[quote=ندى علاء صالح;273999]انا طالبة بالصف السادس بس انا عندى مشكلة انا مش بحفظ بسهولة وباخذ وقت كتيير عقبال لما احفظ وده بياثر على وقت مذاكرتى للمواد الاخرى..ثانيا لما بحفظ اى حاجة بعدها بكام يوم القينى ناسياها خالص وبذاكرها من اول وجديد وكانى مذاكرتش حاجة خالص..ارجو اى حل للتخلص من هذه المشكلة..ولكم جزيل الشكر[
اسمحوا لى بالرد على هذه المشكلة :
أولاً حلو إنك تسألى فى حاجة تعباكى وكمان حاجة هتنفعك ودا بيدل إنك عايزة تبقى أحسن ويدل إنك إن شاء الله فى المستقبل هيكون لكِ دور مفيد .
ثانياًممكن بتكونى بتحفظى (مثلاً كلمات الانجليزى )يوم التسميع أو قبل التسميع بكام ساعة فقط ودا فى وقته هيخليكى تسمعى حلو بس بعد كدة بيتنسى ولما تيجى تسمعيه تانى هتكونى نستيه، عشان كدة ممكن تقرى الكلمات أول ما تاخديها كام مرة قراءة فقط واذا كان فيه وقت احفظى جزء وبعد كدة وإنتى على السريروإنتى جاية تنامى بعد ماتقرى دعاء النوم وإنتى مغمضة عينك سمعى اللى حفظتيه وتخللى ورقة جنبك فيها الكلمات اللى بتحفظيها واذا نسيتى كلمة قومى بسرعة اقريها ونامى تانى .
جربى وابقى ردى عليا وربنا يوفقك.