اختبارالicdl عربى ولا انجليزى ؟

**سفير الحياه** · 02-12-2009, 10:55 PM

حد يرد علينا
اختبارات الاى سى دى ال انجليزى؟
ولاممكن نمتحن عربى؟
رجاء من اللى امتحنوا يردوا علينا
وهل حتفرق فى مضمون الشهاده اذا اخدنا الامتحانات عربى؟وايه الفرق؟

**أحمد البرجينى** · 03-12-2009, 12:38 AM

السلام عليكم ورحمة الله وبركاته
أنا مدرب icdl والكلام دوه ثقه ان شاء الله
أولا الإمتحانين فى الشهادة مش بيفرقوا
بس الأهم حضرتك ان الإمتحان دائما فى اللغه العربية بنلاحظ إن الأغلبيه بيرسب فيها ودا كش عيب الامتحان بس دايما الشبكة بتسقط والنتيجة مش بتظهر فى اللغه العربية بس فى كتيييييييييير نجح برضه
بس الأهم إن it هوه عقدة كل واحد بس هوه سهل بس الأغلبية اللى أنا بدربهم بيحبوا انهم يمتحنوه عربى ويكملوا الباقى انجليزى والشهادة واحد فى الآخر .
بس نصيحه أخويه الأفضل إمتحنيها إنجليزى والموديول بتاع it خليه عربى وتوكل على الله ولو فى آى مشاكل أو نويت تدخل الإمتجان دا إيميلى الخاص أنا ممكن أفهمك وأبعتلك الكورس كوله المعتمد من اليونيسكو future_a2005@yahoo.com
والسلام عليكم ورحمه الله وبركاته

**سما روميو** · 03-12-2009, 05:44 PM

انا امتحنت icdl وحصلت على الشهادة بالانجليزى اعتقد انها افضل من العربى وشفت كتير دخلوها عربى ثم حولوا انجليزى لانها اصعب بالعربى لانها مترجمة حرفيا وتجعلك تعمل اوامر غير المطلوبة فالاحسن انجليزى وبعدين هى مزكرات وممكن تترجموها وتزكروها عادى

**sally2009** · 04-12-2009, 01:38 PM

السلام عليكم....
أنا حاصله على الرخصه الدوليه منذ عامين ... وامتحنت كل الموديولات باللغه الانجليزيه ... ده أفضل بكتير .... محدش يحاول يمتحن عربى يا جماعه علشان بتبقى سخيفه جداااااا وكتير بيرسب فيها ... والله الامتحانات سهله جدااااااا ومكرره ومفيهاش أى تعقيد خااااااالص ....

**أحمد البرجينى** · 04-12-2009, 02:16 PM

فعلا عى سخيفه لإنها حرفيا يعنى مثلا الكيسه إسمها حاوية وحاجات تانية غبية كتييييييييييير

**مستر أحمد خليل** · 04-12-2009, 02:18 PM

انادخلت الامتحانات من شهرين ونجحت والحمد لله ولكن الشهادة محصلتش
عليها لحد دلوقتى ومش راضيين يعطونا افادة بيها اعمل اية انا امتحانتها عربى

**أحمد البرجينى** · 05-12-2009, 03:53 PM

لو امتحنتها فى مركز خاص تبقى دى مشكلة عندهم
ولكن لو تبع مركز التطوير التكنولوجى لازم تكون طلعت وطالما معاك skil card والجواب النهائى ما تخافش وخليها على الله

**سفير الحياه** · 05-12-2009, 07:15 PM

بارك الله فيكم
وشكرا جزيلا لكل من ساهم فى الرد على هذا الموضوع

**safaa_ss** · 05-12-2009, 08:28 PM

المشاركة الأصلية كتبت بواسطة سفير الحياه

بارك الله فيكم
وشكرا جزيلا لكل من ساهم فى الرد على هذا الموضوع

علىفكرة أنا بمتحنها هذه الأيام ونصيحة ادخل الامتحان انجليزى لان معظم زملائى اللى امتحانوها عربى كانوا بيرسبوا وندموا على دخولهم icdlعربى وهذا للتذكرة" لعل الذكرى تنفع المؤمنين".

**سفير الحياه** · 05-12-2009, 11:45 PM

ميرسى كتييييييييير ليكى اختى صفا على النصيحه الغاليه دى
كان ليا سؤال
الاى تى it ممكن امتحنه عربى؟ ولا لازم امتحن الكل انجليزى؟
ولك جزيل الشكر وبالنجاح انشاء الله

**أحمد البرجينى** · 06-12-2009, 12:44 PM

الاى تى it ممكن تمتحنيه عربى والباقى انجليزى براحتك

**سفير الحياه** · 08-12-2009, 01:47 AM

طيب ايه البرنامج بتاع الاوفس؟
سمعت ان الفيرجن حيتغير وحنمتحن فى ويندوز فيزتا واوفس 2010
ياريت حد يرد عليا
ايه الوندوز ؟ واصدار الاوفس كام؟
اللى حنمتحن فيه

**sally2009** · 08-12-2009, 12:46 PM

حتى الان الفيرجن الموجوده فى ال icdl بتاع اليونسكو version 4
هى اللى اختدتها من سنتين وهى المتعارف عليها حاليا وهى على الويندوز xp ومفيش أى شئ يقول انهم هيغيروها بالفيستا لأن الفيستا بها مشاكل ولم تصل الى الشكل النهائى علشان كده شركة ميكروسوفت الاساسى فيها الاكس بى وليس الويندوز سفن او الفيستا ... اما الاوفيس 2010 لسه هو كمان لم يتم تطبيقه فى الرخصه الدوليه ....