تلفونك فى ورطة ؟ ادخل و انت تعرف

[المجاهد فى سبيل الله]

جوالك في ورطه كبيره

بسم الله الرحمن الرحيم
السلام عليكم ورحمة الله وبركاته
كيف حالكم إن شاء الله بخير

سيتم اختيار أحد الأعضاء المشاركين بالمنتدى .,

سنكشف معكم أسرآر هآتفه المحمول

وسيعطر المكآن بما يحمله من خفايا

ويشغل الافكآر بما يخفيه من أسرآر

أملين أن يمتعكم المشارك ..,

وأن يسعدكم بأطلالته

وأول عضو نختاره لهذا اليوم
(هى الاستاذة نعمه محمود)

نترككم مع الاسئله

1/ ماهو نوع تلفون حضرتك ؟

2/ ما اخر صورة تم التقاطها ؟

3/ كم رقم مخزنـ عندك ؟

4/ ما اخر رسالهـ تم تلقيها ؟

5/ ماهي الرسـالهـ رقم 5 ولاحظ ((5)) بالتحديد ؟

6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لـنا ؟

7/ ماهي أعلى فاتوره قد تجاوزتها ,,اواعلى مبلغ حضرتك شحنتى بيه ؟

8/ ماهو اسمك بالبلوتوثـ ؟

9/ ماهو الثيم الحالي للتلفون ؟

10/ ماأكثر ماتستخدمهـ للتلفون مثلا: المنبه , الحاسبه , البلوتوث , ؟


11/ كم عدد الرسائل بالصندوق الوارد ,, وكم عددها بالصادر ؟


12/ رسالة لن تقوم بمسحها أبداً ولماذا ؟


13/ ماهو الأسم رقم ((13)) المخزن عندك ؟


14/ ما آخر رسالهـ قمت بأرسآلها ؟



* طبعاً العضو إذا إنتهى هو اللي يختار اللي بعده.. *

[أشرف السيد]

موضوع ممتاز جدااااااا

وفي انتظار الاستاذة نعمة علشان نعرف اكثر

السلام عليك

[أبوبكر أحمد العملة]

يا رب اكون انا مسجل رقم 13 في تليفون ابله نعمة علشان اطلع في البرنامج على الهواء

موضوع متميز وفكرة في الجووووووووون

وربنا يستر من الاجابات ....وتفاصيلها أكثر من((( امن الدولة)))) يا عم احمد هههههههه

[المجاهد فى سبيل الله]

موضوع ممتاز جدااااااا

وفي انتظار الاستاذة نعمة علشان نعرف اكثر

السلام عليك

وعليكم السلام ورحمة الله وبركاته
بارك الله فيك يا استاذ اشرف
و اكيد منور الموضوع

[المجاهد فى سبيل الله]

يا رب اكون انا مسجل رقم 13 في تليفون ابله نعمة علشان اطلع في البرنامج على الهواء

موضوع متميز وفكرة في الجووووووووون

وربنا يستر من الاجابات ....وتفاصيلها أكثر من((( امن الدولة)))) يا عم احمد هههههههه

هههههههههه
عيب عليك يا استذنا هو انا شوية ولا ايه دا انا بقيت خبرة خلاص
انتظر انت بس الباقية قادمة ولا تقولى بتوع امن الدولة

[نعمه محمود]

جوالك في ورطه كبيره

بسم الله الرحمن الرحيم
السلام عليكم ورحمة الله وبركاته
كيف حالكم إن شاء الله بخير

سيتم اختيار أحد الأعضاء المشاركين بالمنتدى .,

سنكشف معكم أسرآر هآتفه المحمول

وسيعطر المكآن بما يحمله من خفايا

ويشغل الافكآر بما يخفيه من أسرآر

أملين أن يمتعكم المشارك ..,

وأن يسعدكم بأطلالته

وأول عضو نختاره لهذا اليوم
(هى الاستاذة نعمه محمود)

