ليه ياللي اسمك حبيبي

[PrisOner Of Grief]

ليه أول م فتحت عينيا علي حياتي لقتني ف عينيك
ليه أول ما عرفت أمدي أيدي لقتني ماسك ف أيديك
وليه أول درس من دنيتي ألقيني بيك
ليه من أول نظرة اتشديت أوي فيك
وليه من كل البشر اخترني قلبك ليك

ليه أنت ... وليه قلبك
ليه فتحت ليا أيديك
ليه خلتني أحب الدنيا بيك
ليه من الأول ممنعتنيش
ليه ما قولتليش ... إن هييجي اليوم
اللي فيه متحسنيش

قولي ليه ... عايشتني بـ أمل
وهو في الحقيقة وهم وألم
قولي ياللي عالم بالنهاية
النهاية اللي هيا ف الأصل نهايتي
واللي فيها هتكون بتتسلي بحكايتي

حقيقي نفسي أصرخ من الوجع اللي سيبته لي
نفسي أصرخ ومع صرختي أنساك وانسي حبي
حبي اللي بات بقلبي ويا خسارة مش عارف أدويه
حبي اللي ليك .. ومعاها أصبحت جريح بيه

جاي بتقول خلاص ... بعد إيه
بتقول أسكت ... طب ليه
دانت لما تكون محتاج قلب حنين ... بتلاقيني
ولما كنت بتنادي ومفيش غير سواد الليل ... بتلاقيني
ولما تشتاق ليا وتفكر فيا ... بحس بيك .. وبتلاقيني
دلوقتي ليه بعد كل دا ... متحسش أنت باللي جرالي
ليه بقلبك بييت الجرح بقلبي
وليه بأيدك رسمت الموت نهايتي
ليه ياللي اسمك حبيبي

ليه دلوقتي عرفت أننا لازم نفترق
طب كان فين قلبك قبل ما أتحرق
كان فين إحساسك .. وأنا بتجرح

أنا نفسي بس تقولي ... ليه حبتني
ليه خليت نهاية حبي .. بداية حزني
وليه خلتني أحلم بدنيتي وأنت فحضني
ليـــــــــــــــه
حقيقي أنا مش عارف ألوم علي مين
ألوم القلب اللي ياما خاف علي حبك
ولا ألوم الروح اللي اتعلقت في يوم بحبك
ولا ألوم قلبك اللي ليه أصبحت أسير لحبك

[امل لاشين]

ليه .........؟؟؟؟؟

استحاله يكون في اجابه عنها ......

لكن الايام اللي تثبت ان اللي حصل بسبب ( ليه ) صح او خطا .....خير او شر

جميل اوي كلامك .....ميرسي جداااااا عليه

[PrisOner Of Grief]

ليه .........؟؟؟؟؟

استحاله يكون في اجابه عنها ......

لكن الايام اللي تثبت ان اللي حصل بسبب ( ليه ) صح او خطا .....خير او شر

جميل اوي كلامك .....ميرسي جداااااا عليه

ليه استحاله يكون في اجابه ؟
لازم يكون فيه .... والا مكنش يبقي حب
انا معاكي ان الايام هي اللي هتثبت

بس لازم يكون فيه اجابه ....
بصراحه انا مش عارف اقولك لحضرتك ايه ؟
حقيقي نورتي الموضوع يا فندم
ويارب اكون دائما عند حسن الظن