نداء الي كل رجل في المنتدي ... أدخل فورا
ببساطة شديدة ... يا وحوش المنتدي ...
يا أسود و نمور بوابة التعليم المصري
مطلوب مننا نحلل الموقف الحالي في المنتدي
جماعة نون النسوة في المنتدي زي ما احنا شايفين
جماعة هشة مفككة خاوية لا تربطهن علاقة قوية
و لسه لحد دلوقتي ما قدروش يعملوا جماعة معترف بيها
دوليا ليها صوت مسموع و ليها لوائح و قوانين
و دستور و حتي الان ليس لهن زعيمة عصابة
و مشردين في جميع انحاء جمهورية المنتدي
و بعضهم لسه خايف يدخل اساسا من البوابة
من الذعر اللي هما حاسين بيه من واو الجماعة
و رجالة واو الجماعة
و قوة و جبروت و بطش الواو ...
ده شئ جميل أوي
و انجاز نفخر بيه كواو محترمين
اللي عايزين نعمله بقا قبلهم اننا ان شاء الله
بعون الله نكون جماعتنا
و نتخذ زعيم لينا و ننصبه علي كرسي عرش الواو
و يبقا لينا جماعة و لوائح و قوانين و زعيم و منشورات
و احتمال كمان
نضم منهن واحدة و لا اتنين من الجواسيس او او الخونة
اللي هيخرجوا عن جماعة نون النسوة
ده لو اتعملهم جماعة اصلا
ده غير بقا اسري الحرب اللي ع الماشي كده و الجواري
اللي هنسبيهم و الدهب و الفضة و ما الي ذلك
في الحرب العالمية الرابعة اللي هتحصل دي ان شاء الله علي ايدينا
لكن
في مشكلة كبيرة... ان في بعض الرجالة بيحذروا
الدخول في مثل هذه الحروب الشريفة
و بيقلقوا من الدخول فيها أو ينسحبوا رغما عنهم
في منتصفها
او نلاقيهم فجأة بيجاملوا النسوة النون .... و بيدافعوا عنهم
و دول بنقول لهم كفوا اذاكم و مش عايزين منكم حاجة
اما باقي رجالة المنتدي الشجعان
فمطلوب من حضرتك كرجل
اذا رغبت في الانضمام الي ((( رابطة واو الجماعة )))
فهيا أيها البطل
اكتب اسمك ثلاثي
أكتب سنك
اعلن عن رغبتك اذا كنت ترغب في ان تكون زعيما للجماعة
او اعلن عن اسم احد وحوش واو الجماعة الذي تحب ان ترشحه للزعامة
اكتب القسم ((( أتعهد انا / .......... بالالتزام بقوانين و لوائح و نظام رابطة واو الجماعة
و ان ادافع بكل ما املك من قوة عن الرجل المصري و قضاياه و الا اتحيز الي المرأة في مقابل
التحامل علي الرجل ...و الا أجامل و ألا انافق و ألا اداهن اي نون نسواية و الله علي ما أقول شهيد )))
جاء الوقت الذي سننقي فيه الصف و يظهر العدو من الصديق
هيا ايها الابطال حتي نعلنها حرب شاملة
منتظر كل
الرجال
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة احمد الشلقامى
المفضلات