التسول والشحاته فى مصر! واوروبا والدول المتقدمة!
الشحاته فى مصر! عندنا فى مصر زى ماحنا عارفين يا ولاد مالناش زى وبره الزمن ، دايما بنقول بره مصر وجوه ودايما نقول اصل اوربا والدول المتقدمة مثقفة وعندها تطور وبنقارن دايما حلو اوى! ، ومن الحاجات الى بتضايقنا جدا فى الشارع الشحاتين والتسول فى الطرق والارصفة! ، عندنا فى مصر التسول مختلف بتلاقى الواحد من دول مستنى الاشارة ويلحس الازاز ويخبط عليك ولو الشباك مفتوح يدخل وشه داخل العربية ويريل على القميص بتاعك! وطبعا العبارات المشهورة بتاعت مافطرتش واكل والنبى والحاجات دى! لحد لما يجبرك انك تديله حاجة عشان تخلص منه ومن قرفه وايده المسلوغة الى على القميص بتاعك! ، غير ان فى الشهر الكريم الى هوا رمضان بيكون موسم بقئا! كله فى الشوارع مستنى اى حد يحط ايده فى جيبه وتلاقيهم كلهم حواليك كانك بتوزع مصاريف ولادك! ، لا وعندنا الشحات بيبص فى الفلوس يشوف انتا مديله ايه كل واحد على قد دعوته برضه! الشحات برضه يقولك ايه ده ويتناقش معاك ليه اديته قليل اها والله اها ده شحات بس عندنا فى مصر! ، واخر موقف باكل اكل فى ايدى وشحات بيقولى هات واحدة قولتله لا استغرب جدا ومشى سكات عشان لو اتكلم زيادة كنت اديته بالى فى رجلى!
اوروبا
التسول فى اوربا حصله تطور زى ثقافتهم برضه! ، الشحاته الاول اتاخدت شكلها من اليونان لما بدأ يبقى فيه فرق موسيقية ماكنش هدفها الشحاته لكن كان هدفها متعة الناس بالميوزيك فى الشارع ولكن بدات لما حد بدات يديهم فلوس بعد ماعجبته المقطوعة الموسيقية دى! ، وانتشرت الحكاية فى اوروبا وانتا ماشى فى الشارع بتلاقى راجل قاعد كل تركيزه العزف الى بيعمله وقدامه اوقات كثير زى علبه وتيييت لا بوم طخ! ، لو عجبتك الموسيقى وحبيت تديله حاجة بتحطها فى العلبة وتمشى وهوا برضه مكمل الميوزيك بتاعه واول لما تحط القطعة المعدنيه يعملك تيييت تيييت دوم! وتحيه خاصة! ، وبدات حكاية التماثيل من هولندا فى الشوارع
واكيد التسول ماحدش فينا يحب انه يشوفه واكيد مافيش اى دين ولا اى قانون بيدى الحق لاى شخص انه يحصل على فلوس من غير مايقدم خدمة للمجتمع او لغيره والا مايكنش محسوب علينا كامواطن ليه دور بل عبء علينا كلنا وبيلطخ الشارع اكثر! ، بنقول كده عشان عايزين نشوفها كويسة عشان بنحبها ومانقدرش نزعلها بنحاول نطلع السلبيات الى شايفنها فى الشارع عشان نشوفها احسن واجمل من اى بلد تانى! ، شكرا!!
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة كريم ماضي
المفضلات