امتحانات السودان 2014 واجابتها النموذجية --- تابع اخبار التعليم في الفيس بوك

آخـــر الـــمـــشـــاركــــات

صفحة 1 من 2 12 الأخيرةالأخيرة
النتائج 1 إلى 20 من 28

الموضوع: .•°« بين الخيال والواقع حفره»°•.

  1. #1
    طالبة بكلية الآداب
    جامعة الاسكندرية
    الصورة الرمزية امة الرحمن
    تاريخ التسجيل
    Apr 2009
    الدولة
    الحمد لله
    العمر
    33
    المشاركات
    1,078
    شكراً و أعجبني للمشاركة
    معدل تقييم المستوى
    1626

    افتراضي .•°« بين الخيال والواقع حفره»°•.

    السلام عليكم ورحمه الله وبركاته

    مفيش شك ان النت خيال

    ولا في شك ان الحقيقه واقع



    بينهم حفره





    النت : اتعودنا انه كتابه كله كلام في كلام كله بيكتب مجرد صوابع

    فين وفين لما بنحرك اللسان لدرجه اننا بيقنا ننسي الكلام

    ساعات وراها ساعات بتمر وكلها كتابه ايام ورا ايام سنه تمر بعدها سنه

    بيقنا لما نقعد ع النت نلاقي الف حاجه نتكلم فيها مع اللي قدمنا

    وأول منقابل حد في الحقيقه مش بنلاقي حاجه نقولها

    عملنا من النت دنيا فيها اصحاب وزمايل واخوات



    نسينا الحوار مع الاصل بنبعد حبه بحبه واحنا مش حاسين

    قاتلنا جوانا وجواهم الكلام

    الاحساس بتعبير اللسان

    الحركه للشفايف حتي صوت الودن اللي بتسمع

    تعبير الوش حتي وهو بينطق الكلام



    الحقيقه لما تمر الايام وننزل للارض الواقع تاني لاي سبب كان

    مش بنعرف نوصل للي قدمنا احنا ايه شخصيتنا الحقيقه ايه ؟ مات جوانا التعبير عن النفس

    وبكل سهوله ممكن اللي قدمنا يفهمنا غلط ويفسر كلامنا غلط

    لاننا اتعودنا ع الكتابه ونسينا اللسان

    بقت الكتابه بتعبر عننا واللسان عاجز

    نقول الكلمه لا عارفين طلعت ازاي ولا هتروح لفين ولا .....

    بنتعامل بتلاقيه غيبه



    وده علشان واقعنا في حفره الواقع والخيال



    نفسي اوصل حاجه واحده بس

    لما يكون معانا ناس في البيت عايشين معاهم

    وصحاب في الكلية ولا الشغل ولا الشارع

    واهل وناس في كل مكان

    ونتكلم مع دنيا النت اكتر وننسا ان في اغلي الناس ليهم حق علينا الام والاب والاخ والاخت والابنه والابن والصحاب والزميل والعشره والايام والذكريات


    نتكلم مع دنيا النت بالف حاجه وحاجه

    ولما نقعد معاهم مش بنسمع غير صوت سكوتنا

    بلاش نموت جوانا احساس من اجمل الاحاسيس احساس الامن والامان مع اغلي واقرب الناس

    وفي الاخر اللوم علينا احنا !!!!

    التعديل الأخير تم بواسطة امة الرحمن ; 06-01-2010 الساعة 02:39 AM

  2. #2
    عضو ممتاز
    تاريخ التسجيل
    Mar 2009
    الدولة
    Cairo
    المشاركات
    7,033
    شكراً و أعجبني للمشاركة
    معدل تقييم المستوى
    7663

    افتراضي

    الله يا أسماء
    موضوع راقي و هادف جدا
    أؤيدك في كل كلمة فيه
    طبعا مش عايزين نعمم و نقول ان الناس كلها كده
    لكن بالفعل معظمنا حصل له ده
    معظمنا أصبح يستخدم عالم الأزرار و الشاشات
    أكثر من أن يستخدم لسانه و عينه و أذنه و حواسه بشكل طبيعي
    و الناظر الي الافق البعيد يري جيدا
    أنه أمر خطير سينتهي إلي عالم من البشر و لكنهم آلات
    من لحم و دم
    و الذكي فقط هو من يستطيع أن يوازن بين هذا و ذاك
    موضوع ممتاز ... و أسعدني جدا جدا رجوعك للمشاركة بهذا الموضوع الرائع

  3. #3
    عضو ماسي
    تاريخ التسجيل
    Aug 2009
    المشاركات
    445
    شكراً و أعجبني للمشاركة
    معدل تقييم المستوى
    980

    افتراضي

    مفيش شك ان النت خيال
    طبعا اختلف معاكى من اولها
    عمر النت يا اسماء ما كان خيال
    انا بعتبره كدا
    بعتبره انه واقع
    لاننا فيه بنحب اشخاص ونكره اشخاص ونحترم اشخاص و بنتعرف على اشخاص و بنصاحب اشخاص من خلاله
    يبقى ليه بقى خيال ولا كل دا مش بيبقى حقيقى ؟
    اكيد كله حقيقى وهو دا الواقع بعينه
    النت : اتعودنا انه كتابه كله كلام في كلام كله بيكتب مجرد صوابع

