فوائد الزوجة النكدية

**مسيو وليد عسكر** · 31-12-2009, 01:01 AM

**من يعتقد ان الزوجة النكدية ليس لها فوائد فهو مخطئ للأسباب التالية :-
*تجعل لسانك رطب بذكر الله
(طول اليوم قاعد يدعي حسبي الله ونعم الوكيل)

*غض البصر

(الشعور بالكره لصنف الحريم)

*صلة الرحم

(على طول هربان عند أمه أو أصحابه)

*المحافظة على الوزن

(دائما نفسه مسدودة عن الاكل)

*وان كانت زوجته من النوع النكدي المتأصل

فسيصبح من العظماء لانه من قرفه وزهقه وطهقه من هذه العيشة بيدفن نفسه بشغله فيبرع ويدهش الناس ويثبت المثل القائل

"وراء كل رجل عظيم امرأة"

منقول طبعا
وربنا يستر

**كريم ماضي** · 31-12-2009, 01:09 AM

عندك حق

ليها فؤاد فعلا
بس ربنا يبعدنا عنهم ولكن اكيد اي واحده فيها عيوب وليها في النكد
وأحيانا يثبت المثل

"وراء كل مجنون امرأة"

جزاكم الله كل الخير

**دعاء شديد** · 31-12-2009, 01:09 AM

هههههههههههههههههههههه
ماشى يا وليد

يعنى افهم من كده ان الستات هتدخل الجنه
لان الجنه تحت اقدام الامنهات

والرجاله هتدخل برده الجنه
بسبب الستات النكديه
والاكثار من ذكر الله
وتكفير الذنوب

والله الستات مظلومين
مش عارفين يعملوا ايه ولا ايه بس
حتى نكدهم فايده قاصدين منه مصلح الرجاله
وبرده مفيش كلمه شكر

ميرسى على الموضوع ابو دم خفيف

**عبــــدالــــرحمـــــن** · 31-12-2009, 01:14 AM

ماشاء الله
جزاك الله خيرآ مسيو
------------------------

ففى الحاله دى يبقى نفعها اكثر من ضررها

فهى تقوى الصله بين المرء وربه من كثره الدعاء

وتغض البصر عن كل جميل

وتقوى الروابط الاسريه

وريجيم ببلاش

اصبح من العظماء وهم قليل

--------------------------------

كلها فوائد...
وعلي الزوج الايمان بالمثل القائل

الصبر مفتاح الفرح

**مسيو وليد عسكر** · 31-12-2009, 01:14 AM

المشاركة الأصلية كتبت بواسطة كريم ماضي

عندك حق

ليها فؤاد فعلا
بس ربنا يبعدنا عنهم ولكن اكيد اي واحده فيها عيوب وليها في النكد
وأحيانا يثبت المثل

"وراء كل مجنون امرأة"

جزاكم الله كل الخير

لا طبعا يا كيمو دول اجمل مافي الوجودومن غيرهم لاتسقيم الحياة
هو بس نكش من باب الدعابة
نورت الموضوع ياجميل

**مسيو وليد عسكر** · 31-12-2009, 01:18 AM

المشاركة الأصلية كتبت بواسطة دعاء شديد

هههههههههههههههههههههه

ماشى يا وليد

يعنى افهم من كده ان الستات هتدخل الجنه
لان الجنه تحت اقدام الامنهات

والرجاله هتدخل برده الجنه
بسبب الستات النكديه
والاكثار من ذكر الله
وتكفير الذنوب

والله الستات مظلومين
مش عارفين يعملوا ايه ولا ايه بس
حتى نكدهم فايده قاصدين منه مصلح الرجاله
وبرده مفيش كلمه شكر

ميرسى على الموضوع ابو دم خفيف

الستات نعمة واللي يكرههم يعمي

ربنا يخليهم لينا ويبعد عنهم الشيطان ووساوسه
ومحدش طبعا يقدر يقول حاجة
نورتي يادعاء

