ممكن تمرن قلبك ؟
والله مهتخسر
بالعكس ... هتفرق معاك جداااااااااااا
هقولكوا طبعا انا اقصد ايه
القلب فيه احاسيس كتير جدا
الحلوه طبعا
بس الحياه والشغل والناس البشعه
والظروف والمشاكل
بيخلوا احاسيس ترجع اخر الصف
واحاسيس تانيه تبقى فى الاول
طيب متجرب تمرن قلبك على
انه يشوف الاحاسيس الحلوه دى
لسه موجوده ولا لأ؟
والله هتحس بتغيير رهيب
على الاقل هتكسر روتين الدنيا بتاعتك
ولو متكسرش
هتفتكر ايام زمان وتعد تحكى عنها
وتنفصل لوقت عن الواقع
ولو منفصلتش
هتحس انك فى يوم عشته حلو
بروقان بال وسعاده
فهتحمد ربينا
لان فى ناس حياتها
شقاء منذ ولادتها
ها
هتمرن قلبك ولا لأ ؟؟؟؟؟
هديك مثال
بس من غير ضحك
زمان كان احلى احساس وانت صغير يعنى
لما تقف عند "عم عبد البقال"
علشان تشترى توفى ولبان وعسليه وكراتيه
وتبقى عينك زايغه مش عارف تجيب ايه ولا ايه
بس كنت بتبفى فرحان انك بتشترى
صح ولا لأ ؟؟؟؟ صح طبعا
دلوقتى بقى
تروح السوبر ماركوا
"لان اى بقال بقى يكتب كده"
وتقوله
هاتلى اى باكو بسكويت ؟
انا معرفش الانواع اى حاجة ؟
وانت ايه مش طايق الراجل ولا البسكويت نفسه
طيب متحاول كده
تروح وتتفرج وتنقى بمزاج وتحتار
واعمل كده مع احاسيس زمان النقيه
الي كانت بتسعدنا
والله هتفرق كتير
كأنك غسلت نفسيتك بميه البحر
وهنشوف مين هيتفوق فى التمرين ده
المفضلات