    فين وفين لما بنحرك اللسان لدرجه اننا بيقنا ننسي الكلام
    شكلنا حنقضيها خلاف ولا ايه
    بالله عليكى انتى وانتى بتقرى موضوع او وانتى بتكتبى رد او وانتى بتفكرى تكتبى ايه
    لسانك مش بيتحرك معاكى
    شفايفك مش بتتساير مع حروفك
    تعابير وجهك مش بتتغير مع تعبيرات كلامك
    يعنى كله حى و كله بيتفاعل
    ساعات وراها ساعات بتمر وكلها كتابه ايام ورا ايام سنه تمر بعدها سنه

    بيقنا لما نقعد ع النت نلاقي الف حاجه نتكلم فيها مع اللي قدمنا

    وأول منقابل حد في الحقيقه مش بنلاقي حاجه نقولها

    عملنا من النت دنيا فيها اصحاب وزمايل واخوات
    وهى الساعات و السنين و الكلام الى بيتقال بين اتنين يفصل بنهم شاشه
    و بيعبر عنهم كيبورد
    ويترجم كلامهم حروف
    بيطلع منين
    مش من العقل الى هو ملازم الانسان سواء فى الواقع او فى النت الخيال على حسب تعبيرك
    و العقل الشئ الوحيد الثابت لانه فيه فكرة و الافكار بتاعتنا مش بتتغير لموقف
    لا دى محتاجه اوقات كتيرة اوى علشان فكرة واحده بس تتغير
    يعنى الى بيعرف يتكلم على النت اكيد بيعرف يتكلم و يعبر بره النت
    الحقيقه لما تمر الايام وننزل للارض الواقع تاني لاي سبب كان

    مش بنعرف نوصل للي قدمنا احنا ايه شخصيتنا الحقيقه ايه ؟ مات جوانا التعبير عن النفس

    وبكل سهوله ممكن اللي قدمنا يفهمنا غلط ويفسر كلامنا غلط

    لاننا اتعودنا ع الكتابه ونسينا اللسان

    بقت الكتابه بتعبر عننا واللسان عاجز

    نقول الكلمه لا عارفين طلعت ازاي ولا هتروح لفين ولا .....

    بنتعامل بتلاقيه غيبه
    الاول بس يعنى ايه بتلاقيه غيبه
    صدقينى مش راضى اقولك ان دا فعلا اول موضوع نختلف فيه بالطريقة دى
    شكل الامتحانات ماثره باين
    الانسان هو الانسان يا اسماء
    لو لقى ناس حيتكلم وعقله حيترجم كلامهم لو ملقاش ناس برضه حيتكلم وحيعرف يكلم نفسه بطريقة نفسه
    وحيقدر يعبرعلى الى جواه ويكيف نفسه بطريقة ما و باسلوب ما وبكيفية ما

  4. #4
    مُعلم الصورة الرمزية ميس سوزان
    تاريخ التسجيل
    Oct 2009
    الدولة
    alex ،احلامى ان ربنا يرضى عنى واكون زوجة وام ومسلمة ناجحة
    العمر
    36
    المشاركات
    704
    شكراً و أعجبني للمشاركة
    معدل تقييم المستوى
    1234

    افتراضي

    فعلا يا سمسمة
    النت بقى جزء من حياتنا
    بس مش معنى كده اننا لغينا عالم الحقيقة
    الاتنين موجودين
    ومحدش بيتعامل فى النت وبس
    بس للاسف أقدر اقولك ان ناس كتير بتتعامل مع النت أكتر بكتيرمن الحقيقة
    وبقوا فى حالة شبه عزلة مع أسرتهم واصحابهم
    وده اللى بيقولوا عليه ادمان النت
    تسلم ايدك يا قمر
    موضوع جه فى وقت مناسب جدا

  5. #5
    عضو ممتاز
    تاريخ التسجيل
    Mar 2009
    الدولة
    Cairo
    المشاركات
    7,033
    شكراً و أعجبني للمشاركة
    معدل تقييم المستوى
    7663

    افتراضي

    اختلف معاك يا احمد
    و اذا كنت عايز تفهم وجهة نظر أسماء فجاوبني علي السؤال ده
    انت عندك ابن
    ابنك في بلد و انت في بلد اخر
    كلمته علي النت
    بعد طول غياب
    هل هيتساوي كلامك معه عبر النت مثلما هو لقاءك معه في عالم الحقيقة؟
    بالطبع أول ما تشوفه في الحقيقة هتاخده ألف حضن
    هتبوسه مليون بوسة
    هتطبطب عليه
    هتحط ايدك علي شعره ...هتهزر معاه هتجري وراه هتقوله
    واحشني و تاخده في حضنك
    هتحسسه بمعني كلمة الابوة ... هتنزل معاه و هتشتريله حاجات
    هتغني و تلعب معاه و تشيله علي ضهرك
    هنقدر ننكر ان كل ده بيأثر في الولد و في التربية
    و في نفسيته لما يكبر؟
    هنقدر ننكر ان عالم النت مستحيل يحصل فيه الكلام ده ؟
    هنقدر ننكر ان عالم النت عالم جاف بارد باهت ؟
    هنقدر ننكر ان عالم النت يخلو من أهم شئ في
    علم التواصل مع الاخرين
    ألا و هو ((( The body language )))
    يعني لغة الجسد ؟
    تعبيرات وجهك و حركات جسمك اللي ليها أكبر الاثر
    هنقدر ننكر اننا ساعات بنبقا بنتكلم مع شخص
    نعرفه علي الياهو مثلا
    او علي المنتديات و نكون بنضحك و بنهزر معاه و احنا
    بنكتبله يقوم هوا زعلان
    و غضبان و متنرفز فجأة لانه زعل منك من كلمة معينة انت
    بتقولها علي سبيل الهزار
    و هوا افتكر انك بتتكلم جد لانه مش شايف تعبيرات وشك؟
    هنقدر ننكر ان لقاءنا مع الوالدين الاب و الام في الواقع
    يختلف تماما عن الكلام معهم علي النت ؟
    هنقدر ننكر دفء لمسة الايد و انت بتربت
    علي كتف ابوك او امك في حنان؟
    تقدر تعمل حاجة زي كده ع النت؟
    تقدر تقبل ايديهم و تصل رحمك فقط عن طريق النت ؟
    لا اختلف معك يا احمد ان النت عالم حقيقي و كم يحدث
    من خلاله تأثير كبير علي حياتنا
    في الواقع و قد نحب عن طريق النت و قد نصادق عن طريق النت
    و قد يتغير وجه حياتنا بأكمله عن طريق النت ...
    و لكنه عالم أجوف بارد لا يمكن أن يؤثر قبل أن يتحول الي
    حقيقه و تري الطرف الاخر أمام عينك بما له و ما عليه
    التعديل الأخير تم بواسطة شريف ; 06-01-2010 الساعة 04:35 AM