نترككم مع الاسئله

1/ ماهو نوع تلفون حضرتك ؟
n73
2/ ما اخر صورة تم التقاطها ؟
صورة قرد بيشد شعر حبيبة بنتى في أفريكا بارك الاسبوع الماضي

3/ كم رقم مخزنـ عندك ؟
277
4/ ما اخر رسالهـ تم تلقيها ؟
سيف السيد كسب 50000 ألف جنيه الحق فرصتك واشترك في الشوطة الذهبية .كلم 100100 ب 1 ج

5/ ماهي الرسـالهـ رقم 5 ولاحظ ((5)) بالتحديد ؟
أنا عبير أم مريم
من فضلك ردى عليا

6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لـنا ؟
اااااااه
النكدية
ده اسم لصديقه على الموبايل وهى عارفه ان اسمها عندى كده
دى مش بتكلمنى غير عشان تنكد عليا
طول ماهى كويسه مسمعش صوتها واوا ما تحصل مصيبة
تتصل بيا

7/ ماهي أعلى فاتوره قد تجاوزتها ,,اواعلى مبلغ حضرتك شحنتى بيه ؟
اعلى فاتورة دفعتها كانت 1400 جنيه وده من 3 سنين
بعدها حولت لكارت ومش بشحن غير من ابو عشرة جنيه
وفي الاعياد ممكن ابو 25
اما بقي لو في عروض خاصة
ممكن اشحن ب 100 عشان استفيد بالعرض

8/ ماهو اسمك بالبلوتوثـ ؟
ميروووووووو

9/ ماهو الثيم الحالي للتلفون ؟
صورة عمر

10/ ماأكثر ماتستخدمهـ للتلفون مثلا: المنبه , الحاسبه , البلوتوث , ؟
المنبه

11/ كم عدد الرسائل بالصندوق الوارد ,, وكم عددها بالصادر ؟
مع انى بمسح الرسايل اول باول
عدد الرسائل بالوارد 132
الصادر 22

12/ رسالة لن تقوم بمسحها أبداً ولماذا ؟
لقد تفوقت التلميذة على الاستاذ
دى رسالة من أستاذى في الجامعه العام الماضي دكتور" محمد ناصف"
بعدما قرأ خطة الماجستير الخاصة بي
13/ ماهو الأسم رقم ((13)) المخزن عندك ؟

المركز الثقافي الفرنسي
14/ ما آخر رسالهـ قمت بأرسآلها ؟
little keys can open big locks,simple words can express great thoughts.hope my simple words will make u smile&remember me all the while

* طبعاً العضو إذا إنتهى هو اللي يختار اللي بعده.. *

طبعا حيرة انى انا اللي اختار
هختار أستاذة أمل لاشين

[أبوبكر أحمد العملة]

مبسوط يا كابتن احمد ( المجاهد في سبيل الله )


الاستاذة نعمة جاوبت كالتالى


13/ ماهو الأسم رقم ((13)) المخزن عندك ؟

المركز الثقافي الفرنسي

ما طلعتش انا رقم( 13 )

بس ده ما يمنعش انى ساكن جنب الفرع بتاع مصر الجديدة

وبكده ممكن اتصور معاهم في التليفزيون.... هاهاهاهاهاها


شكرا استاذة نعمه على دروس كثيرة جدا اتعلمتها من تليفون سيادتك

تلميذك
أبوبكر أحمد العملة
عضو فريق مجتمع المعرفة بالمنتدى الكريم

[نعمه محمود]

13/ ماهو الأسم رقم ((13)) المخزن عندك ؟

المركز الثقافي الفرنسي

ما طلعتش انا رقم( 13 )

هو ازاى هيطلع رقم حضرتك وانا أصلا معرفش رقم تليفونك ؟؟؟؟؟؟؟؟؟؟
نورت الموضوع
استاذ ابو بكر

[كريم ماضي]

