لماذا أخذوا ورقنا و تعبونا وتعبوا أعصابنا

**سما روميو** · 06-11-2009, 08:41 PM

قالوا لنا هاتوا الورق لعقود 1/1/2009 والحمد لله كامل التربوى و icdl ثم بعد ذلك يستبعدونا من الاختبار يوم 20/11/2009 بحجة شرط ليس له لازمة اصلا وذلك لاننا بقلنا سنين بنشتغل وجاى يقول مرور سنه على العقد زمبنا ايه ان العقد 1/1/2009 فى الوقت اللى كل عقود الحاسب الالى بالشرقية عقدهم بدأ من هذا التاريخ فلماذا ننتظر سنه كمان ذنبنا ايه نستنى لشهر 7 أو 8 القادم

**baherhassan11** · 07-11-2009, 10:53 AM

يا استاذة سما امتحان 1/1/2009 هيكون قبل 7 او 8 بكتير لان القانون بيقولك بعد مرور سنة بتتقدم للاختبار واحنا هنتقدم فى شهر 1 والامتحان هيكون بعدها بشهر او شهرين او تلاته بالكتير لاتقلقى

**معاذ سليمان** · 07-11-2009, 08:40 PM

عندك حق يا استاذه سما تعبونا وتعبوا قلبنا ورق وشهادات وامضاءات واختام وادى اخرتها لكن صبرا جميل لعل الله يأتى بالفرج

**معاذ سليمان** · 07-11-2009, 08:41 PM

بس انا عاوز اعرف حاجه يا استاذه سما احنا لسه ها نقدم تانى فى الاكاديميه ونعيد نفس الكره مره تانيه

**safaa_ss** · 07-11-2009, 09:49 PM

الصبر مفتاح الفرج

**سما روميو** · 08-11-2009, 01:10 PM

الله اعلم يا استاذ معاذ انت عارف طبعا اننا بقينا معلمين للورق رايحين و جايين شيلين ورق أد كده

**ريم نادر** · 08-11-2009, 03:42 PM

عندك حق يا سما بس محدش عارف الخير فين وان شاء الله ربنا يكتب لنا الاحسن
ويا ريت اعرف انتى ادارة اه يا سما

**سما روميو** · 08-11-2009, 08:47 PM

اذيك يا ريم أنا ادارة غرب الزقازيق وانتى

**ريم نادر** · 10-11-2009, 12:53 PM

المشاركة الأصلية كتبت بواسطة سما روميو

اذيك يا ريم أنا ادارة غرب الزقازيق وانتى

الحمد لله ازيك يا سما انا حاسب الى ادارة ابوكبير

**doz** · 08-11-2009, 10:28 PM

يا جماعة بلاش القلق ده مش فارقة كتير يعنى احنا مثبتين
دول ممكن فى اى وقت يدونا استمارة 6 ويقولوا لناالبقاء لله والله كنتوا كويسين وطيبين
يلا الحمد لله وسبوها على الله علشان بجد ملناش غيره

**محمدالبسيونى** · 10-11-2009, 01:58 PM

جهد مشكوووووووووووووووور

**معاذ سليمان** · 11-11-2009, 10:28 PM

ازيك يا استاذه سما انا كنت النهارده فى مديرية التربية والتعليم بالشرقيه وسمعت اشاعه قويه اوى هنا بتقول ان امتحانات عقود 1/1/2009 فى اخر شهر 12 على فكره انا اخصائى نفسي بادارة ههيا التعليميه ياترى حضرتك مدرسه ايه

**سما روميو** · 12-11-2009, 02:13 AM

::اهلا بك يا استاذ معاذ انا مدرسة حاسب آلى ابتدائى ويارب يكون ما سمعته حقيقى لانى مش عارفة هما الى متى هيفرقوا بينا فى موعد العقود بالرغم ان فى عقود فى 1/7/2008 تخصصات اخرى اشتغلوا بالعقد العادى معانا و بعدنا على العموم ربنا يوفق الجميع وياريت كل ما تسمع حاجة طمئنا اننا مش هاننتظر كتير شكرا لك ولأهتمامك

**سما روميو** · 14-11-2009, 02:26 PM

ايه اخر الاخبار

**معاذ سليمان** · 16-11-2009, 09:16 PM

اخر الاخبار يا سما كنت فى الاداره التعليميه يههيا وسمعت رثيس الملفات هناك بيقول ان الامتحانات عقود 1/1/2009 بعد نهايه امتحانات عقود 2008 بثلاثه ايام والله اعلم هو جاب الكلام دا منين وفين الصح وانا متابع لحد ما نشوف اه بجد اخبارك ايه ومدرستك ايه

**سما روميو** · 16-11-2009, 09:50 PM

الحمد لله ومتشكرة لاهتمامك و الرد و موافاتنا بالاخبار و سوف انتظر كل جديد عندك سلام

**سما روميو** · 16-11-2009, 09:51 PM

الحمد لله ومتشكرة لاهتمامك و الرد و موافاتنا بالاخبار و سوف انتظر كل جديد عندك سلام

**sally2009** · 16-11-2009, 10:45 PM

السلام عليكم...
انا تعاقد 3/11/2008...... وطبعااااا مليش امتحان دلوقتى .. وحضرت الفيديو كونفرانس ورئيس الاكاديميه قال الاختبار القادم على شهر 8 القادم يعنى لسه بدرى جداااااااااااا ... وهيضيع علينا سنتين التعاقد من غير ما ندخل الامتحانات ..... واى حد بيقول ان امتحاننا قريب يبقى كلام غير صحيح يا جماعه .....