  6. #6
    عضو ماسي
    تاريخ التسجيل
    Aug 2009
    المشاركات
    445
    شكراً و أعجبني للمشاركة
    معدل تقييم المستوى
    980

    افتراضي

    الله عليك يا مستر شريف
    كلامك جميل جدا
    و صح مش غلط
    دا انت نسيت كمان تقول ان فى لغة العيون
    الى بيها بتقدر تعرف الى قدامك دا صادق فى كلامه ولا لا
    كل دا تمام اوى بس مش هو دا هدف موضوعنا
    هدف موضوعنا بيتكلم فى نقطتين
    اول نقطة ان النت خيال
    و تانى نقطه
    ان الانسان الى بيقعد على النت ويالفه او بمعنى تانى بيقعد عليه كتير اوى و بياخده هو ابوه واخوه وابنه وبنته وكل حاجه له لما بيخرج ارض الواقع مش بيعرف يتكلم
    او لسانه مش بيترجم الى عايزه صح
    كل كلام حضرتك جميل اوى
    بس عايزك تناقشنى فى النقطتين الى طرحتهم او لخصت فيهم من حسب وجهت نظرى وفهمى للموضوع
    انا اختلفت مع اسماء فى اول نقطة وقولت ان النت ليس بخيال وانه واقع لما فيه من اصدقاء و معارف و شغل انا واحد من الناس نص الى عملت معاهم شغل من على النت و الحمدلله ربحت
    من كل شئ زيه زى الواقع
    بل واكتر كمان بالنسبة ليا
    كفاية ان بقى ليا اعز اصحابى من النت الواد السادات وعز وكريم
    علاقتنا دى وهم معتقدش
    نيجى للنقطة التانية
    وهى هل الانسان الى بيالف النت مش بيعرف يترجم خارج النت المواقف ولا بيقدر يعبر عنها
    ودا قولت فى سبب اختلافى
    ان كل الى بيترجم سواء على النت او فى الواقع هو العقل
    و العقل مبنى على افكار و مبادئ و الفكرة الواحده بتتغير بصعوبة فما بالك بالمبادئ
    اذا نستنتج ان انسان النت هو انسان الواقع كلنا بندخل نت وكلنا بنمارس الواقع
    دى وجهت نظرى
    انما طبعا اتفق معاك فى كل كلمة انت قولتها
    ان النت فيه حاجات مش بيقدر يعوضها زى حنان الام و الاب
    وكثير من كلامك
    واكتر كمان
    يارب اكون قدرت اوصل فكرتى لحضرتك

  7. #7
    عضو ممتاز
    تاريخ التسجيل
    Mar 2009
    الدولة
    Cairo
    المشاركات
    7,033
    شكراً و أعجبني للمشاركة
    معدل تقييم المستوى
    7663

    افتراضي

    اتفق معاك جدا يا احمد في جملة انت قولتها
    ان النت فعلا مش خيال
    هوا واقع و بيترتب عليه حاجات كتير جدا... يمكن اسماء تقصد انه خيال
    من ناحية انك ممكن تكلم واحد في برامج الشات مثلا و يضحك عليك و يفهمك
    انه كذا و كذا و كذا و مش بعيد ينصب عليك كمان و بتحصل كتير
    فهو خيال او وهم من المنطلق ده
    لكن مثلا زي مانت بتقول واحد زي السادات او عز او كريم انت عرفتهم خلاص
    و اتقابلتوا في الواقع اكيد كتير او اتكلمتوا مع بعض في التليفون
    فخلاص عرفتوا بعض جدا و دخلت حتة الواقعية في العلاقة
    ساعتها اقدر اقول ان النت اصبح مفيد بالنسبة لكم
    لانكم في الحقيقة ممكن ما تتقابلوش الا مرة كل سنة و لا كل شهر
    لكن في الموقف ده النت مفيد جدا لانه هيخليك تتكلم معاهم و لو بالكتابة
    او الصوت و ده احسن طبعا من مفيش
    محدش يقدر ينكر فوايد النت الرهيبة
    لكن برضه اللي فهمته من موضوع اسماء
    انه لا ينبغي اننا نتجاهل العلاقات الانسانية في اطارها الطبيعي
    و برضه عالم النت في الحالة دي بارد جدا بالمقارنة بالواقع و الحقيقة و عالمنا الحقيقي
    انما وجهة نظرك وصلت طبعا
    مش عارف ليه يا اخي بحب اناقشك و اعارضك
    يمكن عشان بتوحشني؟
    فبجر رجلك؟
    ممكن برضه

