السلام عليكم
خلل ثقافى كبير أن ننحاز دوماً إما إلي أقصي اليمين أو إلي أقصي اليسار أن نتبني وجهة نظر بجنون لدرجة أن نُكَفِّر الطرف الآخر أو نتهمه بالعداء بدأ يتجسد أمام ناظري المبدأ الجورج بوشى (( من ليس معنا فهو ضدنا )) يصنفك المصنفون كالتالى !!!
إما أن تكون ثوار و إما فلول إما تحرير و إما عباسية إما ديني و إما علماني إما سلفي و إما اخواني إما مع المجلس العسكري و حينها تصبح ضد الثورة و التغيير الي الافضل و إما مع الثوار و حينها لابد أن تلعن و تسب الجيش و اللي جابه
إما تؤيد الجنزوري بشكل مطلق و بجنون و إما واقف أدام مجلس الوزرا !!!!!!!!! إما قاعد في شغلك تشتم في ميدان التحرير
و إما راكب الاتوبيس تبرطم و تشتم في الحكومة ليه الشعب المصري مايعرفش الوسط ؟؟؟ ليه مابيعرفش اللون الرمادي
ليه بيعترفش بالالوان الاخري؟ طب معلش ثواني أنا لا ثوار و لا فلول !!! و اللي لاحظ من حضراتكم ردود افعالي
هيلاقيني مرة بمدح في ميدان التحرير و بأيد جمعة معينة لنزول ميدان التحرير و مرة تانية هيلاقيني رافض تماما لاي اعتصامات او فئويات او مليونيات و ده مش نفاق يا جماعة و لا تغيير أراء و انا كده مش انسان متناقض أنا لا أنتمي لأي أحد نهائي في مصر
ليس لي انتماء سوي للاسلام و لمصر كلٌ يُؤْخَذ من كلامه و يرد لا أقدس أحد غير قراني و ربي و نبيي و مصريتي أدور حيث تدور مصلحة مصر و تتجه لا يعنيني فئات او مستقلين او جماعات أو أحزاب أكره التحزب بشدة ماتقولش عليا ثوار
ماتقولش عليا فلول يوجد وسط بين الثوار و الفلول ماتقولش عليا ممن يعشقون العسكر و ماتقولش عليا اني ضدهم بس هما مش ملايكة ... أحاسبهم براحتي لاني مصري و ف نفس الوقت مش شياطين لأن مافيش شئ مطلق و مابحبش التعميم
كل شئ نسبي للأسف نحن شعب يعشق التعميم و يعشق التطرف و يصر علي رأيه بجنون يا جماعة المصلحة الآن ألا نتحيز لأحد علي حساب أحد المصلحة الان أن نتحيز لمصر و لديننا و فقط المصلحة اننا نمسك العصاية من النص
اللي يغلط يتحاسب حتي لو كان المشير حسين طنطاوي مش نبي هوا و مش هيبقا احسن من سيدنا عمر رضي الله عنه
و في نفس الوقت ... الحساب يبقا بشكل شرعي و قانوني و النقاش بيننا و بين الحكومة و المسئولين و العسكر بشكل مهذب
لا تجريح فيه للأشخاص و لا نكاية ولا شماتة و لا قلة أدب و لا شائعات و لا خصومة بفجر ! الوسطية الان ... ان تعطي الثقة و الفرصة للمجلس و للحكومة و في ذات الوقت (( تتابع و تراقب و تحاسب و تثيب و تعاقب )) بالقانون و باسلوب مهذب مازلت أصر ليست الوسطية أن أسب المجلس العسكري علي طول الخط سواء أحسنوا أو أساءوا !! ليست الوسطية أن أهاجم الحكومة قبل أن تبدأ عملها ليست الوسطية أن أمنع رئيس وزرا من دخول مكتبه !! ليست الوسطية أن أكون ثائرا 24 ساعة ليست الوسطية أن اذوب عشقا في مبارك برغم فساده الذي عرفه الاعمي ليست الوسطية توفيق عكاشة ليست الوسطية ممدوح حمزة
ليست الوسطية خالد يوسف و خالد النبوي و البرادعي ليست الوسطية أسماء محفوظ ليست الوسطية مرتضي منصور
ليست الوسطية أن تكون متطرفا في أرائك مصمما عليها مهما اختلفت الظروف ليست الوسطية أن تكون جامد التفكير
الوسطية أن تضع مصلحة مصر نصب عينيك الوسطية أن تكون مرنا الوسطية أن ترحم (( و ليس فقط أن تقبل )) الرأي الاخر و الطرف الاخر الوسطية ألا تنتمي لأحد و تدافع عنه إلي ما لا نهاية مهما أخطأ
( وَكَذَلِكَ جَعَلْنَاكُمْ أُمَّةً وَسَطاً لِّتَكُونُواْ شُهَدَاء عَلَى النَّاسِ )
-
10-12-2011, 04:15 PMشريفيا أبيض ـــــ يا اسود !! ـــــــ لأ ــــ لا تنحى الرمادى جانباً من فضلك !
