نتيجة اختبار المعلم المساعد يوم 15 يناير

**waeltango** · 28-11-2009, 03:08 PM

أكد الدكتور أسامة ماهر، المنسق الفنى لاختبارات كادر المعلمين، أن وزارة التربية والتعليم حدّدت 15 يناير المقبل موعداً لإعلان نتائج اختبار تعيين المعلمين المساعدين فى وظيفة "معلم"، والذى خاضه 72 ألفاً و400 منهم قبل 8 أيام

ولم يُفصِح ماهر عن موعد منح المعلمين المساعدين عقود التعيين فى وظيفة "معلم" فى حال تخطيهم الاختبار بنجاح، مشدداً على اقتصار دور المركز القومى للامتحانات على عقد الاختبارات وتصحيح الإجابات وإعلان النتائج.

فى حين توَّقع مصدر مطلع بوزارة التربية والتعليم أن يتسَّلم المعلمون المساعدون عقود التعيين على درجة "معلم" بعد إعلان نتيجة الاختبار بما يقرب من شهر، أى فى فبراير المقبل، فيما عدا المعلمين الذين لم يحصلوا حتى الآن على رخصة قيادة الحاسب الآلى المعروفة بالـ"icdl" ، والذين ستُؤجل الوزارة منحهم العقود لحين تقديمهم ما يفيد حصولهم عليها باعتبارها شرطاً من شروط التعيين على هذه الدرجة الوظيفية.

**waeltango** · 28-11-2009, 03:11 PM

خدوا بالكوا من كلمة "عقود" التعيين فى وظيفة معلم فى حالة النجاح

**سفير الحياه** · 28-11-2009, 03:14 PM

يعنى ايه بعد الهم وحرقة الاعصاب مش حنتعين

منهم لله

**فتحية أحمد** · 28-11-2009, 03:57 PM

الكلام ده مش صحيح لأن الدكتور محمود عابدين في تدريب بقاعة الفديو كنفرانس قال إن الإمتحان ده للتعيين في وظيفة معلم أي تثبيت يعني إحنا لما ننجح إن شاء الله في الكادرر هنتعين ويبقي لنا كل الحقوق زي المدرس الأساسي دلوقتي وده مش كلامي ده كلام الدكتور محمود عابدين مدير الأكاديمية وبالتوفق لنا جميعا إن شاء الله

**أستاذة شروق** · 29-11-2009, 12:42 AM

الوزير قال إنه عقد مدته خمس سنوات وبعدها ندخل اختبار آخر للتأهيل للدرجة اللى بعد معلم

**أحمد البرجينى** · 29-11-2009, 09:56 AM

من وجهة نظرى أنا بأيد كلام الأستاذة شروق لسبب واحد إن الدكتور حسن عابدين فى وسط الكلام الرغى اللى كان قاعد يقوله قال إن دا مش أول ولا آخر إمتحان دا بعد كدة هيبقى فى إمتحانات تانيه كل خمس سنين

للإنتقال الى المسمى الوظيفى الآخر .
أما موضوع إننا نتعين ونثبت فنرجو من الله كذلك وغالبا وأغلب الظن أن كل ما سيحدث أنهم سيعطوننا عقد آخر ولكن بمميزات أكتر والدرجه الماليه معلم والمفروض إننا حاليا بدون درجه يعنى مش سابتين ولا أى زفت .
لإن الحكومة متأكده إننا لما نثبت فى الوظيفى الرجالة هيكبروا دماغهم ويروحوا يدورا على وظيفة آخرى والنساء يقضوها أجازات .
وعلى أغلب الظن هوه دا الصح وهيفضوا يأخروا ويماطلوا لغايه ما الريس الجديد يجى ( ملناش دعوه بالسياسه خلينا ناكل بسكوت وتوست ) .
وربنا يوفق الجميع