انت/ي مفيش عندك: نظر ... ..خالص
اكمالا لسلسة أنت مفيش عندك .......... خالص
موضوع النهارده عن
بقولكم أيه شوفوا الموضوع وانتم تعرفوا
مش هتكلم كتير وأرغي بس بكل بساطه اهم حاجه الفكره توصل
كلنا عارفين ان التدخين حرام
اصدرت دار الافتاء المصريه حكماً شرعياً بالحرمة القطعية للتدخين وذالك في فتواها الصادرة في جماد الاولى 1420 الموافق 5 سبتمبر 1999م : جاء فيها" ان العلم قد قطع في عصرنا الحالي بأضرار استخدامات التبغ على النفس .
لما في التدخين من اضرار تصيب المدخن وغيره ممن يخالطونه , ولما فيه من اسراف وتبذير نهى الله عنها .
والله تعالى يقول : {ولا تقتلوا أنفسكم إن الله كان بكم رحيما}
ويقول عز وجل ( ولا تلقوا بأيديكم إلى التهلكة وأحسنوا إن الله يحب المحسنين )
وعليه فأن التدخين حرام بكل المقاييس الشرعيه بالأجماع من دار الأفتاء المصريه
الدكتور / نصر فريد واصل
مفتي جمهوريةمصر العربيه
لحد هنا وتمام ......
اما بقي لما يحصل تجاوز ونشوف صورة واحد بسيجاره في المسجد !!!!!!!!!!
ديما لما بدخل دورة المياه الخاصه بالمسجد المجاور لبيتي أجد كثير جدا من الناس يدخنون فيها ويفصل بينها وبين المسجد باب يعني مش منعزله ولا حاجه ممكن تكون انت بتصلي وتشم الريحه ده غير الناس اللي عندها هواية التدخين في الحمامات !!!!
طبعا شيئ غريب جدا ومعقول مفيش نظر للدرجادي ايه ده ؟ شيئ بشع بجد !!!
في يوم كنت في المسجد وحاضر (كتب كتاب ) عقبال الجميع واللي أتجوز يعملها تاني لحد أربعه
المهم
أبو العروسه الله يسامحه جاي متأخر ومن كتر الدوخان اللي فيه دخل المسجد بالسجاره
ولا هوا هنا الناس كلها قالت له السيجاره السيجاره فبص علي أيده لقي نفسه ماسك سيجاره جري رماها من الشباك
ياخبر ......... للدرجادي خلاص !!!!!!!!!!!!!!!
وفي مره كمان كنت في خان الخليلي وشوفت النساء وموقف فظيع رجل علي رجل والشيشه ياجدع وشغال ولا أحلي راجل حتي البنات بقت بتقلد الرجاله في الشيشه والسجائر !!!!!!!!!
البنات بقي ماسابوش الرجاله في حالهم خالص كل حاجه يقلدوها
ناقص بكره أسمع أنهم عايزين يكونوا في الجيش
حتي أنا أخد معافاه فكره مش صح ؟
وفي النهايه ايه رأيكم في اللي بيحصل
وأيه رأيك في التدخين
والله عادة زي الزفت
الحمد لله والدي بطل
ولكن للأسف أخويا الكبير بيشرب سجاير وأخويا الاصغر مني بيشرب سجاير
كده بقي دخلنا في موضوع تاني
أن في قريتي ظاهره غريبه جدا للشباب والبنات
هتكلم علي الشباب والبنات ابقي اقولها في موضوع تاني
الجيل الصغير جدا ده يعني ممكن تلاقي العيل من دول في أولي اعدادي وماشي في الشارع بالسجاره !!!!
والواحد مش عارف الغلط منين منهم ولا من أهاليهم ولا من المجتمع
حد يقولي الغلط منين ؟
وكفايه كده لأني رغيت كتير
أنتظروني أن شاء الله في باقي السلسه
سلامو عليكو
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة 7asnaa kareem
المفضلات