موضوع جميل يا احمد
واسمتعنا برد الاستاذه نعمه

[أبوبكر أحمد العملة]

هو ازاى هيطلع رقم حضرتك وانا أصلا معرفش رقم تليفونك ؟؟؟؟؟؟؟؟؟؟
نورت الموضوع
استاذ ابو بكر

معلش يا ابله نعمه

اصلى بحب رقم (13) قوى قوى قوى

شكرا على اهتمامك

واكيد علشان احنا كلنا في المنتدى بنفرح جدا لما نشوف تعليقاتك ومشاركاتك الرائعة


تقبلى مرورى بكلماتك الطيبة جدا ومش هعمل كده تانى خالص


تلميذك
أبوبكر أحمد العملة
عضو فريق مجتمع المعرفة بالمنتدى الكريم

[المجاهد فى سبيل الله]

حلو اوى النكدية
حقيقى حضرتك اسعدتينا جدا باجابات حضرتك
و سوف يتم ارسال رسالة خاصة الى الاستاذة الكريمة امل لاشين

[نعمه محمود]

حلو اوى النكدية
حقيقى حضرتك اسعدتينا جدا باجابات حضرتك
و سوف يتم ارسال رسالة خاصة الى الاستاذة الكريمة امل لاشين

بما ان الاستاذة امل عندها ظروف ومش دخلت
هختار الاستاذ شريف

[شريف]

أولا : تسلم ايدك أختي العزيزة نعمة علي اختيارك لي ... جميل نردهولك في الافراح ان شاء الله
ثانيا : تسلم يا احمد ع الموضوع الرائع و الاسئلة اللذيذة المعبرة جدا جدا
ثالثا : اليكم الاجابات

ــــــــــــــــــــــــــــــــــــــــــ

1/ ماهو نوع تلفون حضرتك ؟
n 73
ـــــــــــــــــــــــــــــــــ
2/ ما اخر صورة تم التقاطها ؟
قمت من النوم امبارح عيني ورامة
مش عارف من ايه
روحت مصور نفسي
لاني كسلت اقوم اشوفها في المراية
تخيل انت بقا الصورة تبقا عاملة ازاي
بس مت علي نفسي م الضحك اول ما شوفتها
ــــــــــــــــــــــــــــــــــ

3/ كم رقم مخزنـ عندك ؟
292
ــــــــــــــــــــــــــــــــــــتت
4/ ما اخر رسالهـ تم تلقيها ؟
سواق تاكسي متبنج ... واحدة وقفته بتقوله عايزة اروح السوق
قال لها روحي
بس ما تتأخريش
ــــــــــــــــــــــــــــــــــــــــــــــــــ
5/ ماهي الرسـالهـ رقم 5 ولاحظ ((5)) بالتحديد ؟
اشتقت إليك
((( ده واحد صاحبي علي فكرة )))
ــــــــــــــــــــــــــــــــــــــــــــ
6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لـنا ؟
ا/ مريضة نفسي
((( واحدة بنت حلال كده عقدتني في عيشتي
ماتعرفش في حياتها غير المشاكل و الخناق )))
بس حذفتها خلاص الحمد لله يا راجل
بلا قرف
ستات عايزين الحرق
ـــــــــــــــــــــــــــــــــــــــــــــــ
7/ ماهي أعلى فاتوره قد تجاوزتها ,,اواعلى مبلغ حضرتك شحنتى بيه ؟
أعلي فاتورة و صدمتني فعلا و كدت أموت مفروسا
كان كارت شحن بخمسين جنيه حتة واحدة
ـــــــــــــــــــــــــــــــــــ
8/ ماهو اسمك بالبلوتوثـ ؟
تعاطفك لوحده مش كفاية
ــــــــــــــــــــــــــــــــــــــــــــ
9/ ماهو الثيم الحالي للتلفون ؟
الثيم العادي خالص
و الله الواحد ما رايق يلعب في الثيمات
ـــــــــــــــــــــــــــــــــــــــــ
10/ ماأكثر ماتستخدمهـ للتلفون مثلا: المنبه , الحاسبه , البلوتوث , ؟
البطارية

