انا فى ورطة

اذيكم ياجماعة انا فى ورطة وعايزة حد يساعدنى
انا دخلت امتحان الكادر وكان عندى مادة التخصص غلط انا اخصائى نفسى وكان مكتوب فى رقم الجلوس اخصائى اجتماعى وصححت التخصص اكتر من مرة ومتغيرش فدخلت الامتحان وكتبت اقرار وغيرت التخصص وعدا امتحان الانجليزى وفى امتحان التخصص دخلت الامتحان وقالولى فى اللجنة مفيش ورق ليكى استنى نصورلك ورق وفعلا انتظرت وعدا اكتر من نصف ساعة وقالولى اننا هنبدألك الوقت من بداية مااستلمتى الورقة وبعد ما استلمت الورقة وخلصت اللغة العربية وبديت فى التخصص لقتنى مش عارفة حاجة خالص وكلام غريب خليت الدكتور سالت بنت معانا عن كود الامتحان لقيت كود بعيد خالص عن الكود بتاعى وورقتى مكتوب عليها اخصائى نفسى اعدادى وثانوى فكرى والبنت التانية اخصائى نفسى ابتدائى ولما شكيت وقولت ان الورقة بتاعتى غلط الدكتورة رئيسة اللجنة قالتلى مش هغير حاجة عايزة تحلى حلى مش عايزة انتى حرة ولما جت الساعة 5 اخدو منى الورقة قولتلهم انا ليا وقت اضافى لانى استلمت الورقة متاخر قالولى احنا مش هنستناكى واخدو منى الورقة
انصحونى اعمل اية او اشكى لمين انا ضعت لانى حليت الامتحان وخلاص بقيت اعلم فى الدواير وبس عشان مسبش الورقة فاضية
انا فعلا هسقط فى الامتحان ولما طلعت من اللجنة وشكيت قالولى احنا عرفنا مشكلتك وهنراعيكى فى التصحيح
بس التصحيح هيبقى من خلال الكمبيوتر هما هيراعونى ازاى [/size]
انا اسفة انى طولت عليكم بس انصحونى ارجوكم

المهم رقم الجلوس بتاعك فيه ايه بالضبط ؟ لان العبرة برقم الجلوس و بياناته

بصى يا بنت الناس العملية دلوقتى فى التربية والتعليم اصبحت سلطة والامتحان ده ما كنش ليه لازمة من الاصل انتى انشاء الله ناجحة طالما ظللت كل الاجابات ورقم جلوسك وبياناتك صح لانهم نجحوا الساقطين من زمايلنا الاساسيين قبلنا وعلى اسوأ الظروف لو سقطتى حيكون فى مادة التخصص بس مش كله ودى ليها اعادة بعد ستة شهور وممكن تغيرى الاعدادى الى ىابتدائى لكن من الان هدى نفسك ناجحة انشاء الله واهو تسيبى الابتدائى وتنقلى اعدادى بعد كدة بعيد عن دوشة بظاويظ الابتدائى ويبقى ليا هدية منك عند نجاحك
Shallkami@yahoo.com

أولا السلام عليكم ورحمه الله وبركاته
ثانيا أحسن حاجه فى الموضوع دوه تكبيييييييييييييير الدماغ :18::18::18:
إحنا كنا من أسوأ التخصصات ( حاسب الى نموذج 53 ) :28::28:
وظللنا كتييييييييييييير :confused::confused::confused:

وكبرنا دماغنا
خليها على الله وافرحى بالعيد وبعدين هما يعنى هيعملوا ايه أقولك على خبر قبل الجميع
نسبة النجاح واثق ومتأكد إنها 94 % لإن دوه موضوع فيه فلوووووووووووووس وناس كبيره
ولما تظهر النتيجة إبقى قوليلى إنى صح ولا لأ
وكل عام وأنتى بخير

بصى خليها على الله وان شاء الله ناجحة وابقى ابعتيلى الحلاوة اخيكى ميدو

اقتباس:

---

المشاركة الأصلية كتبت بواسطة مدرسة علوم

المهم رقم الجلوس بتاعك فيه ايه بالضبط ؟ لان العبرة برقم الجلوس و بياناته

---

رقم الجلوس البيانات فية غلط مكتوب اخصائى اجتماعى وانا اخصائى نفسى وانا صححت التخصص 5 مرات فى الاكاديمية بس متغيرش بردو بس غيرت التخصص وانا فى اللجنه وكتبت اقرار على انى اخصائى نفسى

انا ظللت كل الاجابات مسبنش ولا سؤال بس بالكوسة معرفش صح ولا غلط
انا كنت عايزة اعرف انا لو حبيت اشكى او اعمل تظلم هيبقى ازاى فى مواقع لكدة ولا لاء ولا اتصل بارقام الاكاديمية

ولا تشتكى ولا تعملى حاجة واستنى النتيجة وانشاء الله خير لا داعى للقلق وبعدين يمكن الحكاية تعدى لوحدها ليه تنبشى فيها

اقتباس:

---

المشاركة الأصلية كتبت بواسطة احمد الشلقامى

ولا تشتكى ولا تعملى حاجة واستنى النتيجة وانشاء الله خير لا داعى للقلق وبعدين يمكن الحكاية تعدى لوحدها ليه تنبشى فيها

---

والله كلكم بتطمنونى وانا فعلا خايفة جدا ومرعوبة وربنا يستر