((مصري)) و ((ياباني))

مرة كان هناك سباق تجديف بين فريقين


((مصري)) و ((ياباني))


كل قارب يحمل على متنه تسعة أشخاص


وفي نهاية السباق وجدوا أن


الفريق الياباني انتصر بفارق رهيب جداً


وبتحليل النتيجة


وجدوا أن
الفريق الياباني يتكون من


1 مدير قارب و8 مجدفين

الفريق المصري يتكون من


8 مديرين و1 مجدف

حاول الفريق المصري تعديل التشكيل ليتكون من


مدير واحد .. مثل الفريق الياباني


وتمت إعادة السباق مرة أخرى



وفي نهاية السباق وجدوا أن


الفريق الياباني انتصر بفارق رهيب جداً


تماماً مثل المرة السابقة


وبتحليل النتيجة


وجدوا أن


الفريق الياباني يتكون من


1 مدير قارب و8 مجدفين


والفريق المصري يتكون من


1 مدير عام و3مديري ادارات و4 مدراء اقسام و1 مجدف


فقرر الفريق المصري محاسبة المخطئ

فتم فصل المجدف!!


م / ن

ايه الروقان ده ياباشا
انا ملاحظ بعد ماصوتك لعلعل في الازاعه وانت متالق ذياده عن اللزوم
موضوع ظريف جداا
واضح فيه خفه دمك
ايوه كده
روق وكل يوم موضوع من ده:27:

اقتباس:

---

المشاركة الأصلية كتبت بواسطة وليد عسكر

ايه الروقان ده ياباشا
انا ملاحظ بعد ماصوتك لعلعل في الازاعه وانت متالق ذياده عن اللزوم
موضوع ظريف جداا
واضح فيه خفه دمك
ايوه كده
روق وكل يوم موضوع من ده:27:

---

شكرا يا مسيو على مرورك الكريم

وكلامك الطيب

كلك ذوق والله

حضرتك استاذ طارق عاوز توصل ليه يعنى؟

تقصد مثلا ان المصريين بتوع مناصب وبس:)

ومش بيشتغلوا:16:

ويوم ما يفقوا ويقرروا بصلحوا ده

ينيلوا ها اكتر (اسفه على التعبير):(

مشكله بلدنا ان يوجد ناس متخصصين فى محاربه العقول البناءه

ومش عاوزين البلد تتقدم

فيوم ما يلاقوا حد هيخطط ويمشيها صح

بشيلوه عدل من منصبه


مش المناصب هى الغرقت المركب فى الاخر

ياعينى عليك يا مجدف كنت الفديه

لاخطائهم

:28:


شكرا استاذ ممدوح على الموضوع


لكن فين تعليقك على الموضوع

ال دائما بتتحفنا به

حضرتك استاذ طارق عاوز توصل ليه يعنى؟

تقصد مثلا ان المصريين بتوع مناصب وبس:)

طبعا فينا كتير همه المنصب فقط ويعمل من اجله (( عبد مشتاق ))

ومش بيشتغلوا:16:
الاهم من العمل هو النيه التي تسبق هذا العمل
ويوم ما يفقوا ويقرروا بصلحوا ده


ينيلوا ها اكتر (اسفه على التعبير):(

ده لان ما فيش تخطيط ودراسه صحيحه
مشكله بلدنا ان يوجد ناس متخصصين فى محاربه العقول البناءه

ومش عاوزين البلد تتقدم

الطمع وحب الذات هما عدو اي عمل او انجاز او تقدم
فيوم ما يلاقوا حد هيخطط ويمشيها صح

بشيلوه عدل من منصبه
لانهم لازم يكونوا دايما في الصوره ومافيش حد غيرهم


مش المناصب هى الغرقت المركب فى الاخر

كنا زمان بنسمع حكمه من اساتذتنا بتقول ( سيد القوم خادمهم )

لو كل واحد استوعبها وفهم معناه اعتقد حالنا هيتبدل كتير

ياعينى عليك يا مجدف كنت الفديه

لاخطائهم

:28:

ربنا يتولاه اكيد كان نفسه يجدف لبر الامان في الحياه ... بس كانوا اقسى عليه من امواج البحر

شكرا استاذ ممدوح على الموضوع


لكن فين تعليقك على الموضوع

ال دائما بتتحفنا به

ربنا يكرمك

بصراحه تعليقك على الموضوع اجمل من الموضوع نفسه

رساله حضرتك طبعاً واضعه وموضوع أكثر من رائع
أستاذ طارق
من أكبر أسباب الفشل التشتت فى الرأى

بجد موضوع حضرتك يبدو كمزحه لكنه من الداخل يحمل بين طياته الكثير والكثير
وسوف نحتاجه فيما بعد لنواجه أزمات عده

بارك الله لنا فيك يا مستر
موضوع أكثر من رائع

ما هو لازم
يكون هناك لجان
ولجان فرعية
ولجان منبثقة
ولجان مباشرة
ولجان طوارئ
وطبعا لابد من وجود مدراء
وطبعا نائب لكل مدير
ورؤساء الاقسام
المهم التنظيم
بارك الله لك

اقتباس:

---

المشاركة الأصلية كتبت بواسطة mohammed el_sadat

رساله حضرتك طبعاً واضعه وموضوع أكثر من رائع
أستاذ طارق
من أكبر أسباب الفشل التشتت فى الرأى