  8. #8
    عضو ماسي
    تاريخ التسجيل
    Aug 2009
    المشاركات
    445
    شكراً و أعجبني للمشاركة
    معدل تقييم المستوى
    980

    افتراضي

    اقتباس المشاركة الأصلية كتبت بواسطة شريف مشاهدة المشاركة
    اتفق معاك جدا يا احمد في جملة انت قولتها
    ان النت فعلا مش خيال
    دا يوم مشهود يا جماعه الاستاذ شريف اتفق معايا على حاجه
    دا مبشرات خير والله

    هوا واقع و بيترتب عليه حاجات كتير جدا... يمكن اسماء تقصد انه خيال
    من ناحية انك ممكن تكلم واحد في برامج الشات مثلا و يضحك عليك و يفهمك
    انه كذا و كذا و كذا و مش بعيد ينصب عليك كمان و بتحصل كتير
    فهو خيال او وهم من المنطلق ده
    طب ما الواقع يا استاذ شريف فيه كدا برضه
    يبقى تقدر تفرقى ما بين ان فى الواقع ان ممكن يتنصب عليك و على النت يتنصب عليك برضه ما دا اكبر دليل على انهم واحد
    مفيش اى اختلاف بنهم
    سواء دا او دا بيعتمد على حاجه واحده بس وهى الخبرة فى الحياة
    و انك بتعرف تتعامل مع الناس
    والله حتى دا بيتنصب عليه برضه

    لكن مثلا زي مانت بتقول واحد زي السادات او عز او كريم انت عرفتهم خلاص
    و اتقابلتوا في الواقع اكيد كتير او اتكلمتوا مع بعض في التليفون
    فخلاص عرفتوا بعض جدا و دخلت حتة الواقعية في العلاقة
    ساعتها اقدر اقول ان النت اصبح مفيد بالنسبة لكم
    لانكم في الحقيقة ممكن ما تتقابلوش الا مرة كل سنة و لا كل شهر
    لكن في الموقف ده النت مفيد جدا لانه هيخليك تتكلم معاهم و لو بالكتابة
    او الصوت و ده احسن طبعا من مفيش
    محدش يقدر ينكر فوايد النت الرهيبة
    بس دا يبقى جزء من الواقع لان عز و كريم و السادات اصبحوا جزء من الواقع الى اتبنى على النت و الجزء عبارة عن نوع من الكل
    اذا كان العلاقات الانسانية فى الواقع كل فا دول دخلوا تحتها واصبحوا جزء من الكل
    لكن برضه اللي فهمته من موضوع اسماء
    انه لا ينبغي اننا نتجاهل العلاقات الانسانية في اطارها الطبيعي
    و برضه عالم النت في الحالة دي بارد جدا بالمقارنة بالواقع و الحقيقة و عالمنا الحقيقي
    انما وجهة نظرك وصلت طبعا
    استنى بس يا استاذ شريف
    انا عايز اقولك انى قابلت ناس النت دا اثر على حياتهم بشكل غريب بمعنى ايه
    بمعنى ان لو مثلا مثلا انا بكلمك و بنا موضوع الموضوع دا مش حسيبه اول ما اقفل الجهاز لا حيفضل شاغلنى طول منا قاعد او نايم او شغال اذا النت مش علاقة بارده ولا حاجه او متجمده
    لا
    دا بالعكس دى حيوية جدا
    واقسم بالله انا اعرف ناس راحت المستشفى بسبب كلمة اتقالت لهم و موقف حصل لهم على النت
    النت عمره ما كان علاقة متجمده او بارده خالية من المشاعر و الانفعلات وردت الفعل و الاستجابات يا استاذ شريف

    مش عارف ليه يا اخي بحب اناقشك و اعارضك
    يمكن عشان بتوحشني؟
    فبجر رجلك؟
    ممكن برضه
    ههههههههه
    والله انا الى بكون سعيد جدا وانا بناقشك انت و مستر اسامة
    بجد انا على فكرة بحب المناقشات جدا لانها بتخلينى اشغل دماغى
    وكمان علشان بتزيد من الترابط بنا



  9. #9
    عضو ممتاز
    تاريخ التسجيل
    Mar 2009
    الدولة
    Cairo
    المشاركات
    7,033
    شكراً و أعجبني للمشاركة
    معدل تقييم المستوى
    7663

    افتراضي

    اختلف معاك تاني يا ابو حميد
    النت بارد بارد بارد جدا
    كفاية ان واحد يكون بيكلمك ع الياهو
    و يبعتلك وش بيضحك
    و هوا له ألف وش ووش خداع و كدب و ضحكة صفرا
    وراها قلب اسود و نفاق
    يااااااااااه
    شوفت من ده كتير يا احمد والله