**مسيو وليد عسكر** · 31-12-2009, 01:21 AM

المشاركة الأصلية كتبت بواسطة مستر عمرو البلاصي

--------------------------------

كلها فوائد...
وعلي الزوج الايمان بالمثل القائل

الصبر مفتاح الفرح

معاك حق اخي الحبيب
ربنا يلهمنا الصبر جميعا

**عبــــدالــــرحمـــــن** · 31-12-2009, 01:29 AM

المشاركة الأصلية كتبت بواسطة مسيو وليد عسكر

معاك حق اخي الحبيب
ربنا يلهمنا الصبر جميعا

وعلى المتضرر اللجؤء الى القضاء...
او يصبر وينتظر عداله السماء

**noha77** · 31-12-2009, 01:22 PM

هههههههههههههههه
حلو اوي فوائد الستات النكدية دي
طيب كويس انهم لهم دور اهو بدال ما يقعدوا كدا لا شغله ولا مشغله
وكلمة في سركم كدا
الستات كلهم نكديات
بس اوعوا تقولوا لحد
هههههههه
شكرا مسيو وليد

**طارق ممدوح ذكي محمد** · 31-12-2009, 01:47 PM

على كده يبقى المفروض الزوجه النكديه

يدفعلها مهر اكبر من غيرها

والله وباضتلك في القفص يا عكنونة يا مجنونة

شكرا يا مسيو وربنا يبعدنا عن النكد و أهله

**شمس بياض** · 31-12-2009, 02:04 PM

المشاركة الأصلية كتبت بواسطة مسيو وليد عسكر

**من يعتقد ان الزوجة النكدية ليس لها فوائد فهو مخطئ للأسباب التالية :-
*تجعل لسانك رطب بذكر الله
(طول اليوم قاعد يدعي حسبي الله ونعم الوكيل)

*غض البصر

(الشعور بالكره لصنف الحريم)

*صلة الرحم

(على طول هربان عند أمه أو أصحابه)

*المحافظة على الوزن

(دائما نفسه مسدودة عن الاكل)

*وان كانت زوجته من النوع النكدي المتأصل

فسيصبح من العظماء لانه من قرفه وزهقه وطهقه من هذه العيشة بيدفن نفسه بشغله فيبرع ويدهش الناس ويثبت المثل القائل

"وراء كل رجل عظيم امرأة"

منقول طبعا
وربنا يستر

ويعنى ماينطبقش الكلام دهوت على الرجاله اللى بتسبب النكد

المثل بيقول
المظلومة مرحومة
اللهم اجعلنا من المرحومات
فى سبيل ارضاء الرجل
هو الرجل صعب ارضاءه اصلا
ومين سبب النكد
يعنى ؟
اكيد لقيت فى جيبه صورة نانسى ولا هيفا
ولا طول النهار وشه فى الكمبيوتر
وهى تحرق فى دمها ولا هو هنا
ولا تقوله نقضى المصلحه ولانزور الاهل ينفض ويكبر
يامسيو افعال الستات النكديه
ماهى الا رد فعل للرجل المتاصل فى النكد

**ياسر الدقاق** · 31-12-2009, 02:12 PM

فعلاً لازم لكل شيئ ثمن
يعني الواحد علشان ينال كل هذه المميزات
لازم يستحمل ويعيش في نكد
ربنا يستر ويعد عننا النكد والمنكدين
وشكراً لك علي الموضوع الجميل
بس أنت مش خايف من نون النسوة
شكلك بادئ تشن حرب غير مأمونة العواقب
ربنا يستر

**Blanche Neige** · 31-12-2009, 08:18 PM

لا حول ولا قوة الا بالله
طب ليه كده بس ياوليد !!!!!
مابلاش انت تقف فى طريقنا كده مش
حلو خالص عشانك

طب عموما بقى انت كده اللى جبته لنفسك
خد عندك بقى ياسيدى
مواصفات زوج 2010
1- شيك تماااااااااااااام
2- كرشى لقدااااااااااام
3- بياااااااااااع كلالالالالام
4- يرتعش من سيرة المداااااام
ايه رأيك بقى .... العين بالعين

