السلام عليكم
لحد امتى هنفضل نأخذ الدلع من الزوجات
وننسى حقوقهم علينا
لا يجب لوقفة
بجد كل المواضيع تنادي بحقوق الزوج
وكيف تسعد المرأة زوجها
58 طريقة لاسعاد زوجك
انا بقي النهاردة هقول لك يا رجل كيف تسعد زوجتك
زوجتك لها حق عليك
والمفروض انت تعطيها 59 علشان تعطيك 58
ومش لازم تأخذ منها 1 حتى من 58
كفاية تعبها ليل ونهار مع الاولاد
كفاية سهرها وانتظارك
كفاية تجهيزها للطعام
كفاية انت بتحفظك وانت مش في البيت
كفاية انها بتفكر وشغالة عقلها طول الصبح هتجهز غداء ايه لسيادتكم
كفاية انها مش بتأكل طول ما انت برة
كفاية انها بتكوي وتروق وتنظف
كفاية انها بتفكرك بزيارة اهلك واهلها
كفاية انها بتحافظ عليك وبتخاف عليك من اي مكروه
كفاية انها زوجة لك انت يا رجل
كفاية بجد نكران لتعبها
كفاية بجد
يكفيك يا رجل ان الرسول صلى الله عليه وسلم قال ( خيركم خيركم لأهله, وأنا خيركم لأهلي )
اقول 59 طريقة لكم يا رجال كيف تسعدون الزوجات
لا مش هقول
انا هسيب الرجال بجد كل واحد يقول طريقة
في انتظار الطريقة
دلع زوجتك بـ 59 طريقة
عرض للطباعة
-
18-04-2009, 05:59 PMأشرف السيددلع زوجتك بـ 59 طريقة
-
18-04-2009, 06:01 PMأشرف السيد
الطريقة الاولى
كلمة ( وحشتيني )
هي سحر وبلسم عند دخول المنزل بعد القاء السلام
وتفعل ما لا تستطيع فعله الهدايا -
18-04-2009, 06:51 PMشريفهوا يوم باين من أوله
رجالة المنتدي بيتسحبوا من تحت ايدين الجيش بتاعنا واحد ورا التاني
طيب
عشان خاطرك انت بس يا ابو ادم
هناخد هدنة شوية
و هقولك علي طريقة ندلع بيها الزوجة
هدية بسيطة أد سلسة و خاتم دهب عيار 24
و تلبسهم لها بنفسك
بعد ما تغمض لها عينيها و انت بتهمس في اذنها
بكلمات رقيقة رقراقة مليانة حب
و علي حسب شغلتك و انت و شطارتك بقا
السكرتير:يا ملف وجداني
طبيب الاسنان:يا حشوة قلبي
الرسام: ياأحلى لوحه
التاجر: ياأغلى بضاعه
الطبيب: يابنج قلبي
الصيدلي: يابلسم الفؤاد
رجل العقار: ياأحسن صفقه
العسكري : يا سلاح روحي
الصائغ: ياعقد ثمين
بائع المكسرات: يالوزتي
الفلكي : يانجمتي
المحامي: ياسجن فؤادي
الشاعر: ياقصيدتي
الموظف: يا مرتبي يا مكتبي يا حوافزي
البقال: ياعسل
الخباز: ياطحيني
بائع العطور: يادهن العود
النجار: يامسمار قلبي
الزبال: ياأحلى علبة
صياد البحر: يامحارتي
صياد البر: ياغزالي
مدرس اللغه: ياأحلى جمله
بايع الفواكه : ياموزه مقشره
الضابط: ياضابطة إشارات قلبي
الحداد: ياحديدتي
سائق التاكسي : يا مشوار حياتي !
العاطل : يا شاغل قلبي !
-
18-04-2009, 06:56 PMنداء الجنة
لا اله الا الله
بصراحه مش عندى تعليق مناسب غير انى اقول
ربنا يبارك فيك استاذ اشرف
وتحيه تقدير واحترام لمستر شريف
بس ليا استفسار ليه 59 !!!!!!!
كانوا يبقوا 60
جزاكم الله خيرا -
18-04-2009, 07:07 PMامة الرحمن
الله علي حضرتك استاذ اشرف
اخيرا حد حس بحقوقنا
يارب نلاقي بس اللي يعرف كده
وفي نفس الوقت احنا كمان نعمل اللي علينا
ده احنا نعمه -
18-04-2009, 07:19 PMطارق ممدوح ذكي محمدالله اكبر . ...