-
10-12-2011, 04:26 PMدعاء شديدتلك هى المشكله
كل واحد لا يرى الا نفسه
ولا يسمع الا صوته
ولا يقتنع الا بافكاره
حينما نتيقن من ان وظيفه الأذن ... لسماع الآخرين
حينما نقتنع انه ليس عيب ان نقتنع بفكر غيرنا
ان استطاع اقناعنا
حينما تتغير وظيفه اللسان من الغلوشه على غيرك
لتصبح وسيله رد ونقاش
وقتها استطيع ان اعطيك وعد
انك ستجد حاله الوسط التى تاهت
وسط ضجيج الاصوات المتنافره
:patch_galc:
بس
-
10-12-2011, 05:23 PMجمال سراجبصراحة بصراحة
أنا معنديش أى تعليق عالكلام الجميل دا
بجد ولا كلمة ولا إضافة
تسلم يا مستر والله
ليتنا جميعا ننحى التحزب جانبا
ليتنا جميعا نتمسك بوطننا مصر
ليتنا نحترم الرأى والرأى الآخر
وندرك أنه كل شىء نسبى وليس مطلق
ممكن جدا نختلف مع طرف لبعض الوقت فقط ... ثم نتفق
أنا مش هكرر كلامك الجميل الرائع يا مستر لمجرد التعليق
بسم الله ما شاء الله عليك والله
موضوع أكثر من رائع
بس دى الطبيعى جدا عندما يكون بقلم المبدع الفنان المتألق دوما
مستر شريف
احترامى وودى
-
10-12-2011, 07:00 PMنعمه محمود
للاسف ياشريف من يوم 25 يناير ومحدش طايق رأى مخالف لرأيه
والاتهامات جاهزة بالعمالة والتخوين وكل من ليس معنا فهو ضدنا
وكما قلت اما تحرير أو عباسية أما ثوار وإما فلول اما مجلس عسكرى وإما حركات ثورية
أو حركات أونطة هههههههههههههه
المهم انى كتير جدا بشوف خناقات بين الناس لمجرد الاختلاف فى الرأى
ثقافة الخلاف لدينا غائبة واقرب مثال لذلك حدثت بعد اعلان نتائج المرحلة الاولى
لا احد يريد أن يتقبل ان ينجح المرشح الذى لم يختاره وتبارى انصار كل قائمة او حزب
فى التشكيك فى نتائج وهذا جعلنى أتسائل هل سنفعل هذا فى انتخابات الرئاسة
وهل أصبحت الغلبة للصوت العالى وليس لصوت العقل
تحياتى لك شريف على الموضوع الرائع -
10-12-2011, 10:00 PMheroman222
يااستاذ شريف نكون امة وسطا اما كل واحد يعبر عن رايه باسلوب محترم من غير ما يجرح فى حد ولا يهين حد ولا يدخل فى حوار مع طرف تانى عشان يفرض رايه عليه ويتحول الحوار لخناقه ولازم حد يفرض رايه وطريقة تفكيرة على التانى طب ليه ميكونش فى احترام للراى التانى وبس هو لازم عشان اقولك رايى افرضه عليه متسمعه وخلاص ولو مش مقتنع انساه ولا كان اى حد قال اى حاجه ايه اللى هيجرى يعنى مش هندخل الجنه لو فرضنا راينا على بعض ولا هندخل النار لو اختلفنا يعنى احسن اسلوب للحوار هو احترام الراى الاخر حتى لو كان مخالف لرايى اقبله واحترمه لان كل واحد حر فى التعبير عن رايه طالما باحترام وبادب وموضوع حضرتك فعلا هايل جدا
