!!!!

[دعاء شديد]

طبعا واضح الجماعة اللى بيدخلوا باكتر من اسم
وااااااااضح ان السبب انهم عارفين ان مفيش حد هيحترمهم لعدم اخلاصهم واكيد هم من محبى الشهرة
فيصنعون لانفسهم احتراما مصطنعا وشهرة مفبركة بس خلاص وقعتوا ولا حد سمى عليكم
ههههههههههههههههههههههه

حضرتك تختفى وتظهر بمشاركه قويه
بس والله كانوا معروفين من قبل البرنامج
بس البرنامج دعمنا اكتر

[س ا يوسف]

في الاول فهمنا ان البرنامج احصائي
وبعد المشاركات
اتضح ان البرنامج تحليلي ( سلوك البش في المنتديات)
ثم تبين انه يتم اختيار عينات لمدة معينة ليظهر تحليل السلوك لهم
عامة نبحث احنا لنصل للحقائق
شكرا

[دعاء شديد]

المهم يادعاء مكنتش متخيلة فوايد البرنامج الفظيعه الا لما بعت لى الملف الاخير مش ممكن!!!!!!!!

انتى شفتى ملف واحد
الملفات لسه كتير بس لما تفضى

[دعاء شديد]

في الاول فهمنا ان البرنامج احصائي
وبعد المشاركات
اتضح ان البرنامج تحليلي ( سلوك البش في المنتديات)
ثم تبين انه يتم اختيار عينات لمدة معينة ليظهر تحليل السلوك لهم
عامة نبحث احنا لنصل للحقائق
شكرا

يا استاذ سيف
العينه دى تم اختيارها لاختبار البرنامج من قبل القائمين على تصميمه
ولما استقروا على النسخه النهائيه ... بدء التشغيل بشكل عام
والنسخه الي عندنا تطبق بشكل عام وليست على عينه محدده

كمان التحليل بيتم على اساس الاحصائيات

[حبيبه المصريه]

انتى شفتى ملف واحد
الملفات لسه كتير بس لما تفضى

طيب ياترى حتفرجونا معاكم

ولا حتتفرجوا لوحدكم

الأفضل إتفرجوا لوحدكم

بلاش الناس تتفرج عليهم

أنا عن نفسى مليش عضويات تانيه

عشان محدش يفكر حاجه

الموضوع بس حفظ لصورتهم شويه

برغم أكيد أخطائهم وتجاوزاتهم المتوقعه

من التسجيل بأكثر من إسم

كفايه إنكم عرفتوهم إنكم عارفينهم

[mr_moh55555]

طبعا بوباه التعليم المصرى منذ بدايتها
وعودتنا على الانفراد باشياء جديده وكثيره
واليوم ... تتوج هذا الانفراد بـــ
DNS
ده عباره عن احدث الطرق فى اوروبا والدول المتقدمه
للكشف عن "نوع العضويه بالمنتديات"
يعنى هل هى عضويه لاحد الاعضاء القدامى ؟؟؟
ام عضويه جديده ؟؟؟؟؟؟؟؟؟

وطبعا استطعنا بفضل الله ان نحصل على هذا البرنامج
ونعد بذلك المنتدى الوحيد الذى يملك هذا البرنامج
وسط المنتديات الشهيره والمنتديات المجاوره

وحينما استخدمنا هذا البرنامج
لقينا بلاوووووووووووى :bosyht9: اه والله بلاوى

* لانه كشف لنا اننا حققنا اعلى معدلات لاشتراك الاعضاء
بعضويات جديده مع الاحتفاظ بالعضويات القديمه طبعا
* كما كشف هذا البرنامج عن الاعضاء الذين قرروا عدم الظهور بالعضويات القديمة وقرروا الظهور بالعضويات الجديده

بس البرنامج مقدرش يقولنا لييييييييييييييييه بيعملوا كده ؟؟؟

ونأمل ايها الساده ان يجيب احد علينا
ليه تدخل بعضويه جديده ... وانت ممكن تدخل عادى يعنى باسمك ؟؟؟؟؟
ليه تدخل بعضويه جديده ... وانت رافض تستخدم العضويه القديمة اصلا ؟؟؟؟؟

فى انتظار الاراء والحوارات حول
الموضوع

هذا الموضوع ليس اختراع جديدو ليس له اي ضرورة علي الاطلاق...ببساطة ممكن تعملي بحث علي المشاركات بكذا طريقة منها رقم ip وهو سوف يدل علي الكذا id ل ال ip الواحد
و ممكن الشخص يغير ip ببرامج معينة

ثم المهم لماذا الفرد يستخدم كذا اسم...صح؟؟؟

ببساطة يمكن معرفة هذا من مشاركته و تحليله؟

و انا مستعد...أحلل....المشاركات و أقول السبب....سهلة

سلام

[دعاء شديد]

طيب ياترى حتفرجونا معاكم

ولا حتتفرجوا لوحدكم
الأفضل إتفرجوا لوحدكم
بلاش الناس تتفرج عليهم
أنا عن نفسى مليش عضويات تانيه
عشان محدش يفكر حاجه
الموضوع بس حفظ لصورتهم شويه
برغم أكيد أخطائهم وتجاوزاتهم المتوقعه
من التسجيل بأكثر من إسم
كفايه إنكم عرفتوهم إنكم عارفينهم

مش عارفه اقولك ايه
بس بجد انتى وصلك فكره البرنامج
مش هدفنا كشفهم انما بس يعرفوا
اننا عارفينهم