تعالوا نقولهم شكرا......

[Real_Prince]

تعرفوا ان لو ألف كلمة شكر قلناها مش هتوفى حقهم
عارفين هما مين
اخواتنا وابائنا واجدادنا
هما
أبطال قصة الموت من أجل الحياة
هم ابطال حرب اكتوبر 73



تعالوا نفتكرهم ونقولهم كلمة شكر علشان اللى عملوه علشنا
نقول للى استشهد مبروك عليك الشهادة
وللى عايش الف شكر
انا مش بتكلم من فراغ
انا عمى وخالى الاتنين اشتركوا فى حرب اكتوبر
وحكولى كل القصة
حكولى قصة لو سمعتوها أكيد كلكم هتبكوا
يا جماعة الناس دى عملوا كل اللى فى وسعهم عشان احنا نعيش حاليا فى حرية
صدقونى دى مش شعارات ده كلام حقيقى وواقعى
علشان كده لازم نقولهم شكرا ونفتكرهم بكل خير
ونقولهم اننا بنفتكرهم مع كل نسمة هوا فيها حرية
بجد ألف شكررررررررر منى ومن كل اللى زيى اللى ماعاشوش الحرب
لكن احنا والله بنحييكوا وبنشكركوا...شكرا جزيلا













ما تنسوش تشكروهم.........

[نداء الجنة]

معاك حق
مهما قولنا ومها شكرنا الناس دى
مش هنوفيهم حقهم
ربنا يجازيهم كل خير
ويرحم شهداء اكتوبر
جزاك الله كل خير

[MohammeD el_SadaT]

فعلاً ألف كلمه شكر مش كفايه
و
السبب بسيط جدااً
الناس دى ضحه بنفسها ومكنوش منتظرين كلمه الشكر الناس دى ضحه بنفسها
آملين فى مستقبل أفضل لأولادهم وأحفدهم

الشكر اللى كانو منتظرينه مش كلمه تتقال الشكر كان فعل وللأسف إحنا مقدرناش نشكرهم
شكرهم كان حفاظ على مجدهم وعلى أرضهم اللى ضحو بنفسهم عشانها

دلوقتى بقينى شعب متهان خدهم تحت الجزم بينداس
إن كانو هما فخر لينا فأنا بأكدلك إننا بالحال ده عمرنا ما هنكون فخر ليهم

[س ا يوسف]

اللهم ارحم شهداء اكتوبر
وانتقم ممن اضاع ما فعلوه