**7asnaa kareem** · 31-12-2009, 08:31 PM

ممممممممممممم

انا شاهده على الكلام دا

**بن يوسف الرياحي** · 31-12-2009, 08:51 PM

الحمد لله والصلاة والسلام على رسول الله صلى الله عليه وسلم .يا أستاذ :وليد تذكر حينما تذكر الله تعالى في مقالاتك ،احتمالية أن الأمر خطر ،هنا يصبح المزاح مزلة فقد يقول الرجل كلمة لايلقي لها بالاً تهوي به في النار اربعين خريفاً والله تعالى أعلم .

**مسيو وليد عسكر** · 31-12-2009, 09:40 PM

المشاركة الأصلية كتبت بواسطة noha77

هههههههههههههههه
حلو اوي فوائد الستات النكدية دي
طيب كويس انهم لهم دور اهو بدال ما يقعدوا كدا لا شغله ولا مشغله
وكلمة في سركم كدا
الستات كلهم نكديات
بس اوعوا تقولوا لحد
هههههههه
شكرا مسيو وليد

الموضوع كله دعابة من باب الترويخ عن النفس
كل الاحترام والتقدير لاخواتنا الفضليات
شكرا اخت نها علي مرورك العطر

**مسيو وليد عسكر** · 31-12-2009, 09:41 PM

المشاركة الأصلية كتبت بواسطة طارق ممدوح ذكي محمد

على كده يبقى المفروض الزوجه النكديه

يدفعلها مهر اكبر من غيرها

والله وباضتلك في القفص يا عكنونة يا مجنونة

شكرا يا مسيو وربنا يبعدنا عن النكد و أهله

ههههههه
بنتظر دعاباتك وتعليقات الظريفة جداا
شكرا اخي طارق علي تشريفك ومرورك الذي جعل للموضوع شكل اجمل بروحك المرحة العالية

**مسيو وليد عسكر** · 31-12-2009, 09:47 PM

المشاركة الأصلية كتبت بواسطة شمس بياض

ويعنى ماينطبقش الكلام دهوت على الرجاله اللى بتسبب النكد

المثل بيقول
المظلومة مرحومة
اللهم اجعلنا من المرحومات
فى سبيل ارضاء الرجل
هو الرجل صعب ارضاءه اصلا
ومين سبب النكد
يعنى ؟
اكيد لقيت فى جيبه صورة نانسى ولا هيفا
ولا طول النهار وشه فى الكمبيوتر
وهى تحرق فى دمها ولا هو هنا
ولا تقوله نقضى المصلحه ولانزور الاهل ينفض ويكبر
يامسيو افعال الستات النكديه
ماهى الا رد فعل للرجل المتاصل فى النكد

سترك يارب من عاصفة الصحراء
انا لما نقلت الموضوع مكنتش قلقان الا من رد فعلك

عموما كما ذكرت سابقا ان الموضوع دعابة ولكن تقريبا شكلها هتيجي فوق دماغي
واعتقد ان اي ست تعرف الله حق قدره مهما كان زوجها نكدي فلن تفعل مثله لان الاسلام ينهي عن هذا
ولنا في امهات المؤمنين قدوة حسنة
شكرا لمرور حضرتك

**مسيو وليد عسكر** · 31-12-2009, 09:50 PM

المشاركة الأصلية كتبت بواسطة Blanche Neige

لا حول ولا قوة الا بالله
طب ليه كده بس ياوليد !!!!!
مابلاش انت تقف فى طريقنا كده مش
حلو خالص عشانك

طب عموما بقى انت كده اللى جبته لنفسك
خد عندك بقى ياسيدى
مواصفات زوج 2010
1- شيك تماااااااااااااام
2- كرشى لقدااااااااااام
3- بياااااااااااع كلالالالالام
4- يرتعش من سيرة المداااااام

ايه رأيك بقى .... العين بالعين

مانا برضه ممكن اكتب مواصفات زوجة 2010 برد اصعب000 والكلام معلهوش جمرك