-
10-12-2011, 10:08 PMمنار السيدأنا متفقة مع رأيك جدااقتباس:
المشاركة الأصلية كتبت بواسطة heroman222
هو ده الكلام
واضح انك أميرة وقلبك أبيض وطيبة
ربنا يديكى على قد نيتك يارب
-
11-12-2011, 07:14 PMfrrr
صراحة بصراحة
-
11-12-2011, 08:55 PMحبيبه المصريهالموضوع طبعا رائع
واتفق مع كل حرف فيه
لكنى فى حيره من أمرى
من نقطة حساب المجلس العسكرى
لأنه لنا فى رقبتنا جميل
أنه مع بداية الثوره
لم يطلق رصاصه واحده على الشعب
لكن بمرور الاحداث
تلوثت ايديه بدماء مصريين
رغم أنى كنت أود
أن يخرج من الحكم
بسجل مشرف ناصع البياض
هل سيغفر الشعب فيما حدث
ام يطالب بالحساب الأمر متروك للشعب
مؤيده لحضرتك جداااااااا
فى الا ننحاز لوجة نظر واحده
فعلينا تقبل الرأى والرأى الآخر
ما دام بعيدا عن الأحكام السماويه
فالألوان متاحه ولكل رؤيته وفكره
لكن علينا أن نضع فى إعتبارنا
أننا حين نختلف فكريا
فلابد الا نخسر البشر إنسانيا
دام قلمكم زاهر بالخير دوما
-
12-12-2011, 05:51 AMشريفبيعجبني اوي الخط و الالوان اللي بتكتبي بيهااقتباس:
المشاركة الأصلية كتبت بواسطة دعاء شديد
دماغ بصراحة
و لا الكلمة اللي بتبقا كبيرة فجأة في وسط الكلام الصغير
دمها خفيف
و لا المزج الفني التشكيلي بين الالوان .... يا سلام يا سلام
و الاتحف من كده بقا ... اختياراتك الدقيقة للابتسامات
ده غير بقا فلسفة الرد
و دقة فهم ما وراء الكواليس
لا حرمنا الله ألواناتك
-
12-12-2011, 05:55 AMشريفبتحرجني بذوقك يا استاذ جمالاقتباس:
المشاركة الأصلية كتبت بواسطة جمال سراج
ربنا يجبر بخاطرك زي ما بتجبر بخاطرنا والله
ربنا يديك الخير كله
ربنا ما يحرمك من صحتك و من عافيتك
ربنا يجعل في قلبك جوهرة و ف لسانك سكرة
ربنا يمنع عنك المرض و الحسد و الناس الوحشة
ربنا يـ
ايه ده
كفاية كده بقا احسن انا بقيت بدعي زي شحاتين السيدة
هههههههههههههههه
-
12-12-2011, 05:59 AMشريفالانتخابات ؟اقتباس:
المشاركة الأصلية كتبت بواسطة نعمه محمود
انتي هتقوليلي ع الانتخابات؟
ده كله وقع ف بعضه و بقت معجنة
المهم انتي متصنفة ايه دلوقتي ؟؟؟
اصل انا خلاص اتصنفت
انا لا عباسية و لا تحرير الحمد لله
الناس صنفوني (( غمرة )) ... جنب محطة المترو كده
-
12-12-2011, 06:04 AMشريفأهلا و سهلا يا فندم ... شكرا علي ردك الجميل ... يا رب دايما كده مشاركانا و مأنسانا ... و طبعا انا بأيد رأيك بنسبة حوالي كده تقريبا 103 % ... بالمستوي الرفيع ... يعني اقتصاد و علوم سياسية باذن الله ... و عايزين برضه نتعرف علي حضرتك و نعمل موضوع ترحيب جامد في قسم الترحيب ... عشان تبقي واحدة من أسرتنا ... أصل احنا أسرة مع بعضتشينا و هرتاحي جدا معانا ... و موقعنا الحمد لله ... سيرفره جامد و متين ... نورتي يا فندم والله ... أهلا أهلا ... أهلا و سهلااقتباس:
