طلب من عمالقة قسم البرامج

[كريم ماضي]

السلام عليكم

عمالقة قسم البرامج

عايز برنامج سوفت وير نوكيا 3110

مين اللي هيجيبه بقي ؟

محتاجه ضروري
منتظر الرد

[كريم ماضي]

اسف ياجماعه
الموضوع مكانه مش هنا
غلط في المكان

[المبدع 2010]

السلام عليكم
اسف على التاخير

البرنامج هو

حمل من هنا

الشرح

طريقة استخدام برنامج اسمة Phoenix Service Software
البرنامج دة مخصوص لتنزيل software لعدد النوكيا .. وهو يعتبر زى nokia software updater بس يختلف عنه فى حجات كتير ...
واهم خاصيه فيه هى انك ممكن تعمل flashing ل dead phone ... يعنى جهاز مش بيشتغل اصلا .. عكس ال nokia software updater ..
كمان انت اللى بتنزل ال software اللى انت عايزة للجهاز وبيبقى عبارة عن ملف exe بتسطبة عشان يحط ملفات ال software فى البرنامج وتكون جاهزة لعملية الفلاش
ملفات السوفت وير دى موجودة كتير فى مواقع الانترنت ولو مش عارف تلاقى الsoftware .. قول لى فى الموضوع وانا ان شاء الله هدورلك عليه وهحطهولك هنا

الاول هشرح طريقة ال install وبعد كدة هشرح طريقة استخدامة
شرح طريقة التسطيب
ملحوظة : نسخة الوندوز تكون windows xp professional
1.بعد فك الضغط عن الملفات اللى تم تنزيلها .. هينتج ملف .exe .. نقوم بتشغيله
2. هتلاحظ ان الملف لغته غريبة .. ميهمكش .. اتبع الشرح الاتى بالصور

3. هتلاقى خانه فاضيه زى ما هو موضح بالصورة دى
هتحط فيها ال pass code دة
088B4CE1ADE7DFC94070B2FC053CC94E



4.التسطيب بعد الخطوة دى عادى جدا
انا بس وضحت اللى فات بالصور بس عشان اللغه الغريبة دى فقط

5.بعد ما التسطيب يخلص ... متشغلش البرنامج لسه
نزل الملف دة
phoenix 2006-2008 fixer

معلش دور عليه لحد ما القيه

6. بعد ماتنزله فك الضغط عنه وانقله لملفات البرنامج على المسار التالى
C:\Program Files\Nokia\Phoenix
7. شغل الملف واضغط على patch
البرنامج هيبتدى يعمل search
استنى لحد ما يسالك لو عايز تعمل انت search بنفسك عن الملف

اضغط no واستنى تانى لحد ما يسألك نفس السؤال .. اضغط no ... المفروض هيقولك patching done

8.اخرج من ال patch وبكدة البرنامج جاهز للاستخدام
-----------------------------
طبعا فى خطوة هنا ناقصة وهى انك تخش على النت و تدور على ال software بتاع الموبيل بتاعك اللى عايز تنزله
انا مثلا عندى n73 ME
وعايز احدث نسخة سوفت وير ليه وهى
v 4.0812.4.2.1

-----------------------------
نخش بقة على البرنامج نفسه
1.من صفحة البرنامج خش على
file >> manage connections
هيظهر ال window دة

اضغط new

استنى لحد ما يخلص scanning بعد كدة next بعد كدة finish
2.هنرجع ل manage connection

بعد كدة apply ثم close
-----------------------------
ملحوظة مهمه : تكون متأكد ان انت شلت ال sim card وال memory card من الجهاز ويكون مشحون كويس ...
كمان تسجل ال product code بتاع الموبيل فى ورقة عشان هنحتاجة بعد كدة
هتلاقيه تحت البطارية تحت اسم code او product code ...
دلوقت وصل الموبيل على كابل ال usb واختار pc suite لو سألك وتحاول تفصل كل ال usb devices التانية ..
يعنى يكون الموبيل هو الوحيد اللى متوصل على الكمبيوتر من ال usb .. وطبعا على ال windows يكون ال phoenix بس هو اللى شغال ...
يعنى اقفل كل البرامج اللى شغاله على قد ما تقدر وخصوصا nokia pc suite ويستحسن تشيله خالص قبل ما تبتدى ..
-----------------------------
نرجع للبرنامج ..
3.من قائمة البرنامج
file >> scan product
استنى لحد ما يكتب ready تحت فى البرنامج ويكتبلك الموبيل ونسخة السوفت وير اللى علية
4.من قائمة البرنامج
flashing >> firmware update
جنب ال product code هتلاقى زرار علية 3 نقط
اضغط علية ...


طبعا ساعة لما عمليه ال flashing تبتدى .. متقربش من الكابل عشان ميفصلش !!!

وبكدة يكون جزء استخدام البرنامج لعمل update او تغير لل software انتهى
-----------------------------
استخدام البرنامج لعمل flashing ل dead phone

زى ما قلت قبل كدة فى بداية الموضوع ان البرنامج دة ممكن يعمل flashing لجهاز مش بيقوم اصلا وعلى فكرة مش لازم تشتغل مع كل الموبيلات ومش فى كل الحالات
ودى الطريقة
زى ما قلت بردو فى الاول تنزل ال software المخصوص لجهازك من النت او تطلبه منى وانا ان شاء الله ادورلك عليه
-----------------------------
من قائمة البرنامج
file>>>manage connection

-----------------------------
معلومة هنحتاجها دلوقت : لكل جهاز نوكيا ليه RM مخصوص
لو عايز تعرف ال RM بتاعك
هتلاقيه تحت البطارية تحت اسم Type
كمان تسجل ال product code بتاع الموبيل فى ورقة عشان هنحتاجة بعد كدة
هتلاقيه بردو تحت البطارية تحت اسم code او product code ...
-----------------------------
من قائمة البرنامج
file >>> open product


بعد ما تضغط ok
استنى لحد ما يكتب ready تحت
-----------------------------
ملحوظة مهمه : تكون متأكد ان انت شلت ال sim card وال memory card من الجهاز ويكون مشحون كويس
اتاكد ان الموبيل مطفى ووصله على كابل ال usb وتحاول تفصل كل ال usb devices التانية ..
يعنى يكون الموبيل هو الوحيد اللى متوصل على الكمبيوتر من ال usb .. وطبعا على ال windows يكون ال phoenix بس هو اللى شغال ...
يعنى اقفل كل البرامج اللى شغاله على قد ما تقدر وخصوصا nokia pc suite ويستحسن تشيله خالص قبل ما تبتدى ..
-----------------------------

[المبدع 2010]

من قائمة البرنامج
flashing >>> firmware update
جنب ال product code هتلاقى زرار علية 3 نقط
اضغط علية ...


البرنامج هيبتدى يحضر ملفات ال flashing
وبعد كدة هيطلب منك تشغل الموبيل عن طريق زرار ال power
البرنامج هيكمل عادى زى الجزء الاول من الموضوع
والف مبروك عليك الموبيل رجع

[كريم ماضي]

ايه الحلاوه دي ياغالي
بجد انا مشعارف اقولك ايه
جزاك الله كل الخير
جاري التحميل ...........

[المبدع 2010]

العفوا على ايه

ارجوا ان يكون هذا البرنامج الذى تكون انت محتاجه