  10. #10
    معلم اول أ رياضيات
    مشرف عام ركن القرية الذكية
    الصورة الرمزية محمد عبدالمنعم الملط
    تاريخ التسجيل
    Jun 2009
    الدولة
    إدارة غرب الزقازيق التعليمية مديرية التربية والتعليم بالشرقية
    المشاركات
    865
    شكراً و أعجبني للمشاركة
    معدل تقييم المستوى
    1406

    افتراضي




    جزاكم الله خيرااااا











  11. #11
    طالبة بكلية الآداب
    جامعة الاسكندرية
    الصورة الرمزية امة الرحمن
    تاريخ التسجيل
    Apr 2009
    الدولة
    الحمد لله
    العمر
    33
    المشاركات
    1,078
    شكراً و أعجبني للمشاركة
    معدل تقييم المستوى
    1626

    افتراضي

    الله يا أسماء
    الله لمرور حضرتك طبعا
    موضوع راقي و هادف جدا
    اكيد دي شهاده ليا
    أؤيدك في كل كلمة فيه
    طبعا مش عايزين نعمم و نقول ان الناس كلها كده
    حضرتك محدش هيحس بالموضوع الا اللي جربه وعاش واقعه
    واقع الموضوع عموما

    لكن بالفعل معظمنا حصل له ده
    معظمنا أصبح يستخدم عالم الأزرار و الشاشات
    أكثر من أن يستخدم لسانه و عينه و أذنه و حواسه بشكل طبيعي
    هو ده اللي عايزه اقوله
    اننا مات جوانا روح الكلام

    و الناظر الي الافق البعيد يري جيدا
    أنه أمر خطير سينتهي إلي عالم من البشر و لكنهم آلات
    من لحم و دم
    كان في مره بنت ليها اصحاب ياما كتير جدا شله يعني وبعدين انا قولتها اوعي النت يخدك منهم قالتلي لا اازاي مستحيل
    بعد مرور الوقت سالتها عليهم قالتلي فين وفين لما بنتكلم
    احنا بنخسر ناس واحنا مش حاسين
    ناس عشنا معاهم بكل الاحساسيس وبكل الحواس


    و الذكي فقط هو من يستطيع أن يوازن بين هذا و ذاك
    وده اللي كنت عايزه اوصله هنا والله
    النت اكيد امر طبيعي ده وبقي شيء في حياتنا اساسي
    بس مينفعش يكون بتنا الركن المركون والنت الشيء الاساسي
    اكيد لو عارفنا نوزن هيكون افضل كتير
    وعلشان كده انا كتبت الموضوع ده


    موضوع ممتاز ... و أسعدني جدا جدا رجوعك للمشاركة بهذا الموضوع الرائع
    اللي اسعدني انا اكتر هو مرور حضرتك الكريم
    واني عرفت اوصل لحضرتك اللي اقصده

  12. #12
    طالبة بكلية الآداب
    جامعة الاسكندرية
    الصورة الرمزية امة الرحمن
    تاريخ التسجيل
    Apr 2009
    الدولة
    الحمد لله
    العمر
    33
    المشاركات
    1,078
    شكراً و أعجبني للمشاركة
    معدل تقييم المستوى
    1626

    افتراضي

    طبعا اختلف معاكى من اولها
    علشان موصلكش اللي عايزه اقوله
    عمر النت يا اسماء ما كان خيال
    لا النت خيال
    زي الحلم تمام
    تختلف معايا ان الحلم خيال بس اول مبيتحقق بيكون حقيقه وواقع
    ولو مش اتحقق بيفضل حلم
    النت كمان طول مهو شاشه وكتابه يبقي خيال
    ولو اتحقق واكتمل بالمقابلات والتعارف والعشره الحقيقه والنت بعد كده يكون مجرد وسبله للكلام مش اكتر مش يكون الاساس
    النت عمره عمره عمره محيغني عن الواقع ابدا
    الا للي اتنازل عن حياته بحياة احلام


    انا بعتبره كدا
    بعتبره انه واقع
    بردو مش قادر تتوصل انا عايزه اقول ايه
    احنا اختلافتنا في مفهوم النت بين الواقع والخيال
    بس مش قادر تفهم بردو عايزه اوصل ايه
    اوصل اننا نلغي حياتنا الطبيعه والحقيقه في مقابل جلوس ع شاشه بالساعات والساعات والساعات والساعات


    لاننا فيه بنحب اشخاص ونكره اشخاص ونحترم اشخاص و بنتعرف على اشخاص و بنصاحب اشخاص من خلاله
    منكرش اني صحبت واحده من النت من اجمل صحابات حياتي
    بس الصحوبيه دي مكتملتش الا بالمقابلات
    كل الصدقات التانيه اختفت بمرور الايام
    الا واحده بس مستمره والحمد لله
    علشان قدرنا نحركها من بين كتابه للكلام

    يبقى ليه بقى خيال ولا كل دا مش بيبقى حقيقى ؟
    اكيد كله حقيقى وهو دا الواقع بعينه
    شكلنا حنقضيها خلاف ولا ايه
    بالله عليكى انتى وانتى بتقرى موضوع او وانتى بتكتبى رد او وانتى بتفكرى تكتبى ايه
    لسانك مش بيتحرك معاكى
    شفايفك مش بتتساير مع حروفك
    تعابير وجهك مش بتتغير مع تعبيرات كلامك
    يعنى كله حى و كله بيتفاعل
    حلوه اوي تمام جدا
    انا شوفت شكلي حسيت بلساني حسيت بتفكيري وهو بيكتب
    هل انت بقي شوفتني ؟؟؟؟؟؟

