المشاركة الأصلية كتبت بواسطة مرفوتة
سلام عليكم الاجابه ررررررررررائعة حتى بنتي فرحت بيها وافادتها بجد وقالت ياريت المستر بتاعنا يشرح كده الف شكر يامستر جمال فعلا التلفزيون والكارتون انا بعاني منه جدا هاخد بنصيحتك الايام الجايه ممكن سؤال تاني 1على8 of24=.......?
شوفى حضرتك
للاسف السؤال دا يبقى سهل فى سنة ثالثة لما ياخدو القسمة لان معناه 1/8x24 =3
بعض المدرسين اللى عاوزين مدرسين اصلا بيقولوا للولاد كدا والولاد متعرفش القسمة اصلا
المهم هقولك هنا يفهمها او تفهمها بنتك ازاى
لو رسمنا رسمة زى دى
* * * * * * * *
* * * * * * * *
* * * * * * * *
انا رسمت 24 علامة او اى حاجات زى بعضها وقسمتها ثمانيات
يعنى ثمانية وثمانية وثمانية
واخدنا من كل ثمانية واحد زى ما حضرتك شايفة ( اللى باللون الازرق)
وهما ثلاث ثمانيات يبقى اخدنا 3
بكدا نفهم ان
1/8of 24 = 3
اعتقد انها وضحت كدا واى خدمة
على فكرة انا بتاع ثانوى مش ابتدائى - بس كونى بشتغل فى مدارس لغات فانا جايبها من ابتدائى لحد ثانوى وبالتاكيد فيه كفاءات كتير بالابتدائى بتقول زى الفل وللاسف بردو فيه احيانا مدرسين يلزمهم مدرسين يعلموهم ازاى يشرحوا للولا وميلفقوش الحل وخلاص!
شكرا لحضرتك
تحياتى
المفضلات