|
|
احس بالفشل والاحبااط الشديد
سلامو عليكو اولا
ثانيا
ثالثا بقى وده الاهم انى حاسه بخنقه واحباط وفشل جامدين جدا
انا طالبه فى 2 ثانوى
يعنى ثانويه عامه ومستقبل ومسؤليه جامده ولازم نذاكر مش كده
انا حاسه بالخوف الشديييييييييييييييييييييييييييييييييييييييييييييي ييد وحاسه انى فاشله جدا
لدرجة بجد مش عارفه اذاكر
كل لما افتح كتاب مفيش اى قبلول لاى ماده
والوقت ضايع عندى خالص
ومشكله كبيره اوى مشكلة تنظيم الوقت دى
مش عارفه اعمل فيها ايه
بجد عايزه مساعده انا حاسه انى هاضيييييييع
اعمل ايه بجد
الموضوع سهل جدا وواخد اكبر من حجمه
وبلاش تفكري في الامتحانات من دلوقتي لسه بدري
ولازم نطلع السلم درجه درجه ومش هنبص للنهايه ونقول ده عالي
وبالنسبه للوقت
فالافضل انك تعملي جدول للمذاكره
وتستعيني بمدرسين المنتدي في عمل الجدول
وربنا يوفقك ويوفقك الجميع ان شاء الله
التعديل الأخير تم بواسطة كريم ماضي ; 07-10-2009 الساعة 11:32 AM
ربنا يستر بجد
انا مرعوبه ع الاخر
وجو الدروس والمدرسين موترنى جدا
والمدرسين مش عارفين يطمنونا لاء بيخوفونا اكتر
و رعبنا والله
احنا فى شدة اعصاب جامده جدا من اولها
والله انا توكلت على الله وابتمنى انه يساعدنى و يحققلى امالى
وربنا معانا كلنا
بس برده مرعوبه)
مرعوبة ايه بس؟
كله محصل بعضه
بص يا جميل
الموضوع ابسط من كده والله بكتير
ارمي كل الكلام اللي بتسمعيه من الناس ده ورا ضهرك
و كبري دماغك ع الاخر
و حبي اللي بتعمليه
يعني حبي المادة اللي بتذاكريها
الاحصائيات و كل النظريات أثبتت
ان الطالب لما يذاكر مادة علي انها مادة هيمتحن فيها
و الاعصاب بايظة و لازم يحقق نتيجة
بتكون النتيجة زيرو و التحصيل مافيش
لكن
حاولي تجربي طريقة تانية
حاولي تقري المادة بتاعتك
و انتي حاباها وعايزة تعرفي معلومات عن موضوع معين
بشوق و بلهفة و حب في المعرفة
مش عشان الامتحان
هتلاقي النتيجة مذهلة
عارفة
انا في وقت من الاوقات
كنت بتمني ارجع ثانوية عامة تاني
و اقرا لمواد بتاعتي من تاني سواء علمية او ادبية
بس بمزاج و تمعن
و روقان بال
بعيد عن اي خوف و توتر
عايز اقولك
ان النتيجة واحدة
كله محصل بعضه
الدكتور و المهندس زي المقاول و النجار و الكهربائي و السباك
بل هما افضل من الدكتور احيانا كثيرة
فخلي هدفك مش الشهادة في حد ذاتها
و الامتحانات
بقدر ما يكون هدفك
المعرفة
و الفهم
و حب ما تقرأيه
واستيعابه بعيد عن جو الخوف و الرهبة
و بعدين انتي تمتلكي الوقت الكافي
و احنا لسه في بداية السنة
يعني انتي متحكمة لسه في كل شئ
و بلاش و النبي كلمة ضايعة دي
ده وهم بيبقا في الدماغ
نكبر دماغنا و مانخليش فكرة معينة تسيطر علينا
جواكي عملاق
مخك
صحصحي العملاق ده
هيعمل اللي ماتعملش
و ثقي في نفسك و في قدراتك
اللي جابوا ميه و تلاتة في المية مش افضل منك و لا اذكي
الموضوع بسيط لكن محتاج شوية حنكة و ذكاء و انتي هتحققي كل اللي بتحلمي بيه
و سيبك بقا م الكلام ده كله
وقولي ورايا امين
يارب اشوفك في بيت العدل قريب
يا طالبة يا بنت كيوت يا بنتي
المشاركة الأصلية كتبت بواسطة طالبه كيووت
سلامو عليكو اولا
اولا وعليكم السلام
ثانيا
ثانيا امسحى دموعك يا امال
اقصد يا بنوته يا قمرايه
ثالثا بقى وده الاهم انى حاسه بخنقه واحباط وفشل جامدين جدا
:friendsxs3:
ايه كل الكلام الكبير ده
الي كل كلمه فيه تحطم لوحدها وانت سايبه ايدك
استنى بس نفهم وبعدين نستنتج حالتك ايه بالظبط !!!!!!!!!!!
انا طالبه فى 2 ثانوى
اهلا وسهلا
متخوفش يعنى كلمة تانيه ثانوى
وبعدين محبش احس ان اى بنت عندها الروح المحبطة دى
البنات اقوى من كده بكتير
يعنى ثانويه عامه ومستقبل ومسؤليه جامده ولازم نذاكر مش كده
وايه يمنعك هن المذاكرة ؟؟؟؟؟؟؟؟؟؟
عندك وقت ... عندك عقل ... عندك عين بتشوف
عندك بيت مستقر ... عندك مقدرة مادية على الدروس
عندك ناس كتير جدا على المنتدى هتساعد وتقف جنبك
قول بقى انتى ايه الي ناقصك علشان تذاكرى !!!!!!!!!!!!
