السلام عليكم
موضوع بدأت افكر فيه بجديه وبجد بجد الله يكون في عون الشباب
مش عارف اعمل ايه
شاب عنده 19 سنه وكلها 3 سنين ويخلص الجامعه وكمان هيشوف الجيش
يعني هيكون عنده كام سنه بعد كل ده بقي
طيب وايمته هبدأ اكون نفسي
من دلوقتي ولا لما اخلص
ولما اخلص واقعد اكون في نفسي اللي شكلها مش هتتكون اصلا هيكون عندي كام سنه ؟
بجد بجد انا تعبت من التفكير ومش عارف اعمل ايه ؟ افكر ازاي ؟ حد يقولي
الله يكون في عون الشباب الله يكون في عون الناس
ساعدوني وحد يقولي اعمل ايه انا تعبت بجد
عرض للطباعة
-
29-03-2009, 04:53 PMكريم ماضيساعدوني وحد يقولي اعمل ايه انا تعبت بجد
-
29-03-2009, 05:29 PMdreamيا كريم
ربنا يكون فى عون الشباب
لازم طبعا تبدا تكون نفسك ن الان
حاول تلاقى شغل فى اجازة الصيف
حاول يتجه تفكيرك للمستقبل وهتعمل ايه
هتشتغل فى تخصصك
ولا؟
تبدا بمشروع مع حد من اصحاب
او تتعلم مهنه من الان
انا مش عارفه انت فى كليه ايه
لكن اكيد لازم تبدا
ربنا معاك ويعينك -
29-03-2009, 05:38 PMجمال الدين عوض
انا من رأيي إن الآن ينتبة لدراستة حتى يأخذ الشهادة وبعدها يبدأ في البحث عن العمل المناسب وبلاش تشتيت الانتباة بأشياء أخرى تلهي عن الدراسة وسوف لا تقدم ولا تأخر وأدعو لك بالتوفيق
-
29-03-2009, 05:41 PMdreamاقتباس:
المشاركة الأصلية كتبت بواسطة جمال الدين عوض
وانا معاك فى الراى استاذ جمال
انا قولت له يبدا فى اجازة الصيف
وربنا يوفقه -
29-03-2009, 05:46 PMس ا يوسف
ابدأ من الان
انت تخصص ايه
ايه علاقة تخصصك بسوق العمل ( لو كان مناسب خطط واعمل به - ان كان غير مناسب تعلم المناسب )
لا تنتظر حتى انتهاء الجيش -
29-03-2009, 05:55 PMكريم ماضي
اولا جزاكم الله خيرا علي سرعة التفاعل
انا كلية تجاره
،،،،،،،،،،،،،،،،،،،،،،،،،،،،،،،،،،،،،،
استاذه دريم ابدأ من الاجازه دول 3 شهور بس
أستاذ جمال اركز في المذاكره والشهاده وفي الاخر يعني هيكون عندي 26 سنه مثلا وبفكر اشتغل
أستاذ سيف والله رد حضرتك ريحني كتيييييير
جزاكم الله كل الخير جميعا -
08-04-2009, 01:51 PMنداء الجنة
السلام عليكم ورحمة الله وبركاته
من الصواب والمنطق أن تحدد لنفسك هدف على المدى القريب افضل
بمعنى تحدد لنفسك اهدافك التى ينبغى عليك تحقيقها على مدار عامين او ثلاثة اعوام
لتجنب نفسك التشتت والاحباط
بالنسبه لك ولمعظم الشباب من الافضل
ان تحدد هدفك الدراسى فعليك الان
التركيز على دراستك والعمل على انجازها بشكل ايجابى
بعد الحصول على شهادتك وقتها عليك بالبحث عن عمل
لا يشترط ان يكون العمل مرتبط بشكل مباشر بطبيعه دراستك
المهم انك تعمل الى ان تحن الفرصه وتجد عملا مناسبا
الله المستعان
اتمنى لك وللجميع التوفيق
فى امان الله -
23-05-2009, 12:25 PMماجي1
مش عارفة طبيعة دراستك - لكن لو ظروفك المادية ميسرة ممكن تاخد كورسات كمبيوتر - حاليا اى وظيفة كويسة بتشترط اجادة الكومبيوتر
-
24-05-2009, 12:53 PMشمس بياض
مش لازم تشتغل بالشهاده خليها للعروسه
هههههههههههه
بتكلم جد
اقدم لك تجربه اخى خالد
هو اخر سنه كليه تجاره
وبيشتغل فى مجال الكهرباء
وبيشغل شباب معه من سنه واكبر منه كمان
وعلى فكرة بسم الله ماشاء الله عليه
خلص بناء شقه صغيره
وهايتجوز باذنه تعالى فى الاجازة
صحيح وقف اخوته جنبه لكن كان هو الاساس
وبعدين
اخى كريم من مسك باب اعطى الله له المفتاح
توكل على الله واعمل
والعمل شرف --وابدا لن يثنيك عن الدراسه -
24-05-2009, 09:23 PMدعاء شديد
بص يا كريم ... وده عن تجربة شخصية
حدد هدفك "وكمان حط اهداف بديلة"
لازم تعرف انت مش حد الي يقولك انت عايز ايه والاهم انك تحدد
اذا مقدرتش اوصل للهدف ده ... ممكن اعمل ايه تانى"
علشان بجد متتعطلش ... المهم حدد هدفك بوضوح
اعرف قدراتك
ودى نقطة خطيرة علشان متسعاش لحاجة اكبر من قدراتك
فتصاب بالاحباط ... وفرصتك كبيرة انك تخلق قدراتك وتنميها
درب نفسك انك متيأسش
شوف رغم كده لازم هتقابل احباطات وهيجى وقت تحس انك مش هتقدر تحقق اى هدف ليك ... وهنا ارادتك بجد انك متستسلمش لليأس
لما تقع اتعود تقوم نفسك بنفسك متستناش حد يقومك
علشان لازم اعتمادك الاساسى يكون على نفسك
لانه اذا مالقتش حد حواليك يقومك ... صدقنى ده
هيضعفك اكتر من الوقعة نفسها
المهم متستعجلش وخد وقتك وفكر كويس اوى
انت عايز تبقى ايه؟ وليه؟ وازاى؟
كلامى مش نظرى ... بالعكس ده واقع انا مريت بيه -
25-05-2009, 10:12 AMشمس بياضاهو حد قدك بقى ياعم كريماقتباس:
المشاركة الأصلية كتبت بواسطة دعاء شديد
الدكتور بذات نفسيها :27:
وضحت لك بطريقه علميه دكتوريه كيف تكون رجلا ناجحا مميزا محققا اهدافك
جزاها الله كل خير
وحقق لك ولشباب المسلمين كل ماتتمنى فى رضا الله
-
25-05-2009, 12:14 PMدعاء شديد
[quote=شمس بياض;47197]
وضحت لك بطريقه علميه دكتوريه كيف تكون رجلا ناجحا مميزا محققا اهدافك
والله لا طريقة دكتورية ولا حاجة
بس فعلا انا حققت هدف مهم فى حياتى
بالاسلوب ده ... وبعدين الدكترة دى دنيتى تالته
ولسه بدرى اوى .... علشان يبقالى طريقة دكتورية
جزاها الله كل خير
واياكم
وحقق لك ولشباب المسلمين كل ماتتمنى فى رضا الله
ياااااااااااااااااااااااااااااااااااا رب -
30-05-2009, 11:23 PMMr Gomaa Ashourواحدة واحدة يا كريم يا خوياأخى كريم
لا تُحمل نفسك ما لا طاقة لك به
ابدأ واحدة واحدة
وإن شاء الله هتوصل
الآن أنت طالب خليك طالب علم
وقت الجيش ما تحملش هم
بعد ما تخلص الجيش
الشغل كتير بس اللى عايز يشتغل
أما الجواز فده قسمة ونصيب متسعجلش
والله هتاخذ نصيبك
ربنا يوفقك لما يحب ويرضى -
10-06-2009, 12:50 AMأفنان أحمد
بارك الله فيك يا كريم
ان الشيطان يحب أن يحزن اللذين آمنوا فلا تعطيه الفرصة
الدنيا لم تخلق فى لحظة واحدة مع أن الله سبحانه قادر على ذلك ولكن ..
لنتعلم الصبر و التأنى
كما قال الزملاء والزميلات الأفاضل حدد الأهداف القريبة خطوة خطوة
مع التخطيط للمستقبل حسب الامكانات المتاحة
ومن يتق الله يجعل له مخرجا ويرزقه من حيث لا يحتسب
ومن يتوكل على الله فهو حسبه
ومن كان حسبه الله فما يضره ؟؟!!!
اترك الأوهام جانبا واجتهد فى دراستك ولا تحمل هم الأيام فالرزاق لا يزال يرزق
وتوكل على الحى الذى لا يموت .....وكفـــــــــــــى
-
15-06-2009, 08:44 AM*ROMIO*
يا كيمو لسه بدرى ياعم انت دو ل 3 سنين وتخلص هما شويه ولسه العمر فيه وان شاء الله الحال يتغير محدش عارف الزمن مخبي ايه انت اهم حاجه دلوقتى تشغل بالك بدراستك لان لكل مجتهد نصيب وانت مش عارف نصيبك فين ومحدش بيموت من الجوع يا كيمو وخليك فريش كده و عيشها بدماغك