ملحوظة مهمة في نتيجة الكادر

[كرومبو 2]

السلام عليكم ورحمة الله وبركاته
بداية أود أن أهنئ جميع المتعاقدين الذين اجتازوا أختبارات الكادر بنجاح
إلا أنني لاحظت تلك الكلمات التي كادت أن تفسد علي فرحتي
مـلحوظة : تعتبر هذه النتيجة لاغية في حالة تبين خطأ بأي مستند من المستندات المقدمة
وذلك لأني لم أقم بتسليم الأوراق بنفسي بل قدمتها ( الأصول ) للادارة التعليمية على أمل أن يرسلوها بدورهم إلى فرع الأكاديمية بدمياط
ومما زاد من قلقي هذا التنبيه
فرصة استثنائية للمعلمين المساعدين الذين تقدموا لاختبارات 20 /11/2009

قررت الأكاديمية المهنية للمعلمين منح فرصة استثنائية للمعلمين المساعدين الذين لم يتقدموا بأصول أوراقهم لفروع الأكاديمية، لتقديم أصول هذه الأوراق من اليوم الاثنين الموافق 15/2/2010 حتى الخميس الموافق 25/2/2010. ومن يتخلف عن التقدم فى هذه الفترة المحددة ستقوم الأكاديمية بإلغاء نتيجةالاختبار بالنسبة له.
أرجو الإفادة أكرمكم الله

[جيوو]

السلام عليكم
لو كانت اصول الاوراق لم تسلم للاكاديميه كانوا حجبوا النتيجه زي ما كان مكتوب بموقع الاكاديميه

[زهره المدائن]

الســــــــــــــــــــــــــــــلام عليـــــــــــــــــــــــكم
يا استاذي الفاضل اولا الف مبروك علي النجاح
ثانيا المقصود بالكلام ده ان بعض المستندات المطلوبه
عند بعض الاشخاص مش كامله مثلا شهاده icdl
انا كمان تبع "دمياط" والكلام ده من مسئول في الاكاديميه
بلاش تقلق الله المستعان

[زهره المدائن]

وياريت لو في حد تاني من دمياط نكون كلنا علي اتصال لمعرفه اخر الاخبار في فرع الاكاديميه لان كل اصول الاوراق وصلت هناك عن طريق مسئول الملفات في الادارات مش متسلمه شخصيا

[عمر العدوي]

اكيد انت ورقك وصل هناك عشان نتيجتك بانت مش معقول الادارة هتبعت ورقة وتيب ورقة لو قلقان اوى ارجع للادارة او اتصل بالاكادمية واسالهم لكن اتاكد ان ورقك وصل وان شاء الله كلو سليم

[عاشق تراب مصر ونيلها]

تخليها على الله وبعدين الكلام كان واضح ان اللى عنده غلط فى بياناته هو اللى هاتتحجب نتيجته وكمان حكاية الاوراق لو كانت متسلمتش النتيجة ماكانت ظهرت ليك واهم حاجة برضه تخليها على الله والف مبروك على النجاح