السؤال ده مهم ومنظرة ردك عليه
انا حاسه بالخوف الشديييييييييييييييييييييييييييييييييييييييييييييي ييد وحاسه انى فاشله جدا
لدرجة بجد مش عارفه اذاكر
كل لما افتح كتاب مفيش اى قبلول لاى ماده
اه هنا بقى اساس المشكله
هعلمك حكمة ... افهميها كويس هتلاقيها صح الصح
"الي بيخاف ... عقله مبيشتغلش"
يعنى طول ما انتى حاسة بالخوف عمر عقلك مهيشتغل
ولا هتستوعبى اتفه مادة عندك
والوقت ضايع عندى خالص
ومشكله كبيره اوى مشكلة تنظيم الوقت دى
مش عارفه اعمل فيها ايه
اقولك وبكل بساطة
1- احسبى عدد الساعات الفاضيه الي عندك
"يعنى شيلى وقت المدرسه والدروس والمنتدى والاكل والتليفون وكل الحاجات التانيه"
2- وحددى درجة حبك وفهمك لكل مادة+طبيعةالمادة نفسها.
"يعنى المادة الي بتحبيها وطبيعتها المتابعة كل يوم
اخصصلها وقت مش كبير"
"انما المادة الي مش بستلطفها اخصصلها وقت اكبر شويه"
3- اخلقى حواليكى جو للمذاكرة يشجعك
اقترح عليكى حاجة ... اعملى موضوع على المنتدى اسمه
"يومياتى : يا انا يا ثانويه عامة"
وكل شويه ادخلى اعملى مشاركة وقوليلنا ... انا خلصت المادة الفلانيه
مثلا المادة دى بذاكرها وصعبه ... وانا عن نفسى هتابع موضوعك كل يوم
هشجعك وهلومك كمان لو قصرتى
المهم تكونى امينه مع نفسك ومعانا فى الي هتكتبيه
والرائع اننا لسه فى اول السنه ... وهنجرب كل الطرق لحد
متلاقى طريق وتتفوقى كمان السنه دى
4- ودى اهم واخطر نقطة
خليكى واثقه فى نفسك ... متسمعيش اى كلمه تحطمك
واتأكدى ان كل طالب غير التانى
بجد عايزه مساعده انا حاسه انى هاضيييييييع
اعمل ايه بجد
اول طريق لحل اى مشكله
التحدث عنها ... وانتى خطيتى اول خطوة
اوعى تخافى
وهتنجحى وبتفوق ان شاء الله
بس لازم تحسى برغبتك فى التفوق من جواكى انتى
وده مهم جداااااااااااااااا
بس
هههههههههههههه
والله هونت عليا يامستر شريف
ربنا يستر
على فكره انا امل
اموووووووله
ربنا معانا كلنا ساعدنا ويحقق لنا امالنا
ويفرح اهلنا بينا
ووالله والله والله كمان مره انا كل خوفى انى اقصر رقبتهم بس واخذلهم
دى الحاجه اللى مجننانى وشله تفكيرى فعلا
يلا ربنا يستررررررررررررررر
مرسى اوى يامستر شريف بجد كلام حضرتك ريحنى جدا
اكتر ماده باحبها الحقيقه هى الكيميا
باحس فيها بمتعه غريبه مش عارفه ليه
مع ان زمايلى محسسنى انها صععععععععععععععععععععععععبه اوى لحد ماشكيت فى نفسى
وبعديها النحو الجميل طبعا والبلاغه بعديهم
ومستر محمد بيخلى كل حاجه جميله فعلا
ربنا يجازيه خير فعلا
ويجازى حضرتك الف خير على ردك الرائع
والله يامس دعاء حضرتك بجد هونتى عليا اوى
مش عارفه اقول ايه لحضرتك غير ربنا يكرمك ويجازيكى خير
واقتراحات حضرتك ممتازه جدا وانا ان شاء الله هاحاول احققها
بجد مش عارفه اقول ايه
ربنا يخليكى للبشريه
تعرفى ان اسهل سنة حتعدى عليكى هى الثانوية العامة و تافهة جدااااااااااااااااااااا
بصى ذاكرى بدماغ صافية
السلام عليكم ورحمة الله وبركاته
الثانوية العايمة فى مصر فكرتها العامة عند الناس انها بعبع
وهى فى الحقيقة مش بعبع ولا حاجة
بصى يا بنيتى
(اوعى تزعلى)
لو عايزة تبقة من اوائلها ذاكرى 8 ساعات يوميا بتركيز وباستراحات كل ساعتين ربع ساعة ترفيه
بس من غير خوف
من غير قلق
من غير كره
عشان الفرق بين الفاشل والناجح
ان الناجح حابب انه يبقى ناجع وحابب وسيلته
والفاشل برضو حابب انه يبقى ناجح بس كاره الوسيلة
والوسيلة اللى فى ايدك للنجاح هى المذاكرة باستمرار وبرضا
اتمنى يارب ان كلامى يفيدك حتى لو بنسبة ضغيرة
تقبلى تحياتى
طـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــه
والله من جهة القلق والخوف فهى مفارقتنيش انا كمان فبما انى مريضة بيها للاسف مش هاقدر اساعدك لكن انا فعلا استفدت بنصائح مس دعاء وبتمنى صدقتها
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
| RSS RSS 2.0 XML MAP HTML |
رد مع اقتباس
شكراً لهذا
أعجبني هذا
المفضلات