ايه الجمال والروعه دي
رجالة المنتدى كلهم ذوق وشياكه
وبيعرفوا حقوق المرأه كويس وبيقدروها اعظم تقدير
هوه عضو واحد بس ... شايف نفسه وماشي عكس التيار
طيب وعلى ايه .... انا ايه اللي يوجع قلبي ... ويخليني اعادي الستات
انا اهوه بعلنها قويه مدويه ... ( لا .. لا ..قوية ايه ... هوه انا لسه برده عايش في الدور )
قصدي اعلنها رقيقه ناعمه .... الستات اجدع ناس وعظمه على عظمه يا ست
-
18-04-2009, 07:27 PMأشرف السيد
مش معني الموضوع اننا بنخاف
بس بجد هما لهم حقوق احنا نسناها وبندور على حقنا بس -
18-04-2009, 08:05 PMكريم ماضي
مع اني مش متجوز
بس ادعو معايا علي 2080 كده ان شاء الله اتجوز
ــــــــــــــ
عايز تدلع مراتك
1- خدها فسحها ولو مره في الشهر
2- تعالي في يوم كده من الايام خليها نايمه وجهزلها الفطار وصحيها من النوم
بس نصيحه اوعي تخليها تاخد علي كده لتعتمد عليك وتخليك تعمل شغل البيت انا عارفهم كويس
ربنا يحفظنا يارب
جزاك الله كل الخير علي الموضوع الجميل
-
18-04-2009, 08:13 PMغادة عبدالسلام
بس بجد هما لهم حقوق احنا نسناها وبندور على حقنا بس
__________________
يسلم فكمك يا ابو ادم
ده خلاصة القول
بارك الله لكما وحماكما من عين الحساد -
18-04-2009, 10:17 PMشمس بياضموضوع هايل
شكرا يا ابا ادم على هذا الموضوع الرائع
الحمد لله فعلا رجال المنتدى يعرفون
مالهم وما عليهم يتقون الله بفضل الله
الحمد لله
الاستاذ شريف بيقول
هدية بسيطة أد سلسة و خاتم دهب عيار 24
و تلبسهم لها بنفسك
وانا بقول هديتها كفايه كلمة طيبه ولمسة حانيه تزيل همها وتسعد قلبها
والاستاذ طارق بيقول
هوه عضو واحد بس ... شايف نفسه وماشي عكس التيار
طيب وعلى ايه .... انا ايه اللي يوجع قلبي ... ويخليني اعادي الستات
وانا بقوله لازم تكون من داخلك مقتنع تمام الاقتناع مش علشان رجاله المنتدى زى ماقلت تبقى وراهم
لاتكن امعه
ربنا يصلح حال الاسرة المصريه ويجعلها دائما اسرة مثالية
-
18-04-2009, 10:31 PMطارق ممدوح ذكي محمداقتباس:
المشاركة الأصلية كتبت بواسطة شمس بياض
عمري ما كنت امعه ولا هكون الحمد لله صاحب رأي دايما وصاحب مشوره لا تخيب بفضل الله
ولي اتجاه مستقل عن اي احد ... ومزاحي في بعض الموضوعات لا يعبر عن رأيي بل ان رأيي مختلف تماماً
رغم حبي واحترامي للجميع رجالاً ونساء وخاصة اختي شمس
الا انني لا اقبل ان توجه لي هذه العباره ابداً .. ابداً .. ابداً
مع خالص حزني و اسفي :mad:
-
18-04-2009, 10:55 PMشمس بياض
الا انني لا اقبل ان توجه لي هذه العباره ابداً .. ابداً .. ابداً
وانا عتذر وبشدة
واعلم اخى الفاضل
وواحده بواحده
انا لا اتحمل غضب اى اخ من اخوتى لى والله فى هذا المنتدى العظيم
انا لم تسعفنى الذاكرة فى تعبير افضل واتاسف مرة اخرى ياكبير
والكبير ميزعلش من حرمة ولا ايه -
19-04-2009, 03:08 AMشريف
هههههههههههههههه
يا جمالكو يا صعايدة و انتو بينكو سوء تفاهم
اجدع ناس
حبيبي طارق
الاخت نور اكيد بتهزر يعني اوعا تزعل
و بعدين مانت ياما قولت يا جدع
ياريت مهما حصل مانزعلش من بعض ابدا
لاننا في النهاية اخوة