ـــــــــــــــــــــــــــــــــــــــــــــــــ
11/ كم عدد الرسائل بالصندوق الوارد ,, وكم عددها بالصادر ؟
ثواني كده اروح اشوف و اجي



62 في الصادر
و 178 في الوارد

ـــــــــــــــــــــــــــــــــــــــــ
12/ رسالة لن تقوم بمسحها أبداً ولماذا ؟
لا تأخذك الحياة و تنساني يا شريف
((( من صديق عمري )))

ـــــــــــــــــــــــــــــــــــ
13/ ماهو الأسم رقم ((13)) المخزن عندك ؟
م / حلا

ـــــــــــــــــــــــــ
14/ ما آخر رسالهـ قمت بأرسآلها ؟

انا في الطريق ... محدش يمشي


ــــــــــــــــــــــــــــــــــــــــ


بما ان الاخت الغالية نعمة اختارتني فانا هختار اختيار يريحها
هختار صديقتها دعاء شديد

[كريم ماضي]

ههههههههههه
الف سلامه عليك مستر شريف

ممكن توريني عينك؟
هههههههههههههههههههههههه

[دعاء شديد]

ميرسى يا احمد على الموضوع الي اخترت فيه نعمه فاختارت شريف فاختارنى

ــــــــــــــــــــــــــــــــــــــــــ

1/ ماهو نوع تلفون حضرتك ؟
E 90
ـــــــــــــــــــــــــــــــــ
2/ ما اخر صورة تم التقاطها ؟
اخر صورة كانت لبنت اخويا
لان انا وهى علطول صور وحوارات
ــــــــــــــــــــــــــــــــــ

3/ كم رقم مخزنـ عندك ؟
88 على التليفون
241 على الشريحة
ـــــــــــــــــــــــــــــــــــــــــــــــ

4/ ما اخر رسالهـ تم تلقيها ؟
فى المحاضرة
ــــــــــــــــــــــــــــــــــــــــــــــــــ

5/ ماهي الرسـالهـ رقم 5 ولاحظ ((5)) بالتحديد ؟

((( واحد فتح التلاجه لقى الجيلي بيتهز
قاله متخافش انا هاخد عصير)))

ــــــــــــــــــــــــــــــــــــــــــــ
6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لـنا ؟
ده كان اسم مجموعه كامله
مكونه من حوالى 3 اسماء
كان اسمها "همي الكبير"
((( تخيل مجموعه كانوا هم بجد)))
ـــــــــــــــــــــــــــــــــــــــــــــــ

7/ ماهي أعلى فاتوره قد تجاوزتها ,,اواعلى مبلغ حضرتك شحنتى بيه ؟
لأ انا مينفعش معايا نظام الفواتير ... نوهائى
انما اعلى مبلغ كانت مكالمه بـ 100 جنيه
ـــــــــــــــــــــــــــــــــــ
8/ ماهو اسمك بالبلوتوثـ ؟
Ai
ده معنى اسمى باليابانى
ــــــــــــــــــــــــــــــــــــــــــــ
9/ ماهو الثيم الحالي للتلفون ؟
خلفيه كلها ازرقات مكتوب عليها
"الله"
ـــــــــــــــــــــــــــــــــــــــــ
10/ ماأكثر ماتستخدمهـ للتلفون مثلا: المنبه , الحاسبه , البلوتوث , ؟
المنبه
ـــــــــــــــــــــــــــــــــــــــــــــــــ

11/ كم عدد الرسائل بالصندوق الوارد ,, وكم عددها بالصادر ؟
121 في الوارد على الجهاز
و 110 في الصادر على الجهاز

35 فى الوارد على الكارت
40 فى الصادر على الكارت
ـــــــــــــــــــــــــــــــــــــــــ

