يعنى ايه اسطورة !!!!!!!!!
http://t0.gstatic.com/images?q=tbn:o...dd056b5350.jpg
ببساطة كده
شيء لا يصدقه عقل
حاجة فوق الخيال بعشره سم مكعب
وممكن يكون بجد فى أسطورة ؟؟؟
اه
حاجة ممكن تقابلها فى الدنيا مرة واحده
او تسمع عنها مرة واحده
او تشوفها مرة واحده
طيب اذا مقابلتهاش ولا سمعت عنها ولا شفتها
تعيش من غير اسطورة
وده ينفع ... ده اسمه كلام!!!!!!!
طيب ايه رايك تتخيلها ... ها فرصتك
مضيعهاش ... ومش هتندم
نبدأ ... نبدأ
طيب فكر كده ايه الاسطورة بالنسبه لك ؟
شخص
معنى
مكان
المهم يكون فى اسطورة بجد
فى حياتك ... سواء
فى احلامك او واقع حسيت فيه بالاسطورة
http://t1.gstatic.com/images?q=tbn:O.../myth_logo.jpg
معجبكش الموضوع ... قول
وانا احذفه فورا
اظن ده ولا فى الاساطير!!!!
ولا فى الأساطير !!!!!!!!!!!
عرض للطباعة
-
15-09-2009, 08:54 AMدعاء شديدولا فى الأساطير !!!!!!!!!!!
-
15-09-2009, 09:20 AMدعاء شديداقتباس:
المشاركة الأصلية كتبت بواسطة دعاء شديد
هحكيلكوا عن الاسطورة الي سمعتها وشفتها كمان
هو الاب الروحى لى فعلا
والد اعز صديقاتى اكاد اعتبرها نفسى
لم اتخيل ان اسمع شكواها من والدها يوما
لانه بحق غير كل الاباء
ولم اكن اتصور انها يوما ما ستشتكى بهذه الطريق من والدها
ومنذ ايام قليله تقابلنا
واذا بها تبكى بكاء لم اعهده بها
طوال معرفتنا منذ الطفوله
وكان هذا البكاء بسبب والدها
او بسبب اول خلاف بينها وبين والدها
بصراحة انا اتصدمت
ومكنتش مصدقه
وفجأة وصفتلى احساسها تجاه والدها
لحظة اول خلاف وقع بينهما
فقالت
ابى
يملك من الحنان ما يجعل كل مصائب الدنيا تهون على
لكن مع أول لحظة قسوة علي ... تمنيت الموت
احتوانى منذ طفولتى الى ان تجاوزت الثلاتين
فكان العالم بالنسبه لى
ولحظة طرده لى من عالمه حينما قال لها "خدى قرارك بنفسك"
وشعرت انه لن يشاركنى القرار
... وجدتنى وحيده
فتمنيت الموت للمرة الثانيه
نظرة ابى لى كنت ارى الدنيا من خلالها
ولحظة ان ادار عينه كى لا يرانى
احسست انى عمياء
فتمنيت الموت للمرة الثالثة
وبعدين قالتلى
طول عمرى مبحسش من ابويا غير كل شيء حلو
حتى خلافاتنا السابقه كان وقتها اب رائع
لم يحتد علي يوما ولم يفرض رأيه علي ابدا
ولم ولم ولم ... ابى غير كل الاباء فعلا
لم اعهده هكذا منذ ان تعلمت منه كيف يكون الأب
واللحظات الوحيده التى بدا فيها قسوته علي
لم اتحملها
فرديت وقولتها ابوكى ده اصله اسطورة
وحاولت اقنعها انه على حق
وهى لم تنكر انه فى بعض الأمور على حق
لكنها صدمت فى رد فعله التى لم تتعود عليه
وطول كلامى معاها لتهدئة الموقف والدفاع
عن ابى الروحى
كررت كلمه أسطورة دى كتير
لحد متخنقت منى
وراحت مزعقه فى وشى وقالتلى
ايه انتى هتعمليله برنامج زى الكابوس بتاع ابو حفيظة
هههههههههههههه
قلتلها والله فكرة ... وخترت اسم البرنامج
"الاسطورة ... ابو نسمة"
فعلا اب لا يتكرر ... اسطورة
يعنى ده من وجهة نظرى
يا ريت اعرف وجهة نظركم
وايه الاسطورة فى حياتكم
-
16-09-2009, 06:35 AMامل لاشيناقتباس:
المشاركة الأصلية كتبت بواسطة دعاء شديد
لالالالالالا .بجد موضوع جميل
ولو دورنا علي الاساطير والاحلام مش هنخلص يادعاء
ودايما كل اسطورة اوحلم بيكون علي حسب الحاله اللي بيمر بيها الانسان
وممكن تكون فعلا الاسطورة شخص بنقدره ونحترمه ......