المشاركة الأصلية كتبت بواسطة heroman222
-
12-12-2011, 06:07 AMشريفو النبي انتو كلكو أمرا وولاد حلالاقتباس:
المشاركة الأصلية كتبت بواسطة منار السيد
روحي حضرتك ... ربنا يوقفلك ولاد الحلال و يكتب لك في كل خطوة سلامة -
12-12-2011, 06:07 AMشريفاعتبر ده وعد؟اقتباس:
المشاركة الأصلية كتبت بواسطة frrr
-
12-12-2011, 06:13 AMشريفالله يفتح عليكياقتباس:
المشاركة الأصلية كتبت بواسطة حبيبه المصريه
هوا ده اللي بننادي بيه
عارفة ليه ؟؟؟
عشان محدش علي الساحة منزه عن الاخطاء
و بالتالي : مش لازم ننحاز لطرف واحد الي ما لا نهاية
لاننا لا ننحاز الي نبي معصوم أو ملك مقرب
ده بشر عادي زينا يصيب و يخطئ
بالبلدي
محدش يستاهل اننا ندافع عنه باستماتة
الا قلة قليلة جدا تتبع المنهج الوسطي
و ممكن تتخذيها قدوة و مثل
زي الشيخ محمد حسان مثلا
تحسي انه محايد و ان اراؤه معتدلة جدا
و لا ينحاز لأحد إلا كتاب الله و سنة رسوله
و احنا كلنا عايزين نبقا كده
عشان نعرف كمان كشعب مصري نقيم الناس صح
من علي بعد
نبقا شايفين الخريطة كلها
و بالتالي نحرص علي ما ينفعنا
و ننحي جانبا كل ما يضر بديننا و مصريتنا
تسلمي
-
15-12-2011, 10:58 PMheroman222يا سلام على الكلام الجميل والناس المحترمه اللى كل همها انها ترحب الناس الجداد فعلا حضرتك انسان محترم جدا بس يعنى انت يرضيك انى اشارك وانضم لاسرتكم اللى مع بعضيهم دى وبعدبن مشاركاتى تتحذف بالرغم من انها مفيش فيها اى اساءة ادب ولا غلط فى حق حد انت يرضيك ؟ على العموم الف شكر على كلامك وعلى زوقك وربنا يعطيك على أد نيتكاقتباس:
المشاركة الأصلية كتبت بواسطة شريف
-
16-12-2011, 08:05 PMمنار السيداقتباس:
المشاركة الأصلية كتبت بواسطة heroman222
كده ماترديش عليا ده انا بقولك انتى اميرة
-
17-12-2011, 06:54 AMheroman222أه معذرة مانتبهتش لمشاركتك خصوصا وانتى والله ونعمة الاعضاء وكفاية انك الوحيده اللى شكرتينى وقلتى كلام كويس بس لاحظت ان الأستاذ شريف تفضل مشكور ورد عليكى قولت الحكاية فى بيتها بقى بس لو تعدلى صيغة كلامك وتفرقى بين انت وانتى يبقى كتر خيرك عامتا ربنا يديم عليكى نعمته ويزيك حلاوة فى القول والفعل وشكرا لكى بشدهاقتباس:
المشاركة الأصلية كتبت بواسطة منار السيد