أبو العريف (بتاع كله )

**ميس سوزان** · 14-01-2010, 01:18 AM

** ليه يا ترى الناس {عامة } او المصريين {خاصة} بيطلقوا لقب ((أبو العريف)) على اللى بيدعى المعرفة ؟؟

اللى بيفضل يتكلم فى كلللللل حاجة مهما كانت
وعايز يفهم الناس كلها ان مفيش حاجة ما يعرفهاش وان مفيش فى الدنيا منه اتنين ؟!

يقال ان ده نوع من السخرية أشتهر بها الشعب المصرى وبيدل على أعتراضهم وعدم رضاهم وردهم على
الشخص ده
لان أبو العريف يعنى فى الحقيقة الذى لا يعرف !!
وأطلقوا هذا اللقب رغبة منهم فى ايقاف تصرفاته

أما الطب النفسى بيفسر شخصية أبو العريف دى على انه شخص عايز يحس بالقوة والامتلاك حتى لو كان الامتلاك ده فى المعرفة والعلم بخفايا الامور..... وده السبب الأول

الفرق بين الحقيقة والادعاء هو المعرفة الحقيقية والتمكن العلمى لأن اللى يثق فى نفسه وعلمه بيكون حريص على انه يسأل أكتر من انه يجاوب ويحب يطلع وبتأكد دايما لان الانسان الطبيعى عارف كويس اوى انه
مستحييييييييل يلم بكل شىء .

أما صاحبنا أبو العريف العكس بقى يعنى بيظهر عندما يغيب العلم عن المجتمع ويتصف أفراده بالجهل والضعف وعدم الثقة فى النفس .

أما السبب التانى لظهور شخصية أبو العريف من الناحية النفسية هو
الهروب من الواقع
يعنى لما واحد تكون أحلامه كبيييييرة جدا وأمكانياته شديدة الضعف وده تناقض داخلى موجود عنده
فبيخليه يدعى أدام الناس المعرفة وهو فى الواقع أعتداء وعدوان وعنف على الاخرين !!

والظاهرة دى لو أنتشرت حتبقى دليل على عجز المجتمع وفشله وجهله لان الفرد والجماعة متصلان معا
ولو كان المجتمع صحيح لصح أفراده والعكس طبعا
الحل
فى التعليم السليم
فهو مفتاح العلاج الحقيقى لشخصية { أبو العريف }