ودايما كل اب وام اسطوره في حياتنا ....
اللي استحاله يختلف عليها احد ..... -
16-09-2009, 06:53 AMشريفمافيش حاجة في حياتي أقدر أقول عليها أسطورة
انما ممكن فكرة أو منهج معين اقتنعت بيه يبقا اسطورة
و هو منهج ((( الاسلام )))
منهج معجزة بجد
و انا بتكلم علي كلمة اسطورة بمعني معجزة او شئ فوق الخيال لكن حصل يعني = واقعي
لان كلمة اسطورة يا دعاء
غالبا متهيألي بتطلق علي الشئ الخيالي الخرافي الذي يتناوله الناس في قصصهم
و لكنه لم يحدث بالفعل
لذا وجب التنبيه ... علي انك بتتكلمي في الموضوع و بتقصدي أسطورة واقعية حصلت (( ان صح التعبير ))
الاسلام لو فعلا تم تحليله و مقارنته بالديانات الاخري الغير سماوية التي لا تستقيم بها الحياة كالبوذية مثلا
بل و مع مقارنته باعظم مناهج و نظريات الفلاسفة و المفكرين و أصحاب الرؤي و الحلول الاقتصادية للمجتمعات
سنجد أن الاسلام معجزة في كل شئ
لم يترك أمرا يرفع قدرنا في الدنيا فضلا عن الاخرة الا و أسهب في شرحه و تفصيله
و أعطي المنهج الرباني المتكامل
اللي زي ما بيقولوا ما يخرش الميه
دي فعلا الاسطورة اللي أقدر أقول عليها أسطورة
لأن كلمة أسطورة كبيرة أوي
مش مجرد كلمة
انما باقي الاشياء التي أثارت اهتمامي في الحياة
لا ترقي الي مستوي هذه الكلمة
و لكن استطيع أن أطلق عليها
مدهشة
رائعة
ذكري مبهجة
انما مش اسطورة
و شكرا علي الموضوع المختلف الرائع
و عايز اقولك يا دعاء
انك لن تجدي ردودا كثيرة في هذا الموضوع
عارفة ليه؟
هقولك بعدين
أو بعد الفاصل -
16-09-2009, 03:03 PMنعمه محمودوالله انا بحيي نسمة على الاب الرائع دهاقتباس:
المشاركة الأصلية كتبت بواسطة دعاء شديد
المهم يادعاء لو اتكلمنا عن الاساطير بمعنى حاجات فوق العادة في حياتنا طبعا مش بمعنى خرافه هقولك ان الاشياء اللي فوق العادة في حياتى فهى كتيرة.لو على مستوى الاشخاص فهو بلا جدال أبي وحبيبي ومثلي الاعلى رحمه الله فقد كان ولا يزال حتى بعد وفاته القنديل الذى يضيء لى الحياة بنوره .
وعلى مستوى الاماكن فهناك مكان يمثل لى معنى الاسطورة بكل خيالاتها هذا المكان هو شرم الشيخ ذلك المكان الرائع
الذى يخطف الابصار والالباب وكثير وكثير من هذه الاساطير
شكرا دعاء على هذا الموضوع -
16-09-2009, 04:43 PMطارق ممدوح ذكي محمدبالنسبة لمعنى الاسطورة اكيد تقصدي هنا انه الشيء المبهر الذي يصعب تكراره
وبالمعنى ده اقدر اقولك ان الكون كله مبهر ... والفيصل هو التأمل
كلما زاد تأمل الانسان فيما حوله ... كلما زاد انبهاره
واذا ما نحينا الطبيعة و الكائنات الحية جانباً وكلها ابهار طبعا
و تأملنا في الجوانب الاجتماعية والشخصيات التي نتفاعل معها
فاكثر ما ابهرني هي شخصية جدتي رحمها الله .. كانت قوية بصورة غير عادية
قوية في كلمتها في قرارتها في توجيهاتها حتى في مشيتها ...