و بيننا خصوصية و حب و معروف غير موجود في اي منتدي اخر
حتي بص للصورة الرمزية بتاعتي
بتأيد وجهة نظري -
20-04-2009, 12:09 AMغفرانالأخ الفاضل أستاذ طارقاقتباس:
المشاركة الأصلية كتبت بواسطة طارق ممدوح ذكي محمد
أعزك الله وأكرمك أنت تعلم تماما مكانتك لدى إخوتك وأخواتك من أعضاء
المنتدى جميعا , وأنا لا أبالغ وحاشا لله أن أنافق إذا قلت أن وجودك أنت
ومجموعة الأخوة والأخوات أعضاء هذا المنتدى يعطى الحيوية والاستمرار
لهذا المكان الذى أشرف بالانضمام له كما أنه سر بقاء أى منتدى تتواجدون فيه
وكلنا نستمتع بكتاباتك وأرائك وتعليقاتك التى اتعلم منها شخصيا
كما أستمتع أيضا بالجدال الممتع والشيق بينك وبين الأخت العزيزة شمس والتى
أتشرف دائما بصداقتها . وانت تعرف مقدارك عندها وعندنا جميعا لذلك أطالبك
بألا تغضب ولا تحزن لأنه أكيد غير مقصود المعنى الذى وصلك
ولأنه -وهذا أكيد - لوحة المفاتيح عاكست الأخت شمس ولم تطاوعها فيما قصدته
بارك الله لك يا صاحب الرأى السديد وجعلك من الكاظمين الغيظ . وشكرا -
20-04-2009, 12:41 AMطارق ممدوح ذكي محمداشكركم جميعاً بداية من اختي العزيزه الاستاذه شمس
وصديقي اللدود مستر شريف
واختنا الفاضله الكريمه استاذه غفران
اشكر لكم مشاعركم الطيبه وهذا ما اتوقعه من الجميع دائماً
بارك الله فيكم وجزاكم عني الله خيرا
واحب اؤكد للجميع اني لم اغضب ابدا من اختنا شمس
وهي مجرد جمله عابره وموقف عابر لا يمكن ابدا ان يهز جبال الاحترام والموده
التي احتفظ بها لجميع الاخوه والاخوات وعلى رأسهم اختي شمس
وشكر خاص جدا لا ختنا (( غفران )) على كلماتها التي اتمنى ان استحق ربعها فقط
جزاكي الله خيرا وفي ميزان حسناتك بإذن الله تعالى
-
20-04-2009, 01:34 AMdreamالكلمة الطيبه صدقه
-فعطر ايها الزوج لسانك باحلى الكلمات العطرة لزوجتك
-اذكرها بكل الخير امام الجميع
-نبهها لعيوبها بملاحظات لا تجرحها مثلا اعطى مثال على شخصيه اخرى
-ساعدها احيانا فى وقت فراغك
-داعبها بلطف
-ابتسم فى وجهها
-شاورها فى مشاكلك فى عملك وغيره
-حبها واشعرها بحبك
-ناقشها فى طلباتها وامكانيه احضارها
-راعى الله فى اهلها
-لاتجادلها امام اطفالكم
-حثها على اداء الفرائض
-حث اطفالك على مساعدتها وعدم تعبها
-اذكر المناسبات السعيدة فى حياتكم
وتذكرها
-اجعلها تود اهلها واهلك
-راعى الله فى معاملتها اولا واخيرا
جزاك الله كل الخير على الموضوع استاذ اشرف
-
20-04-2009, 04:55 AMمسيو وليد عسكرلم اجد اروع من هذه الكلمات البسيطه المعبره والموجزه في الرد الرزين والمعبر عن الموضوع بكل جوانبهاقتباس:
المشاركة الأصلية كتبت بواسطة dream
لو كل النساء تفكر بنفس عقليتك...ستتغير امور كثيره في حياتنا
اعزك الله وبارك فيكي اخي الكريمه -
06-05-2009, 09:51 PMahmed_chemists
good man thanks
-
11-05-2009, 11:42 AMMohammeD el_SadaTإيه يا أستاذ أشرف إن تقهقرت للخلف كده ليه إنت شكلك خفت
وقولت أنفد بجلدى أحسن
ولا شكلك كده فيه تفتيش عليك فى المنتدى
يلا ما علينا
بجد الأنثه كائن رقيق جداااً بتستجيب من أقل الكلمات الرقيقه
هى كل اللى محتجاه
الحنان والأمان والحب