    الاول بس يعنى ايه بتلاقيه غيبه
    محدش هيحس بالكلمه دي الا اللي عشاها

    شكل الامتحانات ماثره باين
    شكرا يااحمد

    الانسان هو الانسان يا اسماء
    لا يااحمد
    انسان الكتابه وانسان الكلام بيختلفوا في نقط التعبير عن النفس
    وكتر النت في حياتنا خلانا نقتل جوانا روح التعبير عن النفس بالكلام
    لاننا اتعودنا ع الكتابه والتعبير بالكتابه وبس

  13. #13
    عضو فعال الصورة الرمزية عبــــدالــــرحمـــــن
    تاريخ التسجيل
    Jul 2009
    العمر
    41
    المشاركات
    1,444
    شكراً و أعجبني للمشاركة
    معدل تقييم المستوى
    1982

    افتراضي

    جزاكم الله خيرآ
    جزيتى الجنه






  14. #14
    طالبة بكلية الآداب
    جامعة الاسكندرية
    الصورة الرمزية امة الرحمن
    تاريخ التسجيل
    Apr 2009
    الدولة
    الحمد لله
    العمر
    33
    المشاركات
    1,078
    شكراً و أعجبني للمشاركة
    معدل تقييم المستوى
    1626

    افتراضي

    بس مش معنى كده اننا لغينا عالم الحقيقة
    طب ياسوزان قوللي اول مقعدي ع النت كنتي بتقعدي قد ايه
    نص ساعه _ ساعه _اتنين
    دلوقتي قد ايه كام مره في اليوم

    ومحدش بيتعامل فى النت وبس
    انا اقصد بقي في الموضوع ده اللي اتعامل مع النت وعمل دنيا فيه
    ونسي الاصل

    بس للاسف أقدر اقولك ان ناس كتير بتتعامل مع النت أكتر بكتيرمن الحقيقة
    اقصد كده

    وبقوا فى حالة شبه عزلة مع أسرتهم واصحابهم
    عزله
    +
    صراع بين النت والواقع
    وده اللى بيقولوا عليه ادمان النت
    ايوه بالظبظ كده
    تسلم ايدك يا قمر
    موضوع جه فى وقت مناسب جدا
    الحمد لله اني اقدر اوصلك بردو اقصد ايه

    نورتني
    الموضوع طبعا

  15. #15
    ادارة الموقع الصورة الرمزية نعمه محمود
    تاريخ التسجيل
    Mar 2009
    الدولة
    في بيتنا
    العمر
    46
    المشاركات
    6,041
    شكراً و أعجبني للمشاركة
    معدل تقييم المستوى
    10

    افتراضي

    عندك حق يا أسماء تصدقى اننا مات جوانا الكلام وانا شخصيا بقيت اكسل اتكلم لدرجة لما بيبقي في خلاف في الشغل بتعب جدا من النقاش واتمنى لو كان ينفع اكلمهم بالكيبورد وفعلا قتل جوه ناس كتير التواصل الاجتماعى بس مننكرش وجود صداقات محترمة جدا راقية وباقية على الانترنت رغم عدم اللقاء

  16. #16
    طالبة بكلية الآداب
    جامعة الاسكندرية
    الصورة الرمزية امة الرحمن
    تاريخ التسجيل
    Apr 2009
    الدولة
    الحمد لله
    العمر
    33
    المشاركات
    1,078
    شكراً و أعجبني للمشاركة
    معدل تقييم المستوى
    1626

    افتراضي

    كفاية ان واحد يكون بيكلمك ع الياهو
    و يبعتلك وش بيضحك
    و هوا له ألف وش ووش خداع و كدب و ضحكة صفرا
    وراها قلب اسود و نفاق
    يااااااااااه
    وانا وانا
    كتييييييييييييييييييييييييييييييير

    مفيش اختلاف ابدا ان اي حاجه ليها حلو ووش
    اي مكان فيه الكده والكده

    بس حضرتك الحمد لله فهمتني اني اقصد مش نلغي الحياة الاصليه بحياة فرعيه

  17. #17
    طالبة بكلية الآداب
    جامعة الاسكندرية
    الصورة الرمزية امة الرحمن
    تاريخ التسجيل
    Apr 2009
    الدولة
    الحمد لله
    العمر
    33
    المشاركات
    1,078
    شكراً و أعجبني للمشاركة
    معدل تقييم المستوى
    1626

    افتراضي

    اقتباس المشاركة الأصلية كتبت بواسطة محمد عبدالمنعم مشاهدة المشاركة



    جزاكم الله خيرااااا







    جزانا واياكم يارب كل خير
    نورت الموضوع حضرتك

    اقتباس المشاركة الأصلية كتبت بواسطة عمرو البلاصي مشاهدة المشاركة
    جزاكم الله خيرآ
    جزيتى الجنه


    احنا وانتم يارب
    شكرا للمرور

    اقتباس المشاركة الأصلية كتبت بواسطة نعمه محمود مشاهدة المشاركة
    عندك حق يا أسماء تصدقى اننا مات جوانا الكلام وانا شخصيا بقيت اكسل اتكلم لدرجة لما بيبقي في خلاف في الشغل بتعب جدا من النقاش واتمنى لو كان ينفع اكلمهم بالكيبورد وفعلا قتل جوه ناس كتير التواصل الاجتماعى بس مننكرش وجود صداقات محترمة جدا راقية وباقية على الانترنت رغم عدم اللقاء