والذي ازهلني عندما سمعت من اخوتها و ابنائها عن بدايتها الناعمة الرقيقة المرفهه جدا
وما كانت عليه من خجل شديد وضعف وهدوء واستكانة
حتى توفى زوجها و كانت تلك هي النقطة الفاصلة في حياتها
شكرا دكتورة دعاء على الموضوع المميز -
16-09-2009, 05:34 PMمسيو وليد عسكراسطورة لم تتكرر في حياتي
عم عبده ((صاحب عربية فول ))
راجل عصامي بدأ من فواله صغيرة كان بيستلفها لحد لما بقي ماشاء الله عنده عربية فول اخر موديل000
راجل واثق من نفسه ومن قدراته ويشعر بالتميز دائما
تخيلي 00
لما كان ييحصل كبسة من المرافق كان الكل بيجري الا هو
باشاره منه الصبي ياخد العربية علي مدخل اي عمارة وهو يفلق في اي قهوه ياخد كرسي دخان ويرجع بعدها باشا ولا حد يقدر يقوله تلت التلاته كام 000
تشعر بانك في يد امينه وانت تاكل من يديه ساندوتش الفول المتين وهو بيغسل الطبق في جردل بلاستك معاه
احساس تاني خالص مايتوصفش00
نظرة عينيه ورباطه جاشه تمنحك شعورا بالثقة 000
ويا سلام لما تغمزه بنص مهموز يروقك باحلي فحل بصل عنده ومعهاهم حزمة جرجير 00
تتوه في عالم تاني 00
ياااااااه يا دعاء 000موضوعك ده قلب عليا المواجع بجد
اسطوره عم عبده في دنيا الفول مش هتتكرر تاني000
الراجل ده كان مهدد بالغتيال والتصفية الجسديه من مطاعم البغل الشهيرة لانه حطم الرقم القياسي في المبيعات وخلي البغل بكل هيلامانه ليس له وجود في عالم الفول0000
الجديد بقي عند عم عبده لما فتح قسم للفلافل0000ماتطلبيش منه الفلافل الا بالربع والنصف زي الكباب كده
واحد قاله عاوز بخمسه وسبعبين طعميه000قالوا الكلام عند االحاجة 000هنا فيه نظام والطلب له اصول 00
هنا تطلب ربع ونص فلافل وعندي ريش كمان بتنجان علي الشواية الان 000 ولازم تحجز قبلها الدنيا مش فوضي
وان شاء الله قريب اوي هعملكم زياره لعم عبده لما هتشرفوني في المنصورة ومش هتقدروا تغمضوا عنيكم من كتر نظافة المكان 00:)
عم عبده
اسطورة تتوارثها الاجيال
حكاية شعب
0000
-
16-09-2009, 10:30 PMشريف
ههههههههههههههههههه
شوقتني لفوله والله يا وليد الراجل ده -
17-09-2009, 12:27 AMميس صافياحلو اوى موضوعك يا دعاء
بالنسبه لى فيه طفله سعوديه اسمها براءه تعتبر اسطوره
الطفله دى حكايتها باختصار
ان والدها ووالدتها ماتوا فى اسبوع واحد واصبحت يتيمه
وشاء الله ان تصاب براءه بنفس مرض امها السرطان (عافانا الله واياكم والمسلمين )
وعندما علمت حمدت الله على المرض حتى تقابل والدتها وسافرت براءه الى انجلترا على نفقة ثرى سعودى واجريت لها عمليه جراحيه لبتر الساق وبعدها وصل السرطان الى المخ وهى الان تعالج منه
ومع هذا تحمد الله وتتصل بقناة الحافظ لتسمعهم صوتها فى تلاوة القران ما شاء الله صوتها رائع
اسمعوها على هذا الرابط وادعوا لها بالشفاء
http://www.youtube.com/watch?v=NnNS9...eature=related -
17-09-2009, 11:58 PMمسيو وليد عسكرشفاها الله وعافاهااقتباس:
المشاركة الأصلية كتبت بواسطة miss math
كم مست مشاركتك هذه اوتار قلبي
فعلا اسطورة لاتقارن وهبها الله جمال الصوت وحلو اللسان وابتلاها بمرض لحكمة يعلمها علام الغيوب
سبحان الله العظيم -
17-09-2009, 11:59 PMمسيو وليد عسكرحاضر ياباشااقتباس:
المشاركة الأصلية كتبت بواسطة شريف
وعندك صاروخ ارض جو وصلحه:) -
18-09-2009, 12:00 AMدعاء شديداقتباس:
المشاركة الأصلية كتبت بواسطة امل لاشين
ميرسى يا ملكة المنتدى
فعلا انتى وصلتى لمعنى الاسطورة
المقصود من ورا الموضوع
تسلملى ردودك يا امولا -
18-09-2009, 12:06 AMدعاء شديداقتباس:
المشاركة الأصلية كتبت بواسطة شريف
ليه ها ليه يا عمو شريف !!!!!!!!!!!! -
18-09-2009, 12:10 AMدعاء شديداقتباس:
المشاركة الأصلية كتبت بواسطة نعمه محمود
والله ابو نمسه ده راجل اسطورة بجد
ههههههههههههه
وانتى كمان اهه متفقه معى ان هناك اشخاص بحياة كل منا
نراها اسطورة ... هى دى رؤيتنا ليهم
ابقى قولى لشريف بقى -
18-09-2009, 12:14 AMدعاء شديداقتباس:
المشاركة الأصلية كتبت بواسطة طارق ممدوح ذكي محمد
لالالالااالا .... انا مش مصدقه نفسى
طارق باشا ممدوح بيرد فى موضوع ليا
لا بجد والله الموضوع نور برد حضرتك
وبالاضافه الرائعه -
18-09-2009, 12:19 AMدعاء شديداقتباس:
المشاركة الأصلية كتبت بواسطة وليد عسكر
الاسطورة بجد انك وليد حفيد آل عسكر
بيرد فى موضوع ليا
وكمان بصحبه عم عبده
الاسطورة الشعبيه فى عالم عربات الفول
طيب تصدق بالله
انا حلم من احلامى انى اكل على عربيه فول
ميرسى يا وليد تشريفك الموضوع بجد
ويا رب دايما تشارك كده يا اخويا -
18-09-2009, 12:22 AMدعاء شديداقتباس:
المشاركة الأصلية كتبت بواسطة miss math
ميرسى يا جميله على مشاركتك الي بجد مؤثرة
بس انا مقتنعه بحاجة
كل ابتلاء وراؤه حكمة -
18-09-2009, 12:56 AMBlanche Neigeوالله يادعاء انا بالنسبه ليا الاسطوره
شئ لا يصدقه عقل ممكن يكون خيالى شويه
وممكن كمان يكون شئ او شخص او مكان او نمط حياه
او اسلوب تفكير ... كمان ممكن تكون حاجه حصات فعلا او حاجه
بنتمنى انها تحصل ولو فى خيالنا بمعنى اوضح عشان
مش تتوهى منى بالنسبه للاسطره اللى بافعل حصلت
هو شخص ومافيش اسطوره اكتر من
((( رسول الله صلى الله عليه وسلم ))))
هذا الرجل الاسطوره الذى لم ولن يجود الزمان بمثله
اما بالنسبه للاسطوره اللتى اتمنى انا عن نفسى حدوثها ولو
حتى فى خيالى انى اعيش فى عالم او مكان كله خير , وحب , وتفاهم, واحترام
يعنى تقدرى كده تقولى زى ((( المدينه الفاضله ))) بتاعة افلاطون
انا عارفه انه حلم ليى بالصعب تحقيقه بل من المستحيل
تحقيقه عشان كده انا باحاول اعيشه فى خيالى
وافتكر ان الاحلام مازالت ممكنه
موضوع ولا اروع يادعاء
باحييكى عليه :27::38: -
07-01-2012, 12:35 PMشريف
موضوع اسطورة اتشرف اني ارد فيه تاني ... في شخصية ممكن يقابلها الواحد في حياته ممكن تكون اسطورة بالفعل ... اسطورة بمعني ان مافيش حد زيها فهي اسطورة باختلافها عن الناس ... و اكيد في حياة كل واحد فينا شخصية اسطورة ... و غير الانبياء و عظماء التاريخ ... في شخصيات عادية بتبقا معانا في حياتنا اليومية بتبقا اسطورة ... اسطورة في صبرها علينا ... اسطورة في تحملنا ... اسطورة في الاحسان الينا ... منهم انتي يا دعاء ... انتي فعلا شخصية مافيش بعد كده محبوبة من الجيع خفيفة الدم ... نشيطة ... روشة ... صديقة في قمة الجدعنة ... و اسطورة في كل شئ ... ربنا ما يحرمنا منك ولا من موضوعاتك الاسطورة