12/ رسالة لن تقوم بمسحها أبداً ولماذا ؟
كل سنه واحنا مع بعض
((( دى كانت بمرور 15 سنه على عيد ميلادى انا وصديقاتى )))
يوم 17/10
التاريخ الي اتقابلنا فيه اول مرة
بس السنه دى له معنى تانى
ـــــــــــــــــــــــــــــــــــ
13/ ماهو الأسم رقم ((13)) المخزن عندك ؟
رقم تليفون عمى "ربنا يرحمه"

ـــــــــــــــــــــــــ
14/ ما آخر رسالهـ قمت بأرسآلها ؟

انا فى مؤتمر مش هعرف ارد
ــــــــــــــــــــــــــــــــــــــــ

طبعا "ميس صافيا" هى الي اختارها
تشرفنا وتعرفنا على موبايلها

[ميس صافيا]

1/ ماهو نوع تلفون حضرتك ؟
موتورولا فى ثرى

2/ ما اخر صورة تم التقاطها ؟
بنتى يثرب وهى بتلعب

3/ كم رقم مخزنـ عندك ؟
34

4/ ما اخر رسالهـ تم تلقيها ؟
كانت من زوجى "ana a5adt elbanat men el k.g"


5/ ماهي الرسـالهـ رقم 5 ولاحظ ((5)) بالتحديد ؟
ههههههههه
والله فكرتنى
كانت من واحده صحبتى اسمها عزه بتقولى
تليفونى مسكين حرارته فوق الاربعين وعنده عقده
لازم يعاكس الحلوين

6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لـنا ؟
ـــــــــــــــــــــــــــ

7/ ماهي أعلى فاتوره قد تجاوزتها ,,اواعلى مبلغ حضرتك شحنتى بيه ؟
وبلا فخر انا من النادر لما باشحن وطبعا بيكون بعشره جنيه
غير كده جوزى بيحولى رصيد على طول يعنى عايشه سفلقه
ههههههههههه

8/ ماهو اسمك بالبلوتوثـ ؟
miss safia

9/ ماهو الثيم الحالي للتلفون ؟
صورة بنتى يثرب

10/ ماأكثر ماتستخدمهـ للتلفون مثلا: المنبه , الحاسبه , البلوتوث , ؟

المنبه


11/ كم عدد الرسائل بالصندوق الوارد ,, وكم عددها بالصادر ؟
انا بامسحهم اول باول
بس الصادر 46 والوارد15


12/ رسالة لن تقوم بمسحها أبداً ولماذا ؟
هى كل رسايل جوزى انا ما باحذفهاش

13/ ماهو الأسم رقم ((13)) المخزن عندك ؟
سلوى


14/ ما آخر رسالهـ قمت بأرسآلها ؟
اكيد لجوزى كلمنى شكرا

حلو اوى الموضوع ده
شكرا يا احمد
وميرسى يا دودو على اختيارك لى

[ميس صافيا]

نسيت اختار اللى بعدى
اكيد اكيد مسيو وليد
يله يا مسيو فى انتظارك

[مسيو وليد عسكر]

/ ماهو نوع تلفون حضرتك ؟
نوكيا 6210 musique express
2/ ما اخر صورة تم التقاطها ؟
اليوم وكانت لواحد صاحبي وهو نايم علي مكتبه

3/ كم رقم مخزنـ عندك ؟
230 رقم

4/ ما اخر رسالهـ تم تلقيها ؟
please call me

5/ ماهي الرسـالهـ رقم 5 ولاحظ ((5)) بالتحديد ؟
رسالة من صديقي نصر بيفكرني بموعدي معه