    الله ع حضرتك
    وانا كان نفسي اوصل كده
    اننا ع النت بنلاقي الف حاجه وحاجه نتكلم فيها
    وفي الحقيقه بندور ع كبيورد نتكلم منه
    وان كمان مش مات جوانا بس لا ده احنا اللي قاتلناه

    انا فرحانه اوي برد حضرتك لاني بجد قولتي المفيد جدا

  18. #18
    ادارة الموقع الصورة الرمزية نعمه محمود
    تاريخ التسجيل
    Mar 2009
    الدولة
    في بيتنا
    العمر
    46
    المشاركات
    6,041
    شكراً و أعجبني للمشاركة
    معدل تقييم المستوى
    10

    افتراضي

    اقتباس المشاركة الأصلية كتبت بواسطة قطــــ ندي ـــــرة مشاهدة المشاركة
    الله ع حضرتك
    وانا كان نفسي اوصل كده
    اننا ع النت بنلاقي الف حاجه وحاجه نتكلم فيها
    وفي الحقيقه بندور ع كبيورد نتكلم منه
    وان كمان مش مات جوانا بس لا ده احنا اللي قاتلناه


    انا فرحانه اوي برد حضرتك لاني بجد قولتي المفيد جدا
    وأنا فرحانة أكثر برجوعك لينا ووجودك بينا مرة تانية

  19. #19
    عضو ماسي
    تاريخ التسجيل
    Aug 2009
    المشاركات
    445
    شكراً و أعجبني للمشاركة
    معدل تقييم المستوى
    980

    افتراضي

    علشان موصلكش اللي عايزه اقوله
    اولا انا مش بحب اكون مخالف
    بس عايز اوصلك حاجه
    احنا اهوة كلنا بنقعد نت و بنشتغل فى الواقع وبتعامل مع ناس كتير اوى
    و النت بالنسبة لكتير مننا حاجه ثانوية وليس حاجه اساسية
    ولو كان غير كدا
    يبقى العيب من الشخص ودا اصبح شخص مريض لانه معرفش يستغل وقته ولا عرف ينظمه
    لا النت خيال
    زي الحلم تمام
    تختلف معايا ان الحلم خيال بس اول مبيتحقق بيكون حقيقه وواقع
    ولو مش اتحقق بيفضل حلم
    النت كمان طول مهو شاشه وكتابه يبقي خيال
    ولو اتحقق واكتمل بالمقابلات والتعارف والعشره الحقيقه والنت بعد كده يكون مجرد وسبله للكلام مش اكتر مش يكون الاساس
    النت عمره عمره عمره محيغني عن الواقع ابدا
    الا للي اتنازل عن حياته بحياة احلام
    لا طبعا عمر النت ماكان احلام او كان حلم فى يوم من الايام
    بالعكس كان واقه ملموس و نتجته بتظهر على الشخص ودى الواقعية بعينه
    معلش سؤال
    لو حصل موقف دوقتى هل الموقف دا حيتشال من دماغك بمجرد انك تقفلى الجهاز الى انتى بتعتبريه خيال ؟
    اولا عايز اوضحلكم ان الخيال معناه الشئ الغير سوى ويعبر عن شئ منتهى وغير حقيقى
    عايزين نكون واقعيين
    هل حد فينا اول ما بيقفل الجهاز بينسى الى على النت ؟
    واحداث النت
    كلامى دوقتى حول نقطة هل هو خيال ام واقع بعيدا عن الشخص الى اتخذه المنفذ الوحيد للحياة و التعبير
    عايز الى يجاوب على السؤال ينظر لنفسه بواقعية
    منكرش اني صحبت واحده من النت من اجمل صحابات حياتي
    بس الصحوبيه دي مكتملتش الا بالمقابلات
    كل الصدقات التانيه اختفت بمرور الايام
    الا واحده بس مستمره والحمد لله
    علشان قدرنا نحركها من بين كتابه للكلام
    انتى بتاكديلى انه عمره ما كان وهم او خيال
    طب ما فى الحياة الواقعيه شوفى احنا صاحبنا كام واحد فى مرحلة الاعدادى و بعدها الثانوى كام واحد علقتى بيه مستمره
    قليل اوى
    شوفى على النت عندى على الميل الف واحد مفيش منهم اصحابى بجد غير سته
    منهم ناس شغالين معايا
    واتعرفت عليهم من على النت
    انا مش راضى اقولك بجد
    انى لقيت نفسى بتكلم فى ملايين ومن خلال النت
    الى هو خيال من وجهت نظرك
    ردو مش قادر تتوصل انا عايزه اقول ايه
    احنا اختلافتنا في مفهوم النت بين الواقع والخيال
    بس مش قادر تفهم بردو عايزه اوصل ايه
    اوصل اننا نلغي حياتنا الطبيعه والحقيقه في مقابل جلوس ع شاشه بالساعات والساعات والساعات والساعات
    دا على حسب الشخص بقى الى بيستخدمه
    انتى ممكن تقعدى عشرين ساعه بتعملى حاجه مفيده وممكن تقعدى خمسين فى كلام فارغ
    يعنى دا متوقف عليكى انتى او عليا انا فى تفكيرى وعقلى فى استخدامه