بجد موضوع حضرتك يبدو كمزحه لكنه من الداخل يحمل بين طياته الكثير والكثير
وسوف نحتاجه فيما بعد لنواجه أزمات عده

بارك الله لنا فيك يا مستر
موضوع أكثر من رائع

---

الموضوع طبعا مش مزحه ابداً

ده شيء يدعو للحسره والالم

وبيفكرني بالنكته القديمه

بتاعة الشركه اللي بتدوخ العميل بتاعها من طابق الى اخر

ومن موظف لاخر وفي النهايه يخبروه بانه ليس لديهم بضاعه

ويسألوه ..... ايه رأي حضرتك في النظام ؟

:14:

شكرا يا محمد على مرورك الكريم

اقتباس:

---

المشاركة الأصلية كتبت بواسطة سيف سالم

ما هو لازم
يكون هناك لجان
ولجان فرعية
ولجان منبثقة
ولجان مباشرة
ولجان طوارئ
وطبعا لابد من وجود مدراء
وطبعا نائب لكل مدير
ورؤساء الاقسام
المهم التنظيم
بارك الله لك

---

صحيح

بس والله المهم هو الضمير ومراقبة الله

وبعدها لن نحتاج الى جيش المديرين هذا

وسيكون كل عمل على ما يرام ومبارك فيه من الله

والله عندك حق يا أستاذ طارق إحنا عندنا مشكلة إدارة رهيبة في مصر في كل مكان لدرجة إن بعض المدارس فيها إداريين أكتر من المعلمين أنفسهم غير الموظفين في كل مكان تلاقي ادارة في الشهر العقارى ما تتحملش أكتر من أثنين موظفين ونلاقي فيها عشرين موظف ولذلك بنلاقي نجاح رهيب في القطاع الخاص بسبب حسن الادارة شكرا على الموضوع يا أستاذ طارق

اقتباس:

---

المشاركة الأصلية كتبت بواسطة نعمه محمود

والله عندك حق يا أستاذ طارق إحنا عندنا مشكلة إدارة رهيبة في مصر في كل مكان لدرجة إن بعض المدارس فيها إداريين أكتر من المعلمين أنفسهم غير الموظفين في كل مكان تلاقي ادارة في الشهر العقارى ما تتحملش أكتر من أثنين موظفين ونلاقي فيها عشرين موظف ولذلك بنلاقي نجاح رهيب في القطاع الخاص بسبب حسن الادارة شكرا على الموضوع يا أستاذ طارق

---

شكرا استاذه نعمه على المرور الطيب الكريم

المشكله في ((كثرة المديرين )) انه ينتج عنها تخبط شديد

نتيجه لكثرة الاوامر ( الوضع الطبيعي ان يوجه امر واحد الى عدة افراد لا ان توجه اوامر متعدده الى فرد واحد ...!! )

وهذا يحدث معنا في المدرسه هذه الايام كل يوم اوامر وطلبات تاتي لنا من لجنة امتحانات الثانويه العامه ونضطر ان نلبي جميع الطلابات المتضاربه والمكرره لدرجة ان انا ومن حوالي شهر بعمل قواعد بيانات للطلاب هما هما ... !! .... باكثر من شكل وارسلتهم اكثر من مره اسطوانات ومطبوعات ... الى جانب الواحد سري اللي هيجيب اجلي ....ويا رب يعجب بس ويبطلوا طلبات .... معلش شيلتكم همومي :28:

جزاك الله خيرا
المغزى من الموضوع واضح
المشكلة ان كله عايز يكون مدير
لكن من غير ما يدير أى حاجة
والمشكلة ان هذا الكلام واضح جدا فى القطاع العام
ولو عمل نفس الأشخاص فى القطاع الخاص
لأنتجوا ويمكن أبدعوا
ولو راقب كل منا الله سبحانه وتعالى دون غيره
لرأينا عجبا

اقتباس:

---

المشاركة الأصلية كتبت بواسطة أفنان أحمد

ولو راقب كل منا الله سبحانه وتعالى دون غيره
لرأينا عجبا

---

حضرتك كده جبتي من الآخر

يبقى المطلوب هو تثبيت دعائم الالتزام الديني وليس محوها

جزاك الله كل خير

بالفعل استاذ طارق
كلنا بنكون مديرين
وللأسف الأغلبية العظمى ما تنفعش تبقى ديرين
يعنى مش بيقوموا بشغلهم صح
عشان يصلوا لمرحلة الادارة
ومع ذلك استاذ طارق
تخيل ان ازمتنا الكبرى فى الادراة
صدق او لا تصدق
ليس لقلتهم ولكن لندرة المديرين الفعليين شكرا على الموضوع المتميز

اقتباس:

---

المشاركة الأصلية كتبت بواسطة عز وحيد

بالفعل استاذ طارق
كلنا بنكون مديرين
وللأسف الأغلبية العظمى ما تنفعش تبقى ديرين
يعنى مش بيقوموا بشغلهم صح
عشان يصلوا لمرحلة الادارة
ومع ذلك استاذ طارق
تخيل ان ازمتنا الكبرى فى الادراة
صدق او لا تصدق
ليس لقلتهم ولكن لندرة المديرين الفعليين شكرا على الموضوع المتميز

---

ايه الخبره الكبيره في الحياه دي كلها .. !!

صغير السن لكن كبير العقل

ربنا يحفظك ويبارك فيك