6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لـنا ؟
اه اسم وكيلة عندي مسميها ((الهم التقيل )) لما بترن بعرف ان فيه مصيبة
7/ ماهي أعلى فاتوره قد تجاوزتها ,,اواعلى مبلغ حضرتك شحنت بيه ؟
390 جنية واعلي مبلغ شحنت بيه 100
8/ ماهو اسمك بالبلوتوثـ ؟
وليد عسكر
9/ ماهو الثيم الحالي للتلفون ؟
الموجود علي الجهاز لاني مش يهتم بالشكليات دي
10/ ماأكثر ماتستخدمهـ للتلفون مثلا: المنبه , الحاسبه , البلوتوث , ؟

المنبه طبعا علشان انا نومي تقيل وبستعيين بمنبه اي تليفون صديق كنوع من المعاونة والدعم لايقاظي من سيات عميق
11/ كم عدد الرسائل بالصندوق الوارد ,, وكم عددها بالصادر ؟

112وارد
5 صادر لان لدي مشكلة في السوفت وير تمنعني من ارسال رسائل
12/ رسالة لن تقوم بمسحها أبداً ولماذا ؟
رسالة من اخي الاكبر وهو يطمئنني علي صحته بعد حادث سيارة في السعودية

13/ ماهو الأسم رقم ((13)) المخزن عندك ؟
ا/اسماء ودي زميلة معايا في المدرسة

14/ ما آخر رسالهـ قمت بأرسآلها ؟
لا يوجد للاسف حاليا ولكن من شهرين وكنت بطمن علي اخي الاكبر



موضوع متميز يا احمد ربنا يبارك فيك
وشكرا يا صفاء لاختيارك لي
وانا هختار Blanche neige
الاستاذة اميرة اسماعيل

[المجاهد فى سبيل الله]

بجد بجد
انا مكنتش اعرف ان الموضوع دمه خفيف كدا
ولا كنت اعرف انه حيضحكنى كدا
بجد
ربنا يجازيكم خير

[Blanche Neige]

/ ماهو نوع تلفون حضرتك ؟

نوكيا n73

2/ ما اخر صورة تم التقاطها ؟
صورة لاصحابى بالمدرسه

3/ كم رقم مخزنـ عندك ؟
195 رقم

4/ ما اخر رسالهـ تم تلقيها ؟
اللهم كما اسكنتها قلبى فلا تحرمها سكنى جنتك واجمعنا مع نبيك فى الفردوس

5/ ماهي الرسـالهـ رقم 5 ولاحظ ((5)) بالتحديد ؟
رساله من صديقه ليا بتقولى النت قطع هاتدخل بعد شويه

6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لـنا ؟
لا الحقيقه مافيش الحمد لله
7/ ماهي أعلى فاتوره قد تجاوزتها ,,اواعلى مبلغ حضرتك شحنت بيه ؟
اعلى فاتوره كانت 800 جنيه واعلى مبلغ كان جنيه100
8/ ماهو اسمك بالبلوتوثـ ؟
blanche neige
9/ ماهو الثيم الحالي للتلفون ؟
ثيم التليفوى الاصلى
10/ ماأكثر ماتستخدمهـ للتلفون مثلا: المنبه , الحاسبه , البلوتوث , ؟

المنبه باصحى عليه كل يوم , البلوتوث طبعا , مشغل الاغانى .
11/ كم عدد الرسائل بالصندوق الوارد ,, وكم عددها بالصادر ؟

الوارد 111, والصادر 20
12/ رسالة لن تقوم بمسحها أبداً ولماذا ؟
رسائل رمضان والعيد باحب احتفظ بيهم عشان ابعتهم السنه الجايه ان شاء الله

13/ ماهو الأسم رقم ((13)) المخزن عندك ؟
د/احمد شوقى ابن عمى

14/ ما آخر رسالهـ قمت بأرسآلها ؟
رساله دينيه جاتلى النهارده وبعتها لناس كتير

شكرا على الموضوع الجميل
وباشكر مسيو وليد على اختياره لى
وبالنسبه للعضو اللى بعدى اختاااااااااار
مس احلام العضوه الجميله