    حلوه اوي تمام جدا
    انا شوفت شكلي حسيت بلساني حسيت بتفكيري وهو بيكتب
    هل انت بقي شوفتني ؟؟؟؟؟؟
    اولا كلامى فى النقطه دى
    كنت بستدل على كلمة قالها الاستاذ شريف وهى ان النت علاقة بارده
    و حتسالينى انا شوفتك ولا لا حقولك لو لا قوليلى انه دا محصلش
    ان انتى دوقتى تعبير وشك مش بتتغير حسب الكلام
    محدش هيحس بالكلمه دي الا اللي عشاها
    حقيقى اان مش فاهم معناها ايه
    شكرا يااحمد
    ايه دا هو فى زعل ولا ايه
    لا انا قصدى ان احنا بقلنا نعرف بعض بقلنا اد ايه
    شاركنا فى كام موضوع
    معتقدش ان فى موضوع اختلفنا فيه كدا
    فا بقول بمناسبة الامتحانات يعنى
    مش اكتر
    لا يااحمد
    انسان الكتابه وانسان الكلام بيختلفوا في نقط التعبير عن النفس
    وكتر النت في حياتنا خلانا نقتل جوانا روح التعبير عن النفس بالكلام
    لاننا اتعودنا ع الكتابه والتعبير بالكتابه وبس
    لا يا ست اسماء
    الانسان هو الانسان
    بس كل الحكاية ان الانسان الكائن الوحيد الى بيتكيف على اى وضع
    لو فى النت تحسى انه نتيت بس وفى الواقع تقولى انه ملهوش فى النت
    وهكذا

  20. #20
    طالبة بكلية الآداب
    جامعة الاسكندرية
    الصورة الرمزية امة الرحمن
    تاريخ التسجيل
    Apr 2009
    الدولة
    الحمد لله
    العمر
    33
    المشاركات
    1,078
    شكراً و أعجبني للمشاركة
    معدل تقييم المستوى
    1626

    افتراضي

    اولا انا مش بحب اكون مخالف
    بس عايز اوصلك حاجه
    احنا اهوة كلنا بنقعد نت و بنشتغل فى الواقع وبتعامل مع ناس كتير اوى
    و النت بالنسبة لكتير مننا حاجه ثانوية وليس حاجه اساسية
    ولو كان غير كدا
    يبقى العيب من الشخص ودا اصبح شخص مريض لانه معرفش يستغل وقته ولا عرف ينظمه
    طيب يااحمد وانا كلامي للي النت عندهم الاساس
    وكلامي كان واضح في كده من اول الموضوع

    لا طبعا عمر النت ماكان احلام او كان حلم فى يوم من الايام
    بالعكس كان واقه ملموس و نتجته بتظهر على الشخص ودى الواقعية بعينه
    معلش سؤال
    لو حصل موقف دوقتى هل الموقف دا حيتشال من دماغك بمجرد انك تقفلى الجهاز الى انتى بتعتبريه خيال ؟
    اولا عايز اوضحلكم ان الخيال معناه الشئ الغير سوى ويعبر عن شئ منتهى وغير حقيقى
    عايزين نكون واقعيين
    هل حد فينا اول ما بيقفل الجهاز بينسى الى على النت ؟
    واحداث النت
    كلامى دوقتى حول نقطة هل هو خيال ام واقع بعيدا عن الشخص الى اتخذه المنفذ الوحيد للحياة و التعبير
    عايز الى يجاوب على السؤال ينظر لنفسه بواقعية
    وجهه نظر
    دا على حسب الشخص بقى الى بيستخدمه
    انتى ممكن تقعدى عشرين ساعه بتعملى حاجه مفيده وممكن تقعدى خمسين فى كلام فارغ
    يعنى دا متوقف عليكى انتى او عليا انا فى تفكيرى وعقلى فى استخدامه
    وفي ناس تانيه ليهم حق علينا بردو اننا نديهم اهتمام
    واحساس انهم موجودين في حياتنا
    احمد
    ممكن تقرا الموضوع تاني لاني بتكلم في حاجه وانت بتتكلم في حاجه

    نورت الموضوع يااحمد

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. السلوك الاجتماعى بين النظرية والواقع..
    بواسطة كريم ماضي في المنتدى كلية الآداب
    مشاركات: 2
    آخر مشاركة: 21-06-2010, 10:15 AM
  2. محاضره عن ( السلوك الاجتماعى بين النظرية والواقع)
    بواسطة كريم ماضي في المنتدى كلية الآداب
    مشاركات: 1
    آخر مشاركة: 09-06-2010, 05:15 AM
  3. أغرب من الخيال .. في التجريبية معمل الكمبيوتر .. سوق للذهب
    بواسطة محمد بن عباس في المنتدى اخبار التعليم الاساسي
    مشاركات: 1
    آخر مشاركة: 29-12-2009, 02:35 PM
  4. مشاهد نتمناها ان تكون من الخيال.........؟
    بواسطة امة الرحمن في المنتدى القسم العام
    مشاركات: 0
    آخر مشاركة: 08-04-2009, 03:08 AM
  5. جودة التعليم بين الوهم والواقع
    بواسطة ايندا في المنتدى اخبار التعليم الاساسي
    مشاركات: 3
    آخر مشاركة: 30-03-2009, 01:06 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML