اللسان ملك ....... من كتاب استمتع بحياتك .

[ميس سوزان]

لو تأملنا فى اللى ببيحصل بين الناس .....
ليه بنحب حد معين وبنفرح لما نكلمه وعايزينه معانا على طول ؟؟
وليه حد تانى بنكره كره العما وتقيل علينا زى الجبل ونتمنى انه يختفى من حياتنا
ولا بنحب نتجمع معاه فى مكان واحد ؟!!!!

السبب فى كده طبعا اللسان
ها ؟ يا ترى انت بتتكلم ازاى مع الناس
بتقدر تكسبهم ولا زى ما بيقولوا
جه يكحلها عماها !!

كلنا جوانا أفكار عايزين نوصلها للناس
بس الفرق بين واحد والتانى هو
أزاى
توصل الافكار دى بطريقة حلوة ما تضايقش حد منك ؟؟

كان فيه قصة لملك
حلم ان أسنانه بتقع
فجاب مفسر احلام قاله ايه ده
أعوذ بالله أعوذ بالله يا ساتر يارب
كل أهلك حيموتوا وحتبقى فى ملكك لوحدك
وملامح وشه أتغيرت تماما
طبعا الملك تشاءم منه وغصب وأمر بجلده !!

وجاب مفسر تانى
ولما سمع الحلم كان مبتسم وهادىء
وقاله خير خير ده أنت ربنا حيمد فى عمرك اوى وحتكون أخر واحد فى أهلك حيموت وحتفضل طول عمرك ملك
فطبعا أنبسط منه جدا ورضى عنه وكافئه كمان .


سبحان الله رغم انه نفس المعنى
بس كل واحد وصلها بطريقة مختلفة
فعلا
اللسان ملك وسيد
فى خطبة الجمعة والاصلاح بين الناس والمحاماه ....
بس مش معنى كده ان لو الانسان فقده حياته تنتهى !!
لا طبعا صاحب الهمة بيفضل بطل مهما فقد من قدرات .

بيحكى صاحب الكتاب ان كان ليه واحد صاحبه بيشتغل مترجم فى معهد الصم والبكم
أتصل بيه وقاله ممكن اجيب أتنين صم من عندى يقولوا خطبه الجمعة
طبعا صاحب الكتاب أستغرب جدا
ولما وصلوا ودخلوا المسجد
بدأ الأول يحكى عن نفسه وقصه انه عرف ربنا وذاق حلاوة الايمان أزاى ؟
كان بيتكلم بالاشارات وبينفعل فى كلامه
والراجل كان بيترجم
أما الثانى فحكى قصته ب (اللمس ) على أيد المترجم علشان يقدر يفهمه
لانه كان أصم وأبكم وأعمى فمتعلمش لغة الاشارات
وأثر فى الناس أوى اوى اوى
رغم المحنة اللى هو فيها
س كان شايل هم الدين أوى
وحاسس انه مسئول عن كل عاصى ومقصر !!
فما بالك ينا أحنا اللى الحمد لله ربنا عافانا من ده ؟

وكان خارج من المسجد وعلامات الرضا والسعاده باينه على وشه
لانه قدر يتكيف مع ظروفه
ويستمتع بحياته
رغم ان فيه غيره عندهم قدرات أكتر منه ومع ذلك مش قادرين يتغلبوا على مشاكلهم وهمومهم


حقيقة :. الانسان لا لحمه يؤكل .. ولا جلده يلبس
فماذا فيه غير حلاوة اللسان !!

[ميس صافيا]

طب ممكن سؤال
حلاوة اللسان دى فطره والا اكتساب ؟

[أفنان أحمد]

اللسان ملك حقا
والكلمة خطيرة
يجب أن توضع فى موضعها
وقد أوصانا الله عز وجل فقال : (وقولوا للناس حسنا )
لكل الناس ..
هذه خلاصة الكلام
جزاكم الله خيرا على الموضوع الهام

[أبوبكر أحمد العملة]

الاستاذة الفضلى / ميس سوزان

جزاك الله خيراً على الموضوع المتميز

فعلاً اتفق مع سيادتك على اهميةالموضوع


قال تعالى: "وما يلفظ من قول إلا لديه رقيب عتيد".

في حديث أبي سعيد الخدري قال رسول الله(ص) :

((إذا أصبح ابن آدم فإن الأعضاء كلها تكفر اللسان

تقول: اتق الله فإنما نحن بك فإن استقمت استقمنا، وإذا اعوججت اعوججنا)) رواه أحمد.

قال رسول الله(ص) :

((ثكلتك أمك يا معاذ وهل يكب الناس في النار على وجوههم إلا حصائد ألسنتهم)).

(( لا يستقم إيمان عبد حتى يستقيم قلبه ولا يستقيم قليه حتى يستقيم لسانه

ولا يدخل الجنة رجل لا يأمن جاره بوائقه "أي شرور" )).

عن عبد الله بن مسعود رضي الله عنه

قال: والذي لا إله غيره ما على ظهر الأرض من شيء أحوج إلى طول سجن من لسان.

قال الفضيل بن عياض: ما حج ولا رباط ولا جهاد أشد من حبس اللسان

ولو أصبحت يهمك لسانك أصبحت في هم شديد.

فإن لم يسجن وأطلق له العنان فإنه يأكل الحسنات ويجلب السيئات

وتفاجأ يوم القيامة بذنوب كالجبال.




بارك الله فيك على التذكرة الطيبة


مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم